رومیلار 16
16
سُنگقی سالاملار
1کِنخریه‌دَکی کِلیسانینگ خیدماتچیسی آیال دُغانیمیز فیبینی سیزه تابشیریارین. 2اُنی مسیحینگ حاقی اوچین، ایماندارلارا گِلیشیَن هیلی میهمان آلینگ، هِمّه مَحتَجلیکلِرینده کُمِک بِرینگ. چونکی اُل کَن آداملارا، شُل حاساپدا مانگا-دا نَچه گِزِک کُمِک اِتدی.
3عیسی مسیحده خیدمات اِدیَن هِمکَرلِریم پریسکیلا و آکیلا سالام آیدینگ. 4اُلار مِنینگ اوچین اُز جانلارینی خاطارا سالدیلار، اُلارا دینگه مِن دَل، یَهودی دَل‍لِردِن بُلان کِلیسالار هِم مینِّتداردیرلار. 5اُلارینگ اُیونده ییغنانیان کِلیسایا-دا سالام آیدینگ. عزیز دُستوم اِپینِتوسا هِم سالام آیدینگ. اُل آسیا وِلایاتینداقیلارینگ آراسیندا اَوَّلکی بُلوپ عیسی مسیحه ایمان گِتیردی. 6سیزینگ اوچین آرمان-یادامان زَحمِت چِکِن مریمه سالام آیدینگ. 7مِنینگ بیلِن زینداندا بُلان قارینداشلاریم آندرونیکوس بیلِن یونیاسا سالام آیدینگ. اُلار رِسول‍لارینگ آراسیندا آد-آبرای قازانیپ، مسیحه مِندِن اُنگ ایمان گِتیریپدیلِر. 8مسیحینگ اوستو بیلِن عزیز دُستوم بُلان آمپلیاتوسا سالام آیدینگ. 9عیسی مسیحه خیدمات اِدیَن هِمکَریم اوربانوسا و عزیز دُستوم اِستاخیسا سالام آیدینگ. 10مسیحینگ وِفادار شَگیردی آپِلیسا سالام آیدینگ. آریستوبولُسینگ اُی-ایچِرسینه هِم سالام آیدینگ.
11قارینداشیم هیرودیونا سالام آیدینگ. نارکیسوسینگ ایچِرسیندِن مسیحه ایمان گِتیرِنلِره سالام آیدینگ. 12مسیح اوچین آرمان-یادامان زَحمِت چِکیَن آیال دُغانلاریمیز تریفینا و تریفوسا سالام آیدینگ. مسیح اوچین کَن زَحمِت چِکیَن عزیز آیال دُغانیمیز پِرسیسه هِم سالام آیدینگ. 13مسیح طارافیندان سایلانیپ-سِچیلِن دُغانیم روفوسا و اُنونگ اِنه‌سینه سالام آیدینگ. روفوسینگ اِنه‌سی مانگا-دا اِدیل اُز اُغلی یالی باقیار. 14آسینکریتوسا، فلِگونا، هِرمِسه، پاتروباسا، هِرماسا و اُلارینگ یانینداقی ایماندارلارا سالام آیدینگ. 15فیلولوگوسا، یولیا، اولیمپاسا، نیریاسا، اُنونگ آیال دُغانینا و اُلارینگ یانینداقی ایماندارلارینگ بارینا سالام آیدینگ. 16بیری-بیرینگیزی مُقادِّس اُغشاماق بیلِن سالاملاشینگ. عیسی مسیحه باغلی بُلان کِلیسالارینگ باری سیزه سالام ایبِریَر.
17اِی عزیزلِر، سیزه اُورِدیلِن تَعلیماتا قارشی چیقیپ، آرانگیزدا بُلونیشیکلِری دُرِدیَنلِردِن و ایمانینگیزا سِد بُلیانلاردان خاباردار بُلونگ دییّپ یالباریارین. شِیله آداملاردان داش دورونگ. 18چونکی اُلار تانگریمیز عیسی مسیحه دَل-ده، اُز قارا قارینلارینا خیدمات اِدیَندیرلِر. اُلار سویجی سُزلِر و آوادانگلیق بیلِن کِپلَپ، سادا آداملاری آلداوا سالیاندیرلار. 19سیزینگ موطیع‌لیغینگیز هِمّه‌لِره معلیمدیر. مِن سیزینگ شِیلِدیگینگیزه قاتی بِگِنیَرین، یُنه سیزینگ یاخشینی یاماندان آچیق بیلِر یالی فَهیملی بُلماغینگیزی و یامانلیغا سادا بُلماغینگیزی ایسلِیَرین. 20پاراحاتلیغینگ چِشمه‌سی بُلان خودای بُلسا تیز واقتدا شِیطانی آیاقلارینگیزینگ آشاغیندا باسار. قُی، تانگریمیز عیسی مسیحینگ مِرحِمِتی سیزه یار بُلسون!
21هِمکَریم تیموتاوس، قارینداشلاریم لوکیوس، یاسون و سوسیپاتروس سیزه سالام یُلّایارلار. 22بو نامه‌نی کاغذا یازیپ اُتوران مِن تِرتیوس مسیحه ایمان گِتیریَن دُغانینگیز حُکمونده سیزه سالام یُلّایارین. 23مِن پولسی میهمان آلیپ، کِلیسالاری اُز اُیونده گِچیرمَگه مومکینچیلیک دُرِدِن قایوس سیزه سالام یُلّایار. شَهرینگ خازیناچیسی اِراستوس و دُغانیمیز کوآرتوس سیزه سالام یُلّایار. [ 24تانگریمیز عیسی مسیحینگ مِرحِمِتی سیزینگ هِمَّه‌نگیزه یار بُلسون. اَمین.]
25مِنینگ واغیظ اِدیَن خوش خاباریما، یَعنی عیسی مسیح باراداقی تَعلیماتا اینانان سیزی ایماندا قاییملاماغی باشاریان خودایا بِییکلیک بُلسون! بو خوش خابار اِنچِمه عاصیرلارینگ دُوامیندا گوزگین ساقلانیپ، ایندی آیان اِدیلِن بیر سیردیر. 26هاووا، بو خوش خابار آیان بُلدی. اُل هِمّه میلِّتلِرینگ اِبِدی خودایینگ اِمرینه گُرَه اُنگا موطیع بُلماغی اوچین پیغامبارلارینگ یازغیلارینینگ اوستو بیلِن آیان اِدیلدی. 27حِکمِتلی و یِکه خودایا عیسی مسیحینگ اوستو بیلِن اِبِدی بِییکلیک بُلسون! اَمین!
© Turkmen Truth
رومیلار 16
16
سُنگقی سالاملار
1کِنخریه‌دَکی کِلیسانینگ خیدماتچیسی آیال دُغانیمیز فیبینی سیزه تابشیریارین. 2اُنی مسیحینگ حاقی اوچین، ایماندارلارا گِلیشیَن هیلی میهمان آلینگ، هِمّه مَحتَجلیکلِرینده کُمِک بِرینگ. چونکی اُل کَن آداملارا، شُل حاساپدا مانگا-دا نَچه گِزِک کُمِک اِتدی.
3عیسی مسیحده خیدمات اِدیَن هِمکَرلِریم پریسکیلا و آکیلا سالام آیدینگ. 4اُلار مِنینگ اوچین اُز جانلارینی خاطارا سالدیلار، اُلارا دینگه مِن دَل، یَهودی دَل‍لِردِن بُلان کِلیسالار هِم مینِّتداردیرلار. 5اُلارینگ اُیونده ییغنانیان کِلیسایا-دا سالام آیدینگ. عزیز دُستوم اِپینِتوسا هِم سالام آیدینگ. اُل آسیا وِلایاتینداقیلارینگ آراسیندا اَوَّلکی بُلوپ عیسی مسیحه ایمان گِتیردی. 6سیزینگ اوچین آرمان-یادامان زَحمِت چِکِن مریمه سالام آیدینگ. 7مِنینگ بیلِن زینداندا بُلان قارینداشلاریم آندرونیکوس بیلِن یونیاسا سالام آیدینگ. اُلار رِسول‍لارینگ آراسیندا آد-آبرای قازانیپ، مسیحه مِندِن اُنگ ایمان گِتیریپدیلِر. 8مسیحینگ اوستو بیلِن عزیز دُستوم بُلان آمپلیاتوسا سالام آیدینگ. 9عیسی مسیحه خیدمات اِدیَن هِمکَریم اوربانوسا و عزیز دُستوم اِستاخیسا سالام آیدینگ. 10مسیحینگ وِفادار شَگیردی آپِلیسا سالام آیدینگ. آریستوبولُسینگ اُی-ایچِرسینه هِم سالام آیدینگ.
11قارینداشیم هیرودیونا سالام آیدینگ. نارکیسوسینگ ایچِرسیندِن مسیحه ایمان گِتیرِنلِره سالام آیدینگ. 12مسیح اوچین آرمان-یادامان زَحمِت چِکیَن آیال دُغانلاریمیز تریفینا و تریفوسا سالام آیدینگ. مسیح اوچین کَن زَحمِت چِکیَن عزیز آیال دُغانیمیز پِرسیسه هِم سالام آیدینگ. 13مسیح طارافیندان سایلانیپ-سِچیلِن دُغانیم روفوسا و اُنونگ اِنه‌سینه سالام آیدینگ. روفوسینگ اِنه‌سی مانگا-دا اِدیل اُز اُغلی یالی باقیار. 14آسینکریتوسا، فلِگونا، هِرمِسه، پاتروباسا، هِرماسا و اُلارینگ یانینداقی ایماندارلارا سالام آیدینگ. 15فیلولوگوسا، یولیا، اولیمپاسا، نیریاسا، اُنونگ آیال دُغانینا و اُلارینگ یانینداقی ایماندارلارینگ بارینا سالام آیدینگ. 16بیری-بیرینگیزی مُقادِّس اُغشاماق بیلِن سالاملاشینگ. عیسی مسیحه باغلی بُلان کِلیسالارینگ باری سیزه سالام ایبِریَر.
17اِی عزیزلِر، سیزه اُورِدیلِن تَعلیماتا قارشی چیقیپ، آرانگیزدا بُلونیشیکلِری دُرِدیَنلِردِن و ایمانینگیزا سِد بُلیانلاردان خاباردار بُلونگ دییّپ یالباریارین. شِیله آداملاردان داش دورونگ. 18چونکی اُلار تانگریمیز عیسی مسیحه دَل-ده، اُز قارا قارینلارینا خیدمات اِدیَندیرلِر. اُلار سویجی سُزلِر و آوادانگلیق بیلِن کِپلَپ، سادا آداملاری آلداوا سالیاندیرلار. 19سیزینگ موطیع‌لیغینگیز هِمّه‌لِره معلیمدیر. مِن سیزینگ شِیلِدیگینگیزه قاتی بِگِنیَرین، یُنه سیزینگ یاخشینی یاماندان آچیق بیلِر یالی فَهیملی بُلماغینگیزی و یامانلیغا سادا بُلماغینگیزی ایسلِیَرین. 20پاراحاتلیغینگ چِشمه‌سی بُلان خودای بُلسا تیز واقتدا شِیطانی آیاقلارینگیزینگ آشاغیندا باسار. قُی، تانگریمیز عیسی مسیحینگ مِرحِمِتی سیزه یار بُلسون!
21هِمکَریم تیموتاوس، قارینداشلاریم لوکیوس، یاسون و سوسیپاتروس سیزه سالام یُلّایارلار. 22بو نامه‌نی کاغذا یازیپ اُتوران مِن تِرتیوس مسیحه ایمان گِتیریَن دُغانینگیز حُکمونده سیزه سالام یُلّایارین. 23مِن پولسی میهمان آلیپ، کِلیسالاری اُز اُیونده گِچیرمَگه مومکینچیلیک دُرِدِن قایوس سیزه سالام یُلّایار. شَهرینگ خازیناچیسی اِراستوس و دُغانیمیز کوآرتوس سیزه سالام یُلّایار. [ 24تانگریمیز عیسی مسیحینگ مِرحِمِتی سیزینگ هِمَّه‌نگیزه یار بُلسون. اَمین.]
25مِنینگ واغیظ اِدیَن خوش خاباریما، یَعنی عیسی مسیح باراداقی تَعلیماتا اینانان سیزی ایماندا قاییملاماغی باشاریان خودایا بِییکلیک بُلسون! بو خوش خابار اِنچِمه عاصیرلارینگ دُوامیندا گوزگین ساقلانیپ، ایندی آیان اِدیلِن بیر سیردیر. 26هاووا، بو خوش خابار آیان بُلدی. اُل هِمّه میلِّتلِرینگ اِبِدی خودایینگ اِمرینه گُرَه اُنگا موطیع بُلماغی اوچین پیغامبارلارینگ یازغیلارینینگ اوستو بیلِن آیان اِدیلدی. 27حِکمِتلی و یِکه خودایا عیسی مسیحینگ اوستو بیلِن اِبِدی بِییکلیک بُلسون! اَمین!
© Turkmen Truth