1 Timoteo 3:16

Ninkexró chróndáchrohya kixin chaxínhña ti nkehe tinkáchónkini, kixin tíhi mé ijnko nkehe tjetoan la ninkexró kꞌuénoehña: Kixin Jesucristo mé ikui kꞌóna chojni; la Ncha̱kuén Díos kjua̱ko̱xi̱n kixin jína chꞌan. La ti sin ángel mé kꞌuíkon sin chꞌan la kuenté chjasintajni kuíhin sin ti nkehe chrónka chꞌan, la itsjé chojni kuitekaon sin. Ndá sákjui̱ chꞌan nkaya nka̱jní la kꞌuáyéhe̱ chꞌan kjuachaxin.