2 Kauleethaus 4
4
Yaam Kws Muajnqes Nyob Huv Tej Laujkaub Aav
1Lug ntawm Vaajtswv txuj kev taabncuab, Nwg txhaj muab tegnum nuav rua peb ua, yogle ntawd peb txhaj tsi qaugzug. 2Peb yeej muab tej kev ua zais nkoog kws yog kev txaajmuag tso povtseg taagnrho huvsi; peb yeej tsi dlaag-ntxag leejtwg, lossis peb yeej tsi hloov Vaajtswv Txujlug. Peb yeej muab qhov tseeb lug nthuav rua suavdlawg paub hab npaaj peb tugkheej rua suavdlawg pum tas peb yog tuabneeg zoo lecaag taabmeeg ntawm Vaajtswv.
3Ruaqhov yog tas Txuj Moo Zoo kws peb qha ntawd tseem raug muab zais ca hab, tes yeej yog zais rua cov tuabneeg kws taabtom yuav raug puamtsuaj xwb. 4Puab tsi ntseeg, ruaqhov tug dlaab phem kws kaav lub nplajteb nuav tau ua rua puab lub qhovmuag sab dlig lawm. Nwg ua rua puab tsi pum qhov kaaj lug ntawm Txuj Moo Zoo kws qha txug Khetos tug tshwjchim kws ci ntsaa-ab; Yexus Khetos yog tug kws muaj fwvxyeej zoole Vaajtswv.
5Peb yeej tsi qha txug peb tugkheej, tabsis peb tsuas qha has tas Yexus Khetos yog tug Tswv, hab peb yog mej cov tubkhai ntawm Yexus lub npe. 6Ruaqhov Vaajtswv yog tug kws has tas, “Ca qhov kaaj ci tawm huv qhov tsausntuj tuaj,” yog tug Vaajtswv kws ua rua qhov kaaj ci huv peb lub sab kuas peb paub txug Vaajtswv tug tshwjchim kws ci ntsaa-ab nyob rua ntawm Khetos lub ntsejmuag. #Chiv 1:3
7Tabsis peb cov kws muaj khoom muajnqes nuav tsuas zoole tej laujkaub aav xwb, kuas suavdlawg txhaj pum tas lub fwjchim kws luj kawg nkaus yog lug ntawm Vaajtswv lug, tsi yog lug ntawm peb lug. 8Teebmeem tuaj txhua faab tuaj raug peb, tabsis kuj tsi txug qhov yuav puagntsoog; muaj qeezag peb kawg tswvyim, tabsis kuj tsi txug qhov twgkev; 9peb raug tsimtxom, tabsis tsi raug muab tsotseg, raug ntaus qaug, tabsis peb tsi tuag. 10Peb yeej ris nraim Yexus txuj kev tuag ntawm peb lub cev, kuas suavdlawg txhaj pum tau Yexus lub neej nyob rua ntawm peb lub cev. 11Ruaqhov thaus peb tseem muaj sa nyob, peb yeej raug muab nog rua txuj kev tuag taag moog le vim peb saib rua ntawm Yexus, kuas suavdlawg txhaj pum Yexus lub neej nyob rua huv peb lub cev kws txawj tuag nuav. 12Qhov nuav txhais tau has tas txuj kev tuag taabtom ua dlejnum nyob rua huv peb, tabsis txujsa taabtom ua dlejnum nyob rua huv mej.
13Vaajtswv Txujlug has tas, “Kuv ntseeg, kuv txhaj has.” Peb yeej ntseeg ib yaam nkaus le ntawd hab, yogle ntawd peb txhaj has. #Nnkauj 116:10 14Peb paub tas Vaajtswv tug kws tsaa Tswv Yexus sawv huv qhovtuag rovqaab lug, Nwg yuav tsaa peb nrug Yexus sawv huv qhovtuag rovqaab lug ib yaam nkaus, Nwg yuav coj peb hab mej moog rua ntawm Nwg lub xubndlag. 15Txhua yaam nuav puavleej yog muajnqes rua mej xwb, sub thaus Vaajtswv txuj moovhlub nthuav moog txug tuabneeg coob zujzug lawm, yuav ua rua coob leej lug ua Vaajtswv tsaug hab yuav ua rua Vaajtswv tau ntsejmuag.
Ua Neej Lug Ntawm Txuj Kev Ntseeg
16Tub yog vimle nuav peb txhaj tsi qaugzug. Txawm yog peb saab nqajtawv sem zujzug moog lawm los peb saab ntsujplig tseem muajzug zujzug tuaj txhua nub. 17Tej nyuas teebmeem miv-miv kws peb raug ib nyuas ntu nuav yuav ua rua peb tau txais tug tshwjchim ci ntsaa-ab moog ibtxhis, kws tseem zoo tshaaj tej teebmeem kws peb raug. 18Ruaqhov tsi yog peb saib rua tej kws peb qhovmuag pum, tabsis peb saib rua tej kws qhovmuag tsi pum. Tej kws qhovmuag pum, tsuas yog nyob ibvuag xwb, tabsis tej kws qhovmuag tsi pum, yuav nyob moog ibtxhis.
© 2022 United Bible Societies. All rights reserved.
2 Kauleethaus 4
4
Yaam Kws Muajnqes Nyob Huv Tej Laujkaub Aav
1Lug ntawm Vaajtswv txuj kev taabncuab, Nwg txhaj muab tegnum nuav rua peb ua, yogle ntawd peb txhaj tsi qaugzug. 2Peb yeej muab tej kev ua zais nkoog kws yog kev txaajmuag tso povtseg taagnrho huvsi; peb yeej tsi dlaag-ntxag leejtwg, lossis peb yeej tsi hloov Vaajtswv Txujlug. Peb yeej muab qhov tseeb lug nthuav rua suavdlawg paub hab npaaj peb tugkheej rua suavdlawg pum tas peb yog tuabneeg zoo lecaag taabmeeg ntawm Vaajtswv.
3Ruaqhov yog tas Txuj Moo Zoo kws peb qha ntawd tseem raug muab zais ca hab, tes yeej yog zais rua cov tuabneeg kws taabtom yuav raug puamtsuaj xwb. 4Puab tsi ntseeg, ruaqhov tug dlaab phem kws kaav lub nplajteb nuav tau ua rua puab lub qhovmuag sab dlig lawm. Nwg ua rua puab tsi pum qhov kaaj lug ntawm Txuj Moo Zoo kws qha txug Khetos tug tshwjchim kws ci ntsaa-ab; Yexus Khetos yog tug kws muaj fwvxyeej zoole Vaajtswv.
5Peb yeej tsi qha txug peb tugkheej, tabsis peb tsuas qha has tas Yexus Khetos yog tug Tswv, hab peb yog mej cov tubkhai ntawm Yexus lub npe. 6Ruaqhov Vaajtswv yog tug kws has tas, “Ca qhov kaaj ci tawm huv qhov tsausntuj tuaj,” yog tug Vaajtswv kws ua rua qhov kaaj ci huv peb lub sab kuas peb paub txug Vaajtswv tug tshwjchim kws ci ntsaa-ab nyob rua ntawm Khetos lub ntsejmuag. #Chiv 1:3
7Tabsis peb cov kws muaj khoom muajnqes nuav tsuas zoole tej laujkaub aav xwb, kuas suavdlawg txhaj pum tas lub fwjchim kws luj kawg nkaus yog lug ntawm Vaajtswv lug, tsi yog lug ntawm peb lug. 8Teebmeem tuaj txhua faab tuaj raug peb, tabsis kuj tsi txug qhov yuav puagntsoog; muaj qeezag peb kawg tswvyim, tabsis kuj tsi txug qhov twgkev; 9peb raug tsimtxom, tabsis tsi raug muab tsotseg, raug ntaus qaug, tabsis peb tsi tuag. 10Peb yeej ris nraim Yexus txuj kev tuag ntawm peb lub cev, kuas suavdlawg txhaj pum tau Yexus lub neej nyob rua ntawm peb lub cev. 11Ruaqhov thaus peb tseem muaj sa nyob, peb yeej raug muab nog rua txuj kev tuag taag moog le vim peb saib rua ntawm Yexus, kuas suavdlawg txhaj pum Yexus lub neej nyob rua huv peb lub cev kws txawj tuag nuav. 12Qhov nuav txhais tau has tas txuj kev tuag taabtom ua dlejnum nyob rua huv peb, tabsis txujsa taabtom ua dlejnum nyob rua huv mej.
13Vaajtswv Txujlug has tas, “Kuv ntseeg, kuv txhaj has.” Peb yeej ntseeg ib yaam nkaus le ntawd hab, yogle ntawd peb txhaj has. #Nnkauj 116:10 14Peb paub tas Vaajtswv tug kws tsaa Tswv Yexus sawv huv qhovtuag rovqaab lug, Nwg yuav tsaa peb nrug Yexus sawv huv qhovtuag rovqaab lug ib yaam nkaus, Nwg yuav coj peb hab mej moog rua ntawm Nwg lub xubndlag. 15Txhua yaam nuav puavleej yog muajnqes rua mej xwb, sub thaus Vaajtswv txuj moovhlub nthuav moog txug tuabneeg coob zujzug lawm, yuav ua rua coob leej lug ua Vaajtswv tsaug hab yuav ua rua Vaajtswv tau ntsejmuag.
Ua Neej Lug Ntawm Txuj Kev Ntseeg
16Tub yog vimle nuav peb txhaj tsi qaugzug. Txawm yog peb saab nqajtawv sem zujzug moog lawm los peb saab ntsujplig tseem muajzug zujzug tuaj txhua nub. 17Tej nyuas teebmeem miv-miv kws peb raug ib nyuas ntu nuav yuav ua rua peb tau txais tug tshwjchim ci ntsaa-ab moog ibtxhis, kws tseem zoo tshaaj tej teebmeem kws peb raug. 18Ruaqhov tsi yog peb saib rua tej kws peb qhovmuag pum, tabsis peb saib rua tej kws qhovmuag tsi pum. Tej kws qhovmuag pum, tsuas yog nyob ibvuag xwb, tabsis tej kws qhovmuag tsi pum, yuav nyob moog ibtxhis.
© 2022 United Bible Societies. All rights reserved.