2 Kauleethaus 2
2
1Yogle ntawd, kuv txhaj ua ib sab tsi tuaj saib mej lawm, sub mej txhaj tsi muaj kev nyuajsab ntxiv. 2Yog kuv ua rua mej nyuajsab, es yuav tshuav leejtwg ua rua kuv rov zoosab? Tsuas yog mej cov kws kuv ua rua nyuajsab lawm, txhaj yuav ua rua kuv zoosab xwb. 3Tub yog vimle nuav kuv txhaj sau tsaab ntawv ntawd tuaj rua mej, kuv tsi xaav kuas thaus kuv tuaj saib mej es yuav ua rua mej cov kws tsimnyog ua rua kuv zoosab ho ua rua kuv nyuajsab. Kuv casab has tas thaus kuv zoosab lawm, mej suavdlawg yuav zoosab hab. 4Thaus kuv sau tsaab ntawv ntawd tuaj rua mej, kuv nyuajsab, ntxhuvsab hab kuv lug kuamuag kawg le; tsi yog kuv txhobtxwm ua kuas mej nyuajsab, tabsis yog kuv xaav kuas mej paub tas kuv hlub mej npaum lecaag.
Zaamtxim Rua Tug Kws Ua Txhum Rua Yug
5Yog leejtwg tau ua rua ib tug twg nyuajsab, tsi yog nwg ua rua kuv xwb tabsis yog nwg ua rua mej suavdlawg nyuajsab, txawm tsi ntau los yeej tsawg. (Kuv has le nuav vim kuv tsi xaav has nyaav rua tug ntawd.) 6Qhov kws mej feem coob rautxim rua tug ntawd, mej tub ua txaus lawm. 7Yogle ntawd, mej yuavtsum zaamtxim rua nwg hab txhawb nwg lub zug, sub nwg txhaj yuav tsi nyuajsab dlhau qhov kws nwg cale tso Vaajtswv tseg. 8Vimle ntawd, kuv thov kuas mej ua tuabzoo has rua nwg paub tas mej yeej hlub nwg.
9Kuv sau tsaab ntawv ntawd tuaj rua mej, tub yog kuv xaav sim seb mej puas noog txhua lulug kws kuv has rua mej. 10Thaus mej zaamtxim rua leejtwg, tes kuv yeej zaamtxim rua tug ntawd ib yaam nkaus hab. Thaus kuv zaamtxim rua leejtwg, yog tas muaj yaam kws kuv yuavtsum tau zaam, kuv yeej zaam rua nwg taabmeeg Khetos, vim kuv saib rua sau mej suavdlawg, 11sub Xataas txhaj kov tsi yeej peb; ruaqhov peb tub paub tej kws nwg npaajsab yuav ua lawm.
Paulus Txuj Kev Nyuajsab Thaus Nwg Nyob Huv Rhau-as
12Thaus kuv moog txug huv lub nroog Rhau-as kws yog moog qha Txuj Moo Zoo kws has txug Khetos, kuv pum tas tug Tswv tub qheb ib lub qhovrooj rua kuv lawm. 13Tabsis kuv ntxhuvsab heev, ruaqhov kuv nrhav tsi pum peb tug kwv Titus nyob huv. Yogle ntawd, kuv txhaj haslug movtshua rua cov tuabneeg ntawd hab ncaim puab moog rua Makedaunias lawm. #Tegnum 20:1
Txuj Kev Muajyeej Lug Ntawm Khetos
14Tabsis ua Vaajtswv tsaug, vim Vaajtswv najnub coj peb taug txujkev kws muajyeej nyob rua huv Khetos. Vaajtswv khaiv peb qha txug Khetos zaaj kuas nrov-nchaa moog rua txhua qhov ib yaam le tej paa tshuaj tswqaab kws tsw thoobplawg txhua qhov chaw. 15Peb zoole tej paa tshuaj tswqaab kws Khetos muab fij rua Vaajtswv, kws tswqaab ntxag moog rua cov tuabneeg kws taabtom dlim hab cov kws taabtom yuav raug kev puamtsuaj. 16Rua cov kws taabtom yuav puamtsuaj, tes peb tsw zoole tej ntxhab phem kws ua rua puab raug kev pluj kev tuag; tabsis rua cov tuabneeg kws taabtom yuav dlim, tes peb tsw zoole tej ntxhab tswqaab kws ua rua puab tau txujsa. Yogle ntawd, leejtwg txhaj yuav tsimnyog ua tegnum nuav?
17Peb tsi zoole lwmtug kws muab Vaajtswv Txujlug coj moog muag zoole tej khoom pheejyig; tabsis yog Vaajtswv khaiv peb, peb txhaj qha ncaajnceeg taabmeeg Vaajtswv, vim peb yog Khetos cov tubkhai ntaag.
© 2022 United Bible Societies. All rights reserved.
2 Kauleethaus 2
2
1Yogle ntawd, kuv txhaj ua ib sab tsi tuaj saib mej lawm, sub mej txhaj tsi muaj kev nyuajsab ntxiv. 2Yog kuv ua rua mej nyuajsab, es yuav tshuav leejtwg ua rua kuv rov zoosab? Tsuas yog mej cov kws kuv ua rua nyuajsab lawm, txhaj yuav ua rua kuv zoosab xwb. 3Tub yog vimle nuav kuv txhaj sau tsaab ntawv ntawd tuaj rua mej, kuv tsi xaav kuas thaus kuv tuaj saib mej es yuav ua rua mej cov kws tsimnyog ua rua kuv zoosab ho ua rua kuv nyuajsab. Kuv casab has tas thaus kuv zoosab lawm, mej suavdlawg yuav zoosab hab. 4Thaus kuv sau tsaab ntawv ntawd tuaj rua mej, kuv nyuajsab, ntxhuvsab hab kuv lug kuamuag kawg le; tsi yog kuv txhobtxwm ua kuas mej nyuajsab, tabsis yog kuv xaav kuas mej paub tas kuv hlub mej npaum lecaag.
Zaamtxim Rua Tug Kws Ua Txhum Rua Yug
5Yog leejtwg tau ua rua ib tug twg nyuajsab, tsi yog nwg ua rua kuv xwb tabsis yog nwg ua rua mej suavdlawg nyuajsab, txawm tsi ntau los yeej tsawg. (Kuv has le nuav vim kuv tsi xaav has nyaav rua tug ntawd.) 6Qhov kws mej feem coob rautxim rua tug ntawd, mej tub ua txaus lawm. 7Yogle ntawd, mej yuavtsum zaamtxim rua nwg hab txhawb nwg lub zug, sub nwg txhaj yuav tsi nyuajsab dlhau qhov kws nwg cale tso Vaajtswv tseg. 8Vimle ntawd, kuv thov kuas mej ua tuabzoo has rua nwg paub tas mej yeej hlub nwg.
9Kuv sau tsaab ntawv ntawd tuaj rua mej, tub yog kuv xaav sim seb mej puas noog txhua lulug kws kuv has rua mej. 10Thaus mej zaamtxim rua leejtwg, tes kuv yeej zaamtxim rua tug ntawd ib yaam nkaus hab. Thaus kuv zaamtxim rua leejtwg, yog tas muaj yaam kws kuv yuavtsum tau zaam, kuv yeej zaam rua nwg taabmeeg Khetos, vim kuv saib rua sau mej suavdlawg, 11sub Xataas txhaj kov tsi yeej peb; ruaqhov peb tub paub tej kws nwg npaajsab yuav ua lawm.
Paulus Txuj Kev Nyuajsab Thaus Nwg Nyob Huv Rhau-as
12Thaus kuv moog txug huv lub nroog Rhau-as kws yog moog qha Txuj Moo Zoo kws has txug Khetos, kuv pum tas tug Tswv tub qheb ib lub qhovrooj rua kuv lawm. 13Tabsis kuv ntxhuvsab heev, ruaqhov kuv nrhav tsi pum peb tug kwv Titus nyob huv. Yogle ntawd, kuv txhaj haslug movtshua rua cov tuabneeg ntawd hab ncaim puab moog rua Makedaunias lawm. #Tegnum 20:1
Txuj Kev Muajyeej Lug Ntawm Khetos
14Tabsis ua Vaajtswv tsaug, vim Vaajtswv najnub coj peb taug txujkev kws muajyeej nyob rua huv Khetos. Vaajtswv khaiv peb qha txug Khetos zaaj kuas nrov-nchaa moog rua txhua qhov ib yaam le tej paa tshuaj tswqaab kws tsw thoobplawg txhua qhov chaw. 15Peb zoole tej paa tshuaj tswqaab kws Khetos muab fij rua Vaajtswv, kws tswqaab ntxag moog rua cov tuabneeg kws taabtom dlim hab cov kws taabtom yuav raug kev puamtsuaj. 16Rua cov kws taabtom yuav puamtsuaj, tes peb tsw zoole tej ntxhab phem kws ua rua puab raug kev pluj kev tuag; tabsis rua cov tuabneeg kws taabtom yuav dlim, tes peb tsw zoole tej ntxhab tswqaab kws ua rua puab tau txujsa. Yogle ntawd, leejtwg txhaj yuav tsimnyog ua tegnum nuav?
17Peb tsi zoole lwmtug kws muab Vaajtswv Txujlug coj moog muag zoole tej khoom pheejyig; tabsis yog Vaajtswv khaiv peb, peb txhaj qha ncaajnceeg taabmeeg Vaajtswv, vim peb yog Khetos cov tubkhai ntaag.
© 2022 United Bible Societies. All rights reserved.