1 Kauleethaus 8
8
Lug Nug Txug Tej Zaub-Mov Kws Muab Fij Rua Mlom
1Zagnua, has txug tej zaub-mov kws luas muab fij rua tej mlom lawm.
Peb yeej paub tas “Peb txhua tug puavleej muaj kev txawjntse.” Kev txawjntse ua rua muaj kev khaavtheeb; tabsis kev hlub ua rua muaj kev ruaj-khov tuaj. 2Tug kws xaav tas nwg paub qeeyaam, tug ntawd yeej tseem tsi tau paub le qhov kws tsimnyog nwg yuavtsum paub. 3Tabsis tug kws hlub Vaajtswv, Vaajtswv yeej paub tug ntawd.
4Yogle ntawd, has txug tej zaub-mov kws luas muab fij rua tej mlom lawm: peb yeej paub tas nyob rua huv lub nplajteb nuav, mlom yeej tsi tseemceeb dlaabtsi le, hab peb paub tas tsuas muaj tuabtug Vaajtswv xwb, yeej tsi muaj dlua lwmtug le lawm. 5Txawm yog tej kws tuabneeg yuav hu has tas “tej nyuas vaajtswv,” tsi has nyob sau ntuj lossis huv nplajteb nuav; txawm yuav nyam muaj ntau “tug nyuas vaajtswv” hab ntau “tug nyuas tswv,” 6los peb tsuas muaj tuabtug Vaajtswv, kws yog Leejtxiv tug kws tsim ibpuas tsaavyaam hab yog tug kws pub txujsa rua peb lug ua neej nyob pub rua Nwg. Tsuas muaj tuabtug Tswv xwb, kws yog Yexus Khetos, txhua yaam yog Nwg tsim hab qhov kws peb muaj sa los puavleej yog lug ntawm Nwg lug.
7Tabsis tsi yog txhua tug paub txug tej nuav. Muaj ibtxha yog cov kws yeej ibtxwm teev mlom ntev lug lawm, yogle ntawd, thaus puab noj zaub noj mov, puab txhaj tseem xaav tas tej ntawd yog tej kws tub muab fij rua mlom lawm. Puab tej kev xaav tseem tsi tau ruaj-khov, puab txhaj xaav tas yog puab noj tes puab ua txhum lawm. 8Tabsis tej zaub-mov ntawd yeej coj tsi tau kuas peb lug nyob ze rua ntawm Vaajtswv; txawm yog peb tsi noj los peb yeej tsi tuncua dlaabtsi, hab txawm yog peb noj los yeej tsi ntxiv dlaabtsi tuaj.
9Tabsis mej yuavtsum ceevfaaj, tsi xob siv mej txuj kev ywjpheej ua rua cov kws txuj kev ntseeg tseem tsi tau khov yuamkev moog ua txhum. 10Pevxaam has tas muaj ib tug kws nwg txuj kev xaav tseem tsi tau ruaj-khov, pum koj tug kws paub txug tej nuav taabtom noj mov huv lub tsev teev mlom; qhov nuav puas yog txhawb kuas nwg cale moog noj tej zaub-mov kws tau muab fij rua tej mlom ntawd hab? 11Vim mej txuj kev paub, mej txhaj ua rua cov kwvtij kws puab txuj kev xaav tseem tsi tau ruaj-khov kws Khetos tub lug tuag theej puab lub txhoj lawm raug kev puamtsuaj! 12Thaus mej ua txhum rua mej cov kwvtij ntseeg le nuav, mej ua rua puab txuj kev xaav kws tseem tsi tau ruaj-khov ntawd muaj kev puagntsoog, tes yog mej ua txhum rua Khetos ntaag. 13Yogle ntawd, yog tas tej kws kuv noj ua rua kuv ib tug kwvtij poob kev txhum, tes kuv yuav tsi noj nqaj ntxiv le lawm, sub kuv txhajle yuav tsi ua rua ib tug ntseeg yuamkev moog ua txhum.
© 2022 United Bible Societies. All rights reserved.
1 Kauleethaus 8
8
Lug Nug Txug Tej Zaub-Mov Kws Muab Fij Rua Mlom
1Zagnua, has txug tej zaub-mov kws luas muab fij rua tej mlom lawm.
Peb yeej paub tas “Peb txhua tug puavleej muaj kev txawjntse.” Kev txawjntse ua rua muaj kev khaavtheeb; tabsis kev hlub ua rua muaj kev ruaj-khov tuaj. 2Tug kws xaav tas nwg paub qeeyaam, tug ntawd yeej tseem tsi tau paub le qhov kws tsimnyog nwg yuavtsum paub. 3Tabsis tug kws hlub Vaajtswv, Vaajtswv yeej paub tug ntawd.
4Yogle ntawd, has txug tej zaub-mov kws luas muab fij rua tej mlom lawm: peb yeej paub tas nyob rua huv lub nplajteb nuav, mlom yeej tsi tseemceeb dlaabtsi le, hab peb paub tas tsuas muaj tuabtug Vaajtswv xwb, yeej tsi muaj dlua lwmtug le lawm. 5Txawm yog tej kws tuabneeg yuav hu has tas “tej nyuas vaajtswv,” tsi has nyob sau ntuj lossis huv nplajteb nuav; txawm yuav nyam muaj ntau “tug nyuas vaajtswv” hab ntau “tug nyuas tswv,” 6los peb tsuas muaj tuabtug Vaajtswv, kws yog Leejtxiv tug kws tsim ibpuas tsaavyaam hab yog tug kws pub txujsa rua peb lug ua neej nyob pub rua Nwg. Tsuas muaj tuabtug Tswv xwb, kws yog Yexus Khetos, txhua yaam yog Nwg tsim hab qhov kws peb muaj sa los puavleej yog lug ntawm Nwg lug.
7Tabsis tsi yog txhua tug paub txug tej nuav. Muaj ibtxha yog cov kws yeej ibtxwm teev mlom ntev lug lawm, yogle ntawd, thaus puab noj zaub noj mov, puab txhaj tseem xaav tas tej ntawd yog tej kws tub muab fij rua mlom lawm. Puab tej kev xaav tseem tsi tau ruaj-khov, puab txhaj xaav tas yog puab noj tes puab ua txhum lawm. 8Tabsis tej zaub-mov ntawd yeej coj tsi tau kuas peb lug nyob ze rua ntawm Vaajtswv; txawm yog peb tsi noj los peb yeej tsi tuncua dlaabtsi, hab txawm yog peb noj los yeej tsi ntxiv dlaabtsi tuaj.
9Tabsis mej yuavtsum ceevfaaj, tsi xob siv mej txuj kev ywjpheej ua rua cov kws txuj kev ntseeg tseem tsi tau khov yuamkev moog ua txhum. 10Pevxaam has tas muaj ib tug kws nwg txuj kev xaav tseem tsi tau ruaj-khov, pum koj tug kws paub txug tej nuav taabtom noj mov huv lub tsev teev mlom; qhov nuav puas yog txhawb kuas nwg cale moog noj tej zaub-mov kws tau muab fij rua tej mlom ntawd hab? 11Vim mej txuj kev paub, mej txhaj ua rua cov kwvtij kws puab txuj kev xaav tseem tsi tau ruaj-khov kws Khetos tub lug tuag theej puab lub txhoj lawm raug kev puamtsuaj! 12Thaus mej ua txhum rua mej cov kwvtij ntseeg le nuav, mej ua rua puab txuj kev xaav kws tseem tsi tau ruaj-khov ntawd muaj kev puagntsoog, tes yog mej ua txhum rua Khetos ntaag. 13Yogle ntawd, yog tas tej kws kuv noj ua rua kuv ib tug kwvtij poob kev txhum, tes kuv yuav tsi noj nqaj ntxiv le lawm, sub kuv txhajle yuav tsi ua rua ib tug ntseeg yuamkev moog ua txhum.
© 2022 United Bible Societies. All rights reserved.