Tegnum 14
14
Nyob Huv Ikaunius
1Nyob huv lub nroog Ikaunius los zoo tuabyaam nkaus: Paulus hab Npananpas obtug moog rua huv cov Yudais lub tsev saablaaj hab qha tau zoo heev, ua rua cov Yudais hab Lwmtsaav Tuabneeg lug ntseeg coob kawg le. 2Tabsis cov Yudais kws tsi kaam ntseeg txawm moog ntxag kuas Lwmtsaav Tuabneeg tawmtsaam cov kws ntseeg Yexus. 3Obtug nyob huv lub nroog ntawd tau ntev loo. Obtug muaj sab tawv qha txug tug Tswv, kws tau leeg paub tas tej kws obtug qha txug Nwg txuj moovhlub ntawd yeej muaj tseeb. Nwg txhaj pub fwjchim rua obtug ua ntau yaam txujci tseemceeb. 4Cov tuabneeg kws nyob huv lub nroog ntawd txawm tawg ua ob paab: ib paab tuaj cov Yudais tog, hab ib paab tuaj ob tug timthawj tog.
5Qeeleej kws yog Lwmtsaav Tuabneeg hab cov Yudais, nrug rua puab cov thawjcoj, txawm tuavhuv yuav ua phem hab muab pobzeb ntaus ob tug timthawj. 6Thaus obtug paub le ntawd, obtug txhaj tsiv moog rua nraag lub nroog Lixathas hab lub nroog Dawnpis kws nyob huv tebchaws Likaunias hab tej cheebtsaam kws nyob ibncig ntawd. 7Obtug qha Txuj Moo Zoo rua huv cov cheebtsaam ntawd.
Nyob Huv Lixathas Hab Dawnpis
8Nyob huv lub nroog Lixathas muaj ib tug txivneej tuag ceg thaus nruabthab lug, kws yeej ibtxwm moog tsi taug kev le. 9Nwg nyob ntawd noog Paulus tej lug qha. Paulus saibntsoov nwg, hab pum tas nwg muaj txuj kev ntseeg kws yuav khu tau nwg kuas zoo. 10Tes Paulus txawm has nrov-nrov rua nwg has tas, “Koj cale sawvtseeg!” Tug txivneej ntawd txawm sawvtseeg hab ncig moog ncig lug.
11Thaus suavdlawg pum tej kws Paulus tau ua ntawd, puab txawm qw puab cov lug Likaunias nrov-nrov has tas, “Tej nyuas vaajtswv tau txa ua tuabneeg hab tau lug cuag peb lawm!” 12Puab txhaj hu Npananpas hu ua Xus, hab hu Paulus ua Hawmes, ruaqhov Paulus yog tug thawj kws qha. 13Tug povthawj hlub kws teev tug nyuas vaajtswv Xus, nwg lub tuamtsev nyob saabnrau ntug nroog, nwg txawm caab tej txiv nyuj hab nqaa paajntoos tuaj rua ntawm lub roojvaag kws yuav moog rua huv lub nroog; ruaqhov nwg hab cov pejxeem xaav coj tej ntawd tuaj fij rua ob tug timthawj.
14Thaus Npananpas hab Paulus nov txug tej kws puab yuav ua ntawd, obtug txawm muab obtug ob lub tsho dlua hab dlha moog rua huv cov tuabneeg coob-coob ntawd, hab has nrov-nrov rua puab has tas, 15“Mej ua dlaabtsi le nuav? Wb yog tuabneeg ib yaam le mej hab xwb! Wb tuaj ntawm nuav, yog tuaj qha Txuj Moo Zoo rua mej, kuas mej tig tawm ntawm tej kws tsi muaj qaabhau nuav es lug ntseeg tug Vaajtswv kws muaj sa nyob. Nwg yog tug kws tsim lub ntuj hab lub nplajteb, tsim dlej havtxwv, hab txhua yaam kws nyob rua ntawm tej chaw ntawd huv tuabsi. #Tsiv 20:11; Nnkauj 146:6 16Yaav taag lug, Vaajtswv ca txhua tsaav tuabneeg nyag ua lawvle nyag lub sab nyam. 17Tegnum zoo kws Vaajtswv ua, yog Nwg pub muaj tshaav muaj naag, hab kuas tej qoobloo sav lawv caij lawv nyoog, hab pub zaub-mov rua mej noj kuas mej tau nyob kaajsab lug. Tej nuav yeej ibtxwm ua puavpheej has tas muaj Vaajtswv tag.” 18Txawm yog ob tug timthawj tub qha le ntawd los, obtug tseem cheem cov tuabneeg kws pheej yuav muab khoom fij rua obtug nyuaj kawg nkaus le.
19Tabsis cov Yudais muaj qeeleej kws tuaj huv lub nroog Aati-aukias huv tebchaws Pixidias hab huv lub nroog Ikaunius tuaj; puab ntxag tau suavdlawg tuaj puab tog, puab muab pobzeb ntaus Paulus hab muab nwg hai tawm huv lub nroog moog, puab xaav tas nwg tuag lawm. 20Tabsis thaus cov ntseeg tuaj sawv vij nwg, nwg txawm sawv hab rov moog rua huv nroog. Nub tomqaab nwg hab Npananpas obtug txawm moog rua nraag lub nroog Dawnpis lawm.
Paulus Hab Npananpas Rov Lug Rua Aati-aukias Huv Tebchaws Xilias
21Paulus hab Npananpas obtug qha Txuj Moo Zoo huv lub nroog Dawnpis, ua rua muaj ntau leej tau lug ntseeg Yexus. Tes obtug txawm rov moog rua peg lub nroog Lixathas, lub nroog Ikaunius, hab lub nroog Aati-aukias huv tebchaws Pixidias. 22Obtug txhawb cov ntseeg lub zug hab nquahu kuas puab nyob ruaj-khov rua huv txuj kev ntseeg. Obtug qha puab tas, “Peb yeej yuav raug ntau yaam kev txomnyem, peb txhaj moog tau Vaajtswv lub Tebchaws.” 23Paulus hab Npananpas tau tsaa muaj cov txwjlaug rua txhua pawg ntseeg; puab ua kevcai yoo mov hab thov Vaajtswv, obtug tau muab puab fij rua tug Tswv, kws yog tug puab tsosab rua.
24Tomqaab kws obtug hlaa cheebtsaam Pixidias lawm, obtug txhaj moog rua tebchaws Paafilias. 25Thaus obtug qha Vaajtswv Txujlug huv lub nroog Pawnkas taag, tes obtug txawm moog rua huv lub nroog Atalias, 26hab dlhau ntawd tes obtug caij nkoj rov rua tim lub nroog Aati-aukias kws yog qhov chaw cov ntseeg tau muab obtug cob rua Vaajtswv txuj moovhlub kws yog ua tegnum kws nwgnuav obtug tub ua tav lawm.
27Thaus obtug rovqaab lug txug huv lub nroog Aati-aukias, obtug hu cov ntseeg tuaj uake hab pav txhua yaam kws Vaajtswv tau paab obtug, hab qha qhov kws Vaajtswv tau qheb kev rua Lwmtsaav Tuabneeg lug ntseeg Vaajtswv rua puab noog. 28Obtug nrug cov ntseeg ntawd nyob tau ntev loo.
© 2022 United Bible Societies. All rights reserved.
Tegnum 14
14
Nyob Huv Ikaunius
1Nyob huv lub nroog Ikaunius los zoo tuabyaam nkaus: Paulus hab Npananpas obtug moog rua huv cov Yudais lub tsev saablaaj hab qha tau zoo heev, ua rua cov Yudais hab Lwmtsaav Tuabneeg lug ntseeg coob kawg le. 2Tabsis cov Yudais kws tsi kaam ntseeg txawm moog ntxag kuas Lwmtsaav Tuabneeg tawmtsaam cov kws ntseeg Yexus. 3Obtug nyob huv lub nroog ntawd tau ntev loo. Obtug muaj sab tawv qha txug tug Tswv, kws tau leeg paub tas tej kws obtug qha txug Nwg txuj moovhlub ntawd yeej muaj tseeb. Nwg txhaj pub fwjchim rua obtug ua ntau yaam txujci tseemceeb. 4Cov tuabneeg kws nyob huv lub nroog ntawd txawm tawg ua ob paab: ib paab tuaj cov Yudais tog, hab ib paab tuaj ob tug timthawj tog.
5Qeeleej kws yog Lwmtsaav Tuabneeg hab cov Yudais, nrug rua puab cov thawjcoj, txawm tuavhuv yuav ua phem hab muab pobzeb ntaus ob tug timthawj. 6Thaus obtug paub le ntawd, obtug txhaj tsiv moog rua nraag lub nroog Lixathas hab lub nroog Dawnpis kws nyob huv tebchaws Likaunias hab tej cheebtsaam kws nyob ibncig ntawd. 7Obtug qha Txuj Moo Zoo rua huv cov cheebtsaam ntawd.
Nyob Huv Lixathas Hab Dawnpis
8Nyob huv lub nroog Lixathas muaj ib tug txivneej tuag ceg thaus nruabthab lug, kws yeej ibtxwm moog tsi taug kev le. 9Nwg nyob ntawd noog Paulus tej lug qha. Paulus saibntsoov nwg, hab pum tas nwg muaj txuj kev ntseeg kws yuav khu tau nwg kuas zoo. 10Tes Paulus txawm has nrov-nrov rua nwg has tas, “Koj cale sawvtseeg!” Tug txivneej ntawd txawm sawvtseeg hab ncig moog ncig lug.
11Thaus suavdlawg pum tej kws Paulus tau ua ntawd, puab txawm qw puab cov lug Likaunias nrov-nrov has tas, “Tej nyuas vaajtswv tau txa ua tuabneeg hab tau lug cuag peb lawm!” 12Puab txhaj hu Npananpas hu ua Xus, hab hu Paulus ua Hawmes, ruaqhov Paulus yog tug thawj kws qha. 13Tug povthawj hlub kws teev tug nyuas vaajtswv Xus, nwg lub tuamtsev nyob saabnrau ntug nroog, nwg txawm caab tej txiv nyuj hab nqaa paajntoos tuaj rua ntawm lub roojvaag kws yuav moog rua huv lub nroog; ruaqhov nwg hab cov pejxeem xaav coj tej ntawd tuaj fij rua ob tug timthawj.
14Thaus Npananpas hab Paulus nov txug tej kws puab yuav ua ntawd, obtug txawm muab obtug ob lub tsho dlua hab dlha moog rua huv cov tuabneeg coob-coob ntawd, hab has nrov-nrov rua puab has tas, 15“Mej ua dlaabtsi le nuav? Wb yog tuabneeg ib yaam le mej hab xwb! Wb tuaj ntawm nuav, yog tuaj qha Txuj Moo Zoo rua mej, kuas mej tig tawm ntawm tej kws tsi muaj qaabhau nuav es lug ntseeg tug Vaajtswv kws muaj sa nyob. Nwg yog tug kws tsim lub ntuj hab lub nplajteb, tsim dlej havtxwv, hab txhua yaam kws nyob rua ntawm tej chaw ntawd huv tuabsi. #Tsiv 20:11; Nnkauj 146:6 16Yaav taag lug, Vaajtswv ca txhua tsaav tuabneeg nyag ua lawvle nyag lub sab nyam. 17Tegnum zoo kws Vaajtswv ua, yog Nwg pub muaj tshaav muaj naag, hab kuas tej qoobloo sav lawv caij lawv nyoog, hab pub zaub-mov rua mej noj kuas mej tau nyob kaajsab lug. Tej nuav yeej ibtxwm ua puavpheej has tas muaj Vaajtswv tag.” 18Txawm yog ob tug timthawj tub qha le ntawd los, obtug tseem cheem cov tuabneeg kws pheej yuav muab khoom fij rua obtug nyuaj kawg nkaus le.
19Tabsis cov Yudais muaj qeeleej kws tuaj huv lub nroog Aati-aukias huv tebchaws Pixidias hab huv lub nroog Ikaunius tuaj; puab ntxag tau suavdlawg tuaj puab tog, puab muab pobzeb ntaus Paulus hab muab nwg hai tawm huv lub nroog moog, puab xaav tas nwg tuag lawm. 20Tabsis thaus cov ntseeg tuaj sawv vij nwg, nwg txawm sawv hab rov moog rua huv nroog. Nub tomqaab nwg hab Npananpas obtug txawm moog rua nraag lub nroog Dawnpis lawm.
Paulus Hab Npananpas Rov Lug Rua Aati-aukias Huv Tebchaws Xilias
21Paulus hab Npananpas obtug qha Txuj Moo Zoo huv lub nroog Dawnpis, ua rua muaj ntau leej tau lug ntseeg Yexus. Tes obtug txawm rov moog rua peg lub nroog Lixathas, lub nroog Ikaunius, hab lub nroog Aati-aukias huv tebchaws Pixidias. 22Obtug txhawb cov ntseeg lub zug hab nquahu kuas puab nyob ruaj-khov rua huv txuj kev ntseeg. Obtug qha puab tas, “Peb yeej yuav raug ntau yaam kev txomnyem, peb txhaj moog tau Vaajtswv lub Tebchaws.” 23Paulus hab Npananpas tau tsaa muaj cov txwjlaug rua txhua pawg ntseeg; puab ua kevcai yoo mov hab thov Vaajtswv, obtug tau muab puab fij rua tug Tswv, kws yog tug puab tsosab rua.
24Tomqaab kws obtug hlaa cheebtsaam Pixidias lawm, obtug txhaj moog rua tebchaws Paafilias. 25Thaus obtug qha Vaajtswv Txujlug huv lub nroog Pawnkas taag, tes obtug txawm moog rua huv lub nroog Atalias, 26hab dlhau ntawd tes obtug caij nkoj rov rua tim lub nroog Aati-aukias kws yog qhov chaw cov ntseeg tau muab obtug cob rua Vaajtswv txuj moovhlub kws yog ua tegnum kws nwgnuav obtug tub ua tav lawm.
27Thaus obtug rovqaab lug txug huv lub nroog Aati-aukias, obtug hu cov ntseeg tuaj uake hab pav txhua yaam kws Vaajtswv tau paab obtug, hab qha qhov kws Vaajtswv tau qheb kev rua Lwmtsaav Tuabneeg lug ntseeg Vaajtswv rua puab noog. 28Obtug nrug cov ntseeg ntawd nyob tau ntev loo.
© 2022 United Bible Societies. All rights reserved.