Loos 9
9
Vaajtswv Hab Nwg Tsaav Tuabneeg
1Kuv nyob rua huv Khetos, tej kws kuv has yog has tseeb xwb kuv tsi dlaag. Vaaj Ntsujplig tug Dlawbhuv yog tug kaav kuv lub sab, ua rua kuv paub tas kuv tsi dlaag 2thaus kuv has tas kuv nyuajsab npaum lecaag, mob kuv lub sab npaum lecaag vim kuv txhawj txug 3kuv tsaav tuabneeg, kws yog kuv roj kuv ntshaav! Txawm yog kuv yuav raug foom phem hab raug muab txav tawm ntawm Khetos moog los kuv yeej txaussab, tsuav yog kuv paab tau puab xwb. 4Puab yog tuabneeg Yixalayees, Vaajtswv tau xaiv puab lug ua Nwg cov mivnyuas hab qha Nwg tug tshwjchim rua puab; Nwg tau coglug ntau yaam#9:4: coglug ntau yaam; tej phoo ntawv qub kws xuas teg sau, muaj coglug. rua puab hab muab txuj Kevcai rua puab, puab paub pehawm Vaajtswv hab puab tau txais tej kws Vaajtswv tau coglug tseg lawm; #Tsiv 9:4 5puab yog cov Henplais tej yawmkoob kws nto moo lug tej caajceg; hab Khetos, tug kws lug yug ua tuabneeg, Nwg yog puab tsaav tuabneeg. Thov kuas Vaajtswv tug kws kaav ibpuas tsaavyaam tau txais kev qhuas moog ibtxhis le!#9:5: Thov kuas Vaajtswv tug kws kaav ibpuas tsaavyaam tau txais kev qhuas moog ibtxhis le! lossis Hab thov kuas Nwg, tug kws yog Vaajtswv kws kaav ibpuas tsaavyaam tau txais kev qhuas moog ibtxhis le! Amees.
6Kuv tsi tau has tas Vaajtswv tsi ua lawvle Nwg tej lug cogtseg; ruaqhov tsi yog txhua tug kws yug lug ntawm caajceg Yixalayees es txawm yuav yog Vaajtswv tsaav tuabneeg huv tuabsi. 7Hab tsi yog txhua tug kws yog Anplahaas caajceg txawm yuav yog Vaajtswv cov mivnyuas huvsi. Vaajtswv tau has rua Anplahaas has tas, “Tsuas yog lug ntawm Ixaj xwb, koj txhaj yuav muaj cov caajceg kws Kuv tau coglug rua koj lawm.” #Chiv 21:12 8Qhov nuav txhais tau has tas, cov mivnyuas kws yug lug ntawm saab nqajtawv,#9:8: cov mivnyuas kws yug lug ntawm saab nqajtawv: Nuav yog has txug Anplahaas caajceg kws muaj lug ntawm nwg tug tub Yisamayees, kws yog Hankas tug (saib Kalat 4:22-23). cov ntawd tsi yog Vaajtswv le mivnyuas; tsuas yog cov kws Vaajtswv xub coglug tseg lawm txhaj suav tau has tas yog Anplahaas caajceg nua xwb. 9Ruaqhov Vaajtswv cov lug cogtseg has le nuav: “Thaus txug sijhawm lawm#9:9: Thaus txug sijhawm lawm; lossis Lwm xyoo txug lub caij nuav. kuv yuav rov tuaj, hab Xalas yuav yug tau ib tug tub.” #Chiv 18:10
10Tsi taag le ntawd xwb, Lenpekas ob tug tub muaj tuableeg txiv xwb, kws yog peb yawmkoob Ixaj. 11-12Tabsis uantej kws obtug yug, lossis uantej kws obtug ua ib yaam dlaabtsi le, txawm yuav ua tau zoo hab phem los xij, Vaajtswv tub has rua Lenpekas lawm has tas, “Tug hlub yuav ua tug yau qhev.” Qhov kws Vaajtswv xaiv le ntawd yog lawv nraim le Nwg lub homphaj, tsi yog lawvle tegnum kws obtug ua. #Chiv 25:23 13Lawvle Vaajtswv Txujlug has tas, “Kuv hlub Yakhauj, tabsis kuv ntxub Exaus.” #Mlakis 1:2-3
14Yogle ntawd, peb yuav has lecaag? Peb yuav has tas Vaajtswv ua tsi ncaaj nua lov? Tsi yog le ntawd! 15Ruaqhov Vaajtswv has rua Mauxes has tas, “Kuv pumzoo taabncuab tug twg, Kuv yuav taabncuab tug ntawd, hab Kuv pumzoo hlub tug twg, Kuv yuav hlub tug ntawd.” #Tsiv 33:19 16Yogle ntawd, txhua yaam kws Vaajtswv ua ntawd, tsi yog ua lawvle tuabneeg txuj kev ntshaw lossis lawvle tej kws tuabneeg ua, tabsis yog ua lug ntawm Vaajtswv txuj kev taabncuab xwb. 17Ruaqhov Vaajtswv Txujlug has rua Falaus has tas, “Kuv lub homphaj kws tsaa koj ua vaajntxwv, yog kuas suavdlawg pum Kuv lub fwjchim nyob rua huv koj, hab kuas Kuv lub koob lub npe nrov-nchaa moog thoob qaabntuj.” #Tsiv 9:16 (LXX) 18Yogle ntawd, yog Vaajtswv pumzoo taabncuab tug twg, Nwg yeej taabncuab tug ntawd, hab Nwg pumzoo kuas tug twg tawv ncauj, Nwg yeej ua kuas tug ntawd tawv ncauj.
Vaajtswv Txuj Kev Chim Hab Kev Taabncuab
19Mej ib tug yuav has rua kuv tas, “Yog muaj le ntawd, uacaag Vaajtswv tseem has tas muaj tug ua txhum hab? Leejtwg tseem yuav tawv dlhau Vaajtswv?” 20Phoojywg, koj yog leejtwg, es tseem yuav nrug Vaajtswv siscaav hab? Lub laujkaub aav yeej tsi has rua tug kws puab laujkaub has tas, “Uacaag koj puab kuv zoole nuav?” #Yaxaya 29:16; 45:9 21Tug kws puab laujkaub nwg tsi muaj cai siv tuab thooj aav lug puab ob lub laujkaub lawvle nwg lub sab nyam lov? Txawm nwg yuav puab ib lub lug siv rua thaus muaj tej yaam tshwjxeeb xwb, hab puab dlua ib lub lug siv ua dlejnum txhua nub los nyob ntawm nwg pumzoo.
22Vaajtswv los ua ib yaam nkaus le ntawd. Nwg xaav qha Nwg txuj kev chim hab Nwg lub fwjchim rua suavdlawg pum. Tabsis Nwg ua sabntev heev rua cov tuabneeg kws Nwg chim rua, cov tuabneeg ntawd yog cov kws Nwg tub npaaj txhij rua kev puamtsuaj lawm; 23hab Nwg xaav kuas suavdlawg pum Nwg tug tshwjchim ci ntsaa-ab, kws Nwg muab pub rua peb cov kws Nwg taabncuab, hab yog cov kws Nwg tau xaiv tseg ca txais Nwg tug tshwjchim. 24Peb yog cov kws Vaajtswv tau hu lug, tsi yog lug ntawm cov Yudais lug xwb, tabsis lug ntawm Lwmtsaav Tuabneeg lug hab. 25Vaajtswv has nyob rua huv phoo Hauxeyas has tas:
“Cov tuabneeg kws tsi yog Kuv cov,
Kuv yuav hu ua ‘Kuv Cov Tuabneeg.’
Tsaav tuabneeg kws Kuv tsi hlub,
Kuv yuav hu ua ‘Cov Kws Kuv Hlub.’ #Hauxe 2:3
26Hab nyob huv qhov chaw kws muaj tug has rua puab has tas, ‘Mej tsi yog Kuv tsaav tuabneeg,’
nyob rua qhov chaw ntawd puab yuav raug hu ua Vaajtswv tug kws muaj sa nyob cov mivnyuas.” #Hauxe 1:0
27Hab Yaxayas has txug cov Yixalayees has tas, “Txawm yog cov Yixalayees coob ib yaam le tej xuabzeb ntawm ntug havtxwv los, tsuas muaj ibtxha txhaj yuav dlim xwb; 28ruaqhov tug Tswv tub yuav txavtxim rua lub nplajteb nuav sai-sai.” #Yaxaya 10:22-23 (LXX) 29Muaj le Yaxayas tub has uantej ntawd lawm has tas, “Yog tug Tswv kws muaj Fwjchim Luj Kawg Nkaus tsi tseg kuas peb muaj caajceg, tes peb yeej yuav zoo ib yaam le lub nroog Xaudoos hab lub nroog Kaumaulas.” #Yaxaya 1:9 (LXX)
Cov Yixalayees Hab Txuj Moo Zoo
30Yogle ntawd, peb yuav has tas Lwmtsaav Tuabneeg, kws yeej tsi nrhav txuj kev ncaajnceeg le, tabsis lug ntawm txuj kev ntseeg, puab cale tau ua tuabneeg ncaajnceeg; 31cov Yixalayees nrhav ib txuj kevcai kuas puab ua tau tuabneeg ncaajnceeg, tabsis nrhav tsi tau. 32Vim lecaag? Vim tas puab tsi vaamkhom txuj kev ntseeg, tabsis puab vaamkhom tegnum kws puab ua. Yogle ntawd puab txhaj dlawm lub pobzeb 33kws Vaajtswv Txujlug has tas:
“Saib maj, Kuv muab ib lub pobzeb tso rua huv lub nroog Xi-oos,
kws yuav ua rua tuabneeg dlawm,
lub pobzeb ntawd yuav ua rua puab qaug.
Tabsis tug kws ntseeg Nwg, tug ntawd yuav tsi poob ntsejmuag.” #Yaxaya 28:16 (LXX)
© 2022 United Bible Societies. All rights reserved.
Loos 9
9
Vaajtswv Hab Nwg Tsaav Tuabneeg
1Kuv nyob rua huv Khetos, tej kws kuv has yog has tseeb xwb kuv tsi dlaag. Vaaj Ntsujplig tug Dlawbhuv yog tug kaav kuv lub sab, ua rua kuv paub tas kuv tsi dlaag 2thaus kuv has tas kuv nyuajsab npaum lecaag, mob kuv lub sab npaum lecaag vim kuv txhawj txug 3kuv tsaav tuabneeg, kws yog kuv roj kuv ntshaav! Txawm yog kuv yuav raug foom phem hab raug muab txav tawm ntawm Khetos moog los kuv yeej txaussab, tsuav yog kuv paab tau puab xwb. 4Puab yog tuabneeg Yixalayees, Vaajtswv tau xaiv puab lug ua Nwg cov mivnyuas hab qha Nwg tug tshwjchim rua puab; Nwg tau coglug ntau yaam#9:4: coglug ntau yaam; tej phoo ntawv qub kws xuas teg sau, muaj coglug. rua puab hab muab txuj Kevcai rua puab, puab paub pehawm Vaajtswv hab puab tau txais tej kws Vaajtswv tau coglug tseg lawm; #Tsiv 9:4 5puab yog cov Henplais tej yawmkoob kws nto moo lug tej caajceg; hab Khetos, tug kws lug yug ua tuabneeg, Nwg yog puab tsaav tuabneeg. Thov kuas Vaajtswv tug kws kaav ibpuas tsaavyaam tau txais kev qhuas moog ibtxhis le!#9:5: Thov kuas Vaajtswv tug kws kaav ibpuas tsaavyaam tau txais kev qhuas moog ibtxhis le! lossis Hab thov kuas Nwg, tug kws yog Vaajtswv kws kaav ibpuas tsaavyaam tau txais kev qhuas moog ibtxhis le! Amees.
6Kuv tsi tau has tas Vaajtswv tsi ua lawvle Nwg tej lug cogtseg; ruaqhov tsi yog txhua tug kws yug lug ntawm caajceg Yixalayees es txawm yuav yog Vaajtswv tsaav tuabneeg huv tuabsi. 7Hab tsi yog txhua tug kws yog Anplahaas caajceg txawm yuav yog Vaajtswv cov mivnyuas huvsi. Vaajtswv tau has rua Anplahaas has tas, “Tsuas yog lug ntawm Ixaj xwb, koj txhaj yuav muaj cov caajceg kws Kuv tau coglug rua koj lawm.” #Chiv 21:12 8Qhov nuav txhais tau has tas, cov mivnyuas kws yug lug ntawm saab nqajtawv,#9:8: cov mivnyuas kws yug lug ntawm saab nqajtawv: Nuav yog has txug Anplahaas caajceg kws muaj lug ntawm nwg tug tub Yisamayees, kws yog Hankas tug (saib Kalat 4:22-23). cov ntawd tsi yog Vaajtswv le mivnyuas; tsuas yog cov kws Vaajtswv xub coglug tseg lawm txhaj suav tau has tas yog Anplahaas caajceg nua xwb. 9Ruaqhov Vaajtswv cov lug cogtseg has le nuav: “Thaus txug sijhawm lawm#9:9: Thaus txug sijhawm lawm; lossis Lwm xyoo txug lub caij nuav. kuv yuav rov tuaj, hab Xalas yuav yug tau ib tug tub.” #Chiv 18:10
10Tsi taag le ntawd xwb, Lenpekas ob tug tub muaj tuableeg txiv xwb, kws yog peb yawmkoob Ixaj. 11-12Tabsis uantej kws obtug yug, lossis uantej kws obtug ua ib yaam dlaabtsi le, txawm yuav ua tau zoo hab phem los xij, Vaajtswv tub has rua Lenpekas lawm has tas, “Tug hlub yuav ua tug yau qhev.” Qhov kws Vaajtswv xaiv le ntawd yog lawv nraim le Nwg lub homphaj, tsi yog lawvle tegnum kws obtug ua. #Chiv 25:23 13Lawvle Vaajtswv Txujlug has tas, “Kuv hlub Yakhauj, tabsis kuv ntxub Exaus.” #Mlakis 1:2-3
14Yogle ntawd, peb yuav has lecaag? Peb yuav has tas Vaajtswv ua tsi ncaaj nua lov? Tsi yog le ntawd! 15Ruaqhov Vaajtswv has rua Mauxes has tas, “Kuv pumzoo taabncuab tug twg, Kuv yuav taabncuab tug ntawd, hab Kuv pumzoo hlub tug twg, Kuv yuav hlub tug ntawd.” #Tsiv 33:19 16Yogle ntawd, txhua yaam kws Vaajtswv ua ntawd, tsi yog ua lawvle tuabneeg txuj kev ntshaw lossis lawvle tej kws tuabneeg ua, tabsis yog ua lug ntawm Vaajtswv txuj kev taabncuab xwb. 17Ruaqhov Vaajtswv Txujlug has rua Falaus has tas, “Kuv lub homphaj kws tsaa koj ua vaajntxwv, yog kuas suavdlawg pum Kuv lub fwjchim nyob rua huv koj, hab kuas Kuv lub koob lub npe nrov-nchaa moog thoob qaabntuj.” #Tsiv 9:16 (LXX) 18Yogle ntawd, yog Vaajtswv pumzoo taabncuab tug twg, Nwg yeej taabncuab tug ntawd, hab Nwg pumzoo kuas tug twg tawv ncauj, Nwg yeej ua kuas tug ntawd tawv ncauj.
Vaajtswv Txuj Kev Chim Hab Kev Taabncuab
19Mej ib tug yuav has rua kuv tas, “Yog muaj le ntawd, uacaag Vaajtswv tseem has tas muaj tug ua txhum hab? Leejtwg tseem yuav tawv dlhau Vaajtswv?” 20Phoojywg, koj yog leejtwg, es tseem yuav nrug Vaajtswv siscaav hab? Lub laujkaub aav yeej tsi has rua tug kws puab laujkaub has tas, “Uacaag koj puab kuv zoole nuav?” #Yaxaya 29:16; 45:9 21Tug kws puab laujkaub nwg tsi muaj cai siv tuab thooj aav lug puab ob lub laujkaub lawvle nwg lub sab nyam lov? Txawm nwg yuav puab ib lub lug siv rua thaus muaj tej yaam tshwjxeeb xwb, hab puab dlua ib lub lug siv ua dlejnum txhua nub los nyob ntawm nwg pumzoo.
22Vaajtswv los ua ib yaam nkaus le ntawd. Nwg xaav qha Nwg txuj kev chim hab Nwg lub fwjchim rua suavdlawg pum. Tabsis Nwg ua sabntev heev rua cov tuabneeg kws Nwg chim rua, cov tuabneeg ntawd yog cov kws Nwg tub npaaj txhij rua kev puamtsuaj lawm; 23hab Nwg xaav kuas suavdlawg pum Nwg tug tshwjchim ci ntsaa-ab, kws Nwg muab pub rua peb cov kws Nwg taabncuab, hab yog cov kws Nwg tau xaiv tseg ca txais Nwg tug tshwjchim. 24Peb yog cov kws Vaajtswv tau hu lug, tsi yog lug ntawm cov Yudais lug xwb, tabsis lug ntawm Lwmtsaav Tuabneeg lug hab. 25Vaajtswv has nyob rua huv phoo Hauxeyas has tas:
“Cov tuabneeg kws tsi yog Kuv cov,
Kuv yuav hu ua ‘Kuv Cov Tuabneeg.’
Tsaav tuabneeg kws Kuv tsi hlub,
Kuv yuav hu ua ‘Cov Kws Kuv Hlub.’ #Hauxe 2:3
26Hab nyob huv qhov chaw kws muaj tug has rua puab has tas, ‘Mej tsi yog Kuv tsaav tuabneeg,’
nyob rua qhov chaw ntawd puab yuav raug hu ua Vaajtswv tug kws muaj sa nyob cov mivnyuas.” #Hauxe 1:0
27Hab Yaxayas has txug cov Yixalayees has tas, “Txawm yog cov Yixalayees coob ib yaam le tej xuabzeb ntawm ntug havtxwv los, tsuas muaj ibtxha txhaj yuav dlim xwb; 28ruaqhov tug Tswv tub yuav txavtxim rua lub nplajteb nuav sai-sai.” #Yaxaya 10:22-23 (LXX) 29Muaj le Yaxayas tub has uantej ntawd lawm has tas, “Yog tug Tswv kws muaj Fwjchim Luj Kawg Nkaus tsi tseg kuas peb muaj caajceg, tes peb yeej yuav zoo ib yaam le lub nroog Xaudoos hab lub nroog Kaumaulas.” #Yaxaya 1:9 (LXX)
Cov Yixalayees Hab Txuj Moo Zoo
30Yogle ntawd, peb yuav has tas Lwmtsaav Tuabneeg, kws yeej tsi nrhav txuj kev ncaajnceeg le, tabsis lug ntawm txuj kev ntseeg, puab cale tau ua tuabneeg ncaajnceeg; 31cov Yixalayees nrhav ib txuj kevcai kuas puab ua tau tuabneeg ncaajnceeg, tabsis nrhav tsi tau. 32Vim lecaag? Vim tas puab tsi vaamkhom txuj kev ntseeg, tabsis puab vaamkhom tegnum kws puab ua. Yogle ntawd puab txhaj dlawm lub pobzeb 33kws Vaajtswv Txujlug has tas:
“Saib maj, Kuv muab ib lub pobzeb tso rua huv lub nroog Xi-oos,
kws yuav ua rua tuabneeg dlawm,
lub pobzeb ntawd yuav ua rua puab qaug.
Tabsis tug kws ntseeg Nwg, tug ntawd yuav tsi poob ntsejmuag.” #Yaxaya 28:16 (LXX)
© 2022 United Bible Societies. All rights reserved.