O waamulha 14
14
Mwaha u Nasansoni
1Nihuku nimoka, Nasansoni ahokhuruwelha Utimna waamoonilhe aya nthiyana mmoka Mfilisti. 2Vaahokolhia aya uwani ahaahimeria manyanaangoro aya wiira, “Kihomwoona nthiyana mmoka Nfilisti wowo Utimna uwo. Mwakivekiheke etu yoyo nthiyana uyo, kinthelhe.”
3Nansho manyanaangoro aya nkayeerelha wiira, “Chani, khaawo mwalhi riyoothe mmilhokoni mwa ashilhoko inyu, ama mwa attu ihu mpaka nrwee mwaveke wa Afilisti, attu o uhinelhiya?”
Nansho Nasansoni nkaakhulha athumwanaya wo wiira, “Mwakivekiheke, yoyo phi nthiyana kichivenlhe unrimani chinene.”
4Nansho manyanaangoro aya khayaachuwelhanche wiira yoyo ari wo nlhatu na Apwiiya Nlhuku, vaavia aya iphiro yo waalhivihera Afilisti. Ukhalhawaya yeyo ikatema iyo Afilisti phi aatawara attu o Uisraeli.
5Paahi Nasansoni ni manyanaangoro aya wahorwaachiya Utimna. Vaapilhe aya wowo umamatani cho mizabibu, mwaakharamu mmoka ahaakhumelhelha nkeepa umihoolho u Nasansoni. 6Paahi iphumu ya Apwiiya Nlhuku nkayaakelha Nasansoni wo machiri, ni ayo ahommara mwaakharamu ulhe nkayamianiha thoko ntu vanommianiha awe mwaapuri. Nansho, mena khaahimenrie manyanaangoro aya yoyo mwaha uyo.
7Yamalheke ahorwaa ni umuulhumana mwanthiyana ulhe, ni uyo ahaattuna chinene Nasansoni. 8Avireke mahuku vakani ahorwaa tho Utimna uwo unkushani nthiyana uyo. Vaari aya mphironi ahoweha vachereshere nkoona ntembo wo kharamu ulhe, nkaashanga woona nchinga wo inwii ni urawo unari muntemboni mmo. 9Paahi ahovaulha urawo wo miono chaya nkayaalhia uno arwaaka nkwaha aya. Vaahokholhelhe aya ahaavara manyanaangoro aya urawo vakani ni ayo nkayaalhia. Nansho khaatanganche wiira urawo uyo waakhumme mu ntembo wo kharamu.
10Paahi athumwanawe nkaarwaa wa nthiyana ulhe, ni wowo Nasansoni ahoterekha ikaramu, thoko chaapanga aya ashimirawo o yayo mahuku ayo. 11Afilisti voonilhe aya Nasansoni ahaawiihera ashimirawo khumi ni araru o waakhalhana. 12Nasansoni nkayeerelha wiira, “Kinooria indaavi. Mwooriaka uthaphulha yeyo indaavi iyo mahuku saba o arusi aka, paahi kinouvahani miinjiro cho kitani makhumi mararu, ni miinjiro khumi ni ttaru cho uwara uarusini. 13Nansho mwaahorieke uthaphulha, mwaatti nnookivaha mii miinjiro khumi ni miraru cho kitani ni miinjiro khumi cho uwara usikuukuni.”
Ni ayo nkayeeracha, “Aye, nrieke etu niiweke.”
14Nasansoni nkeera,
“Wa ntu nolhia wahokuma yolhia
wa ntu o machiri, wahokhuma uchiva.”
Mahuku mararu kaanyuma, ashimirawo ayo ari khanaaya uthaphulha indaavi iyo.
15Paahi nihuku no saba nkayeerelha ahanu a Nasamsoni wiira, “Mwaalhikacheke owannyu ayo wiira anithaphulhelhe indaavi ilha, nihiwe noopahani vamooroni, inyuva vamoka ni inupa ya athumwaninyu. Chani mwaanilhatunlhe vaa uwa uunaakhani nhakhu ihu?”
16Ahanu a Nasansoni nkaarwaa u Nasamsoni, miithori chaamoraka, nkayeerelha wiira, “Wo ikekhiaye nnookivenga, khannokittuna ata vakani. Nhaaria ashilhoko aka indaavi, nansho mena kannnakihimeria maana aya.”
Nasansoni nkaakhulha, “Mii akinaahimeria ata manyanaangoro aka. Vano kinohalha wooria chani uhimeriani inyuva?” 17Nansho aathiyana ayo ahothepa wunlha ikatema yonkhaye mahuku saba o uttapelhelhiya arusi ayo. Nihuku no saba Nasansoni ahaathaphulhelha ahanu aya ayo maana yo yeyo indaavi iyo, ukhalhawaya ahokhanyererihiya chinene. Ahimeriyeke, aathiyana ayo ahorwaa wo waakuvia ni waatangachera ashilhoko aya alhe. 18Nihuku no saba nno nchuwa nihinaaya ukhuma, nkayeerelha Nasansoni wiira,
Ittu yaani yoochiva thoko urawo?
Phi mpani ntu o machiri umpwaha kharamu?
Nasansoni nkayaakulha yeereka,
“Yakaari khanhuvilhe nlhatu wo indaavi aka,
khamwooria uthaphulha maana yo indaavi aka.”
19Paahi iphumu ya Apwiiya Nlhuku yahaakhuruwelha Nasansoni o machiri, ni ayo nkayaarwaa ilhapo yo Uashikeloni, nkayeevakacha attu makhumi mararu, nkayaakusha ikuwo chaya cho isikukuu, nkayaavaha attu aathaphunlhe indaavi aya alhe. Yamalheke nkayaarwaa uwani wa manyanaangoro aya anarushiye chinene wo ittu ipangelhe iyo. 20Paahi, ahanu aya ayo ahovekihiya wa mmirawo mmoka eemelhenlhe arusi a Nasansoni.
The Bible Version in Makua @The Word for The World International and Makua Language translators. All rights reserved.
O waamulha 14
14
Mwaha u Nasansoni
1Nihuku nimoka, Nasansoni ahokhuruwelha Utimna waamoonilhe aya nthiyana mmoka Mfilisti. 2Vaahokolhia aya uwani ahaahimeria manyanaangoro aya wiira, “Kihomwoona nthiyana mmoka Nfilisti wowo Utimna uwo. Mwakivekiheke etu yoyo nthiyana uyo, kinthelhe.”
3Nansho manyanaangoro aya nkayeerelha wiira, “Chani, khaawo mwalhi riyoothe mmilhokoni mwa ashilhoko inyu, ama mwa attu ihu mpaka nrwee mwaveke wa Afilisti, attu o uhinelhiya?”
Nansho Nasansoni nkaakhulha athumwanaya wo wiira, “Mwakivekiheke, yoyo phi nthiyana kichivenlhe unrimani chinene.”
4Nansho manyanaangoro aya khayaachuwelhanche wiira yoyo ari wo nlhatu na Apwiiya Nlhuku, vaavia aya iphiro yo waalhivihera Afilisti. Ukhalhawaya yeyo ikatema iyo Afilisti phi aatawara attu o Uisraeli.
5Paahi Nasansoni ni manyanaangoro aya wahorwaachiya Utimna. Vaapilhe aya wowo umamatani cho mizabibu, mwaakharamu mmoka ahaakhumelhelha nkeepa umihoolho u Nasansoni. 6Paahi iphumu ya Apwiiya Nlhuku nkayaakelha Nasansoni wo machiri, ni ayo ahommara mwaakharamu ulhe nkayamianiha thoko ntu vanommianiha awe mwaapuri. Nansho, mena khaahimenrie manyanaangoro aya yoyo mwaha uyo.
7Yamalheke ahorwaa ni umuulhumana mwanthiyana ulhe, ni uyo ahaattuna chinene Nasansoni. 8Avireke mahuku vakani ahorwaa tho Utimna uwo unkushani nthiyana uyo. Vaari aya mphironi ahoweha vachereshere nkoona ntembo wo kharamu ulhe, nkaashanga woona nchinga wo inwii ni urawo unari muntemboni mmo. 9Paahi ahovaulha urawo wo miono chaya nkayaalhia uno arwaaka nkwaha aya. Vaahokholhelhe aya ahaavara manyanaangoro aya urawo vakani ni ayo nkayaalhia. Nansho khaatanganche wiira urawo uyo waakhumme mu ntembo wo kharamu.
10Paahi athumwanawe nkaarwaa wa nthiyana ulhe, ni wowo Nasansoni ahoterekha ikaramu, thoko chaapanga aya ashimirawo o yayo mahuku ayo. 11Afilisti voonilhe aya Nasansoni ahaawiihera ashimirawo khumi ni araru o waakhalhana. 12Nasansoni nkayeerelha wiira, “Kinooria indaavi. Mwooriaka uthaphulha yeyo indaavi iyo mahuku saba o arusi aka, paahi kinouvahani miinjiro cho kitani makhumi mararu, ni miinjiro khumi ni ttaru cho uwara uarusini. 13Nansho mwaahorieke uthaphulha, mwaatti nnookivaha mii miinjiro khumi ni miraru cho kitani ni miinjiro khumi cho uwara usikuukuni.”
Ni ayo nkayeeracha, “Aye, nrieke etu niiweke.”
14Nasansoni nkeera,
“Wa ntu nolhia wahokuma yolhia
wa ntu o machiri, wahokhuma uchiva.”
Mahuku mararu kaanyuma, ashimirawo ayo ari khanaaya uthaphulha indaavi iyo.
15Paahi nihuku no saba nkayeerelha ahanu a Nasamsoni wiira, “Mwaalhikacheke owannyu ayo wiira anithaphulhelhe indaavi ilha, nihiwe noopahani vamooroni, inyuva vamoka ni inupa ya athumwaninyu. Chani mwaanilhatunlhe vaa uwa uunaakhani nhakhu ihu?”
16Ahanu a Nasansoni nkaarwaa u Nasamsoni, miithori chaamoraka, nkayeerelha wiira, “Wo ikekhiaye nnookivenga, khannokittuna ata vakani. Nhaaria ashilhoko aka indaavi, nansho mena kannnakihimeria maana aya.”
Nasansoni nkaakhulha, “Mii akinaahimeria ata manyanaangoro aka. Vano kinohalha wooria chani uhimeriani inyuva?” 17Nansho aathiyana ayo ahothepa wunlha ikatema yonkhaye mahuku saba o uttapelhelhiya arusi ayo. Nihuku no saba Nasansoni ahaathaphulhelha ahanu aya ayo maana yo yeyo indaavi iyo, ukhalhawaya ahokhanyererihiya chinene. Ahimeriyeke, aathiyana ayo ahorwaa wo waakuvia ni waatangachera ashilhoko aya alhe. 18Nihuku no saba nno nchuwa nihinaaya ukhuma, nkayeerelha Nasansoni wiira,
Ittu yaani yoochiva thoko urawo?
Phi mpani ntu o machiri umpwaha kharamu?
Nasansoni nkayaakulha yeereka,
“Yakaari khanhuvilhe nlhatu wo indaavi aka,
khamwooria uthaphulha maana yo indaavi aka.”
19Paahi iphumu ya Apwiiya Nlhuku yahaakhuruwelha Nasansoni o machiri, ni ayo nkayaarwaa ilhapo yo Uashikeloni, nkayeevakacha attu makhumi mararu, nkayaakusha ikuwo chaya cho isikukuu, nkayaavaha attu aathaphunlhe indaavi aya alhe. Yamalheke nkayaarwaa uwani wa manyanaangoro aya anarushiye chinene wo ittu ipangelhe iyo. 20Paahi, ahanu aya ayo ahovekihiya wa mmirawo mmoka eemelhenlhe arusi a Nasansoni.
The Bible Version in Makua @The Word for The World International and Makua Language translators. All rights reserved.