मरकुस 10
10
अम्बरनखरना
(मत्ता 19:1-12; लूक 16:18)
1फिन येसुस कफरनहूम नगरे आबोन अम्बरकी यूदेया जिला अरा यरदन ख़ाड़ ही आ पक्खे केरस। गोंहड़ा आस गुसन फिन ख़ॊंड़रा। अरा आस तंग्है रोज ता लेक्खा आरिन सिखाब'आ हेलरस।
2तहाँ जोक्को फरिसीर आस गुसन आसिन बझाब'अना चिहुट ती बरचर ती मेंजर, “ओन्टा आलस गे तंग्है आलिन अम्बरनखरना यहूदी धरम ही नॆग लेक्खा मानिम र'ई का?”
3ख़ने येसुस आरिन किर्त'अर बाचस, “मूसस निमा गे अम्बरनखरना ही पत्त नू एन्देर पॆसका चिच्चस?”
4आर बाचर, “ओन्टा आलस अम्बरनखरना ही पत्त नू लिखचका चिठी चि'अरकी तंग्है आलिन अम्बा गे मूसस पॆसका चिच्चकादस।”#व्य 24:1-4; मत्ता 5:31
5लिकिन येसुस आरिन बाचस, “निम्है बेड़हा जिया चड्डे मूसस निमा गे ई नॆग आबोन लिख'अरकी चिच्चस। 6लिकिन इकला धर्मेस उर्मी जिनिसन ख़ॆख़ेल नू गढ़चस, अउला धर्मेस आरिन आलस अरा आली ननरकी कमचस।#उत्प 1:27; 5:2 7ई चड्डे आलस तंग्यो तम्बन अम्बरकी तंग्है आली गने र'ओस।#उत्प 2:24 8आर इरबरदिम ओन्टा आल लेक्खा मनोर। औंगे अक्कु आर धर्मेसी ऎरना नू ऎंड़ मला ओन्टा आल हिकनर। 9औंगे नॆकन धर्मेस जोड़चस आरिन नॆ हूँ अम्बोर छिंडा।”
10ख़ॊख़ा आर एड़पा नू र'अना बेड़ा नू चेलर येसुसिन ई पत्त नू मेंजर। 11ख़ने आस बाचस, “एका ओर्तस तंग्है आलिन अम्बरनखरना ननरकी नन्ना आलिन सगई मनोस होले, आस अदही बिड़दो नू नन्ना आली गुसन काना ही पाप नन्दस।#मत्ता 5:32; 1कोरि 7:10,11 12अरा ओन्टा आली तंग्है आलासिन अम्बरनखरना ननरकी नन्ना आलासिन सगई मनी होले, आद नन्ना आलस गुसन काना ही पाप ननी।”
सन्नी ख़द्दारिन येसुस आसीस नन्दस
(मत्ता 19:13-15; लूक 18:15-17)
13उन्दुल जोक्क आलर ख़द्दारिन येसुस गुसन ओन्द्रर का आस ख़द्दर ही मइय्याँ तंग्है ख़ेक्खा उइय्यरकी आसीस ननोस। लिकिन चेलर येसुसिन अम्बोर थोकबोकामब'आ ब'अरकी आरिन केप्पर।
14लिकिन येसुस इदन ऎररकी चेलर मइय्याँ गोसा मंजस। अरा आरिन बाचस, “ख़द्दारिन एंग्है गुसन बर'आ चि'आ, आरिन अमा छेक'आ, एन्देरगेका नॆ इबड़ा ख़द्दर लेक्खा तमन किइय्या ननोर आरिन धर्मेस राजी ननोस। 15ऎन निमन ओन्टा मानिम कत्था ब'अदन, एकासे ख़द्दर अयंग बंगर गे सोंपरनर अन्नेम एका ओर्तर धर्मेस गे सोंपरनर आरिन दिम धर्मेस राजी ननोस।”#मत्ता 18:3 16फिन आस आरिन ख़िवचियस, अरा आर ही मइय्याँ ख़ेक्खा उइय्यरकी आरिन आसीस नंजस।
उरुब आलस जनमजुग उज्जना ही पत्त नू मेन्दस
(मत्ता 19:16-30; लूक 18:18-30)
17एकाबारी येसुस अरा आसी चेलर डहरे ऎका गे सपड़ार'आलियर, ख़ने ओन्टा आलस बुंगनुम आसी गुसन बरचस, अरा आसी मुन्दहारे ख़ेडमूली खत्तर'अरकी मेंजस, “अना गुरु, नीन दौ आलय हिकदय, एंगा धर्मेस गने जनमजुग ही उज्जना ख़क्खा गे एन्देर नन्ना मनो?”
18ख़ने येसुस आसिन बाचस, “नीन एंगन बॆस एन्देरगे ब'अदय?, धर्मेसिन अम्बरकी नॆ हूँ बॆस मलकर। 19आलारिन अमके पिटा, नन्ना आली गुसन अमके काला, अमके ख़ड़'आ, बेगर नू अमके ब'आ, अमके ठक'आ, निंग्है अयंग बंगन मईन नना, धर्मेसी इबड़ा पॆसकन नीन अख़दय।”#निर्ग 20:12-16; व्य 5:16-20
20ख़ने आ आलस आसिन बाचस, “अना गुरु, इबड़ा उर्मी पॆसकन गा ऎन ख़द्द परिया ती मन'आ लगदन।”
21येसुस आसिन नगदे चोन्हा नंजस अरा आसिन ऎररकी बाचस, “नीन अक्कुन गूटी ओन्टा कत्थन मल नंजकादय, कला, नीन निंग्है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”
22इदन मेनरकी आस दुक्खे मंजस, अरा आस हेन्दवारस ती किर्रिम बिच्चियस, एन्देरगेका आस नगदे उरुब रहचस।
23येसुस चरियो तरा आलारिन ऎररकी तंग्है चेलारिन बाचस, “नॆ नगदे खुर्जी उइय्दस, आसिन धर्मेस गे राजी नना अजम ससइत मनो।”
24आसी ई कत्था ती चेलर कौवारर केरर। लिकिन येसुस फिन आरिन बाचस, “अना ख़द्दारो, नॆ तंग्है खुर्जी मइय्याँ भरसा उइय्दस आसिन धर्मेस गे राजी नना अजम ससइत मनो। 25एका ओर्तस तंग्है खुर्जी मइय्याँ भरसा उइय्दस आसिन धर्मेस राजी नन्ना ती ओन्टा ऊंट सुजी ही भोंका नू तुरदना सेब्बा र'ई।”
26इदन मेनरकी चेलर नगदे कौवारर अरा ताम तमानिम बाचर, “होले नॆ बछर'आ ओंगोर।”
27येसुस आरिन ऎररकी बाचस, “आलर ती गा ईद मना पुल्ली, लिकिन धर्मेस ती ईद मनो दिम। एन्देरगेका धर्मेस उर्मिन दिम नना ओंग्दस। औंगे जोक्को आलर बछर'ओर।”
28ख़ने पतरस आसिन ब'आ हेलरस, “ऎरा, ऎम निंग्है चेला मन्ना चड्डे उर्मिन दिम अम्बकम। औंगे एमा एन्द्रा ख़क्ख्र'ओ।”
29तहाँ येसुस आरिन बाचस, “ऎन निमन मानिम ब'अदन, नॆ हूँ एंग्है चेला मन्ना चड्डे अरा दौ कत्था मेन्त'अना चड्डे तंग्है एड़पा पली महले भइय्योर महले बहिनोर महले अयंग महले बंग महले ख़द्द-ख़र्रा महले ख़ल्लन अम्बका र'अदस होले, 30आस अक्कु ई ख़ॆख़ेल नू कैयो गुना बग्गे एड़पा पली अरा भइय्योर अरा बहिनोर अरा अयंग अरा बंग अरा ख़द्द-ख़र्रा अरा ख़ल्लन ख़क्खोस। इबड़ा गने गने नन्नर सतारना हूँ ननोर। अरा आस बरना ख़ॆख़ेल नू धर्मेस गने जनमजुग ही उज्जनन ख़क्खोस। 31अजम आलर नॆ अक्कु कोहाँ पद नू र'अनर, आर बरना उल्ला नू उर्मी ती किइय्या पद मनोर कालोर। अरा अजम आलर नॆ अक्कु उर्मी ती किइय्या पद नू र'अनर, आर बरना उल्ला नू कोहाँ पद मनोर कालोर।”#मत्ता 20:16; लूक 13:30
येसुस तंग्है खे'अना ही पत्त नू फिन मुन्द तेंगना
(मत्ता 20:17-19; लूक 18:31-34)
32येसुस अरा चेलर अक्कु येरुसलॆम काला लगियर। ख़ने येसुस आरिन कड़हाब'आ लगियस। अबड़ा बारोर बयारर केरर, अरा आसी ख़ॊख़ा ईकुर इल्चियर केरर। आस बारोरिन ख़ाँड़ियस होच्चस ती ब'आ हेलरस, एका कत्था आस मइय्याँ मन्ना रहचा। 33“ऎरा, नाम येरुसलॆम कालालदत। मनवा ख़द्दन ऎन असन मुध नैगर अरा नॆग सिखाब'उर ती हॆंर'ओन। अरा आर एंगन बदी ननोर अरा एंगन पिटा बेद्दोर अरा नॆ यहूदी मलनर आर ही ख़ेक्खा नू चि'ओर। 34अबड़ा आलर एंगन भेसड़'ओर अरा एंग्है मइय्याँ तुप्पोर। एंगन कोर्रा ल'ओर अरा एंगन पिटोर। लिकिन ऎन उल मुन्द नू केचका ती उज्जा चो'ओन।”
येसुस तेतर-सुसर नन्ना ही पत्त नू सिखाब'अदस
(मत्ता 20:20-28)
35ख़ॊख़ा नू जेबदयुसी तंग्दाबगर याकॊब अरा यॊहनस आसी गुसन बर'अरकी बाचर, “अना गुरु! एम्है मने र'ई का ऎम निंग्है गुसते ने'अदम, अदिन नीन एमा गे नना।”
36आस आरिन मेंजस, “ऎन निमा गे एन्देर नना गे निम्है मने र'ई?”
37ख़ने आर आसिन बाचर, “इकला नीन बॆलय मनोय ती नन्नारिन राजी नन्ना बेड़ा नू ऎम हूँ निंग्है तीना अरा डेब्बा ओक्करकी निंग्है गने राजी नना गे बेद्ददम।”
38ख़ने येसुस आरिन बाचस, “नीम एन्द्रन ने'अदर अदही माने बलदर। ऎन एका रकम सस्ती सह'ऊ र'अदन, अन्ने सस्ती नीम सह'आ ओंगोर का? अरा एका रकम ऎन खि'ऊ र'अदन, अन्ने खे'आ नीम ओंगोर का?”#लूक 12:50
39आर आसिन बाचर, “ऎम ओंगोम।” ख़ने येसुस आरिन बाचस, “हाँ ऎन अख़दन का ऎन एका रकम सस्ती सह'ऊ र'अदन अन्ने सस्ती नीम सह'आ ओंग्दर, अरा एका रकम ऎन खिऊ र'अदन अन्ने खे'आ नीम ओंग्दर। 40लिकिन नॆ एंग्है तीना अरा डेब्बा ओक्करकी एंग्है गने राजी ननोर, अदही फैसला धर्मेस गे नन्ना र'ई। आस अदन फैसला नंज ख़च्चिकादस।”
41याकॊब अरा यॊहनसी ई ने'अनन दसों चेलर मेनरकी आर मइय्याँ गोसा मना हेलरर। 42ख़ने येसुस उर्मी चेलारिन हेद्दे मीख़ियस अरा बाचस,#लूक 22:25,26 “नीम अख़दर का ई ख़ॆख़ेल नू राजीख़ापुर आलर मइय्याँ आकुस ऎदनर ती आरिन राजी नन्नर, अरा आर ही मुद्धर आरिन चीपनर। 43लिकिन निमा अन्ने मल नन्ना र'ई, नीकईम निम्है मझी नू कोहाँ मना बेद्ददस होले, आस नन्नर गे तेतर-सुसर ननुस मन्ना र'ई।#मत्ता 23:11; मर 9:35; लूक 22:26 44अरा नीकईम निम्है मझी नू मुद्धस मना बेद्ददस, आस नन्नर गे बिट्ठी ननू जॊंख़स लेक्खा तेतर-सुसर नन्ना र'ई। 45एन्देरगेका मनवा ख़द्दन ऎन हूँ आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्है पाप ही दंडे ती नाड़ा गे दाँड़े लेक्खा एंग्है मने ती खे'आ गे ख़ॆख़ेल नू बरचकन।”
अन्धा बरतिमयोस गे ऎरनन चि'अना
(मत्ता 20:29-34; लूक 18:35-43)
46एक घड़ी ख़ॊख़ा येसुस अरा आसी चेलर येरिहॊ नगरे नू बरचर। अरा आर येरिहॊ नगरे ती उरखो बारी ओन्टा कोहाँ गोंहड़ा आर ही ख़ॊख़ा बर'आलिया। आ बारी बरतिमयोस नामे ओन्टा अन्धहा तिम्बुस डहरे ही कूटी नू उक्काचस। आस तिमयोसी ख़द्दस रहचस। 47इकला आस मेंजस का नासरेत ता येसुस कट्टदस, ख़ने आस चिच्चियारनुम ब'आ हेलरस, “अना येसु! दाऊदसी ख़द्दायो#10:47 इसन ख़द्दस माने बनस।! एंगन सोग्गे ऎरा।”
48नगदे आलर आसिन केप्पर, “कलेकसे र'आ।” लिकिन आस अउरिम चिच्चियार'आ हेलरस, “अना दाऊदसी ख़द्दायो! एंगन सोग्गे ऎरा।”
49येसुस इदिन मेंजस, ख़ने आस असन इज'अरकी बाचस, “आसिन मॆख़ा।” आलर आ अन्धहासिन मॆख़रकी बाचर, “डिढ नना! चो'आ! आस निंगन मॆख़दस।” 50ख़ने आस मइय्याँ अत्तका किचरिन हेबड़्रकी उदकारस अरा येसुस गुसन बरचस।
51ख़ने येसुस आसिन बाचस, “नीन एन्देर बेद्ददय का निंगा गे ऎन ननोन?” अन्धहास आसिन बाचस, “अना गुरु! ऎन ऎरा बेद्ददन।”
52तहाँ येसुस बाचस, “कला, नीन एंगन पत्ताचकय ख़ने ऎन निंगन कोड़े नन्दन।” आ आलस लॆम ऎरा उंगियस, अरा डहरे नू आसी गने केरस।
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.
मरकुस 10
10
अम्बरनखरना
(मत्ता 19:1-12; लूक 16:18)
1फिन येसुस कफरनहूम नगरे आबोन अम्बरकी यूदेया जिला अरा यरदन ख़ाड़ ही आ पक्खे केरस। गोंहड़ा आस गुसन फिन ख़ॊंड़रा। अरा आस तंग्है रोज ता लेक्खा आरिन सिखाब'आ हेलरस।
2तहाँ जोक्को फरिसीर आस गुसन आसिन बझाब'अना चिहुट ती बरचर ती मेंजर, “ओन्टा आलस गे तंग्है आलिन अम्बरनखरना यहूदी धरम ही नॆग लेक्खा मानिम र'ई का?”
3ख़ने येसुस आरिन किर्त'अर बाचस, “मूसस निमा गे अम्बरनखरना ही पत्त नू एन्देर पॆसका चिच्चस?”
4आर बाचर, “ओन्टा आलस अम्बरनखरना ही पत्त नू लिखचका चिठी चि'अरकी तंग्है आलिन अम्बा गे मूसस पॆसका चिच्चकादस।”#व्य 24:1-4; मत्ता 5:31
5लिकिन येसुस आरिन बाचस, “निम्है बेड़हा जिया चड्डे मूसस निमा गे ई नॆग आबोन लिख'अरकी चिच्चस। 6लिकिन इकला धर्मेस उर्मी जिनिसन ख़ॆख़ेल नू गढ़चस, अउला धर्मेस आरिन आलस अरा आली ननरकी कमचस।#उत्प 1:27; 5:2 7ई चड्डे आलस तंग्यो तम्बन अम्बरकी तंग्है आली गने र'ओस।#उत्प 2:24 8आर इरबरदिम ओन्टा आल लेक्खा मनोर। औंगे अक्कु आर धर्मेसी ऎरना नू ऎंड़ मला ओन्टा आल हिकनर। 9औंगे नॆकन धर्मेस जोड़चस आरिन नॆ हूँ अम्बोर छिंडा।”
10ख़ॊख़ा आर एड़पा नू र'अना बेड़ा नू चेलर येसुसिन ई पत्त नू मेंजर। 11ख़ने आस बाचस, “एका ओर्तस तंग्है आलिन अम्बरनखरना ननरकी नन्ना आलिन सगई मनोस होले, आस अदही बिड़दो नू नन्ना आली गुसन काना ही पाप नन्दस।#मत्ता 5:32; 1कोरि 7:10,11 12अरा ओन्टा आली तंग्है आलासिन अम्बरनखरना ननरकी नन्ना आलासिन सगई मनी होले, आद नन्ना आलस गुसन काना ही पाप ननी।”
सन्नी ख़द्दारिन येसुस आसीस नन्दस
(मत्ता 19:13-15; लूक 18:15-17)
13उन्दुल जोक्क आलर ख़द्दारिन येसुस गुसन ओन्द्रर का आस ख़द्दर ही मइय्याँ तंग्है ख़ेक्खा उइय्यरकी आसीस ननोस। लिकिन चेलर येसुसिन अम्बोर थोकबोकामब'आ ब'अरकी आरिन केप्पर।
14लिकिन येसुस इदन ऎररकी चेलर मइय्याँ गोसा मंजस। अरा आरिन बाचस, “ख़द्दारिन एंग्है गुसन बर'आ चि'आ, आरिन अमा छेक'आ, एन्देरगेका नॆ इबड़ा ख़द्दर लेक्खा तमन किइय्या ननोर आरिन धर्मेस राजी ननोस। 15ऎन निमन ओन्टा मानिम कत्था ब'अदन, एकासे ख़द्दर अयंग बंगर गे सोंपरनर अन्नेम एका ओर्तर धर्मेस गे सोंपरनर आरिन दिम धर्मेस राजी ननोस।”#मत्ता 18:3 16फिन आस आरिन ख़िवचियस, अरा आर ही मइय्याँ ख़ेक्खा उइय्यरकी आरिन आसीस नंजस।
उरुब आलस जनमजुग उज्जना ही पत्त नू मेन्दस
(मत्ता 19:16-30; लूक 18:18-30)
17एकाबारी येसुस अरा आसी चेलर डहरे ऎका गे सपड़ार'आलियर, ख़ने ओन्टा आलस बुंगनुम आसी गुसन बरचस, अरा आसी मुन्दहारे ख़ेडमूली खत्तर'अरकी मेंजस, “अना गुरु, नीन दौ आलय हिकदय, एंगा धर्मेस गने जनमजुग ही उज्जना ख़क्खा गे एन्देर नन्ना मनो?”
18ख़ने येसुस आसिन बाचस, “नीन एंगन बॆस एन्देरगे ब'अदय?, धर्मेसिन अम्बरकी नॆ हूँ बॆस मलकर। 19आलारिन अमके पिटा, नन्ना आली गुसन अमके काला, अमके ख़ड़'आ, बेगर नू अमके ब'आ, अमके ठक'आ, निंग्है अयंग बंगन मईन नना, धर्मेसी इबड़ा पॆसकन नीन अख़दय।”#निर्ग 20:12-16; व्य 5:16-20
20ख़ने आ आलस आसिन बाचस, “अना गुरु, इबड़ा उर्मी पॆसकन गा ऎन ख़द्द परिया ती मन'आ लगदन।”
21येसुस आसिन नगदे चोन्हा नंजस अरा आसिन ऎररकी बाचस, “नीन अक्कुन गूटी ओन्टा कत्थन मल नंजकादय, कला, नीन निंग्है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”
22इदन मेनरकी आस दुक्खे मंजस, अरा आस हेन्दवारस ती किर्रिम बिच्चियस, एन्देरगेका आस नगदे उरुब रहचस।
23येसुस चरियो तरा आलारिन ऎररकी तंग्है चेलारिन बाचस, “नॆ नगदे खुर्जी उइय्दस, आसिन धर्मेस गे राजी नना अजम ससइत मनो।”
24आसी ई कत्था ती चेलर कौवारर केरर। लिकिन येसुस फिन आरिन बाचस, “अना ख़द्दारो, नॆ तंग्है खुर्जी मइय्याँ भरसा उइय्दस आसिन धर्मेस गे राजी नना अजम ससइत मनो। 25एका ओर्तस तंग्है खुर्जी मइय्याँ भरसा उइय्दस आसिन धर्मेस राजी नन्ना ती ओन्टा ऊंट सुजी ही भोंका नू तुरदना सेब्बा र'ई।”
26इदन मेनरकी चेलर नगदे कौवारर अरा ताम तमानिम बाचर, “होले नॆ बछर'आ ओंगोर।”
27येसुस आरिन ऎररकी बाचस, “आलर ती गा ईद मना पुल्ली, लिकिन धर्मेस ती ईद मनो दिम। एन्देरगेका धर्मेस उर्मिन दिम नना ओंग्दस। औंगे जोक्को आलर बछर'ओर।”
28ख़ने पतरस आसिन ब'आ हेलरस, “ऎरा, ऎम निंग्है चेला मन्ना चड्डे उर्मिन दिम अम्बकम। औंगे एमा एन्द्रा ख़क्ख्र'ओ।”
29तहाँ येसुस आरिन बाचस, “ऎन निमन मानिम ब'अदन, नॆ हूँ एंग्है चेला मन्ना चड्डे अरा दौ कत्था मेन्त'अना चड्डे तंग्है एड़पा पली महले भइय्योर महले बहिनोर महले अयंग महले बंग महले ख़द्द-ख़र्रा महले ख़ल्लन अम्बका र'अदस होले, 30आस अक्कु ई ख़ॆख़ेल नू कैयो गुना बग्गे एड़पा पली अरा भइय्योर अरा बहिनोर अरा अयंग अरा बंग अरा ख़द्द-ख़र्रा अरा ख़ल्लन ख़क्खोस। इबड़ा गने गने नन्नर सतारना हूँ ननोर। अरा आस बरना ख़ॆख़ेल नू धर्मेस गने जनमजुग ही उज्जनन ख़क्खोस। 31अजम आलर नॆ अक्कु कोहाँ पद नू र'अनर, आर बरना उल्ला नू उर्मी ती किइय्या पद मनोर कालोर। अरा अजम आलर नॆ अक्कु उर्मी ती किइय्या पद नू र'अनर, आर बरना उल्ला नू कोहाँ पद मनोर कालोर।”#मत्ता 20:16; लूक 13:30
येसुस तंग्है खे'अना ही पत्त नू फिन मुन्द तेंगना
(मत्ता 20:17-19; लूक 18:31-34)
32येसुस अरा चेलर अक्कु येरुसलॆम काला लगियर। ख़ने येसुस आरिन कड़हाब'आ लगियस। अबड़ा बारोर बयारर केरर, अरा आसी ख़ॊख़ा ईकुर इल्चियर केरर। आस बारोरिन ख़ाँड़ियस होच्चस ती ब'आ हेलरस, एका कत्था आस मइय्याँ मन्ना रहचा। 33“ऎरा, नाम येरुसलॆम कालालदत। मनवा ख़द्दन ऎन असन मुध नैगर अरा नॆग सिखाब'उर ती हॆंर'ओन। अरा आर एंगन बदी ननोर अरा एंगन पिटा बेद्दोर अरा नॆ यहूदी मलनर आर ही ख़ेक्खा नू चि'ओर। 34अबड़ा आलर एंगन भेसड़'ओर अरा एंग्है मइय्याँ तुप्पोर। एंगन कोर्रा ल'ओर अरा एंगन पिटोर। लिकिन ऎन उल मुन्द नू केचका ती उज्जा चो'ओन।”
येसुस तेतर-सुसर नन्ना ही पत्त नू सिखाब'अदस
(मत्ता 20:20-28)
35ख़ॊख़ा नू जेबदयुसी तंग्दाबगर याकॊब अरा यॊहनस आसी गुसन बर'अरकी बाचर, “अना गुरु! एम्है मने र'ई का ऎम निंग्है गुसते ने'अदम, अदिन नीन एमा गे नना।”
36आस आरिन मेंजस, “ऎन निमा गे एन्देर नना गे निम्है मने र'ई?”
37ख़ने आर आसिन बाचर, “इकला नीन बॆलय मनोय ती नन्नारिन राजी नन्ना बेड़ा नू ऎम हूँ निंग्है तीना अरा डेब्बा ओक्करकी निंग्है गने राजी नना गे बेद्ददम।”
38ख़ने येसुस आरिन बाचस, “नीम एन्द्रन ने'अदर अदही माने बलदर। ऎन एका रकम सस्ती सह'ऊ र'अदन, अन्ने सस्ती नीम सह'आ ओंगोर का? अरा एका रकम ऎन खि'ऊ र'अदन, अन्ने खे'आ नीम ओंगोर का?”#लूक 12:50
39आर आसिन बाचर, “ऎम ओंगोम।” ख़ने येसुस आरिन बाचस, “हाँ ऎन अख़दन का ऎन एका रकम सस्ती सह'ऊ र'अदन अन्ने सस्ती नीम सह'आ ओंग्दर, अरा एका रकम ऎन खिऊ र'अदन अन्ने खे'आ नीम ओंग्दर। 40लिकिन नॆ एंग्है तीना अरा डेब्बा ओक्करकी एंग्है गने राजी ननोर, अदही फैसला धर्मेस गे नन्ना र'ई। आस अदन फैसला नंज ख़च्चिकादस।”
41याकॊब अरा यॊहनसी ई ने'अनन दसों चेलर मेनरकी आर मइय्याँ गोसा मना हेलरर। 42ख़ने येसुस उर्मी चेलारिन हेद्दे मीख़ियस अरा बाचस,#लूक 22:25,26 “नीम अख़दर का ई ख़ॆख़ेल नू राजीख़ापुर आलर मइय्याँ आकुस ऎदनर ती आरिन राजी नन्नर, अरा आर ही मुद्धर आरिन चीपनर। 43लिकिन निमा अन्ने मल नन्ना र'ई, नीकईम निम्है मझी नू कोहाँ मना बेद्ददस होले, आस नन्नर गे तेतर-सुसर ननुस मन्ना र'ई।#मत्ता 23:11; मर 9:35; लूक 22:26 44अरा नीकईम निम्है मझी नू मुद्धस मना बेद्ददस, आस नन्नर गे बिट्ठी ननू जॊंख़स लेक्खा तेतर-सुसर नन्ना र'ई। 45एन्देरगेका मनवा ख़द्दन ऎन हूँ आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्है पाप ही दंडे ती नाड़ा गे दाँड़े लेक्खा एंग्है मने ती खे'आ गे ख़ॆख़ेल नू बरचकन।”
अन्धा बरतिमयोस गे ऎरनन चि'अना
(मत्ता 20:29-34; लूक 18:35-43)
46एक घड़ी ख़ॊख़ा येसुस अरा आसी चेलर येरिहॊ नगरे नू बरचर। अरा आर येरिहॊ नगरे ती उरखो बारी ओन्टा कोहाँ गोंहड़ा आर ही ख़ॊख़ा बर'आलिया। आ बारी बरतिमयोस नामे ओन्टा अन्धहा तिम्बुस डहरे ही कूटी नू उक्काचस। आस तिमयोसी ख़द्दस रहचस। 47इकला आस मेंजस का नासरेत ता येसुस कट्टदस, ख़ने आस चिच्चियारनुम ब'आ हेलरस, “अना येसु! दाऊदसी ख़द्दायो#10:47 इसन ख़द्दस माने बनस।! एंगन सोग्गे ऎरा।”
48नगदे आलर आसिन केप्पर, “कलेकसे र'आ।” लिकिन आस अउरिम चिच्चियार'आ हेलरस, “अना दाऊदसी ख़द्दायो! एंगन सोग्गे ऎरा।”
49येसुस इदिन मेंजस, ख़ने आस असन इज'अरकी बाचस, “आसिन मॆख़ा।” आलर आ अन्धहासिन मॆख़रकी बाचर, “डिढ नना! चो'आ! आस निंगन मॆख़दस।” 50ख़ने आस मइय्याँ अत्तका किचरिन हेबड़्रकी उदकारस अरा येसुस गुसन बरचस।
51ख़ने येसुस आसिन बाचस, “नीन एन्देर बेद्ददय का निंगा गे ऎन ननोन?” अन्धहास आसिन बाचस, “अना गुरु! ऎन ऎरा बेद्ददन।”
52तहाँ येसुस बाचस, “कला, नीन एंगन पत्ताचकय ख़ने ऎन निंगन कोड़े नन्दन।” आ आलस लॆम ऎरा उंगियस, अरा डहरे नू आसी गने केरस।
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.