Tegnum 25
25
Paulus Thov Moog Cuag Xixas
1Thaus Fexatus lug ua tswvxeev tau peb nub lawm, nwg tau tawm huv lub nroog Xixaleyas moog rua nraag lub nroog Yeluxalees, 2qhov chaw kws cov thawj povthawj hlub hab cov Yudais tej thawjcoj tuaj kom Paulus rua Fexatus. Puab thov Fexatus 3kuas nwg ua ib qhov tshwjxeeb paab puab, kws yog kuas nwg xaa Paulus tuaj rua huv lub nroog Yeluxalees, ruaqhov puab tub tuavhuv tseg lawm has tas puab yuav tog kev muab Paulus tua povtseg. 4Fexatus teb tas, “Paulus tseem raug kaw rua huv lub nroog Xixaleyas, tsi ntev nuav kuv tub yuav rovqaab moog rua peg. 5Yog mej pum nwg ua txhum dlaabtsi, cale has kuas mej cov thawjcoj nrug kuv moog rua peg Xixaleyas hab moog kom nwg rua peg.”
6Fexatus tseem nrug puab nyob kwvlaam le yim los yog kaum nub, tes nwg maamle rovqaab moog rua peg Xixaleyas. Nub tomqaab ntawd nwg moog nyob tom tsev has plaub, hab tau khaiv kuas tuabneeg moog coj Paulus lug. 7Thaus Paulus lug txug, cov Yudais kws tuaj nraag lub nroog Yeluxalees tuaj, txawm lug sawv vij nwg hab kom ntau yaam kws luj heev txug nwg, tabsis puab yeej tsi muaj ib qhov puavpheej le. 8Paulus txawm has dlaws nwg zaaj has tas, “Kuv yeej tsi tau ua txhum cov Yudais txuj Kevcai, lossis txhum lub Tuamtsev, lossis txhum Xixas le.”
9Tabsis Fexatus xaav kuas cov Yudais nyam nwg, nwg txawm nug Paulus has tas, “Koj puas txaussab moog rua nraag lub nroog Yeluxalees hab ca kuv has mej rooj plaub nyob rua nraag?”
10Paulus teb tas, “Kuv tub nyob huv Xixas lub tsev has plaub nuav lawm, ntawm nuav txhaj yog lub chaw has kuv rooj plaub. Koj yeej paub zoo has tas kuv tsi tau ua txhum rua cov Yudais. 11Yog kuv tau ua txhum kevcai lossis ua ib yaam dlaabtsi kws tsimnyog raug lub txim tuag, kuv yeej tsi tawv tsi nyom le. Tabsis yog tej lug kws puab kom kuv ntawd tsi muaj tseeb, yeej tsi muaj leejtwg yuav muaj cuabkaav muab kuv rua puab. Kuv thov hlaa moog has tim Xixas.”
12Tomqaab kws Fexatus nrug nwg cov tuavxaam saablaaj taag, nwg txhaj has rua Paulus has tas, “Koj tub thov hlaa moog has tim Xixas lawm, yogle ntawd ca koj moog cuag Xixas.”
Paulus Sawv Taabmeeg Akipas Hab Npawnikes
13Tsi ntev tomqaab ntawd Vaajntxwv Akipas hab nwg tug muam Npawnikes tau tuaj saib Fexatus huv lub nroog Xixaleyas. 14Obtug tuaj nyob tau ntau nub, Fexatus txawm pav Paulus rooj plaub rua Vaajntxwv noog: “Muaj ib tug txivneej nyob rua huv nuav kws Felis tau muab nwg kaw rua huv tsev lojcuj; 15thaus kuv moog rua nraag Yeluxalees, cov Yudais cov thawj povthawj hlub hab cov txwjlaug txawm tuaj nkaug tug txivneej ntawd rua kuv hab thov kuas kuv txavtxim rua nwg.
16“Tabsis kuv has rua puab has tas, lawvle kev coj noj coj ua ntawm cov tuabneeg Loos, ob tog yuavtsum tuaj sishas timncauj timlug hab ca tug pemkom has dlaws nwg zaaj taag tsaiv, maamle txavtxim rua tug kws ua txhum. 17Thaus puab tuaj txhij rua ntawm nuav lawm, kuv yeej tsi tog ntev le; nub tomqaab kag xwb kuv moog nyob huv lub tsev has plaub hab hu kuas puab coj tug txivneej ntawd lug cuag kuv. 18Nwg cov yeejkom txawm sawv lug has, tabsis puab tsi komtxim rua tej kws nwg ua txhum lawvle kuv xaav tas puab yuav kom ntawd. 19Puab tsuas siscaav has txug puab tej kevcai ntseeg hab has txug ib tug txivneej kws tub tuag lawm kws hu ua Yexus, tabsis Paulus khaav has tas Nwg tseem muaj sa nyob. 20Kuv tsi paub tas yuav taug zaaj nuav lecaag, kuv txhaj nug Paulus seb nwg puas yeem moog nraag lub nroog Yeluxalees hab moog dlaws nwg rooj plaub rua nraag. 21Tabsis Paulus thov kuas ca nwg nyob nwg huv lub tsev lojcuj hab ca Xixas maamle txavtxim rua nwg. Yogle ntawd, kuv txhaj ca nwg nyob nwg huv tsev lojcuj moog txug nub kws kuv xaa nwg moog cuag Xixas.”
22Akipas has rua Fexatus has tas, “Kuv kuj xaav noog tug txivneej ntawd has hab.”
Tes Fexatus txawm teb tas, “Pigkig, koj yuav nov nwg has.”
23Nub tomqaab Akipas hab Npawnikes obtug tuaj ntawm lub meejmom kws luj heev; obtug tau nkaag moog rua huv ib chaav luj kws muaj cov thawj tubrog hab cov numtswv tseemceeb huv lub nroog nyob rua huv. Thaus ntawd Fexatus txawm khaiv tuabneeg moog coj Paulus lug. 24Fexatus has tas, “Vaajntxwv Akipas hab mej txhua tug kws nrug peb nyob ntawm nuav: mej pum tug txivneej nuav, nwg yog tug kws cov Yudais kws nyob huv lub nroog nuav hab cov kws nyob nraag lub nroog Yeluxalees, pheej tuaj kuas kuv muab nwg tua povtseg. 25Tabsis kuv tsi pum nwg tau ua ib yaam dlaabtsi txhum kws tsimnyog lub txim tuag. Hab nwg tau thov kuas xaa nwg moog has tim Xixas, yogle ntawd, kuv txhaj txavtxim sab xaa nwg moog rua tebchaws Loos. 26Tabsis kuv yeej tsi muaj ib qhov tseemceeb kws yuav zoo sau txug tug txivneej nuav moog qha rua Xixas paub. Yogle ntawd, kuv txhaj coj nwg lug cuag mej suavdlawg, tshwjxeeb, yog coj nwg lug cuag koj kws yog Fuabtais Akipas, sub tomqaab kws peb taug nwg zaaj taag lawm, kuv txhaj yuav muaj lug sau. 27Ruaqhov yog tsi muaj ib qhov tseemceeb kws qha tau meej-meej tas tug kws raug txim ua txhum dlaabtsi, tes yeej tsi zoo rua kuv yuav xaa nwg moog le.”
© 2022 United Bible Societies. All rights reserved.
Tegnum 25
25
Paulus Thov Moog Cuag Xixas
1Thaus Fexatus lug ua tswvxeev tau peb nub lawm, nwg tau tawm huv lub nroog Xixaleyas moog rua nraag lub nroog Yeluxalees, 2qhov chaw kws cov thawj povthawj hlub hab cov Yudais tej thawjcoj tuaj kom Paulus rua Fexatus. Puab thov Fexatus 3kuas nwg ua ib qhov tshwjxeeb paab puab, kws yog kuas nwg xaa Paulus tuaj rua huv lub nroog Yeluxalees, ruaqhov puab tub tuavhuv tseg lawm has tas puab yuav tog kev muab Paulus tua povtseg. 4Fexatus teb tas, “Paulus tseem raug kaw rua huv lub nroog Xixaleyas, tsi ntev nuav kuv tub yuav rovqaab moog rua peg. 5Yog mej pum nwg ua txhum dlaabtsi, cale has kuas mej cov thawjcoj nrug kuv moog rua peg Xixaleyas hab moog kom nwg rua peg.”
6Fexatus tseem nrug puab nyob kwvlaam le yim los yog kaum nub, tes nwg maamle rovqaab moog rua peg Xixaleyas. Nub tomqaab ntawd nwg moog nyob tom tsev has plaub, hab tau khaiv kuas tuabneeg moog coj Paulus lug. 7Thaus Paulus lug txug, cov Yudais kws tuaj nraag lub nroog Yeluxalees tuaj, txawm lug sawv vij nwg hab kom ntau yaam kws luj heev txug nwg, tabsis puab yeej tsi muaj ib qhov puavpheej le. 8Paulus txawm has dlaws nwg zaaj has tas, “Kuv yeej tsi tau ua txhum cov Yudais txuj Kevcai, lossis txhum lub Tuamtsev, lossis txhum Xixas le.”
9Tabsis Fexatus xaav kuas cov Yudais nyam nwg, nwg txawm nug Paulus has tas, “Koj puas txaussab moog rua nraag lub nroog Yeluxalees hab ca kuv has mej rooj plaub nyob rua nraag?”
10Paulus teb tas, “Kuv tub nyob huv Xixas lub tsev has plaub nuav lawm, ntawm nuav txhaj yog lub chaw has kuv rooj plaub. Koj yeej paub zoo has tas kuv tsi tau ua txhum rua cov Yudais. 11Yog kuv tau ua txhum kevcai lossis ua ib yaam dlaabtsi kws tsimnyog raug lub txim tuag, kuv yeej tsi tawv tsi nyom le. Tabsis yog tej lug kws puab kom kuv ntawd tsi muaj tseeb, yeej tsi muaj leejtwg yuav muaj cuabkaav muab kuv rua puab. Kuv thov hlaa moog has tim Xixas.”
12Tomqaab kws Fexatus nrug nwg cov tuavxaam saablaaj taag, nwg txhaj has rua Paulus has tas, “Koj tub thov hlaa moog has tim Xixas lawm, yogle ntawd ca koj moog cuag Xixas.”
Paulus Sawv Taabmeeg Akipas Hab Npawnikes
13Tsi ntev tomqaab ntawd Vaajntxwv Akipas hab nwg tug muam Npawnikes tau tuaj saib Fexatus huv lub nroog Xixaleyas. 14Obtug tuaj nyob tau ntau nub, Fexatus txawm pav Paulus rooj plaub rua Vaajntxwv noog: “Muaj ib tug txivneej nyob rua huv nuav kws Felis tau muab nwg kaw rua huv tsev lojcuj; 15thaus kuv moog rua nraag Yeluxalees, cov Yudais cov thawj povthawj hlub hab cov txwjlaug txawm tuaj nkaug tug txivneej ntawd rua kuv hab thov kuas kuv txavtxim rua nwg.
16“Tabsis kuv has rua puab has tas, lawvle kev coj noj coj ua ntawm cov tuabneeg Loos, ob tog yuavtsum tuaj sishas timncauj timlug hab ca tug pemkom has dlaws nwg zaaj taag tsaiv, maamle txavtxim rua tug kws ua txhum. 17Thaus puab tuaj txhij rua ntawm nuav lawm, kuv yeej tsi tog ntev le; nub tomqaab kag xwb kuv moog nyob huv lub tsev has plaub hab hu kuas puab coj tug txivneej ntawd lug cuag kuv. 18Nwg cov yeejkom txawm sawv lug has, tabsis puab tsi komtxim rua tej kws nwg ua txhum lawvle kuv xaav tas puab yuav kom ntawd. 19Puab tsuas siscaav has txug puab tej kevcai ntseeg hab has txug ib tug txivneej kws tub tuag lawm kws hu ua Yexus, tabsis Paulus khaav has tas Nwg tseem muaj sa nyob. 20Kuv tsi paub tas yuav taug zaaj nuav lecaag, kuv txhaj nug Paulus seb nwg puas yeem moog nraag lub nroog Yeluxalees hab moog dlaws nwg rooj plaub rua nraag. 21Tabsis Paulus thov kuas ca nwg nyob nwg huv lub tsev lojcuj hab ca Xixas maamle txavtxim rua nwg. Yogle ntawd, kuv txhaj ca nwg nyob nwg huv tsev lojcuj moog txug nub kws kuv xaa nwg moog cuag Xixas.”
22Akipas has rua Fexatus has tas, “Kuv kuj xaav noog tug txivneej ntawd has hab.”
Tes Fexatus txawm teb tas, “Pigkig, koj yuav nov nwg has.”
23Nub tomqaab Akipas hab Npawnikes obtug tuaj ntawm lub meejmom kws luj heev; obtug tau nkaag moog rua huv ib chaav luj kws muaj cov thawj tubrog hab cov numtswv tseemceeb huv lub nroog nyob rua huv. Thaus ntawd Fexatus txawm khaiv tuabneeg moog coj Paulus lug. 24Fexatus has tas, “Vaajntxwv Akipas hab mej txhua tug kws nrug peb nyob ntawm nuav: mej pum tug txivneej nuav, nwg yog tug kws cov Yudais kws nyob huv lub nroog nuav hab cov kws nyob nraag lub nroog Yeluxalees, pheej tuaj kuas kuv muab nwg tua povtseg. 25Tabsis kuv tsi pum nwg tau ua ib yaam dlaabtsi txhum kws tsimnyog lub txim tuag. Hab nwg tau thov kuas xaa nwg moog has tim Xixas, yogle ntawd, kuv txhaj txavtxim sab xaa nwg moog rua tebchaws Loos. 26Tabsis kuv yeej tsi muaj ib qhov tseemceeb kws yuav zoo sau txug tug txivneej nuav moog qha rua Xixas paub. Yogle ntawd, kuv txhaj coj nwg lug cuag mej suavdlawg, tshwjxeeb, yog coj nwg lug cuag koj kws yog Fuabtais Akipas, sub tomqaab kws peb taug nwg zaaj taag lawm, kuv txhaj yuav muaj lug sau. 27Ruaqhov yog tsi muaj ib qhov tseemceeb kws qha tau meej-meej tas tug kws raug txim ua txhum dlaabtsi, tes yeej tsi zoo rua kuv yuav xaa nwg moog le.”
© 2022 United Bible Societies. All rights reserved.