O waamulha 1
1
Attu o Uisraeli arimeelheke Nayoshua
1Arimeelheke Nayoshua, attu o Uisraeli ahaakoha Apwiiya Nlhuku wo wiira, “Apwiiya Nlhuku nnihimerieke nikosho naani ninohalha uholhelha urwaa waatakana ni attu o ilhapo yo Ukanaani?”
2Paahi, Apwiiya Nlhuku nkayaakhulha yeeraka, “Attu o nikosho ni Nayuda phi ninohalha uholhelha urwaa waatakana ni yayo attu ayo, ukhalhawaya kihomalha waavaha machiri o waakottolha wo nlhatu waya.”
3Attu o nikosho ni Nayuda nkayeerelhacha ashilhoko aya attu o nikosho ni Nasimioni wiira, “Mmweeke mwaanikaviha, navare ilhapo nivahiye ihu iyo. Ni hii ninoukavihani ukusha ilhapo inohalha inyu uvahiya iyo.” Paahi, nkayaawa ni waakaviha. 4Paahi attu o nikosho ni Nayuda nkayaarwa waatakana ni attu o Ukaanani ni o Uperizi. Ni Apwiiya Nlhuku nkayooriha waakottolha, ni weevakacha attu maelufu khumi ukhotoni, wi iwani yo Ubezeki uwo. 5Wowo wiilhaponi uwo nkayaaphwanya amwene Naadonibezeki, nkayaatakanana ni waakottolha. 6Paahi Naadonibezeki ahottawa, nansho ahotwariya, nkaavariya, nkaatupulhiya makokho molhupalhe o mmiononi ni o mmietoni. 7Naadonibezeki nkeera, “Mamwene makhumi saba kaatupunlhe aka makokho molhupalhe o mmiononi ni o mmietoni, aholhokhottacha mahalha wuuthi imeza aka. Vano, Nlhuku hokilhiva thoko chipannge aka.” Nkaarwehiya Uyerusalemu, nkayaarimeelha wowo.
Attu o nikosho ni Nayuda anookottolha ilhapo cho Uyerusalemu, Uhebroni ni ilhapo chikina
8Attu o nikosho ni Nayuda nkayaakelhelha iwani yo Uyerusalemu ni uvara mateeka. Nkayeevakacha attu aakhalha mwommo ayo, wo waakhapakacha ni uphanga ni upaha mooro ilhapo iyo. 9Kaanyuma, attu o nikosho ni Nayuda ahorwaa waatakana ni attu o Ukanaani aakalha ilhapo yo umiakoni, ni Unegebu, ilhapo yo uhikhalhe ni miako. 10Tho, nkayaatakacha attu o Ukanaani anokhalha iwani yo Uhebroni, weehaniya khalhai vawo Kiriath arba, nkayaatakacha ni attu o makosho a Asheshai, Ahimani ni Atalmai.
Naothinieli anookottolha iwani yo Udebiri
(Nayos 15:13-19)
11Athameke wowo attu o nikosho ni Nayuda ahorwaacha waatakana ni attu o iwani yo Udebiri, yeehaniya khalhai vawo Kiriathseferi. 12Nakalebu nkayaakhuwelha yiiraka wiira, “Ntu riyoothe nohalha wooria uvara mateeka iwani yo Kiriathseferi, kinonthelhiha mwaamwanaka mwanthiyana Aksa.”
13Paahi Naothnieli, mwaana a Nakenazi, ahima aya Nakalebu, ahovara mateeka iwani iyo. Paahi etu Nakalebu nkayankumiha mwaamwanaya mwanthiyana Aksa wiira athelhiye ni Naothnieli. 14Paahi Aksa uyo vaaphiilhe awe, aheerelha Naothnieli, wiira “Waavekelheke imata athumwanaka.” Vavawo, Aksa oolhumacha nari vachulhu iphuta. Vaakhuruwilhe awe vathi athumwanawe nkankoha, “Inothanana kuuvaheke ittu yaani?”
15Nkaakhulha wo wiira, “Nkivaheke izawadi marapo o maashi, ukhalhawaya imata ikivahilhe inyu Unegebu uwo yo wuuma, khaawo maashi.” Paahi Nakalebu ahommaha imata marapo ari uchulhu ni umakooteni.
Ukottolha waapantte aya attu o makosho a Nayuda ni Nabenyamini
16Ayari a Nakeni, ari ahokohaya ashinna Musa, ahottukana ni attu o nikosho ni Nayuda ukhuma iwani yo miri cho Mitende, yaani ilhapo yo Uyeriko, mpaka uthako wo Uyuda, Unegebu vakhiviru ni Uaradi, nkayaapangacha nipuro naya wowo vamoka ni attu o ilhapo i Nayuda. 17Attu o nikosho ni Nayuda ahokavihana ni ashilhoko aya attu o nikosho ni Nasimioni, nkayaakottolha attu o Ukanaani aakhalha Usefathi. Nkayaalhakalhiha ilhapo iyo ni unvaha nchina nikina, ni wiihaniya Horma. 18Attu o nikosho ni Nayuda ni ayo nkayaavara mateeka iwani yo Ugaza ni ittoko chaya chonkhaye, Uashkeloni ni vakittu vaya vonkhaye ni Uekroni ni vakittu vaya vonkhaye. 19Apwiiya Nlhuku ari vamoka ni attu o nikosho ni Nayuda, ni ayo nkayaavara mateeka ilhapo yo umiakoni. Nansho khayoonrie waakottolha anenchi o ilhapo yo uhikhalhe miako iyo, ukhalhawaya nkukuta chaya cho waatakanelha ikhoto chaari cho yuuma. 20Yamalhekeru, Nakalebu ahovahiya ilhapo yo Uhebroni, thoko cheera aya malhehero a ashinna Musa. Nakalebu nkayoomolhacha ukhuma wowo mahimo mararu a Naanaki. 21Nansho attu o nikosho ni Nabenyamini khayoomolhanche Ayebusi anookhalhacha iwani yo Uyerusalemu, phi maana etu Ayebusi anokhalha vamoka ni attu o nikosho ni Nabenyamini, Uyerusalemu mpaka lhelho nna.
Attu o makosho a Naefraimu ni Namanase anookottolha iwani yo Ubetheli
22Attu o nikosho ni Nayosefu nkayaakelhelha iwani yo Ubetheli, ni Apwiiya Nlhuku arii vamoka ni ayo. 23Wo uchokholha, ahaaruma attu o uhotelha arwee ahotelhe iwani yo Ubetheli, yeehaniya khalhai vawo Luzi. 24Paahi yayo attu o uhotelha ayo vaamwonne aya ntu mmoka akhumaka vawani vawo, ahomwiirelha wiira, “Nnoonihe iphiro inokelha vawani, ni hii khaninoupangelhani ittu yo uhilhoka.” 25Ni uyo ahooniha iphiro yo ukelhelha vawani vawo. Paahi nkayaakelha ni urimeelhiha kila ntu arii mwommo. Nansho nkayanhiya ntu ulhe nkumi, yoyo vamoka ni ashilhoko awe. 26Paahi yoyo ntu uyo nkaathamelha ilhapo ya attu o Uhiti, wowo nkaatheka iwani yeehaniye Luzi, ni ilhapo iyo ineehaniya chiicho mpaka lhelho nna.
Attu ahoomolhachiye ni attu o Uisraeli
27Paahi attu o nikosho ni Namanase nkayoomolhanche attu o iwani yo Ubethsheani ni ittoko chaya, o Utanaki ni ittoko chaya, o Udori ni ittoko chaya. attu o Ukanaani nkayaathepa ukhalhacha wowo. 28Ata Aisraeli vaari aya ni machiri khayoomolhanche attu o Ukanaani, nansho ahaavarihacha mitheko wo waakhanyereriha.
29Attu o nikosho ni Naefraimu khayoomolhanche attu o Ukanaani anokhalha Ugezeri uwo, ni ayo ahokhalha wowo vamoka ni attu o nikosho ni Naefraimu.
30Attu o nikosho ni Nazabuloni khayoomolhanche attu o iwani yo Ukitroni, mena alhe o iwani yo Nahalali, ahothepa waakhalhana vamoka ni waavariha mitheko thoko ipotta.
31Attu o nikosho ni Naasheri khayoomolhanche attu o iwani cho Uako, Usidoni, Ualabu, Uakizibu, Uhlabu, Uafeka ni Urehobu. 32Attu o nikosho ni Naasheri ahokhalhacha vamoka ni attu o Ukanaani, anenchi o yeyo ilhapo iyo kwaani khayoomolhanche.
33Attu o nikosho ni Nanaftali khayoomolhanche attu o iwani yo Ubeth Shemeshi ama anenchi o Ubeth Anathi, nansho ahaakhalhana vamoka. Nansho anenchi o ilhapo iyo, ahaakhanyereriha attu o Uisraeli avarache mitheko cho ukhanyererihiya.
34Aamori nkayomoolhachera attu o nikosho ni Unadani umiakoni. Nkayaatiyelhelha wiira ahikhuruwe uukhalhani vathi uhiri miako. 35Paahi Aamori nkayaathepa ukhalha ilhapo cho umiakoni cho Uheresi, Uaiyaloni ni Ushaalbimu. Nansho attu o makosho a Namanase ni Naefraimu ahaatawara Aamori ni waapanga anamitheko wo waakhanyereriha.
36Mwiinano wa Aamori waari mpata wo nchulhu wo Usela, unolhapuwelha mphitho Uakarimu ni uthepa.
The Bible Version in Makua @The Word for The World International and Makua Language translators. All rights reserved.
O waamulha 1
1
Attu o Uisraeli arimeelheke Nayoshua
1Arimeelheke Nayoshua, attu o Uisraeli ahaakoha Apwiiya Nlhuku wo wiira, “Apwiiya Nlhuku nnihimerieke nikosho naani ninohalha uholhelha urwaa waatakana ni attu o ilhapo yo Ukanaani?”
2Paahi, Apwiiya Nlhuku nkayaakhulha yeeraka, “Attu o nikosho ni Nayuda phi ninohalha uholhelha urwaa waatakana ni yayo attu ayo, ukhalhawaya kihomalha waavaha machiri o waakottolha wo nlhatu waya.”
3Attu o nikosho ni Nayuda nkayeerelhacha ashilhoko aya attu o nikosho ni Nasimioni wiira, “Mmweeke mwaanikaviha, navare ilhapo nivahiye ihu iyo. Ni hii ninoukavihani ukusha ilhapo inohalha inyu uvahiya iyo.” Paahi, nkayaawa ni waakaviha. 4Paahi attu o nikosho ni Nayuda nkayaarwa waatakana ni attu o Ukaanani ni o Uperizi. Ni Apwiiya Nlhuku nkayooriha waakottolha, ni weevakacha attu maelufu khumi ukhotoni, wi iwani yo Ubezeki uwo. 5Wowo wiilhaponi uwo nkayaaphwanya amwene Naadonibezeki, nkayaatakanana ni waakottolha. 6Paahi Naadonibezeki ahottawa, nansho ahotwariya, nkaavariya, nkaatupulhiya makokho molhupalhe o mmiononi ni o mmietoni. 7Naadonibezeki nkeera, “Mamwene makhumi saba kaatupunlhe aka makokho molhupalhe o mmiononi ni o mmietoni, aholhokhottacha mahalha wuuthi imeza aka. Vano, Nlhuku hokilhiva thoko chipannge aka.” Nkaarwehiya Uyerusalemu, nkayaarimeelha wowo.
Attu o nikosho ni Nayuda anookottolha ilhapo cho Uyerusalemu, Uhebroni ni ilhapo chikina
8Attu o nikosho ni Nayuda nkayaakelhelha iwani yo Uyerusalemu ni uvara mateeka. Nkayeevakacha attu aakhalha mwommo ayo, wo waakhapakacha ni uphanga ni upaha mooro ilhapo iyo. 9Kaanyuma, attu o nikosho ni Nayuda ahorwaa waatakana ni attu o Ukanaani aakalha ilhapo yo umiakoni, ni Unegebu, ilhapo yo uhikhalhe ni miako. 10Tho, nkayaatakacha attu o Ukanaani anokhalha iwani yo Uhebroni, weehaniya khalhai vawo Kiriath arba, nkayaatakacha ni attu o makosho a Asheshai, Ahimani ni Atalmai.
Naothinieli anookottolha iwani yo Udebiri
(Nayos 15:13-19)
11Athameke wowo attu o nikosho ni Nayuda ahorwaacha waatakana ni attu o iwani yo Udebiri, yeehaniya khalhai vawo Kiriathseferi. 12Nakalebu nkayaakhuwelha yiiraka wiira, “Ntu riyoothe nohalha wooria uvara mateeka iwani yo Kiriathseferi, kinonthelhiha mwaamwanaka mwanthiyana Aksa.”
13Paahi Naothnieli, mwaana a Nakenazi, ahima aya Nakalebu, ahovara mateeka iwani iyo. Paahi etu Nakalebu nkayankumiha mwaamwanaya mwanthiyana Aksa wiira athelhiye ni Naothnieli. 14Paahi Aksa uyo vaaphiilhe awe, aheerelha Naothnieli, wiira “Waavekelheke imata athumwanaka.” Vavawo, Aksa oolhumacha nari vachulhu iphuta. Vaakhuruwilhe awe vathi athumwanawe nkankoha, “Inothanana kuuvaheke ittu yaani?”
15Nkaakhulha wo wiira, “Nkivaheke izawadi marapo o maashi, ukhalhawaya imata ikivahilhe inyu Unegebu uwo yo wuuma, khaawo maashi.” Paahi Nakalebu ahommaha imata marapo ari uchulhu ni umakooteni.
Ukottolha waapantte aya attu o makosho a Nayuda ni Nabenyamini
16Ayari a Nakeni, ari ahokohaya ashinna Musa, ahottukana ni attu o nikosho ni Nayuda ukhuma iwani yo miri cho Mitende, yaani ilhapo yo Uyeriko, mpaka uthako wo Uyuda, Unegebu vakhiviru ni Uaradi, nkayaapangacha nipuro naya wowo vamoka ni attu o ilhapo i Nayuda. 17Attu o nikosho ni Nayuda ahokavihana ni ashilhoko aya attu o nikosho ni Nasimioni, nkayaakottolha attu o Ukanaani aakhalha Usefathi. Nkayaalhakalhiha ilhapo iyo ni unvaha nchina nikina, ni wiihaniya Horma. 18Attu o nikosho ni Nayuda ni ayo nkayaavara mateeka iwani yo Ugaza ni ittoko chaya chonkhaye, Uashkeloni ni vakittu vaya vonkhaye ni Uekroni ni vakittu vaya vonkhaye. 19Apwiiya Nlhuku ari vamoka ni attu o nikosho ni Nayuda, ni ayo nkayaavara mateeka ilhapo yo umiakoni. Nansho khayoonrie waakottolha anenchi o ilhapo yo uhikhalhe miako iyo, ukhalhawaya nkukuta chaya cho waatakanelha ikhoto chaari cho yuuma. 20Yamalhekeru, Nakalebu ahovahiya ilhapo yo Uhebroni, thoko cheera aya malhehero a ashinna Musa. Nakalebu nkayoomolhacha ukhuma wowo mahimo mararu a Naanaki. 21Nansho attu o nikosho ni Nabenyamini khayoomolhanche Ayebusi anookhalhacha iwani yo Uyerusalemu, phi maana etu Ayebusi anokhalha vamoka ni attu o nikosho ni Nabenyamini, Uyerusalemu mpaka lhelho nna.
Attu o makosho a Naefraimu ni Namanase anookottolha iwani yo Ubetheli
22Attu o nikosho ni Nayosefu nkayaakelhelha iwani yo Ubetheli, ni Apwiiya Nlhuku arii vamoka ni ayo. 23Wo uchokholha, ahaaruma attu o uhotelha arwee ahotelhe iwani yo Ubetheli, yeehaniya khalhai vawo Luzi. 24Paahi yayo attu o uhotelha ayo vaamwonne aya ntu mmoka akhumaka vawani vawo, ahomwiirelha wiira, “Nnoonihe iphiro inokelha vawani, ni hii khaninoupangelhani ittu yo uhilhoka.” 25Ni uyo ahooniha iphiro yo ukelhelha vawani vawo. Paahi nkayaakelha ni urimeelhiha kila ntu arii mwommo. Nansho nkayanhiya ntu ulhe nkumi, yoyo vamoka ni ashilhoko awe. 26Paahi yoyo ntu uyo nkaathamelha ilhapo ya attu o Uhiti, wowo nkaatheka iwani yeehaniye Luzi, ni ilhapo iyo ineehaniya chiicho mpaka lhelho nna.
Attu ahoomolhachiye ni attu o Uisraeli
27Paahi attu o nikosho ni Namanase nkayoomolhanche attu o iwani yo Ubethsheani ni ittoko chaya, o Utanaki ni ittoko chaya, o Udori ni ittoko chaya. attu o Ukanaani nkayaathepa ukhalhacha wowo. 28Ata Aisraeli vaari aya ni machiri khayoomolhanche attu o Ukanaani, nansho ahaavarihacha mitheko wo waakhanyereriha.
29Attu o nikosho ni Naefraimu khayoomolhanche attu o Ukanaani anokhalha Ugezeri uwo, ni ayo ahokhalha wowo vamoka ni attu o nikosho ni Naefraimu.
30Attu o nikosho ni Nazabuloni khayoomolhanche attu o iwani yo Ukitroni, mena alhe o iwani yo Nahalali, ahothepa waakhalhana vamoka ni waavariha mitheko thoko ipotta.
31Attu o nikosho ni Naasheri khayoomolhanche attu o iwani cho Uako, Usidoni, Ualabu, Uakizibu, Uhlabu, Uafeka ni Urehobu. 32Attu o nikosho ni Naasheri ahokhalhacha vamoka ni attu o Ukanaani, anenchi o yeyo ilhapo iyo kwaani khayoomolhanche.
33Attu o nikosho ni Nanaftali khayoomolhanche attu o iwani yo Ubeth Shemeshi ama anenchi o Ubeth Anathi, nansho ahaakhalhana vamoka. Nansho anenchi o ilhapo iyo, ahaakhanyereriha attu o Uisraeli avarache mitheko cho ukhanyererihiya.
34Aamori nkayomoolhachera attu o nikosho ni Unadani umiakoni. Nkayaatiyelhelha wiira ahikhuruwe uukhalhani vathi uhiri miako. 35Paahi Aamori nkayaathepa ukhalha ilhapo cho umiakoni cho Uheresi, Uaiyaloni ni Ushaalbimu. Nansho attu o makosho a Namanase ni Naefraimu ahaatawara Aamori ni waapanga anamitheko wo waakhanyereriha.
36Mwiinano wa Aamori waari mpata wo nchulhu wo Usela, unolhapuwelha mphitho Uakarimu ni uthepa.
The Bible Version in Makua @The Word for The World International and Makua Language translators. All rights reserved.