O waamulha 16
16
Mwaha u Nasansoni Ugaza
1Nihuku nimoka Nasansoni ahoorwa iwani yo Ugaza, nkayaakumaana ni nthiyana o ulhuva mmoka nkayaarupana. 2Attu o ilhapo yo Ugaza veerelhiye aya wiira Nasansoni arii wowo, ahorukureria vakittu vaari aya vawo ni weethelha urii nkhora o iwani uhiyu woothene. Nkayaashelhelhiha anakhanlhe shiriri vankhorani vawo uhiyu wonkhaye aanyiheraka wiira anowooria waaweherera mpaka vanosha aya nchuwa wiira eeviyeke. 3Nansho Nasansoni nkayaahalha vawani vawo mpaka uhiyu chinene. Ikatema yo uhiyu chinene nkayouwa nkayaavara miri miilhi cho nkhora, nkayaaphelha vamoka ni kila chaya nkayaakusha ni urwaana mpaka vakhiviru ni Uhebroni.
Delila nowaathumiha Nasansoni
4Baada yo yayo Nasansoni ahonttuna nthiyana mmoka eehaniye Delila aakhalha unikoteni Usoreki 5Ashulhupalhe athanu a Afilisti ahorwaa wa Delila, ni umwiirelha wiira, “Waapepecheke Nasansoni wiira nchuwelheke machokholhelho o machiri aya menchi ayo, wiira noorie waavara ni waattuka. Mwapangaka chiicho kila mmoka ihu nouvahani ikipande makhumi mamaru cho isiliva.”
6Paahi Delila aheerelha Nasansoni wiira, “Chonte nkihimerie machiri inyu anokhuma ni ittu yaani, ntu nohalha wooria chani uwaatani ni uttukani?”
7Nasansoni nkayaakulha, “Akittukaka wo mikhoyi saba chikithi cho muupa kinokhalha ni machiri thoko ntu riyoothe.”
8Paahi ashulhupalhe a Afilisti nkayaamwiihera Delila mikhoyi saba cho muupa chiyo, ni ayo nkhayaattuka Nasansoni wo chechiyo mikhoyi chiyo. 9Delila ari aneeshilhe attu avithelhe uchuumbani. Yamalheke nkayeerelha Nasansoni wo nlhove nuulhupalhe wiira, “Nasansoni, Afilisti ahowaacha ukelhelha.” Nasansoni nkayathupulhacha mikhoyi chiyo thoko nripwe o ikitani chinovara aya mooro. Paahi etu khaawo aachuwenlhe isiri yo machiri aya.
10Delila nkayeerelha Nasamsoni wiira, “Inyuva nhokipangelha ncheche. Nhokithepia. Chonte nnilhelhe chinohalha wooria inyuva uttukiya.”
11Nasansoni Nkaakhulha, “Akittukaka wo mikhoyi cho naanano chihipangelhiye ntheko, kinookhalha thoko ntu riyoothe.”
12Paahi Delila ahokusha nkhoyi wo naanano, nkaattuka. Yamalheke nkeerelha Nasansoni wo nlhove nuulhupalhe, “Nasansoni! Afilisti ahowacha wiira oovareni!”
13Delila nkeerelha Nasamsoni wiira, “Mpaka nna nnokipangelha ncheche. nnilhelhe nnore inyu uthukiya.”
Nasamsoni nkayaakhulha, “Mwativakaru ikharari chaka saba cho ikharari chaka u upumbulhuni o kuwo ni uttuka chinene wo ikhomo, kinokhalha thoko ntu riyoothe.”
14Paahi Nasamsoni vaari aya anarupilhe Delila ahotiva vamoka ikharari chi Nasamsoni mangoongo saba, nkaatuka wo mphumburu wo ikuwo ni uttuka nti chinene wo ikhomo. Yamalheke aheerelha Nasamsoni wiira, “Nasamsoni! Afilisti anoowacha uuvarani.” Vavawo attu ari uchuumbani eethelhaka, Nasamsoni nkayaakwatulha mikhoyi chiyo thoko nttoche.
15Paahi Delila nkeerelha Nasansoni wiira, “Nnooriya chani wiira nnookittuna, uno nrima inyu khuuri ni mii? Nhokipangelha ncheche, vano ulha nkwaha uneraru. Khannakihimeria machiri inyu anokhuma vayi.”
16Delila vaathepa awe waakoha Nasamsoni chinene malhove menchi, nihuku baada yo nihuku, ni waathunalhiha Nasansoni ata nkayoocha munrimani mwaya aatameriaka ukhwa, 17khayoonrie uvilhelha, nkaathaphulha isiri yaavitha aya yeeraka, “Ikharari chaka kachinahamiya toka uyaria waka. Mii kihopangiya ntakatifu a Apwiiya Nlhuku toka munthukwani mwa anumwanaka. Yakhalhaka kinoohamiya, machiri aka anookhuma, ni mii kinookhalha thoko ntu riyoothe.”
18Paahi Delila voonne awe wiira Nasansoni ahohimiya ittu yaavitha aya yonkhaye, aheehana ashulhupalhe a Afilisti, nkayeerelha wiira, “Nkawaani nkwaha mmoka etu ulha, wo nlhatu ni Nasansoni, ukhalhawaya ahokihimeria ittu yaakivithilhe aya yonkhaye.” Ashulhupalhe a Afilisti nkayaanrwelha Delila uno akushachaka isiliva chaalhenhe wiira anowaavaha. 19Nadelila nkayaapanga Nasansoni wiira arupe ikhove vamakuthani waya, nkaamwiihana ntu awe aahama Nasansoni ikharari chaya mangoongo chilhe saba alhe. Yamalheke Nadelila nkayaachokholha watwarusha Nasamsoni, ukhalhawaya vano machiri ahaakhuma. 20Yamalheke, nkayeerelha Nasamsoni wiira, “Nasamsoni! Afilisti anoowacha ukelhelha!” Nasansoni nkayoowa uno opuwelhaka wiira anookhuma ni wiichoopolha thoko mpacho vawo. Khaachuwenlhe wiira Apwiiya Nlhuku yaari anaahiyalhe. 21Afilisti ahaavara Nasansoni, nkayaapweshakacha miitho, nkayaarweha Ugaza, nkayaattuka mittondoro cho shaba, ni waakhanyereriha uphanga ntheko yo ushilha ipepa ujeerani uwo. 22Nansho ikharari chaya nkachachokholha wunnuwa tho baada yo uhamiya.
Ukhwa u Nasansoni
23Yamalheke ashulhupalhe a Afilisti ahokumaana wiira attapelhelhe ni unkumihera isadaka nlhuku aya eehaniye Dagoni. Paahi nkayaakhalhacha ni wiipacha eeraka, “Nlhuku ihu honhelha mmiononi mwihu mmalhaponi ihu Sansoni.” 24Attu voonilhe aya Nasansoni nkayanthimicha nlhuku aya ni wiira, “Nlhuku ihu ahonhelha mmiononi mwihu mmalhaponi ihu, aatangannye iwani ihu ni weeva attu enchi ihu.”
25Mirima chaya vaateelhachiye aya nkeera, “Mwaawiiheke Nasamsoni awe yeena.” Paahi nkayaakhumiha Nasamsoni ujeerani, nkayaawiiha ni ayo nkayeena. Nkayeeshiya variyari nipoto. 26Nasamsoni nkayamwiirelha mmirawo yaari aaholhelha uyo, “Nkihiyeherere kaapapelhe mapoto avarenlhe inupa wiira ni mii kirupelhe.”
27Yeyo inupa iyo yaari inachanre attu. Ashulhupalhe onkhaye a Afilisti ari vavawo, ni akina ari inupa yo uchulhu, attu maelufu mararu manyaalhopwana ni manyaathiyana, awehaka Nasansoni veena aya.
28Vavawo Nasamsoni nkayaalhepelha Apwiiya Nlhuku yeeraka, “Athithi Apwiiya Nlhuku kinoulhepelhani wiira nkuupuwelhe. Nkihelheke machiri, nkwaha ulha mmoka, inyu Nlhuku wiira kilhivererihe nkwaha mmoka ulha Afilisti apwenshe miitho aka.” 29Paahi Nasamsoni nkayaavara mapoto o veriyari aavarenlhe ulhemelha wonkhaye wo inupa iyo, moono mmoka nipoto nimoka ni moono nkina nipoto no nayeelhi nno. 30Yamalheke nkeera wiira, “Kikhweeke vamoka ni Afilisti alha.” Nkayaakakha wo machiri aya onkhaye. Inupa nkayaawulhuwelha ashulhupalhe onkhaye a Afilisti ari mwommo nnupani mmo. Attu eeviye ari enchi waapwaha alhe eevakachilhe aya ikatema vaari aya nkumi alhe.
31Ashilhoko aya ni ashihima aya onkhaye ahowa ni waakusha, nkayaavitha variyari iwani yo Usora ni iwani ya Ueshtaoli, urii nihiye ni Namanoa, athumwanaya. Nasansoni arii ntu o waamulha attu o Uisraeli iyaakha makhumi meelhi.
The Bible Version in Makua @The Word for The World International and Makua Language translators. All rights reserved.
O waamulha 16
16
Mwaha u Nasansoni Ugaza
1Nihuku nimoka Nasansoni ahoorwa iwani yo Ugaza, nkayaakumaana ni nthiyana o ulhuva mmoka nkayaarupana. 2Attu o ilhapo yo Ugaza veerelhiye aya wiira Nasansoni arii wowo, ahorukureria vakittu vaari aya vawo ni weethelha urii nkhora o iwani uhiyu woothene. Nkayaashelhelhiha anakhanlhe shiriri vankhorani vawo uhiyu wonkhaye aanyiheraka wiira anowooria waaweherera mpaka vanosha aya nchuwa wiira eeviyeke. 3Nansho Nasansoni nkayaahalha vawani vawo mpaka uhiyu chinene. Ikatema yo uhiyu chinene nkayouwa nkayaavara miri miilhi cho nkhora, nkayaaphelha vamoka ni kila chaya nkayaakusha ni urwaana mpaka vakhiviru ni Uhebroni.
Delila nowaathumiha Nasansoni
4Baada yo yayo Nasansoni ahonttuna nthiyana mmoka eehaniye Delila aakhalha unikoteni Usoreki 5Ashulhupalhe athanu a Afilisti ahorwaa wa Delila, ni umwiirelha wiira, “Waapepecheke Nasansoni wiira nchuwelheke machokholhelho o machiri aya menchi ayo, wiira noorie waavara ni waattuka. Mwapangaka chiicho kila mmoka ihu nouvahani ikipande makhumi mamaru cho isiliva.”
6Paahi Delila aheerelha Nasansoni wiira, “Chonte nkihimerie machiri inyu anokhuma ni ittu yaani, ntu nohalha wooria chani uwaatani ni uttukani?”
7Nasansoni nkayaakulha, “Akittukaka wo mikhoyi saba chikithi cho muupa kinokhalha ni machiri thoko ntu riyoothe.”
8Paahi ashulhupalhe a Afilisti nkayaamwiihera Delila mikhoyi saba cho muupa chiyo, ni ayo nkhayaattuka Nasansoni wo chechiyo mikhoyi chiyo. 9Delila ari aneeshilhe attu avithelhe uchuumbani. Yamalheke nkayeerelha Nasansoni wo nlhove nuulhupalhe wiira, “Nasansoni, Afilisti ahowaacha ukelhelha.” Nasansoni nkayathupulhacha mikhoyi chiyo thoko nripwe o ikitani chinovara aya mooro. Paahi etu khaawo aachuwenlhe isiri yo machiri aya.
10Delila nkayeerelha Nasamsoni wiira, “Inyuva nhokipangelha ncheche. Nhokithepia. Chonte nnilhelhe chinohalha wooria inyuva uttukiya.”
11Nasansoni Nkaakhulha, “Akittukaka wo mikhoyi cho naanano chihipangelhiye ntheko, kinookhalha thoko ntu riyoothe.”
12Paahi Delila ahokusha nkhoyi wo naanano, nkaattuka. Yamalheke nkeerelha Nasansoni wo nlhove nuulhupalhe, “Nasansoni! Afilisti ahowacha wiira oovareni!”
13Delila nkeerelha Nasamsoni wiira, “Mpaka nna nnokipangelha ncheche. nnilhelhe nnore inyu uthukiya.”
Nasamsoni nkayaakhulha, “Mwativakaru ikharari chaka saba cho ikharari chaka u upumbulhuni o kuwo ni uttuka chinene wo ikhomo, kinokhalha thoko ntu riyoothe.”
14Paahi Nasamsoni vaari aya anarupilhe Delila ahotiva vamoka ikharari chi Nasamsoni mangoongo saba, nkaatuka wo mphumburu wo ikuwo ni uttuka nti chinene wo ikhomo. Yamalheke aheerelha Nasamsoni wiira, “Nasamsoni! Afilisti anoowacha uuvarani.” Vavawo attu ari uchuumbani eethelhaka, Nasamsoni nkayaakwatulha mikhoyi chiyo thoko nttoche.
15Paahi Delila nkeerelha Nasansoni wiira, “Nnooriya chani wiira nnookittuna, uno nrima inyu khuuri ni mii? Nhokipangelha ncheche, vano ulha nkwaha uneraru. Khannakihimeria machiri inyu anokhuma vayi.”
16Delila vaathepa awe waakoha Nasamsoni chinene malhove menchi, nihuku baada yo nihuku, ni waathunalhiha Nasansoni ata nkayoocha munrimani mwaya aatameriaka ukhwa, 17khayoonrie uvilhelha, nkaathaphulha isiri yaavitha aya yeeraka, “Ikharari chaka kachinahamiya toka uyaria waka. Mii kihopangiya ntakatifu a Apwiiya Nlhuku toka munthukwani mwa anumwanaka. Yakhalhaka kinoohamiya, machiri aka anookhuma, ni mii kinookhalha thoko ntu riyoothe.”
18Paahi Delila voonne awe wiira Nasansoni ahohimiya ittu yaavitha aya yonkhaye, aheehana ashulhupalhe a Afilisti, nkayeerelha wiira, “Nkawaani nkwaha mmoka etu ulha, wo nlhatu ni Nasansoni, ukhalhawaya ahokihimeria ittu yaakivithilhe aya yonkhaye.” Ashulhupalhe a Afilisti nkayaanrwelha Delila uno akushachaka isiliva chaalhenhe wiira anowaavaha. 19Nadelila nkayaapanga Nasansoni wiira arupe ikhove vamakuthani waya, nkaamwiihana ntu awe aahama Nasansoni ikharari chaya mangoongo chilhe saba alhe. Yamalheke Nadelila nkayaachokholha watwarusha Nasamsoni, ukhalhawaya vano machiri ahaakhuma. 20Yamalheke, nkayeerelha Nasamsoni wiira, “Nasamsoni! Afilisti anoowacha ukelhelha!” Nasansoni nkayoowa uno opuwelhaka wiira anookhuma ni wiichoopolha thoko mpacho vawo. Khaachuwenlhe wiira Apwiiya Nlhuku yaari anaahiyalhe. 21Afilisti ahaavara Nasansoni, nkayaapweshakacha miitho, nkayaarweha Ugaza, nkayaattuka mittondoro cho shaba, ni waakhanyereriha uphanga ntheko yo ushilha ipepa ujeerani uwo. 22Nansho ikharari chaya nkachachokholha wunnuwa tho baada yo uhamiya.
Ukhwa u Nasansoni
23Yamalheke ashulhupalhe a Afilisti ahokumaana wiira attapelhelhe ni unkumihera isadaka nlhuku aya eehaniye Dagoni. Paahi nkayaakhalhacha ni wiipacha eeraka, “Nlhuku ihu honhelha mmiononi mwihu mmalhaponi ihu Sansoni.” 24Attu voonilhe aya Nasansoni nkayanthimicha nlhuku aya ni wiira, “Nlhuku ihu ahonhelha mmiononi mwihu mmalhaponi ihu, aatangannye iwani ihu ni weeva attu enchi ihu.”
25Mirima chaya vaateelhachiye aya nkeera, “Mwaawiiheke Nasamsoni awe yeena.” Paahi nkayaakhumiha Nasamsoni ujeerani, nkayaawiiha ni ayo nkayeena. Nkayeeshiya variyari nipoto. 26Nasamsoni nkayamwiirelha mmirawo yaari aaholhelha uyo, “Nkihiyeherere kaapapelhe mapoto avarenlhe inupa wiira ni mii kirupelhe.”
27Yeyo inupa iyo yaari inachanre attu. Ashulhupalhe onkhaye a Afilisti ari vavawo, ni akina ari inupa yo uchulhu, attu maelufu mararu manyaalhopwana ni manyaathiyana, awehaka Nasansoni veena aya.
28Vavawo Nasamsoni nkayaalhepelha Apwiiya Nlhuku yeeraka, “Athithi Apwiiya Nlhuku kinoulhepelhani wiira nkuupuwelhe. Nkihelheke machiri, nkwaha ulha mmoka, inyu Nlhuku wiira kilhivererihe nkwaha mmoka ulha Afilisti apwenshe miitho aka.” 29Paahi Nasamsoni nkayaavara mapoto o veriyari aavarenlhe ulhemelha wonkhaye wo inupa iyo, moono mmoka nipoto nimoka ni moono nkina nipoto no nayeelhi nno. 30Yamalheke nkeera wiira, “Kikhweeke vamoka ni Afilisti alha.” Nkayaakakha wo machiri aya onkhaye. Inupa nkayaawulhuwelha ashulhupalhe onkhaye a Afilisti ari mwommo nnupani mmo. Attu eeviye ari enchi waapwaha alhe eevakachilhe aya ikatema vaari aya nkumi alhe.
31Ashilhoko aya ni ashihima aya onkhaye ahowa ni waakusha, nkayaavitha variyari iwani yo Usora ni iwani ya Ueshtaoli, urii nihiye ni Namanoa, athumwanaya. Nasansoni arii ntu o waamulha attu o Uisraeli iyaakha makhumi meelhi.
The Bible Version in Makua @The Word for The World International and Makua Language translators. All rights reserved.