رِسول‍لار 7
7
اِستیفان خالقا آیدیار
1اُنسُنگ باش کاهین اِستیفاندان: «بو عاییپلامالار دُغرومی؟» دییّپ سُرادی. 2اِستیفان شِیله جُغاپ بِردی: «اِی دُغانلار و آتالار! مِنینگ سُزلِریمه قولاق آسینگ. آتامیز ابراهیم حاراندا مِسکِن توتمانقا، هِنیز بِین‌اُلنهریندِکه اُنگا بِییک خودای گُروندی. 3خودای اُنگا: ”اُز یوردونگی، قارینداشلارینگی قُی-دا، مِنینگ سانگا گُرکِزجِک یوردوما گیت“ دییدی.#یاراتیلیش ۱۲:۱
4«شِیلِلیکده، ابراهیم کِلدانیلارینگ یوردونی تِرک اِدیپ، حاراندا جایلاشدی. آتاسی آرادان چیقاندان سُنگ، خودای اُنی حاراندان چیقاریپ، سیزینگ حَضیرکی اُتوران یوردونگیزا گُچوردی. 5خودای بو یِردِن اُنونگ اُزونه مولک بِرمِدی، حتّیٰ بیر قاریش یِر-ده بِرمِدی. اِمّا هِنیز فِرزِندی بُلماسا-دا، بو یوردی اُنگا و اُنونگ نِسلینه مولک اِدیپ بِرمِگی واعدا بِردی. 6خودای اُنگا: ”سِنینگ نِسلینگ یاد تُپراقدا گِلِن بُلسادا هِم قول بُلوپ یاشار، شُل یِرینگ خالقی اُلاری دُرت یوز ییلّاپ ظولوم اِدِر. 7اِمّا مِن سِنینگ نِسلینگی قولا اُورِن خالقینگ جِزاسینی بِرِرین. شُندان سُنگ اُلار اُل یِردِن چیقیپ، بو یِرده مانگا عیبادات اِدِرلِر“ دییدی.#یاراتیلیش ۱۵:۱۳-۱۴ 8سُنگرا خودای ابراهیم بیلِن عَهد باغلاشیپ، بو عَهدینگ نیشانی حُکمونده اُغول سونِّتلِمِگی بِردی. شِیلِلیکده، ابراهیم اسحاقینگ آتاسیدی، ابراهیم اُنی سِکیز گونلوکَّه سونِّتلِدی. اسحاق یعقوبینگ آتاسیدی، اُل هِم سونِّتلِندی. یعقوبدان هِر بیر طایفا عِمِله گِتیرِن اُن ایکی اُغول دونیَه ایندی، اُلار هِم سونِّت اِدیلدیلِر.
9«اُلار اُز دُغانلاری یوسفه باخیلچیلیق اِدیپ، اُنی مصره ساتسالار-دا، خودای یوسفی یِکه قالدیرمادی. 10اُل یوسفی هِمّه ظولوملاردان آزاد اِتدی. خودای اُنگا حِکمِت بِریپ، اُنی مصر پادیشاهسی فِرعونینگ حوضوریندا عزیز بُلار یالی اِتدی. فِرعون اُنی مصرینگ و هِمّه کاخینگ باشلیغی اِدیپ بِلِّدی. 11شُل زاماندا هِمّه مصر و کنعان یوردی آچلیق چِکدی، اُلارینگ باشیندان آغیر قایغی-غام ایندی و آتا-بابالاریمیز اییمیت تاپمادیلار.
12«یعقوب مصرده غالّا باردیغینی اِشیدیپ، اُز اُغول‍لارینی، یَعنی بیزینگ آتا-بابالاریمیزی بیرینجی گِزِک اُل یِره یُلّادی. 13ایکینجی گِزِکده بُلسا یوسف دُغانلارینا اُزونی تانیتدی. شِیلِلیکده، فِرعون یوسفینگ ماشغالاسی بارادا بیلدی. 14سُنگرا یوسف اُز آتاسینی یعقوب و هِمّه دُغان-قارینداشلارینی یانینا چاغیردی. اُلار جِمی یِتمیش بَش آدامدی. 15یعقوب مصره گیتدی. یعقوب و اُنونگ اُغول‍لاری، یَعنی آتا-بابالاریمیز شُل یِرده آرادان چیقدیلار. 16اُلارینگ جِسِدلِرینی شِکیمه اَکیدیپ، ابراهیمینگ شِکیمده حمورینگ نِسلیندِن ساتین آلان قابریندا جایلادیلار.
17«خودایینگ ابراهیما بِرِن واعداسینینگ واقتی قُلایلادیغیچا، خالقیمیزینگ سانی هِم مصرده باردیقچا کَنِلیَردی. 18سُنگرا یوسفی تانیمییان باشغا بیر فِرعون تاختا چیقدی. 19اُل بیزینگ خالقیمیزا قارشی حیله‌گَرلیک اِتدی، آتا-بابالاریمیزی ظولوم اِدیپ، تَزه دُغان چاغالارینی اُلومه دوچار اِتمِک اوچین داشاری اُقلاماغا مِجبور اِتدی. 20شُل واقت موسی اِنه‌دِن دُغدی. اُل خودایینگ ناظاریندا خاص قاووجا چاغادی. اِنه-آتاسی اُیونده اُنگا اوچ آی باقدی. 21اِمّا اُندان سُنگ اُنی اُقلاماغا مِجبور بُلدولار. اُقلانان چاغانی فِرعونینگ قیزی تاپیپ، اُزونه آلدی و اُز اُغلی یالی تِربیِتلَپ یِتیشدیردی. 22موسی مصریلِرینگ هِمّه بیلیمی اُورِدیلدی. اُل سُزده هِم، ایشده هِم بِییک آدام بُلوپ یِتیشدی.
23«موسی قیرق یاشینا یِتِنده، اُز ایلدِشلِری بُلان اسرائیل خالقینینگ آراسینا گُرمه-گُرشه گیتمِگی یورِگینه دوودی. 24مصریلِردِن بیری اسرائیل خالقیندان بیرینه آزار بِریَندیگینی گُرِنده، موسی اُنگا آرقا دوردی. مصرلینی اُلدوریپ، اُل اسرائیل‌لینینگ آرینی آلدی. 25موسی: ”خودای خالقیمی مِنینگ اوستوم بیلِن آزاد اِتمِکچی، خالقیم مونگا دوشونِر“ دییّپ گومَن اِتدی، اِمّا اُلار مونگا دوشونمِدیلِر. 26اِرتیسی گون موسی ایکی اسرائیل‌لی آدامینگ داعوالاشیپ دورانینی گُردی و یانلارینا باریپ، اُلاری یاراشدیرماغا نییِتلِندی. اُلارا: ”اِی آداملار، سیز دُغان آخیری! نَمه اوچین بیری-بیرینگیزه آزار بِریَرسینگیز؟“ دییدی. 27اِمّا اُز ایلدِشینه آزار بِریَن آدام اُنی ایتیکلَپ: ”کیم سِنی بیزه حاکیم یا-دا قاضی اِدیپ قُیدی؟ 28دوینکی مصرلینی اُلدوریشینگ یالی، مِنی-ده اُلدورمِکچیمینگ؟“ دییدی. 29موسی بو کِپی اِشیدِندِن سُنگ، مِدیان یوردونا قاچیپ گیتدی و اُل یِرده بیگانه بُلوپ یاشادی. بو یورتدا اُنونگ ایکی اُغلی دونیَه ایندی.
30«آرادان قیرق ییل گِچِندِن سُنگ، سینا داغینینگ قُلایینداقی بیاباندا یانیپ دوران یانداغینگ اُرتاراسیندا اُنگا بیر پِریشده گُروندی. 31موسی اُنی گُروپ حایران قالدی. اُل بو گِنگ واقانی یاقینراق باریپ گُرمِکچی بُلاندا، خودای اُنگا شِیله سِسلِندی: 32”مِن سِنینگ آتا-بابالارینگ ابراهیمینگ، اسحاقینگ و یعقوبینگ خوداییدیرین“. موسی قُرقوسیندان تیترَپ باشلادی و گُزلِمَگه یورِک اِتمِدی. 33سُنگرا خودای اُنگا: ”آیاغینگداقی کُووشینگی چیقار، چونکی سِنینگ بو دوران یِرینگ مُقادِّس تُپراقدیر! 34مصرده خالقیمینگ چِکیَن ظولومینی گُردوم، اُلارینگ آخی-نالاسینی اِشیتدیم. مِن اُلاری آزاد اِتمِک اوچین آشاق ایندیم. ایندی، گِل، مِن سِنی مصره ایبِرِیین“ دییدی.#چیقیش ۳:۵-۱۰
35«اینه، بو موسی: ”کیم سِنی بیزه حاکیم یا-دا قاضی اِدیپ قُیدی؟“ دییّپ، خالقینگ اینکَر اِدِن موساسیدی. خودایینگ اُزی یانداقدا گُرنِن پِریشدَه‌نینگ اوستو بیلِن حاکیم هِم نِجات بِریَن اِدیپ اُنی یُلّادی. 36موسی اسرائیل خالقینی مصردِن آلیپ چیقدی. اُل مصرده، قیزیل دِریادا و بیاباندا قیرق ییلّاپ مُعجِزه‌لِر و عالاماتلار گُرکِزدی.
37«اینه، اسرائیل خالقینا: ”خودای سیزینگ اوچین اُز خالقینگیزینگ آراسیندان مِنینگ یالی بیر پیغامبار چیقارار“ دییّپ آیدان هِم شو موسادیر.#قایتادان ۱۸:۱۵ 38بیاباندا اسرائیل خالقی بیلِن یاشان هِم شو موسادیر، سینا داغیندا پِریشده بیلِن کِپلِشیپ، آتا-بابالاریمیز بیلِن بیله بُلان هِم شُلدور. اُل یاشاییش سُزلِرینی قابول اِدیپ، اُلاری بیزه یِتیردی.
39«اِمّا بیزینگ آتا-بابالاریمیز اُنگا موطیع بُلماقدان یوز اُوروپ، اُنی رِد اِتدیلِر و مصره دُلانماغا ماییل بُلدولار. 40اُلار هارونا: ”اُوومیزدِن یُل گُرکِزِر یالی، بیزه خودایلار بِجِریپ بِر، سِبَبی بیزی مصردِن چیقاریپ گِتیرِن موسی نَمه بُلانینی بیلِمیزُق“ دییدیلِر.#چیقیش ۳۲:۱ 41شُل واقت اُلار تانانینگ شِکیلینده بُت بِجِریپ، اُنگا قربانلیق بِردیلِر. اُلار اُز اِل‍لِرینینگ ایشلِرینه قووانیپ، شادی-خُرّام بُلدولار. 42اِمّا خودای اُلاردان یوز اُوروپ، آسمانداقی زاتلارینی عیبادات اِتسینلِر دییّپ، اُلاری تِرک اِتدی. پیغامبارلارینگ کیتابیندا، اینه، شِیله یازیلان:
اِی اسرائیل خالقی، قیرق ییلّاپ بیاباندا گِزِنینگیزده،
مانگا قربانلیقلار و صاداقالار هُدورلِدینگیزمی؟
43یُق، مُلوک خودایینگیزینگ چادیرینی،
رِفان خودایینگیزینگ ییلدیزینی،
سِجده اِتمِک اوچین اُز بِجِرِن بُتلارینگیزی گُتِریپ گِزدینگیز،
شُنونگ اوچین سیزی بابِلینگ آنگیرسینا تَبعید اِدِرین.#اِرمیا ۱۹:۱۳؛ عاموس ۵:۲۵-۲۷
44«آتا-بابالاریمیزینگ بیاباندا شاهات چادیری باردی. چادیر اِدیل خودایینگ موسی تابشیریشی یالی، اُنونگ بِرِن نِمونه‌سینه گُرَه سالیندی. 45سُنگرا بو چادیر نِسلدِن-نِسله گِچیپ، آتا-بابالاریمیزا یِتدی. یوشَع‌نینگ یُلباشچیلیغیندا باشغا میلِّتلِرینگ یوردونی اِیِلَنلِرینده، اُلار چادیری اُزلِری بیلِن آلیپ گیتدیلِر. چادیر داوود پادیشاهینگ گونلِرینه چِنلی شُل یِرده قالدی. 46خودایینگ مِهرینی قازانان داوود یعقوبینگ خودایی اوچین اُی سالماغا اِجازا ایسلِدی. 47اینگ سُنگوندا خودایا عیباداتخانانی سلیمان سالدی. 48اِمّا بِییک خودای اینسان اِلی بیلِن سالینان جایلاردا یاشامایار. پیغامبارینگ آیدیشی یالی، 49خودای، اینه، اُلارا:
آسمانلار مِنینگ تاختیم،
یِر آیاغیمینگ دوشِکدیر.
مانگا قورجاق اُیونگیز هانی؟
دینچلیق مِکانیم نیرِده بُلار؟
50بولارینگ بارینی اُز اِلیم بیلِن یاراتمادیمّی نَمه؟ دییدی.#اِشعیا ۶۶:۱-۲
51«اِی موطیع‌سیز آداملار، اِشیتمِک ایسلِمِیَن تِکِپبیرلِر! سیز هِم اِدیل آتا-بابالارینگیز یالی، مُقادِّس روحا هِمیشه قارشی چیقیارسینگیز. 52آتا-بابالارینگیزینگ، هیچ زامان، آزار بِرمِدیک پیغامباری بارمی؟ اُلار حتّیٰ دُغری بُلانینگ گِلجِگینی اُووندِن آیدانلاری-دا اُلدوردیلِر. سیز بُلسا بو دُغری اینسانا خایینلیق اِدیپ ناحاق اُلدوردینگیز. 53سیز پِریشده‌لِرینگ اوستو بیلِن خودایینگ شِریغاتینی آلسانگیز-دا، اُنگا موطیع بُلمادینگیز.»
اِستیفانینگ داشلانیپ اُلدوریلمِگی
54مِجلِسینگ آداملاری بو سُزلِری اِشیدِنلِرینده، قاهار-غاضابا مینیپ، اِستیفانا دیشلِرینی قیجیردادیلار. 55اِمّا مُقادِّس روحدان دُلان اِستیفان آسمانا سِراِدیپ، خودایینگ بِییکلیگینی، خودایینگ ساغیندا دوران عیسانی گُردی. 56اِستیفان: «سِراِدینگ، مِن آسمانلارینگ آچیلانینی و خودایینگ ساغیندا دوران اینسان اُغلونی گُریَرین» دییدی.
57شُندا اُلار قولاقلارینی یاپیپ، هِمّه‌سی بیردِن قاتی قیغیریشیپ، اِستیفانینگ اوستونه هوجوم گِتیردیلِر. 58اُنی شَهردِن داشاری چیقاریپ داشلادیلار. اِستیفانا قارشی شاهاتلار دُنلارینی چیقاریپ، سولُس آدلی بیر ییگیدینگ آیاغینینگ اُوونده قُیدولار. 59اِستیفان اُز اوستونه یاغیان داشلارینگ آشاغیندا خودایا دُغا اِدیپ: «یا تانگرییم عیسی! مِنینگ روحومی قابول اِت!» دییدی. 60اُنسُنگ اُل دیزا چُکوپ، قاتی قیغیریپ: «یا خودای! بو گونَه‌نی اُلارا یوکلِمه!» دییدی. شو سُزلِری آیدیپ، اُل جان بِردی.
© Turkmen Truth
رِسول‍لار 7
7
اِستیفان خالقا آیدیار
1اُنسُنگ باش کاهین اِستیفاندان: «بو عاییپلامالار دُغرومی؟» دییّپ سُرادی. 2اِستیفان شِیله جُغاپ بِردی: «اِی دُغانلار و آتالار! مِنینگ سُزلِریمه قولاق آسینگ. آتامیز ابراهیم حاراندا مِسکِن توتمانقا، هِنیز بِین‌اُلنهریندِکه اُنگا بِییک خودای گُروندی. 3خودای اُنگا: ”اُز یوردونگی، قارینداشلارینگی قُی-دا، مِنینگ سانگا گُرکِزجِک یوردوما گیت“ دییدی.#یاراتیلیش ۱۲:۱
4«شِیلِلیکده، ابراهیم کِلدانیلارینگ یوردونی تِرک اِدیپ، حاراندا جایلاشدی. آتاسی آرادان چیقاندان سُنگ، خودای اُنی حاراندان چیقاریپ، سیزینگ حَضیرکی اُتوران یوردونگیزا گُچوردی. 5خودای بو یِردِن اُنونگ اُزونه مولک بِرمِدی، حتّیٰ بیر قاریش یِر-ده بِرمِدی. اِمّا هِنیز فِرزِندی بُلماسا-دا، بو یوردی اُنگا و اُنونگ نِسلینه مولک اِدیپ بِرمِگی واعدا بِردی. 6خودای اُنگا: ”سِنینگ نِسلینگ یاد تُپراقدا گِلِن بُلسادا هِم قول بُلوپ یاشار، شُل یِرینگ خالقی اُلاری دُرت یوز ییلّاپ ظولوم اِدِر. 7اِمّا مِن سِنینگ نِسلینگی قولا اُورِن خالقینگ جِزاسینی بِرِرین. شُندان سُنگ اُلار اُل یِردِن چیقیپ، بو یِرده مانگا عیبادات اِدِرلِر“ دییدی.#یاراتیلیش ۱۵:۱۳-۱۴ 8سُنگرا خودای ابراهیم بیلِن عَهد باغلاشیپ، بو عَهدینگ نیشانی حُکمونده اُغول سونِّتلِمِگی بِردی. شِیلِلیکده، ابراهیم اسحاقینگ آتاسیدی، ابراهیم اُنی سِکیز گونلوکَّه سونِّتلِدی. اسحاق یعقوبینگ آتاسیدی، اُل هِم سونِّتلِندی. یعقوبدان هِر بیر طایفا عِمِله گِتیرِن اُن ایکی اُغول دونیَه ایندی، اُلار هِم سونِّت اِدیلدیلِر.
9«اُلار اُز دُغانلاری یوسفه باخیلچیلیق اِدیپ، اُنی مصره ساتسالار-دا، خودای یوسفی یِکه قالدیرمادی. 10اُل یوسفی هِمّه ظولوملاردان آزاد اِتدی. خودای اُنگا حِکمِت بِریپ، اُنی مصر پادیشاهسی فِرعونینگ حوضوریندا عزیز بُلار یالی اِتدی. فِرعون اُنی مصرینگ و هِمّه کاخینگ باشلیغی اِدیپ بِلِّدی. 11شُل زاماندا هِمّه مصر و کنعان یوردی آچلیق چِکدی، اُلارینگ باشیندان آغیر قایغی-غام ایندی و آتا-بابالاریمیز اییمیت تاپمادیلار.
12«یعقوب مصرده غالّا باردیغینی اِشیدیپ، اُز اُغول‍لارینی، یَعنی بیزینگ آتا-بابالاریمیزی بیرینجی گِزِک اُل یِره یُلّادی. 13ایکینجی گِزِکده بُلسا یوسف دُغانلارینا اُزونی تانیتدی. شِیلِلیکده، فِرعون یوسفینگ ماشغالاسی بارادا بیلدی. 14سُنگرا یوسف اُز آتاسینی یعقوب و هِمّه دُغان-قارینداشلارینی یانینا چاغیردی. اُلار جِمی یِتمیش بَش آدامدی. 15یعقوب مصره گیتدی. یعقوب و اُنونگ اُغول‍لاری، یَعنی آتا-بابالاریمیز شُل یِرده آرادان چیقدیلار. 16اُلارینگ جِسِدلِرینی شِکیمه اَکیدیپ، ابراهیمینگ شِکیمده حمورینگ نِسلیندِن ساتین آلان قابریندا جایلادیلار.
17«خودایینگ ابراهیما بِرِن واعداسینینگ واقتی قُلایلادیغیچا، خالقیمیزینگ سانی هِم مصرده باردیقچا کَنِلیَردی. 18سُنگرا یوسفی تانیمییان باشغا بیر فِرعون تاختا چیقدی. 19اُل بیزینگ خالقیمیزا قارشی حیله‌گَرلیک اِتدی، آتا-بابالاریمیزی ظولوم اِدیپ، تَزه دُغان چاغالارینی اُلومه دوچار اِتمِک اوچین داشاری اُقلاماغا مِجبور اِتدی. 20شُل واقت موسی اِنه‌دِن دُغدی. اُل خودایینگ ناظاریندا خاص قاووجا چاغادی. اِنه-آتاسی اُیونده اُنگا اوچ آی باقدی. 21اِمّا اُندان سُنگ اُنی اُقلاماغا مِجبور بُلدولار. اُقلانان چاغانی فِرعونینگ قیزی تاپیپ، اُزونه آلدی و اُز اُغلی یالی تِربیِتلَپ یِتیشدیردی. 22موسی مصریلِرینگ هِمّه بیلیمی اُورِدیلدی. اُل سُزده هِم، ایشده هِم بِییک آدام بُلوپ یِتیشدی.
23«موسی قیرق یاشینا یِتِنده، اُز ایلدِشلِری بُلان اسرائیل خالقینینگ آراسینا گُرمه-گُرشه گیتمِگی یورِگینه دوودی. 24مصریلِردِن بیری اسرائیل خالقیندان بیرینه آزار بِریَندیگینی گُرِنده، موسی اُنگا آرقا دوردی. مصرلینی اُلدوریپ، اُل اسرائیل‌لینینگ آرینی آلدی. 25موسی: ”خودای خالقیمی مِنینگ اوستوم بیلِن آزاد اِتمِکچی، خالقیم مونگا دوشونِر“ دییّپ گومَن اِتدی، اِمّا اُلار مونگا دوشونمِدیلِر. 26اِرتیسی گون موسی ایکی اسرائیل‌لی آدامینگ داعوالاشیپ دورانینی گُردی و یانلارینا باریپ، اُلاری یاراشدیرماغا نییِتلِندی. اُلارا: ”اِی آداملار، سیز دُغان آخیری! نَمه اوچین بیری-بیرینگیزه آزار بِریَرسینگیز؟“ دییدی. 27اِمّا اُز ایلدِشینه آزار بِریَن آدام اُنی ایتیکلَپ: ”کیم سِنی بیزه حاکیم یا-دا قاضی اِدیپ قُیدی؟ 28دوینکی مصرلینی اُلدوریشینگ یالی، مِنی-ده اُلدورمِکچیمینگ؟“ دییدی. 29موسی بو کِپی اِشیدِندِن سُنگ، مِدیان یوردونا قاچیپ گیتدی و اُل یِرده بیگانه بُلوپ یاشادی. بو یورتدا اُنونگ ایکی اُغلی دونیَه ایندی.
30«آرادان قیرق ییل گِچِندِن سُنگ، سینا داغینینگ قُلایینداقی بیاباندا یانیپ دوران یانداغینگ اُرتاراسیندا اُنگا بیر پِریشده گُروندی. 31موسی اُنی گُروپ حایران قالدی. اُل بو گِنگ واقانی یاقینراق باریپ گُرمِکچی بُلاندا، خودای اُنگا شِیله سِسلِندی: 32”مِن سِنینگ آتا-بابالارینگ ابراهیمینگ، اسحاقینگ و یعقوبینگ خوداییدیرین“. موسی قُرقوسیندان تیترَپ باشلادی و گُزلِمَگه یورِک اِتمِدی. 33سُنگرا خودای اُنگا: ”آیاغینگداقی کُووشینگی چیقار، چونکی سِنینگ بو دوران یِرینگ مُقادِّس تُپراقدیر! 34مصرده خالقیمینگ چِکیَن ظولومینی گُردوم، اُلارینگ آخی-نالاسینی اِشیتدیم. مِن اُلاری آزاد اِتمِک اوچین آشاق ایندیم. ایندی، گِل، مِن سِنی مصره ایبِرِیین“ دییدی.#چیقیش ۳:۵-۱۰
35«اینه، بو موسی: ”کیم سِنی بیزه حاکیم یا-دا قاضی اِدیپ قُیدی؟“ دییّپ، خالقینگ اینکَر اِدِن موساسیدی. خودایینگ اُزی یانداقدا گُرنِن پِریشدَه‌نینگ اوستو بیلِن حاکیم هِم نِجات بِریَن اِدیپ اُنی یُلّادی. 36موسی اسرائیل خالقینی مصردِن آلیپ چیقدی. اُل مصرده، قیزیل دِریادا و بیاباندا قیرق ییلّاپ مُعجِزه‌لِر و عالاماتلار گُرکِزدی.
37«اینه، اسرائیل خالقینا: ”خودای سیزینگ اوچین اُز خالقینگیزینگ آراسیندان مِنینگ یالی بیر پیغامبار چیقارار“ دییّپ آیدان هِم شو موسادیر.#قایتادان ۱۸:۱۵ 38بیاباندا اسرائیل خالقی بیلِن یاشان هِم شو موسادیر، سینا داغیندا پِریشده بیلِن کِپلِشیپ، آتا-بابالاریمیز بیلِن بیله بُلان هِم شُلدور. اُل یاشاییش سُزلِرینی قابول اِدیپ، اُلاری بیزه یِتیردی.
39«اِمّا بیزینگ آتا-بابالاریمیز اُنگا موطیع بُلماقدان یوز اُوروپ، اُنی رِد اِتدیلِر و مصره دُلانماغا ماییل بُلدولار. 40اُلار هارونا: ”اُوومیزدِن یُل گُرکِزِر یالی، بیزه خودایلار بِجِریپ بِر، سِبَبی بیزی مصردِن چیقاریپ گِتیرِن موسی نَمه بُلانینی بیلِمیزُق“ دییدیلِر.#چیقیش ۳۲:۱ 41شُل واقت اُلار تانانینگ شِکیلینده بُت بِجِریپ، اُنگا قربانلیق بِردیلِر. اُلار اُز اِل‍لِرینینگ ایشلِرینه قووانیپ، شادی-خُرّام بُلدولار. 42اِمّا خودای اُلاردان یوز اُوروپ، آسمانداقی زاتلارینی عیبادات اِتسینلِر دییّپ، اُلاری تِرک اِتدی. پیغامبارلارینگ کیتابیندا، اینه، شِیله یازیلان:
اِی اسرائیل خالقی، قیرق ییلّاپ بیاباندا گِزِنینگیزده،
مانگا قربانلیقلار و صاداقالار هُدورلِدینگیزمی؟
43یُق، مُلوک خودایینگیزینگ چادیرینی،
رِفان خودایینگیزینگ ییلدیزینی،
سِجده اِتمِک اوچین اُز بِجِرِن بُتلارینگیزی گُتِریپ گِزدینگیز،
شُنونگ اوچین سیزی بابِلینگ آنگیرسینا تَبعید اِدِرین.#اِرمیا ۱۹:۱۳؛ عاموس ۵:۲۵-۲۷
44«آتا-بابالاریمیزینگ بیاباندا شاهات چادیری باردی. چادیر اِدیل خودایینگ موسی تابشیریشی یالی، اُنونگ بِرِن نِمونه‌سینه گُرَه سالیندی. 45سُنگرا بو چادیر نِسلدِن-نِسله گِچیپ، آتا-بابالاریمیزا یِتدی. یوشَع‌نینگ یُلباشچیلیغیندا باشغا میلِّتلِرینگ یوردونی اِیِلَنلِرینده، اُلار چادیری اُزلِری بیلِن آلیپ گیتدیلِر. چادیر داوود پادیشاهینگ گونلِرینه چِنلی شُل یِرده قالدی. 46خودایینگ مِهرینی قازانان داوود یعقوبینگ خودایی اوچین اُی سالماغا اِجازا ایسلِدی. 47اینگ سُنگوندا خودایا عیباداتخانانی سلیمان سالدی. 48اِمّا بِییک خودای اینسان اِلی بیلِن سالینان جایلاردا یاشامایار. پیغامبارینگ آیدیشی یالی، 49خودای، اینه، اُلارا:
آسمانلار مِنینگ تاختیم،
یِر آیاغیمینگ دوشِکدیر.
مانگا قورجاق اُیونگیز هانی؟
دینچلیق مِکانیم نیرِده بُلار؟
50بولارینگ بارینی اُز اِلیم بیلِن یاراتمادیمّی نَمه؟ دییدی.#اِشعیا ۶۶:۱-۲
51«اِی موطیع‌سیز آداملار، اِشیتمِک ایسلِمِیَن تِکِپبیرلِر! سیز هِم اِدیل آتا-بابالارینگیز یالی، مُقادِّس روحا هِمیشه قارشی چیقیارسینگیز. 52آتا-بابالارینگیزینگ، هیچ زامان، آزار بِرمِدیک پیغامباری بارمی؟ اُلار حتّیٰ دُغری بُلانینگ گِلجِگینی اُووندِن آیدانلاری-دا اُلدوردیلِر. سیز بُلسا بو دُغری اینسانا خایینلیق اِدیپ ناحاق اُلدوردینگیز. 53سیز پِریشده‌لِرینگ اوستو بیلِن خودایینگ شِریغاتینی آلسانگیز-دا، اُنگا موطیع بُلمادینگیز.»
اِستیفانینگ داشلانیپ اُلدوریلمِگی
54مِجلِسینگ آداملاری بو سُزلِری اِشیدِنلِرینده، قاهار-غاضابا مینیپ، اِستیفانا دیشلِرینی قیجیردادیلار. 55اِمّا مُقادِّس روحدان دُلان اِستیفان آسمانا سِراِدیپ، خودایینگ بِییکلیگینی، خودایینگ ساغیندا دوران عیسانی گُردی. 56اِستیفان: «سِراِدینگ، مِن آسمانلارینگ آچیلانینی و خودایینگ ساغیندا دوران اینسان اُغلونی گُریَرین» دییدی.
57شُندا اُلار قولاقلارینی یاپیپ، هِمّه‌سی بیردِن قاتی قیغیریشیپ، اِستیفانینگ اوستونه هوجوم گِتیردیلِر. 58اُنی شَهردِن داشاری چیقاریپ داشلادیلار. اِستیفانا قارشی شاهاتلار دُنلارینی چیقاریپ، سولُس آدلی بیر ییگیدینگ آیاغینینگ اُوونده قُیدولار. 59اِستیفان اُز اوستونه یاغیان داشلارینگ آشاغیندا خودایا دُغا اِدیپ: «یا تانگرییم عیسی! مِنینگ روحومی قابول اِت!» دییدی. 60اُنسُنگ اُل دیزا چُکوپ، قاتی قیغیریپ: «یا خودای! بو گونَه‌نی اُلارا یوکلِمه!» دییدی. شو سُزلِری آیدیپ، اُل جان بِردی.
© Turkmen Truth