O waamulha 4
4
Mwaha u Nadebora ni Nabaraka
1Arimeelheke Naehudi, attu o Uisraeli ahowonya tho umihoolho wa Apwiiya Nlhuku. 2Paahi Apwiiya Nlhuku nkaahiya wiira akottolhiye ni Nayabini, amwene o Ukanaani, aakhalha iwani yo Uhazori. Nholhelhi o miphingo chaya cha manyaasikari ari Nasisera, ntu o Uharosheth Hagoimu. 3Amwene Nayabini ari ni nkukuta cho ikhoto cho upurulhiya ni ashinama imia tisa. Yayo ahaatawara attu o Uisraeli wo waamereriha chinene, wo iyaakha makhumi meelhi. Ni attu o Uisraeli aholhelha Apwiiya Nlhuku wiira oonelhe ikiriri.
4Paahi yeyo ikatema iyo ahokhalha namilhohi nthiyana ehaniya Debora, ahanu a Nalapidothi. Yayo Nadebora ayo ari ntu o waamulha milhatu a attu o Uisraeli. 5Nadebora ari ni aavara ntheko aya wo ukhalha vantendeni, ntende waari variyari iwani yo Uraama ni iwani yo Ubetheli, wi ilhapo yo miako cho Efraimu. Attu o Uisraeli ahowaacha vavawo wiira aamulhelhe milhatu chaya. 6Nihuku nimoka Nadebora aheehana Nabaraka anaaya Naabinoamu o Ukedeshi ilhapo yo Unaftali. Vaawiilhe aya, nkayeerelha wiira, “Apwiiya Nlhuku, Nlhuku o Uisraeli, anouhulhelhani wiira, ‘Nrweeke mwaathothokanihe attu inyu umwaakoni Utabori, mwaathanlheke attu elufu khumi ukhuma makosho a Nanaftali ni Nazabuloni. 7Ni mii kinowaahachulhacha Nasisera, nholhelhi o manyaasikari a Nayabini, wiira aweeke ni nkukuta chaya aatakane ikhoto ni inyu mwaatti, umwoolhokoni Kishoni, ni inyu mmweeke mwaakottolha.’ ”
8Nabarak nkayaakhulha Nadebora wo wiira, “Mwakittukanaka, kinoorwaa, nansho mwaahikittukaneke, akinorwaa.”
9Paahi Nadebora nkayaakulha wo wiira, “Eiyo kinorwaa vamoka ni inyuva, nansho khannothimichiya vakittu variwoothe, ukhalhawaya Apwiiya Nlhuku, anommaha nthiyana machiri o waakottolha Nasisera.” paahi Nadebora nkayaatwarana ni Nabarak urwaa Ukadeshi. 10Nabaraka nkayeehana makosho a Nanaftali ni Nazabuloni wowo Ukedeshi uwo, ni attu maelufu khumi ahotwaracha. Nadebora nkayarwaa vamoka ni ayo.
11Yeyo ikatema iyo, Naheberi, o ukhuma ilhapo yo Ukeni, ari aneemeshilhe nihema naya utayi, uri mwiri muulhupalhe wo Uzananimu, vakhiviru ni Ukedeshi, anekuminhe munlhokoni mwa Aakeni nanaya, achishana a Nahobabu, alhamu aya ashinna Musa.
12Attu nkayeerelha Nasisera wiira Nabaraki anaaya Naabinoamu ahowelha umwaakoni Utabori, 13ahothukumana miphingo chonkhaye vamoka ni nkukuta chaya imia tisa cho yuuma, nkayaathama Uharosheth Hagoimu, nkayaarwa umwoolhokoni Kishoni.
14Nadebora nkayeerelha Nabaraka wiira, “Munkweke! Lhelho phi nihuku Apwiiya Nlhuku vanonivaha aya machiri o waakottolha Nasisera. Apwiiya Nlhuku anoorwa umihoolho winyu.” Paahi Nabaraka ahokhuruwa umwaakoni Utabori, aholhelhaka attu aya maelufu khumi. 15Nabaraka vaakelhenlhe aya ni mphingo aya, Apwiiya Nlhuku ahaatutuwanyiha Nasisera ni miphingo chaya chonkhaye. Paahi Nasisera nkayaakhuruwa munkukutani mwaya, nkayaattawa wo mweto. 16Nansho Nabaraka ni ayo nkayaatwara miphingo chiyo wo nkukuta mpaka Uharosheth Hagoimu ni weeva manyaasikari a Nasisera onkhaye wo waakhapakacha ni maphanga, wo uhinhalhiha ata ntu mmoka.
17Nansho Nasisera aattawilhe wo mweto mpaka unihemani wa Nayaeli, ahanu a Naheberi, ntu o ilhapo yo Ukeni. Aapannge chiicho ukhalhawaya waari wiiwananiyaka wo mpuha munlhokoni mwa amwene Nayabini o Uhazori, ni manyaalhoko a Naheberi. 18Nayaeli ahokhuma ni weekamelhani Nasisera, nkayeerelha wiira, “Pwiiya, kharibu uwannyaka, ni wala nhoove.” Paahi nkaakelha unihemani mwaya, nkayaakhunelha niblangeti. 19Nasisera nkayeerelha Nayaeli wiira, “Chonte, nkivahe maashi vakani kiwurie, ukhalhawaya kirini nttona.” Nayaeli nkayaavaha Nasisera mapelhe baada yo maashi, Yamalheke nkayaakhunelha tho. 20Nasisera nkeera, “Mweemelheke vankhorani wo nihema vawo. Ntu riyoothe awaaka ukohani wiira ahaawo ntu riyoothe va, mwiireke wiira khaawo.”
21Ukhalhawaya Nasisera ari anoochelhe chinene, ahorupa ikhove. Vavawo, Nayaeli, ahanu a Naheberi, ahokusha ikhomo yo nihema ni inuto. Nkayaarwaa nrimanrima vakani vakani nkayaakomelhelha ikhomo yo nihema iyo vayuchi wa Nasisera, nkayaaperetta mpaka uttayani, ni Nasisera nkayaakhwa vavawo. 22Ni Nabaraka vaari aya aatwarelhelhaka Nasisera, Nayaeli ahokhuma vathe ni weekamelhani, nkayeerelha wiira, “Nkawaani kuwoniheni ntu nnomwavia inyu.” Paahi Nabaraki ahokelha nnihemani mu Nayaeli ni woona Nasisera anarumpe vathi, ni ikhomo yo nihema inakhomelhiye vayuchi waya.
23Paahi etu nenno nihuku nno Nlhuku nkaavahera attu o Uisraeli waakottolha amwene Nayabini o Ukanaani 24Attu o Uisraeli nkayaathepacha waakukutta ni waakottolha amwene Nayabini, o Ukanaani, mpaka vaarimelhinhe aya.
The Bible Version in Makua @The Word for The World International and Makua Language translators. All rights reserved.
O waamulha 4
4
Mwaha u Nadebora ni Nabaraka
1Arimeelheke Naehudi, attu o Uisraeli ahowonya tho umihoolho wa Apwiiya Nlhuku. 2Paahi Apwiiya Nlhuku nkaahiya wiira akottolhiye ni Nayabini, amwene o Ukanaani, aakhalha iwani yo Uhazori. Nholhelhi o miphingo chaya cha manyaasikari ari Nasisera, ntu o Uharosheth Hagoimu. 3Amwene Nayabini ari ni nkukuta cho ikhoto cho upurulhiya ni ashinama imia tisa. Yayo ahaatawara attu o Uisraeli wo waamereriha chinene, wo iyaakha makhumi meelhi. Ni attu o Uisraeli aholhelha Apwiiya Nlhuku wiira oonelhe ikiriri.
4Paahi yeyo ikatema iyo ahokhalha namilhohi nthiyana ehaniya Debora, ahanu a Nalapidothi. Yayo Nadebora ayo ari ntu o waamulha milhatu a attu o Uisraeli. 5Nadebora ari ni aavara ntheko aya wo ukhalha vantendeni, ntende waari variyari iwani yo Uraama ni iwani yo Ubetheli, wi ilhapo yo miako cho Efraimu. Attu o Uisraeli ahowaacha vavawo wiira aamulhelhe milhatu chaya. 6Nihuku nimoka Nadebora aheehana Nabaraka anaaya Naabinoamu o Ukedeshi ilhapo yo Unaftali. Vaawiilhe aya, nkayeerelha wiira, “Apwiiya Nlhuku, Nlhuku o Uisraeli, anouhulhelhani wiira, ‘Nrweeke mwaathothokanihe attu inyu umwaakoni Utabori, mwaathanlheke attu elufu khumi ukhuma makosho a Nanaftali ni Nazabuloni. 7Ni mii kinowaahachulhacha Nasisera, nholhelhi o manyaasikari a Nayabini, wiira aweeke ni nkukuta chaya aatakane ikhoto ni inyu mwaatti, umwoolhokoni Kishoni, ni inyu mmweeke mwaakottolha.’ ”
8Nabarak nkayaakhulha Nadebora wo wiira, “Mwakittukanaka, kinoorwaa, nansho mwaahikittukaneke, akinorwaa.”
9Paahi Nadebora nkayaakulha wo wiira, “Eiyo kinorwaa vamoka ni inyuva, nansho khannothimichiya vakittu variwoothe, ukhalhawaya Apwiiya Nlhuku, anommaha nthiyana machiri o waakottolha Nasisera.” paahi Nadebora nkayaatwarana ni Nabarak urwaa Ukadeshi. 10Nabaraka nkayeehana makosho a Nanaftali ni Nazabuloni wowo Ukedeshi uwo, ni attu maelufu khumi ahotwaracha. Nadebora nkayarwaa vamoka ni ayo.
11Yeyo ikatema iyo, Naheberi, o ukhuma ilhapo yo Ukeni, ari aneemeshilhe nihema naya utayi, uri mwiri muulhupalhe wo Uzananimu, vakhiviru ni Ukedeshi, anekuminhe munlhokoni mwa Aakeni nanaya, achishana a Nahobabu, alhamu aya ashinna Musa.
12Attu nkayeerelha Nasisera wiira Nabaraki anaaya Naabinoamu ahowelha umwaakoni Utabori, 13ahothukumana miphingo chonkhaye vamoka ni nkukuta chaya imia tisa cho yuuma, nkayaathama Uharosheth Hagoimu, nkayaarwa umwoolhokoni Kishoni.
14Nadebora nkayeerelha Nabaraka wiira, “Munkweke! Lhelho phi nihuku Apwiiya Nlhuku vanonivaha aya machiri o waakottolha Nasisera. Apwiiya Nlhuku anoorwa umihoolho winyu.” Paahi Nabaraka ahokhuruwa umwaakoni Utabori, aholhelhaka attu aya maelufu khumi. 15Nabaraka vaakelhenlhe aya ni mphingo aya, Apwiiya Nlhuku ahaatutuwanyiha Nasisera ni miphingo chaya chonkhaye. Paahi Nasisera nkayaakhuruwa munkukutani mwaya, nkayaattawa wo mweto. 16Nansho Nabaraka ni ayo nkayaatwara miphingo chiyo wo nkukuta mpaka Uharosheth Hagoimu ni weeva manyaasikari a Nasisera onkhaye wo waakhapakacha ni maphanga, wo uhinhalhiha ata ntu mmoka.
17Nansho Nasisera aattawilhe wo mweto mpaka unihemani wa Nayaeli, ahanu a Naheberi, ntu o ilhapo yo Ukeni. Aapannge chiicho ukhalhawaya waari wiiwananiyaka wo mpuha munlhokoni mwa amwene Nayabini o Uhazori, ni manyaalhoko a Naheberi. 18Nayaeli ahokhuma ni weekamelhani Nasisera, nkayeerelha wiira, “Pwiiya, kharibu uwannyaka, ni wala nhoove.” Paahi nkaakelha unihemani mwaya, nkayaakhunelha niblangeti. 19Nasisera nkayeerelha Nayaeli wiira, “Chonte, nkivahe maashi vakani kiwurie, ukhalhawaya kirini nttona.” Nayaeli nkayaavaha Nasisera mapelhe baada yo maashi, Yamalheke nkayaakhunelha tho. 20Nasisera nkeera, “Mweemelheke vankhorani wo nihema vawo. Ntu riyoothe awaaka ukohani wiira ahaawo ntu riyoothe va, mwiireke wiira khaawo.”
21Ukhalhawaya Nasisera ari anoochelhe chinene, ahorupa ikhove. Vavawo, Nayaeli, ahanu a Naheberi, ahokusha ikhomo yo nihema ni inuto. Nkayaarwaa nrimanrima vakani vakani nkayaakomelhelha ikhomo yo nihema iyo vayuchi wa Nasisera, nkayaaperetta mpaka uttayani, ni Nasisera nkayaakhwa vavawo. 22Ni Nabaraka vaari aya aatwarelhelhaka Nasisera, Nayaeli ahokhuma vathe ni weekamelhani, nkayeerelha wiira, “Nkawaani kuwoniheni ntu nnomwavia inyu.” Paahi Nabaraki ahokelha nnihemani mu Nayaeli ni woona Nasisera anarumpe vathi, ni ikhomo yo nihema inakhomelhiye vayuchi waya.
23Paahi etu nenno nihuku nno Nlhuku nkaavahera attu o Uisraeli waakottolha amwene Nayabini o Ukanaani 24Attu o Uisraeli nkayaathepacha waakukutta ni waakottolha amwene Nayabini, o Ukanaani, mpaka vaarimelhinhe aya.
The Bible Version in Makua @The Word for The World International and Makua Language translators. All rights reserved.