Ebre-bɔ̀ 6
6
1Ɔmu lɔ, bɔ̀ crɛ ezì bɔ̀ kɛ́n ɔwrɔn cüìcüì ankà-yé, ô bɔ̀ teze bɔ́ ɛmɛẅi lɔ, kpakpà ankà-dɔ̀ léyi dú Krisì mɛẅi ankà lɔ mɛ̀n nɔn. Ɛmɛẅi ankà ndɔ lɔ, bɔ́ sɩ̀ vru hán n'ɔkɔ̀hɔ̀n wrùɛ: ke ji le bɔ̀ crɛ ejüí bɔ̀ sɔ́n ɛci-gbàngbàn-hán, ô bò bú Ɔwɔ ankà bɔ̀ tán ankàẅì, 2bɔ́ bɩ́ ankà-yé léyi dú ɛnshi-kruwá mán ankɔrɛ̀-ɛwú-dì ci-hán lɔ mɛ̀n, owúemɛ̀n-dùfrɔ́ mán ɛmrɛ̀ncì léyi ke sɩ́ trɔa nɔn n'ankà-dɔ̀. 3Bɔ̀ hɔ́n ezì! Hɩ de dú eci léyi bɔ́ lɛ hán, ke dú kɛ Ɔwɔ kɛ tán ɛkɔrɛ̀levri.
4-6Annanwɔrɛ mɛ̀n lɔ, anhontan kɛ lɛ hán kè dù tán anwrɔn hɔ̀n léyi ke vru kɛ vá y'ɛwúvà gbànvri lɔ mɛ̀n nɛ́n? Yɔ cɔ́ ɛdɛ̀n zri Ɔwɔ yrikàn. Yɔ cɔ́ anhobɩ́ kɔrɛwá mán Ɛnhɛ́n Prɔnprɔn. Yɔ nyri ɔmu le Ɔwɔ mùan ankà-dɔ̀ zrɔ kɩ yɔ kán eci léyi dú ɛwúvà wrù léyi dú ezì kɛ và nɔn, n'ɛkɔrɛ̀srɔn hɔ̀n. Kɩ ɔmu tɛ̀ki yɔ vru yɔ vá y'ɛwúvà gbànvri lɔ mɛ̀n. Sɔtan yɔ vru yɔ hán yɔ crɔn ɛnkru, ɔmuhi, yɔ tɛn yɔ vru yɔ bɩ́ Ɔwɔ Ẅì yɔ hɛ́n ɛgbàn-hán-tɛ̀ wú kɩ anwrɔn lɔ fɛn zìwú yɔ wɔra nɛ̀n.
7Ɛnvra léyi ɛnhi ke mi ɛnshi léyi kɛ nán frɛfrɛ ku nɛ̀n ɛwú nɔn, antɛ̀ẅì léyi yɛ tɛ́ nɛ̀n ɛwú nɔn, ke dì, Ɔwɔ fú ɛnhi ndɔ lɔ ɛnshi. 8Tɛ́n ke dú kɛ ɛnhi lɔ kɛ hán ɔwi-tɛ̀ mán anhɛ́ ke dì, ɛnhi lɔ kè sɩ̀ zrɔ̀a; Ɛnvra bruemɛ̀n Ɔwɔ kɛ lɛ dà nɛ̀n ɛẅìɛ kɩ ɔtrɔmɛ̀n lɔ yɛ lɛ wá nɛ̀n ɛnhyà.
9Tɛ́n, ke dú kɛ bɔ́ dɔ́ ɔmu lɔ, annyran anvrɛn hɔ̀n, bɔ̀ ẅɛn esɛ́ le nyɛ́n dú ɛnlevri anvrɛnvrɛn wú, ndɔ léyi dú ɛnkrukɔrɛ̀ nɔn. 10Ɔwɔ dú ɛnyrɔnnan-wrɔn. Ny'ɔkɔ̀hɔ̀n léyi nyɛ hán, ɛcüɛ̀n léyi nye yé n'ɛtɛ̀sɛ̀n, ny'eci-bɩ̀tan-kɔ̀hɔ́n mɛ̀n, kɩ nyɛ́n dú ɛmɛ̀n nyɛ́n hán tán Krisì sɛnkɛn-bɔ̀ janbɔ̀ nɔn, ndɔ lɔ fɛn ke sɩ̀ yuru Ɔwɔ esùva. 11Tɛ́n bɔ́ ji le, ɔwrɔn wrɔn kè yé edùyì n'eci-hán mɛ̀n hàn mán ɔtrɔ mɛ̀n, ô ny'esɛ́ lɔ kɛ̀ sá nmù kokroho. 12Nyɛ́n bɩ́ srɔ ɛjɛ́-bɔ̀, tɛ́n nyɛ́n bɩ́ anwrɔn hɔ̀n léyi kɛ ẅɛn ankaẅìbùtan edùyiemɛ̀n, kɩ kɛ cɔ́ Ɔwɔ mùan-wá ci lɔ nɔn, yɔ sɛnpò.
Ɔwɔ mùan-wá shishi lɔ
13Ɛnvra léyi Ɔwɔ wá Abrahamɛ̀n ɔmùan nɔn, ɔmùan-wá ndɔ lɔ, nɛ̀n hán yi nɛ́n dùku n'ebɩmɛ̀n, ɔmuhi ɔwrɔn zriɛmɛ́n kè sɩ̀ sevri kɛ̀ vrán nɛ̀n hɩ n'a bɩ́ yi bi lɔ nɛ̀n wá ɔmùan nɔn. 14Nɛ́n dɔ̀ le: “Mɛ wá ɔmùan le me le fú mɛ́n ɛnshi ke le sevri kɩ mɛ lɛ tán mɛ́n ɛmɛẅi-bɔ̀ bobrebe.” 15Abrahamɛ̀n dú ɛvrá mɛ̀n ɛnbɔrɛ ẅɛ̀n-hɛ́n mɛ̀n, kɩ nɛ̀n cɔ́ Ɔwɔ mùan-wá ci lɔ. 16Ɛnvra léyi anwrɔnẅì kɛ wá ɔmùan nɔn, yɔ hán nɛ̀n ɔwrɔn tɔ̀n léyi sevri vrán yɔ nɔn n'ebɩmɛ̀n, kɩ ɔmùan-wá lɔ dú ɔmùan zri-di léyi kɛ ẅɛn ecüìwrɔn lɔ fɛn sɔhɔ́ ankà mɛ̀n nɔn. 17Tɛ́n, Ɔwɔ ke ji kè vru kè yé kpetee le anwrɔn hɔ̀n léyi nɛ̀n wá anvrɛn mùan nɔn, n'ankà-dɔ̀ lɔ ke sɩ́ crɛa; hɩ le kruhú de nɛ̀n bɩ́ n'ebi nɛ̀n wá ɔmùan-wá lɔ mɛ̀n nɔn. 18Zɛtɛn eci-hán dɛ̀n anhyrɛ̀ de ndù hɩ ke sɩ́ crɛa, kɩ y'ɛmɛ̀n lɔ Ɔwɔ ke sɩ̀ ẅɛn ɛyɔ̀n rɔ́. Ɔmu lɔ, bɔ́ léyi bɔ̀ cɔ́ ɛbán-yri n'ɛmɛ̀n nɔn, bɔ̀ bɩ́ edùyì vri bɔ̀ ẅɛn ɛshishiemɛ̀n esɛ́ léyi yɛ wá yɛ hɛ́n bɔ̀a nɔn. 19Esɛ́ ndɔ lɔ ndù hán bɔ́ ɛwúvà ɛnhyàbrihɛ̀ bù hɔ́. Nɛ̀n dú esɛ́ annanwɔrɛ, kɩ edù sɔ́ nɛ̀n, kɩ ne bru anhobɩ́ cice-wɔn càsa lɔ mɛ̀n, hàn mán nɛ cɔ́ Ɔwɔ yri Prɔnprɔn lɔ. 20Nanvrɛn de Zhezü hɛ́ bɔ̀ ezì bru, kɩ nɛ̀n bru bɔ́ kruhú, ɔmuhi nɛ̀n srɔ Ɔwɔ cice-wrɔn cüìcüì ɛnvra lɔ fɛn, Mɛlkisedɛkɛ̀n dùci-hán lɔ mɛ̀n.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Ebre-bɔ̀ 6
6
1Ɔmu lɔ, bɔ̀ crɛ ezì bɔ̀ kɛ́n ɔwrɔn cüìcüì ankà-yé, ô bɔ̀ teze bɔ́ ɛmɛẅi lɔ, kpakpà ankà-dɔ̀ léyi dú Krisì mɛẅi ankà lɔ mɛ̀n nɔn. Ɛmɛẅi ankà ndɔ lɔ, bɔ́ sɩ̀ vru hán n'ɔkɔ̀hɔ̀n wrùɛ: ke ji le bɔ̀ crɛ ejüí bɔ̀ sɔ́n ɛci-gbàngbàn-hán, ô bò bú Ɔwɔ ankà bɔ̀ tán ankàẅì, 2bɔ́ bɩ́ ankà-yé léyi dú ɛnshi-kruwá mán ankɔrɛ̀-ɛwú-dì ci-hán lɔ mɛ̀n, owúemɛ̀n-dùfrɔ́ mán ɛmrɛ̀ncì léyi ke sɩ́ trɔa nɔn n'ankà-dɔ̀. 3Bɔ̀ hɔ́n ezì! Hɩ de dú eci léyi bɔ́ lɛ hán, ke dú kɛ Ɔwɔ kɛ tán ɛkɔrɛ̀levri.
4-6Annanwɔrɛ mɛ̀n lɔ, anhontan kɛ lɛ hán kè dù tán anwrɔn hɔ̀n léyi ke vru kɛ vá y'ɛwúvà gbànvri lɔ mɛ̀n nɛ́n? Yɔ cɔ́ ɛdɛ̀n zri Ɔwɔ yrikàn. Yɔ cɔ́ anhobɩ́ kɔrɛwá mán Ɛnhɛ́n Prɔnprɔn. Yɔ nyri ɔmu le Ɔwɔ mùan ankà-dɔ̀ zrɔ kɩ yɔ kán eci léyi dú ɛwúvà wrù léyi dú ezì kɛ và nɔn, n'ɛkɔrɛ̀srɔn hɔ̀n. Kɩ ɔmu tɛ̀ki yɔ vru yɔ vá y'ɛwúvà gbànvri lɔ mɛ̀n. Sɔtan yɔ vru yɔ hán yɔ crɔn ɛnkru, ɔmuhi, yɔ tɛn yɔ vru yɔ bɩ́ Ɔwɔ Ẅì yɔ hɛ́n ɛgbàn-hán-tɛ̀ wú kɩ anwrɔn lɔ fɛn zìwú yɔ wɔra nɛ̀n.
7Ɛnvra léyi ɛnhi ke mi ɛnshi léyi kɛ nán frɛfrɛ ku nɛ̀n ɛwú nɔn, antɛ̀ẅì léyi yɛ tɛ́ nɛ̀n ɛwú nɔn, ke dì, Ɔwɔ fú ɛnhi ndɔ lɔ ɛnshi. 8Tɛ́n ke dú kɛ ɛnhi lɔ kɛ hán ɔwi-tɛ̀ mán anhɛ́ ke dì, ɛnhi lɔ kè sɩ̀ zrɔ̀a; Ɛnvra bruemɛ̀n Ɔwɔ kɛ lɛ dà nɛ̀n ɛẅìɛ kɩ ɔtrɔmɛ̀n lɔ yɛ lɛ wá nɛ̀n ɛnhyà.
9Tɛ́n, ke dú kɛ bɔ́ dɔ́ ɔmu lɔ, annyran anvrɛn hɔ̀n, bɔ̀ ẅɛn esɛ́ le nyɛ́n dú ɛnlevri anvrɛnvrɛn wú, ndɔ léyi dú ɛnkrukɔrɛ̀ nɔn. 10Ɔwɔ dú ɛnyrɔnnan-wrɔn. Ny'ɔkɔ̀hɔ̀n léyi nyɛ hán, ɛcüɛ̀n léyi nye yé n'ɛtɛ̀sɛ̀n, ny'eci-bɩ̀tan-kɔ̀hɔ́n mɛ̀n, kɩ nyɛ́n dú ɛmɛ̀n nyɛ́n hán tán Krisì sɛnkɛn-bɔ̀ janbɔ̀ nɔn, ndɔ lɔ fɛn ke sɩ̀ yuru Ɔwɔ esùva. 11Tɛ́n bɔ́ ji le, ɔwrɔn wrɔn kè yé edùyì n'eci-hán mɛ̀n hàn mán ɔtrɔ mɛ̀n, ô ny'esɛ́ lɔ kɛ̀ sá nmù kokroho. 12Nyɛ́n bɩ́ srɔ ɛjɛ́-bɔ̀, tɛ́n nyɛ́n bɩ́ anwrɔn hɔ̀n léyi kɛ ẅɛn ankaẅìbùtan edùyiemɛ̀n, kɩ kɛ cɔ́ Ɔwɔ mùan-wá ci lɔ nɔn, yɔ sɛnpò.
Ɔwɔ mùan-wá shishi lɔ
13Ɛnvra léyi Ɔwɔ wá Abrahamɛ̀n ɔmùan nɔn, ɔmùan-wá ndɔ lɔ, nɛ̀n hán yi nɛ́n dùku n'ebɩmɛ̀n, ɔmuhi ɔwrɔn zriɛmɛ́n kè sɩ̀ sevri kɛ̀ vrán nɛ̀n hɩ n'a bɩ́ yi bi lɔ nɛ̀n wá ɔmùan nɔn. 14Nɛ́n dɔ̀ le: “Mɛ wá ɔmùan le me le fú mɛ́n ɛnshi ke le sevri kɩ mɛ lɛ tán mɛ́n ɛmɛẅi-bɔ̀ bobrebe.” 15Abrahamɛ̀n dú ɛvrá mɛ̀n ɛnbɔrɛ ẅɛ̀n-hɛ́n mɛ̀n, kɩ nɛ̀n cɔ́ Ɔwɔ mùan-wá ci lɔ. 16Ɛnvra léyi anwrɔnẅì kɛ wá ɔmùan nɔn, yɔ hán nɛ̀n ɔwrɔn tɔ̀n léyi sevri vrán yɔ nɔn n'ebɩmɛ̀n, kɩ ɔmùan-wá lɔ dú ɔmùan zri-di léyi kɛ ẅɛn ecüìwrɔn lɔ fɛn sɔhɔ́ ankà mɛ̀n nɔn. 17Tɛ́n, Ɔwɔ ke ji kè vru kè yé kpetee le anwrɔn hɔ̀n léyi nɛ̀n wá anvrɛn mùan nɔn, n'ankà-dɔ̀ lɔ ke sɩ́ crɛa; hɩ le kruhú de nɛ̀n bɩ́ n'ebi nɛ̀n wá ɔmùan-wá lɔ mɛ̀n nɔn. 18Zɛtɛn eci-hán dɛ̀n anhyrɛ̀ de ndù hɩ ke sɩ́ crɛa, kɩ y'ɛmɛ̀n lɔ Ɔwɔ ke sɩ̀ ẅɛn ɛyɔ̀n rɔ́. Ɔmu lɔ, bɔ́ léyi bɔ̀ cɔ́ ɛbán-yri n'ɛmɛ̀n nɔn, bɔ̀ bɩ́ edùyì vri bɔ̀ ẅɛn ɛshishiemɛ̀n esɛ́ léyi yɛ wá yɛ hɛ́n bɔ̀a nɔn. 19Esɛ́ ndɔ lɔ ndù hán bɔ́ ɛwúvà ɛnhyàbrihɛ̀ bù hɔ́. Nɛ̀n dú esɛ́ annanwɔrɛ, kɩ edù sɔ́ nɛ̀n, kɩ ne bru anhobɩ́ cice-wɔn càsa lɔ mɛ̀n, hàn mán nɛ cɔ́ Ɔwɔ yri Prɔnprɔn lɔ. 20Nanvrɛn de Zhezü hɛ́ bɔ̀ ezì bru, kɩ nɛ̀n bru bɔ́ kruhú, ɔmuhi nɛ̀n srɔ Ɔwɔ cice-wrɔn cüìcüì ɛnvra lɔ fɛn, Mɛlkisedɛkɛ̀n dùci-hán lɔ mɛ̀n.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.