Tegnum 22
22
1“Mej cov kws ua nam ua txiv hab ua kwv ua tij suavdlawg, thov mej noog kuv tej lug kws kuv yuav has dlaws kuv zaaj!” 2Thaus puab nov Paulus ua lug Henplais has rua puab, puab tseem hajyam nyob ntsagtu dlua qub; Paulus txhaj has tas:
3“Kuv yog tuabneeg Yudais, kuv yug huv lub nroog Thaxus kws nyob peg tebchaws Kilikias, tabsis kuv lug lujhlub nyob huv lub nroog Yeluxalees nuav. Nkamaliyees yog tug xwbfwb qha ntawv rua kuv ntaag. Kuv tau ua tuabzoo kawm txug peb cov yawmkoob tej Kevcai, hab kuv muab sab npuab Vaajtswv ib yaam le mej txhua tug kws nubnua nyob rua ntawm nuav hab. #Tegnum 5:34-39 4Kuv tau tsimtxom cov tuabneeg kws taug Txujkev nuav kuas tuag moog. Kuv tau nteg tej quaspuj hab txivneej coj moog kaw rua huv tsev lojcuj. #Tegnum 8:3; 26:9-11 5Tug Tuam Povthawj Hlub hab taagnrho cov thawjcoj huv Koomhum qebsab puavleej ua tau timkhawv has tas kuv has tseeb xwb. Kuv tau txais tej ntaub ntawv kws puab ua rua kuv nqaa moog rua cov kwvtij Yudais kws nyob peg lub nroog Damaxakas, yogle ntawd, kuv txhaj moog nteg cov kws nyob rua peg hab caab lug rautxim rua nraag lub nroog Yeluxalees nuav.
Paulus Has Txug Qhov Kws Nwg Lug Ntseeg Vaajtswv
(Tegnum 9:1-19; 26:12-18)
6“Thaus yuavlaug taavsu kws kuv taabtom taug kev moog yuav txug peg lub nroog Damaxakas, txawm muaj ib tug dluab ci nplaag sau ntuj lug puagncig kuv. 7Kuv txawm qaug ntawg rua huv aav hab nov ib lub suab has rua kuv tas, ‘Xaulus, Xaulus! Ua lecaag koj tsimtxom Kuv?’
8“Kuv nug nwg has tas, ‘Tug Tswv, koj yog leejtwg?’ Nwg teb kuv tas, ‘Kuv yog Yexus tug kws yog tuabneeg Naxalev, kws koj tsimtxom ntaag.’ 9Cov txivneej kws nrug kuv moog puavleej pum tug dluab ci ntawd, tabsis puab tsi nov tug kws taabtom haslug rua kuv ntawd lub suab.
10“Kuv nug has tas, ‘Tug Tswv, kuv yuav ua lecaag?’ Tug Tswv txhaj has rua kuv tas, ‘Koj cale sawv hab moog rua huv lub nroog Damaxakas. Thaus koj moog txug tod, yuav muaj tuabneeg qha rua koj paub txug txhua yaam kws Vaajtswv tau npaaj tseg ca rua koj ua.’ 11Tug dluab kws ci-ci ntawd tau ua rua kuv ob lub qhovmuag tsi pumkev lawm, yogle ntawd kuv cov phoojywg kws nrug kuv moog ntawd txhajle tuav kuv teg hab coj kuv moog rua huv lub nroog Damaxakas.
12“Nyob huv lub nroog Damaxakas muaj ib tug txivneej hu ua Ananias, nwg yog ib tug kws fwm Vaajtswv, coj lawvle peb tej Kevcai, hab yog ib tug kws cov tuabneeg Yudais kws nyob huv lub nroog Damaxakas puavleej fwm nwg. 13Nwg tuaj saib kuv, nwg lug sawv ntawm kuv ib saab hab has rua kuv tas, ‘Tug kwv Xaulus 'e, koj cale rov pumkev!’ Taamsim ntawd kuv txawm rov pumkev hab tsaa qhovmuag saib nwg. 14Nwg has ntxiv tas, ‘Peb cov yawmkoob tug Vaajtswv tau xaiv koj lug paub Nwg tug dlejsab, lug pum Nwg tug Tubkhai kws ncaajnceeg, hab lug nov Nwg tej lug kws Nwg has rua koj. 15Ruaqhov koj yuav ua ib tug timkhawv txug Nwg, yuav qha zaaj kws koj tau pum hab tau nov lawm rua suavdlawg paub. 16Nwgnuav koj tseem yuav tog ua dlaabtsi? Cale sawv hab ua kevcai rausdlej, hab tuav tug Tswv lub npe thov Nwg ntxuav koj tej kev txhum huv tuabsi moog.’
Vaajtswv Hu Paulus Moog Qha Lwmtsaav Tuabneeg
17“Tomqaab kuv rov lug txug huv lub nroog Yeluxalees, hab thaus kuv tseem taabtom thov Vaajtswv huv lub Tuamtsev, kuv txawm ua ywgtoog, 18kuv pum tug Tswv lug has rua kuv tas, ‘Cale maajnroog hab tawm huv lub nroog Yeluxalees nuav moog, ruaqhov cov tuabneeg kws nyob huv nuav yuav tsi kaam txais yuav koj txuj kev ua timkhawv txug Kuv.’ 19Kuv txawm teb tas, ‘Tug Tswv, puab yeej paub meej tas kuv tau moog rua huv tej tsev saablaaj, moog nteg hab moog ntaus cov kws ntseeg Koj. 20Thaus Koj tug timkhawv Xatefanus raug tua tuag, kuv nyob ntawd hab; kuv tseem nrug puab pumzoo kuas muab nwg tua povtseg, hab tseem paab saib cov tuabneeg kws tua Xatefanus tej tsho ntev hab.’ #Tegnum 7:58 21Tug Tswv has rua kuv tas, ‘Cale moog, Kuv yuav khaiv koj moog dleb heev, kws yog moog rua Lwmtsaav Tuabneeg.’ ”
22Cov tuabneeg ntawd noog Paulus pav lug txug le nuav xwb, tes puab txawm qw nrov-nrov has tas, “Tug tuabneeg nuav nyob nyaav aav xwb, tsi tsimnyog ua neej nyob lawm! Cale muab nwg tua! Muab nwg tua povtseg!” 23Puab qw nrov-nrov, hab hle puab tej tsho pov zumzawg rua nuav rua u, hab tsuab moov aav w rua sau nruabntug. 24Tug thawj tubrog pawg txheeb txawm kuas nwg cov tubrog coj Paulus moog huv lub yeej, muab nwg nplawm kuas nwg qha seb yog vim lecaag cov Yudais pheej yuav qw tawmtsaam Paulus heev ualuaj. 25Tabsis thaus cov tubrog taabtom muab nwg khi es yuav muab nwg nplawm, Paulus txawm has rua tug thawj tubrog pawg pua kws sawv ze ntawd has tas, “Qhov kws cale muab ib tug pejxeem Loos nplawm uantej kws tub tsi tau taug nwg zaaj hab pum tas nwg muaj txim, qhov ntawd puas lawvle txuj kevcai?”
26Thaus tug thawj tubrog pawg pua nov le ntawd, nwg moog qha rua tug thawj tubrog pawg txheeb has tas, “Koj ua dlaabtsi le nuav? Tug txivneej ntawd yog ib tug pejxeem Loos los sav!”
27Yogle ntawd, tug thawj tubrog pawg txheeb txhaj lug nug Paulus has tas, “Qha rua kuv seb, koj yog pejxeem Loos lov?”
Paulus teb tas, “Kuv yeej yog tag.”
28Tug thawj tubrog pawg txheeb txawm has tas, “Kuv kuj yog tuabneeg Loos hab, tabsis kuv them nyaj ntau heev, kuv txhaj dlhau tau lug ua ib tug pejxeem Loos.”
Paulus teb tas, “Tabsis thaus kuv yug lug, kuv yeej yog tuabneeg Loos lawm.”
29Taamsim ntawd cov tuabneeg kws tseem yuav taug Paulus zaaj txawm thim tawm ntawm nwg moog lawm; hab thaus tug thawj tubrog pawg txheeb paub tas Paulus yog pejxeem Loos, nwg ntshai heev, ruaqhov nwg tub muab Paulus khi lawm.
Paulus Sawv Taabmeeg Cov Yudais Tej Numtswv
30Tug thawj tubrog pawg txheeb xaav paub tseeb has tas tej lug kws cov Yudais nkaug Paulus ntawd yog lecaag tag; yogle ntawd, nub tomqaab nwg txawm kuas puab muab Paulus txuj saw hlau dlaws, hab has kuas cov thawj povthawj hlub hab cov thawjcoj huv Koomhum qebsab suavdlawg tuaj saablaaj uake. Tes nwg txawm coj Paulus lug sawv taabmeeg suavdlawg.
© 2022 United Bible Societies. All rights reserved.
Tegnum 22
22
1“Mej cov kws ua nam ua txiv hab ua kwv ua tij suavdlawg, thov mej noog kuv tej lug kws kuv yuav has dlaws kuv zaaj!” 2Thaus puab nov Paulus ua lug Henplais has rua puab, puab tseem hajyam nyob ntsagtu dlua qub; Paulus txhaj has tas:
3“Kuv yog tuabneeg Yudais, kuv yug huv lub nroog Thaxus kws nyob peg tebchaws Kilikias, tabsis kuv lug lujhlub nyob huv lub nroog Yeluxalees nuav. Nkamaliyees yog tug xwbfwb qha ntawv rua kuv ntaag. Kuv tau ua tuabzoo kawm txug peb cov yawmkoob tej Kevcai, hab kuv muab sab npuab Vaajtswv ib yaam le mej txhua tug kws nubnua nyob rua ntawm nuav hab. #Tegnum 5:34-39 4Kuv tau tsimtxom cov tuabneeg kws taug Txujkev nuav kuas tuag moog. Kuv tau nteg tej quaspuj hab txivneej coj moog kaw rua huv tsev lojcuj. #Tegnum 8:3; 26:9-11 5Tug Tuam Povthawj Hlub hab taagnrho cov thawjcoj huv Koomhum qebsab puavleej ua tau timkhawv has tas kuv has tseeb xwb. Kuv tau txais tej ntaub ntawv kws puab ua rua kuv nqaa moog rua cov kwvtij Yudais kws nyob peg lub nroog Damaxakas, yogle ntawd, kuv txhaj moog nteg cov kws nyob rua peg hab caab lug rautxim rua nraag lub nroog Yeluxalees nuav.
Paulus Has Txug Qhov Kws Nwg Lug Ntseeg Vaajtswv
(Tegnum 9:1-19; 26:12-18)
6“Thaus yuavlaug taavsu kws kuv taabtom taug kev moog yuav txug peg lub nroog Damaxakas, txawm muaj ib tug dluab ci nplaag sau ntuj lug puagncig kuv. 7Kuv txawm qaug ntawg rua huv aav hab nov ib lub suab has rua kuv tas, ‘Xaulus, Xaulus! Ua lecaag koj tsimtxom Kuv?’
8“Kuv nug nwg has tas, ‘Tug Tswv, koj yog leejtwg?’ Nwg teb kuv tas, ‘Kuv yog Yexus tug kws yog tuabneeg Naxalev, kws koj tsimtxom ntaag.’ 9Cov txivneej kws nrug kuv moog puavleej pum tug dluab ci ntawd, tabsis puab tsi nov tug kws taabtom haslug rua kuv ntawd lub suab.
10“Kuv nug has tas, ‘Tug Tswv, kuv yuav ua lecaag?’ Tug Tswv txhaj has rua kuv tas, ‘Koj cale sawv hab moog rua huv lub nroog Damaxakas. Thaus koj moog txug tod, yuav muaj tuabneeg qha rua koj paub txug txhua yaam kws Vaajtswv tau npaaj tseg ca rua koj ua.’ 11Tug dluab kws ci-ci ntawd tau ua rua kuv ob lub qhovmuag tsi pumkev lawm, yogle ntawd kuv cov phoojywg kws nrug kuv moog ntawd txhajle tuav kuv teg hab coj kuv moog rua huv lub nroog Damaxakas.
12“Nyob huv lub nroog Damaxakas muaj ib tug txivneej hu ua Ananias, nwg yog ib tug kws fwm Vaajtswv, coj lawvle peb tej Kevcai, hab yog ib tug kws cov tuabneeg Yudais kws nyob huv lub nroog Damaxakas puavleej fwm nwg. 13Nwg tuaj saib kuv, nwg lug sawv ntawm kuv ib saab hab has rua kuv tas, ‘Tug kwv Xaulus 'e, koj cale rov pumkev!’ Taamsim ntawd kuv txawm rov pumkev hab tsaa qhovmuag saib nwg. 14Nwg has ntxiv tas, ‘Peb cov yawmkoob tug Vaajtswv tau xaiv koj lug paub Nwg tug dlejsab, lug pum Nwg tug Tubkhai kws ncaajnceeg, hab lug nov Nwg tej lug kws Nwg has rua koj. 15Ruaqhov koj yuav ua ib tug timkhawv txug Nwg, yuav qha zaaj kws koj tau pum hab tau nov lawm rua suavdlawg paub. 16Nwgnuav koj tseem yuav tog ua dlaabtsi? Cale sawv hab ua kevcai rausdlej, hab tuav tug Tswv lub npe thov Nwg ntxuav koj tej kev txhum huv tuabsi moog.’
Vaajtswv Hu Paulus Moog Qha Lwmtsaav Tuabneeg
17“Tomqaab kuv rov lug txug huv lub nroog Yeluxalees, hab thaus kuv tseem taabtom thov Vaajtswv huv lub Tuamtsev, kuv txawm ua ywgtoog, 18kuv pum tug Tswv lug has rua kuv tas, ‘Cale maajnroog hab tawm huv lub nroog Yeluxalees nuav moog, ruaqhov cov tuabneeg kws nyob huv nuav yuav tsi kaam txais yuav koj txuj kev ua timkhawv txug Kuv.’ 19Kuv txawm teb tas, ‘Tug Tswv, puab yeej paub meej tas kuv tau moog rua huv tej tsev saablaaj, moog nteg hab moog ntaus cov kws ntseeg Koj. 20Thaus Koj tug timkhawv Xatefanus raug tua tuag, kuv nyob ntawd hab; kuv tseem nrug puab pumzoo kuas muab nwg tua povtseg, hab tseem paab saib cov tuabneeg kws tua Xatefanus tej tsho ntev hab.’ #Tegnum 7:58 21Tug Tswv has rua kuv tas, ‘Cale moog, Kuv yuav khaiv koj moog dleb heev, kws yog moog rua Lwmtsaav Tuabneeg.’ ”
22Cov tuabneeg ntawd noog Paulus pav lug txug le nuav xwb, tes puab txawm qw nrov-nrov has tas, “Tug tuabneeg nuav nyob nyaav aav xwb, tsi tsimnyog ua neej nyob lawm! Cale muab nwg tua! Muab nwg tua povtseg!” 23Puab qw nrov-nrov, hab hle puab tej tsho pov zumzawg rua nuav rua u, hab tsuab moov aav w rua sau nruabntug. 24Tug thawj tubrog pawg txheeb txawm kuas nwg cov tubrog coj Paulus moog huv lub yeej, muab nwg nplawm kuas nwg qha seb yog vim lecaag cov Yudais pheej yuav qw tawmtsaam Paulus heev ualuaj. 25Tabsis thaus cov tubrog taabtom muab nwg khi es yuav muab nwg nplawm, Paulus txawm has rua tug thawj tubrog pawg pua kws sawv ze ntawd has tas, “Qhov kws cale muab ib tug pejxeem Loos nplawm uantej kws tub tsi tau taug nwg zaaj hab pum tas nwg muaj txim, qhov ntawd puas lawvle txuj kevcai?”
26Thaus tug thawj tubrog pawg pua nov le ntawd, nwg moog qha rua tug thawj tubrog pawg txheeb has tas, “Koj ua dlaabtsi le nuav? Tug txivneej ntawd yog ib tug pejxeem Loos los sav!”
27Yogle ntawd, tug thawj tubrog pawg txheeb txhaj lug nug Paulus has tas, “Qha rua kuv seb, koj yog pejxeem Loos lov?”
Paulus teb tas, “Kuv yeej yog tag.”
28Tug thawj tubrog pawg txheeb txawm has tas, “Kuv kuj yog tuabneeg Loos hab, tabsis kuv them nyaj ntau heev, kuv txhaj dlhau tau lug ua ib tug pejxeem Loos.”
Paulus teb tas, “Tabsis thaus kuv yug lug, kuv yeej yog tuabneeg Loos lawm.”
29Taamsim ntawd cov tuabneeg kws tseem yuav taug Paulus zaaj txawm thim tawm ntawm nwg moog lawm; hab thaus tug thawj tubrog pawg txheeb paub tas Paulus yog pejxeem Loos, nwg ntshai heev, ruaqhov nwg tub muab Paulus khi lawm.
Paulus Sawv Taabmeeg Cov Yudais Tej Numtswv
30Tug thawj tubrog pawg txheeb xaav paub tseeb has tas tej lug kws cov Yudais nkaug Paulus ntawd yog lecaag tag; yogle ntawd, nub tomqaab nwg txawm kuas puab muab Paulus txuj saw hlau dlaws, hab has kuas cov thawj povthawj hlub hab cov thawjcoj huv Koomhum qebsab suavdlawg tuaj saablaaj uake. Tes nwg txawm coj Paulus lug sawv taabmeeg suavdlawg.
© 2022 United Bible Societies. All rights reserved.