Ɔkɔ̀hɔ̀n-wá-bɔ̀ kɔ̀hɔ̀n hán 19
19
Pɔlɛ̀n dú Efɛzɛ̀n anmàn
1Ɛnvra léyi Apolɔsɛ̀n dú Korɛntɛ̀n anmàn nɔn, Pɔlɛ̀n vɔ́n Azi cɛ kpò kpɔsɔ wú kɩ bru Efɛzɛ̀n anmàn. Nanvrɛn lɔ nɛ̀n cɔ́ Krisi-sɛ̀nkɛn-bɔ̀ jan 2kɩ nɛ̀n yrɛ yɔ le: “Nyɛ́n cɔ́ Ɛnhɛ́n Prɔnprɔn ɛnvra léyi nyɛ́n bù tán ankaẅì nɛ́n?” Yɔ mrɛ́n nɛ̀n ɔmùan le: “Bɔ́ vá yá mrìmrì yɛ dɔ́ Ɛnhɛ́n Prɔnprɔn ankà ɛnbì zriɛmɛ́n.” 3Zɛtɛn Pɔlɛ̀n ke yrɛ yɔ le: “Ɛnshikru-wá tán de nyɛ́n cɔ̀ nɛ́n?” Yɔ mrɛ́n ɔmùan le: “Zhan shikru-wá lɔ.” 4Pɔlɛ̀n kɛ dɔ́ yɔ le: “Zhan kɛ wá anwrɔn hɔ̀n léyi shrì crɔ́n y'eci-hán-ci hɔ̀n lɔ ɛnshi ɛnkru kɩ nɛ dɔ́ Izraɛlɛ̀n fɛcüè kɛ ẅɛn ankaẅì-bùtan ɔnwrɔn léyi dú nɛ̀n ɛmɛẅi kɛ và nɔn n'ɛwú, ɔwrɔn lɔ, nɛ́n de nɛ̀n dú Zhezü nɔn.” 5Ɛnvra léyi yɔ yá ankà ndɔ hɔ̀n lɔ trɔ nɔn, yɔ hán yɛ wá yɔ ɛnshi-ɛnkru Ɛẅɛnwrɔn Zhezü bɩmɛ̀n. 6Pɔlɛ̀n di yɔ ankɔrɛ̀ ɛwú kɩ Ɛnhɛ́n Prɔnprɔn vá cɔ́ yɔ; yɔ bukru yɔ dɔ́ ankà ɛnbrɛ̀ vɛnvɛn mɛ̀n kɩ yɔ dɔ́ ɛmɛẅi ankà léyi yɔ cɔ́ Ɔwɔ yri nɔn. 7Anwrɔn ndɔ hɔ̀n lɔ yɔ dú anwrɔn ɛvà-anhyrɛ̀ kɩ. 8Pɔlɛ̀n kɛ hɔ́n Ɔwɔ-sɛ́n-wɔn lɔ mɛ̀n kɩ okù anhɔ̀n granmɛ̀n, nɛ̀n dɔ́ ankà esɛ́ mɛ̀n. Nɛ dɔ́ Anhobɩ́ Nɛ̀ncüì-dúyri ankà kɩ ne ji ɛyri, ô anwrɔn hɔ̀n léyi ke die nɛ̀n nukùɛ nɔn, kɛ̀ yá n'ankà lɔ. 9Tɛ́n anwrɔn bobrebe kɛ hán ɛnkru shishi ci, kɛ krɔ, ke sɩ́ ji kè bù tán ankaẅì kɩ yɔ hán Ɛẅɛnwrɔn levri bɩ lɔ ɛnhyürɛ̀ fɛcüè zìwú. Zɛtɛn Pɔlɛ̀n teze yɔ, nɛ́n bɩ́ Krisi-sɛ̀nkɛn-bɔ̀ mɛhi yɔ hɔ̀n kɩ ɛnbì lɔ fɛn nɛ dɔ́ yɔ Ɔwɔ ankà Tirannüsɛ̀n wrú-wɔn lɔ mɛ̀n. 10Pɔlɛ̀n ci-yé ndɔ lɔ di ɛnnànwàn kru anhyrɛ̀, hán tán kɩ anwrɔn lɔ fɛn léyi dú Azi kpɔsɔ wú nɔn, Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yá Ɛẅɛnwrɔn ankà-dɔ̀ lɔ.
Seva ẅì hɔ̀n lɔ
11Ɔwɔ ke ci Pɔlɛ̀n mɛ̀n kɛ hán anvɛmɛ̀n-frɛ́n-ci ɛvrivri vɛ́n nyantɛn hɔ̀n. 12Ɔmu lɔ de yɔ bɩ́ y'edomɛ̀n ẅɛn-ci léyi tɛ́ Pɔlɛ̀n dùwru lɔ nɔn, yɔ hɔ́n sɩ́ ɛnlɔẅiɛ-bɔ̀ kɩ kɛ cɔ́ ɔkɔrɛ̀, kɩ anhɛ́n gbangbàn hɔ̀n ke dú ɛnlɔẅiɛ-bɔ̀ edomɛ̀n kɛ srɔ ɛntrɛ. 13Zhüifɛ̀n-bɔ̀ jan léyi ke ci ɛyriyri, ô kɛ̀ wrɔ́ anhɛ́n gbàngbàn ɛnlɔẅiɛ-bɔ̀ domɛ̀n nɔn, ke ji ke bɩ́ Ɛẅɛnwrɔn Zhezü bi lɔ kɛ̀ wrɔ́ anhɛ́n gbàngbàn kɛ̀ nyan. Yɔ dɔ́ anhɛ́n gbangbàn hɔ̀n lɔ le: “Mɛ wá tán nyɛ̀n le Zhezü bi léyi Pɔlɛ̀n ke bɩ kɛ dɔ́ Ɔwɔ ankà nɔn n'ebɩ́mɛ̀n, nyɛ́n srɔ ɛntrɛ!” 14Ɔmu lɔ de Zhüifɛ̀n-bɔ̀ cice-wrɔn cüìcüì léyi ye bi Seva nɔn, n'ɛẅì hɔ̀n ɔbɔ̀ɛn lɔ kɛ hán nɔn. 15Tɛ́n ɛnbì tɔ̀n ɛnhɛ́n gbangbàn lɔ mrɛ́n yɔ ɔmùan le: “Mɛ̀n nyri Zhezü, kɩ mɛ̀n nyri ɔwrɔn léyi dú Pɔlɛ̀n nɔn: tɛ́n nyɛ́n, antɔn hɔ̀n dú nyɛ̀n hàn?” 16Kɩ ɔwrɔn léyi ɛnhɛ́n gbangbàn dú edomɛ̀n nɔn, bru yɔ ɛwú, kɩ yé tán le, nɛ̀n ẅɛn ecüì nɛ̀n vrán yɔ lɔ fɛn; nɛ̀n hàn yɔ anbɔrɛ-ci vri, hán tán kɩ yɔ dú n'ɔwɔn lɔ mɛ̀n yɔ srɛ́ srɔ ɛntrɛ ɛsɛ̀n-kɔra kɩ eci wri yɔ edù. 17Efɛzɛ̀n anmàn-bɔ̀, Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yá ankà ndɔ lɔ; yɔ lɔ fɛn yɔ dú ɛnjansuemɛ̀n kɩ yɔ ẅɛn Ɛẅɛnwrɔn Zhezü bi lɔ n'ɛwa. 18Anwrɔn hɔ̀n léyi srɔ ankaẅì-bùtan-ẅɛn-bɔ̀ nɔn, bobrebe kɛ và kɩ kɛ krɛ́ ɔmùan-ɛwú-sɩ̀emɛ̀n eci gbangbàn léyi yɔ hán nɔn. 19Anwrɔn hɔ̀n léyi kɛ hán seke-kɔ̀hɔ̀n nɔn, bobrebe sɩ́ yɔ seke wrú hɔ̀n lɔ, kɩ biɛ yɔ anwrɔn lɔ fɛn zìwú. Yɛ krɛ́ seke wrú hɔ̀n lɔ y'ɔkùa mùan, kɩ yɔ cɔ́ ɔkùa dɔla ẅì tɛ̀bru kru ɛkoẅi-anhyrɛ̀ mán ɛẅì ɛvà. 20Ɔmu lɔ de Ɛẅɛnwrɔn kɔrɛ̀srɔn mɛ̀n lɔ n'ankà-dɔ̀ bonyì, kɩ bɩ́ ecüì nɔn.
Efɛzɛ̀n anmàn drɛ̀ vri lɔ
21Ankà ndɔ hɔ̀n lɔ fɛn mɛẅi lɔ, Pɔlɛ̀n wá kè ci Maseduhanɛ̀n mán Grɛsɛ̀n kpɔsɔ wú kɛ̀ hɔ́n Zherüzalɛmɛ̀n anmàn. Nɛ́n dɔ̀ le: “Ɛnvra léyi me le bru nanvrɛn nɔn, ke ji le mɛ̀n kán Rɔmɛ̀n anmàn mán.” 22Pɔlɛ̀n wá n'ɛkɔrɛ-wá-bɔ̀ anhyrɛ̀, Timote mán Erastɛ̀n ɔkɔ̀hɔ̀n Maseduhanɛ̀n kpɔsɔ wú, tɛ́n nɛ́n mumù, nɛ̀n yɛ́ Azi kpɔsɔ wú ɛnvra jan. 23Ɛnvra ndɔ lɔ mɛ̀n Efɛzɛ̀n anmàn dú ɛdrɛ̀ vriemɛ̀n, Ɛẅɛnwrɔn levri ankà kruhú. 24Ansɩ̀kɛ-gbrɛ́-wrɔn tɔ̀n, ye bi Demetrihüsɛ̀n, kɛ hán antɛ̀buri-wɔ-hi Artemisɛ̀n cice-wɔn lɔ, nɛ́n picɛ̀ dɔlà mɛ̀n, kɩ n'ɔkɔ̀hɔ̀n lɔ kɛ wá ɔkɔ̀hɔ̀n-hán-bɔ̀ ɛkɔrɛ̀ bobrebe. 25Nɛ̀n borɛ ɔkɔ̀hɔ̀n-hán-bɔ̀ lɔ mán anwrɔn hɔ̀n léyi ẅɛn ɔkɔ̀hɔ̀n rolo zri lɔ nɔn ɛkru, kɩ nɛ dɔ́ yɔ le: “Brɛsu hɔ̀n, nyɛ́n nyrì le bɔ́ ɛwúvà-anvrɛnvrɛn-ẅɛ̀n dú ɔkɔ̀hɔ̀n ndɔ lɔ mɛ̀n. 26Tɛ́n nyɛ kàn, kɩ nyɛ yá ɛci hɔ̀n léyi ke cì nɔn: Pɔlɛ̀n ndɔ lɔ kɛ dɔ̀ le, antɛ̀buri-wɔ hɔ̀n léyi anwrɔnẅì kɛ hán nɔn, ke sɩ̀ dù Ɔwɔ, kɩ nɛ hán anwrɔn bobrebe kɛ̀ yá n'ankà lɔ, kè sɩ̀ dù ɛnu zri Efɛzɛ̀n anmàn lɔ kɩ, tɛ́n Azi kpɔsɔ lɔ fɛn wú. 27Pɔlɛ̀n ci-hán ndɔ lɔ kɛ lɛ jrɛ́ b'ɔkɔ̀hɔ̀n lɔ, kɩ ke le vru kɛ hán antɛ̀buri-wɔ-hi léyi dú Artemisɛ̀n nɔn, n'ecice-wɔn bɩ́dì lɔ kɛ̀ zrɛ́n, zɛtɛn antɛ̀buri-wɔ-hi léyi Azi kpɔsɔ wú lɔ fɛn mán ɛnhi mumù lɔ ke cüe ankɔrɛ̀ ezìwú nɔn, ke sɩ̀ vru cɔ́ n'evri-dì hɛ̀.” 28Ɛnvra léyi anwrɔn hɔ̀n léyi ke die Demetrihüsɛ̀n nukù, hɩ yá ankà ndɔ lɔ nɔn, yɔ bɩ́ ɛmɛ̀nhyì, kɩ yɔ di bobo yɔ dɔ̀ le: “Efɛzɛ̀n anmàn-bɔ̀, Artemisɛ̀n de dú ny'Ɔwɔ cüìcüì nɔn!” 29Anmàn mumù lɔ sɩ́ n'edomɛ̀n ɛwú. Anwrɔn ẅɛn Gahiüsɛ̀n mán Aristarkɛ̀n, Maseduhanɛ̀n-anmàn-bɔ̀ anhyrɛ̀ léyi hɔ́n sɩ́ Pɔlɛ̀n nɛ̀nnyanmàn nɔn, kɩ yɔ lɔ fɛn yɔ ku ɔkɔran-wɔn lɔ mɛ̀n. 30Pɔlɛ̀n ke ji kɛ srɔ fɛcüè zìwú, tɛ́n ankàẅì-bùtan-ẅɛn-bɔ̀ kɛ kɛ́n nɛ̀n hɛ́n. 31Govràn-kɔhɔ̀n-hán-bɔ̀ cüìcüì hɔ̀n janbɔ̀ léyi dú Azi kpɔsɔ wú, hɩ dú nɛ́n nyran anvrɛn hɔ̀n nɔn, yüre nɛ̀n owrú kɩ ke wore ankà yé nɛ̀n le, nɛ́n bɩ́ hɔ́n ɔkoran-wɔn lɔ mɛ̀n. 32Ɛnvra ndɔ lɔ mɛ̀n fɛcüè ke sɩ́ vru nyri n'edòmɛ̀n: anwrɔn janbɔ̀ ke di bobo, kɛ dɔ́ ankà zri, ndɔ hɔ̀n kɛ dɔ́ ankà nyàntɛn, kɩ ndɔ hɔ̀n dú ɛmɛ̀n ke sɩ́ nyri eci le kruhú yɛ borɛ ɛkru nɔn. 33Fɛcüè lɔ mɛ̀n, anwrɔn janbɔ̀ bɩ́ ankà lɔ kɛ dɔ́ Alɛksandrɛ̀n léyi Zhüifɛn-bɔ̀ kɛ kɛ́n sɩ́ ezì nɔn. Zɛtɛn Alɛksandrɛ̀n sɩ́ ɔkɔrɛ̀ ɛwú: ne ji nɛ̀n dɔ́ ankà fɛcüè zìwú. 34Tɛ́n ɛnvra léyi anwrɔn nyri ɔmu le nɛ̀n dú Zhüifɛ̀n-wrɔn nɔn, yɔ di bobo, yɔ dɔ́ ankà zri lɔ, hàn mán bɩ́ wacɛ̀n anhyrɛ̀, kɩ yɔ dɔ̀ le: “Efɛzɛ̀n anmàn-bɔ̀ Artemisɛ̀n de dú ny'Ɔwɔ cüìcüì nɔn.” 35Ɔtrɔ mɛ̀n lɔ, anmàn-nɛ́n-zi zìwú-wrɔn cɔ́ ɛyri sɩ́ fɛcüe ɛnhi kɩ nɛ dɔ̀ le: “Efɛzɛ̀n-anmàn-bɔ̀, anwrɔn lɔ fɛn nyri ɔmu le Efɛzɛ̀n de kɛ nán Artemisɛ̀n vri lɔ n'ecice-wɔn mán nɛ́n picɛ̀ léyi dú anhobɩ́ kakɛ ɛnhi nɔn. 36Ɔwrɔn zriɛmɛ́n ke sɩ̀ wrɔ́n n'anmanta rɔ́. Tɛ́n ke ji le nyɛ́n sɩ́ ny'edomɛ̀n ɛnhi, ô nyɛ́n bɩ́ hán ɔbrɔ̀sà-ci zriɛmɛ́n. 37Anwrɔn ndɔ hɔ̀n léyi nyɛ́n sɩ́ ɛnu lɔ nɔn, yɔ sɩ̀ yerɛ̀ ɛci ecice-wɔn lɔ mɛ̀n kɩ yɔ sɩ̀ dɔ̀ ankà gbangbàn yɔ kù bɔ́ antɛ̀buri-wɔ-hi lɔ ɛwú. 38Ke dú kɛ Demetrihüsɛ̀n mán n'ɔkɔ̀hɔ̀n-hán-bɔ̀ ke ji kɛ vrá anẅìɛ hô, ɛmrɛ̀nci-wɔn ndù kɩ ɛmrɛ̀nci-bɔ̀ mán ndù, nyàn ɛyri léyi ke ji le yɔ hɔ̀n yɔ vrá anẅìɛ nɔn. 39Kɩ ke dú kɛ ankà nyantɛn vru dú nyɛ̀n nye le sɩ́ hô, bɔ́ lɛ dɔ́ nɛ̀n fɛcüè nyanmàn wú. 40Bɔ̀ sɩ̀ wá esùva hô, yɛ lɛ krɛ́ bɔ̀ anmàn-fɛcüè-ɛwú-sɩ́-bɔ̀, dú eci léyi wɔɛn ɛnyɔncì lɔ nɔn. Eci-hán zriɛmɛ́n kè sɩ̀ wá tán ɛkrubɔrɛ ndɔ lɔ, kɩ bɔ́ sɩ̀ cɔ́ n'ankà ankrankran dɔ́ yri.” 41Ɛnvra léyi nɛ̀n dɔ́ ankà ndɔ lɔ nɔn, nɛ̀n hán fɛcüè bonyì.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Ɔkɔ̀hɔ̀n-wá-bɔ̀ kɔ̀hɔ̀n hán 19
19
Pɔlɛ̀n dú Efɛzɛ̀n anmàn
1Ɛnvra léyi Apolɔsɛ̀n dú Korɛntɛ̀n anmàn nɔn, Pɔlɛ̀n vɔ́n Azi cɛ kpò kpɔsɔ wú kɩ bru Efɛzɛ̀n anmàn. Nanvrɛn lɔ nɛ̀n cɔ́ Krisi-sɛ̀nkɛn-bɔ̀ jan 2kɩ nɛ̀n yrɛ yɔ le: “Nyɛ́n cɔ́ Ɛnhɛ́n Prɔnprɔn ɛnvra léyi nyɛ́n bù tán ankaẅì nɛ́n?” Yɔ mrɛ́n nɛ̀n ɔmùan le: “Bɔ́ vá yá mrìmrì yɛ dɔ́ Ɛnhɛ́n Prɔnprɔn ankà ɛnbì zriɛmɛ́n.” 3Zɛtɛn Pɔlɛ̀n ke yrɛ yɔ le: “Ɛnshikru-wá tán de nyɛ́n cɔ̀ nɛ́n?” Yɔ mrɛ́n ɔmùan le: “Zhan shikru-wá lɔ.” 4Pɔlɛ̀n kɛ dɔ́ yɔ le: “Zhan kɛ wá anwrɔn hɔ̀n léyi shrì crɔ́n y'eci-hán-ci hɔ̀n lɔ ɛnshi ɛnkru kɩ nɛ dɔ́ Izraɛlɛ̀n fɛcüè kɛ ẅɛn ankaẅì-bùtan ɔnwrɔn léyi dú nɛ̀n ɛmɛẅi kɛ và nɔn n'ɛwú, ɔwrɔn lɔ, nɛ́n de nɛ̀n dú Zhezü nɔn.” 5Ɛnvra léyi yɔ yá ankà ndɔ hɔ̀n lɔ trɔ nɔn, yɔ hán yɛ wá yɔ ɛnshi-ɛnkru Ɛẅɛnwrɔn Zhezü bɩmɛ̀n. 6Pɔlɛ̀n di yɔ ankɔrɛ̀ ɛwú kɩ Ɛnhɛ́n Prɔnprɔn vá cɔ́ yɔ; yɔ bukru yɔ dɔ́ ankà ɛnbrɛ̀ vɛnvɛn mɛ̀n kɩ yɔ dɔ́ ɛmɛẅi ankà léyi yɔ cɔ́ Ɔwɔ yri nɔn. 7Anwrɔn ndɔ hɔ̀n lɔ yɔ dú anwrɔn ɛvà-anhyrɛ̀ kɩ. 8Pɔlɛ̀n kɛ hɔ́n Ɔwɔ-sɛ́n-wɔn lɔ mɛ̀n kɩ okù anhɔ̀n granmɛ̀n, nɛ̀n dɔ́ ankà esɛ́ mɛ̀n. Nɛ dɔ́ Anhobɩ́ Nɛ̀ncüì-dúyri ankà kɩ ne ji ɛyri, ô anwrɔn hɔ̀n léyi ke die nɛ̀n nukùɛ nɔn, kɛ̀ yá n'ankà lɔ. 9Tɛ́n anwrɔn bobrebe kɛ hán ɛnkru shishi ci, kɛ krɔ, ke sɩ́ ji kè bù tán ankaẅì kɩ yɔ hán Ɛẅɛnwrɔn levri bɩ lɔ ɛnhyürɛ̀ fɛcüè zìwú. Zɛtɛn Pɔlɛ̀n teze yɔ, nɛ́n bɩ́ Krisi-sɛ̀nkɛn-bɔ̀ mɛhi yɔ hɔ̀n kɩ ɛnbì lɔ fɛn nɛ dɔ́ yɔ Ɔwɔ ankà Tirannüsɛ̀n wrú-wɔn lɔ mɛ̀n. 10Pɔlɛ̀n ci-yé ndɔ lɔ di ɛnnànwàn kru anhyrɛ̀, hán tán kɩ anwrɔn lɔ fɛn léyi dú Azi kpɔsɔ wú nɔn, Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yá Ɛẅɛnwrɔn ankà-dɔ̀ lɔ.
Seva ẅì hɔ̀n lɔ
11Ɔwɔ ke ci Pɔlɛ̀n mɛ̀n kɛ hán anvɛmɛ̀n-frɛ́n-ci ɛvrivri vɛ́n nyantɛn hɔ̀n. 12Ɔmu lɔ de yɔ bɩ́ y'edomɛ̀n ẅɛn-ci léyi tɛ́ Pɔlɛ̀n dùwru lɔ nɔn, yɔ hɔ́n sɩ́ ɛnlɔẅiɛ-bɔ̀ kɩ kɛ cɔ́ ɔkɔrɛ̀, kɩ anhɛ́n gbangbàn hɔ̀n ke dú ɛnlɔẅiɛ-bɔ̀ edomɛ̀n kɛ srɔ ɛntrɛ. 13Zhüifɛ̀n-bɔ̀ jan léyi ke ci ɛyriyri, ô kɛ̀ wrɔ́ anhɛ́n gbàngbàn ɛnlɔẅiɛ-bɔ̀ domɛ̀n nɔn, ke ji ke bɩ́ Ɛẅɛnwrɔn Zhezü bi lɔ kɛ̀ wrɔ́ anhɛ́n gbàngbàn kɛ̀ nyan. Yɔ dɔ́ anhɛ́n gbangbàn hɔ̀n lɔ le: “Mɛ wá tán nyɛ̀n le Zhezü bi léyi Pɔlɛ̀n ke bɩ kɛ dɔ́ Ɔwɔ ankà nɔn n'ebɩ́mɛ̀n, nyɛ́n srɔ ɛntrɛ!” 14Ɔmu lɔ de Zhüifɛ̀n-bɔ̀ cice-wrɔn cüìcüì léyi ye bi Seva nɔn, n'ɛẅì hɔ̀n ɔbɔ̀ɛn lɔ kɛ hán nɔn. 15Tɛ́n ɛnbì tɔ̀n ɛnhɛ́n gbangbàn lɔ mrɛ́n yɔ ɔmùan le: “Mɛ̀n nyri Zhezü, kɩ mɛ̀n nyri ɔwrɔn léyi dú Pɔlɛ̀n nɔn: tɛ́n nyɛ́n, antɔn hɔ̀n dú nyɛ̀n hàn?” 16Kɩ ɔwrɔn léyi ɛnhɛ́n gbangbàn dú edomɛ̀n nɔn, bru yɔ ɛwú, kɩ yé tán le, nɛ̀n ẅɛn ecüì nɛ̀n vrán yɔ lɔ fɛn; nɛ̀n hàn yɔ anbɔrɛ-ci vri, hán tán kɩ yɔ dú n'ɔwɔn lɔ mɛ̀n yɔ srɛ́ srɔ ɛntrɛ ɛsɛ̀n-kɔra kɩ eci wri yɔ edù. 17Efɛzɛ̀n anmàn-bɔ̀, Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yá ankà ndɔ lɔ; yɔ lɔ fɛn yɔ dú ɛnjansuemɛ̀n kɩ yɔ ẅɛn Ɛẅɛnwrɔn Zhezü bi lɔ n'ɛwa. 18Anwrɔn hɔ̀n léyi srɔ ankaẅì-bùtan-ẅɛn-bɔ̀ nɔn, bobrebe kɛ và kɩ kɛ krɛ́ ɔmùan-ɛwú-sɩ̀emɛ̀n eci gbangbàn léyi yɔ hán nɔn. 19Anwrɔn hɔ̀n léyi kɛ hán seke-kɔ̀hɔ̀n nɔn, bobrebe sɩ́ yɔ seke wrú hɔ̀n lɔ, kɩ biɛ yɔ anwrɔn lɔ fɛn zìwú. Yɛ krɛ́ seke wrú hɔ̀n lɔ y'ɔkùa mùan, kɩ yɔ cɔ́ ɔkùa dɔla ẅì tɛ̀bru kru ɛkoẅi-anhyrɛ̀ mán ɛẅì ɛvà. 20Ɔmu lɔ de Ɛẅɛnwrɔn kɔrɛ̀srɔn mɛ̀n lɔ n'ankà-dɔ̀ bonyì, kɩ bɩ́ ecüì nɔn.
Efɛzɛ̀n anmàn drɛ̀ vri lɔ
21Ankà ndɔ hɔ̀n lɔ fɛn mɛẅi lɔ, Pɔlɛ̀n wá kè ci Maseduhanɛ̀n mán Grɛsɛ̀n kpɔsɔ wú kɛ̀ hɔ́n Zherüzalɛmɛ̀n anmàn. Nɛ́n dɔ̀ le: “Ɛnvra léyi me le bru nanvrɛn nɔn, ke ji le mɛ̀n kán Rɔmɛ̀n anmàn mán.” 22Pɔlɛ̀n wá n'ɛkɔrɛ-wá-bɔ̀ anhyrɛ̀, Timote mán Erastɛ̀n ɔkɔ̀hɔ̀n Maseduhanɛ̀n kpɔsɔ wú, tɛ́n nɛ́n mumù, nɛ̀n yɛ́ Azi kpɔsɔ wú ɛnvra jan. 23Ɛnvra ndɔ lɔ mɛ̀n Efɛzɛ̀n anmàn dú ɛdrɛ̀ vriemɛ̀n, Ɛẅɛnwrɔn levri ankà kruhú. 24Ansɩ̀kɛ-gbrɛ́-wrɔn tɔ̀n, ye bi Demetrihüsɛ̀n, kɛ hán antɛ̀buri-wɔ-hi Artemisɛ̀n cice-wɔn lɔ, nɛ́n picɛ̀ dɔlà mɛ̀n, kɩ n'ɔkɔ̀hɔ̀n lɔ kɛ wá ɔkɔ̀hɔ̀n-hán-bɔ̀ ɛkɔrɛ̀ bobrebe. 25Nɛ̀n borɛ ɔkɔ̀hɔ̀n-hán-bɔ̀ lɔ mán anwrɔn hɔ̀n léyi ẅɛn ɔkɔ̀hɔ̀n rolo zri lɔ nɔn ɛkru, kɩ nɛ dɔ́ yɔ le: “Brɛsu hɔ̀n, nyɛ́n nyrì le bɔ́ ɛwúvà-anvrɛnvrɛn-ẅɛ̀n dú ɔkɔ̀hɔ̀n ndɔ lɔ mɛ̀n. 26Tɛ́n nyɛ kàn, kɩ nyɛ yá ɛci hɔ̀n léyi ke cì nɔn: Pɔlɛ̀n ndɔ lɔ kɛ dɔ̀ le, antɛ̀buri-wɔ hɔ̀n léyi anwrɔnẅì kɛ hán nɔn, ke sɩ̀ dù Ɔwɔ, kɩ nɛ hán anwrɔn bobrebe kɛ̀ yá n'ankà lɔ, kè sɩ̀ dù ɛnu zri Efɛzɛ̀n anmàn lɔ kɩ, tɛ́n Azi kpɔsɔ lɔ fɛn wú. 27Pɔlɛ̀n ci-hán ndɔ lɔ kɛ lɛ jrɛ́ b'ɔkɔ̀hɔ̀n lɔ, kɩ ke le vru kɛ hán antɛ̀buri-wɔ-hi léyi dú Artemisɛ̀n nɔn, n'ecice-wɔn bɩ́dì lɔ kɛ̀ zrɛ́n, zɛtɛn antɛ̀buri-wɔ-hi léyi Azi kpɔsɔ wú lɔ fɛn mán ɛnhi mumù lɔ ke cüe ankɔrɛ̀ ezìwú nɔn, ke sɩ̀ vru cɔ́ n'evri-dì hɛ̀.” 28Ɛnvra léyi anwrɔn hɔ̀n léyi ke die Demetrihüsɛ̀n nukù, hɩ yá ankà ndɔ lɔ nɔn, yɔ bɩ́ ɛmɛ̀nhyì, kɩ yɔ di bobo yɔ dɔ̀ le: “Efɛzɛ̀n anmàn-bɔ̀, Artemisɛ̀n de dú ny'Ɔwɔ cüìcüì nɔn!” 29Anmàn mumù lɔ sɩ́ n'edomɛ̀n ɛwú. Anwrɔn ẅɛn Gahiüsɛ̀n mán Aristarkɛ̀n, Maseduhanɛ̀n-anmàn-bɔ̀ anhyrɛ̀ léyi hɔ́n sɩ́ Pɔlɛ̀n nɛ̀nnyanmàn nɔn, kɩ yɔ lɔ fɛn yɔ ku ɔkɔran-wɔn lɔ mɛ̀n. 30Pɔlɛ̀n ke ji kɛ srɔ fɛcüè zìwú, tɛ́n ankàẅì-bùtan-ẅɛn-bɔ̀ kɛ kɛ́n nɛ̀n hɛ́n. 31Govràn-kɔhɔ̀n-hán-bɔ̀ cüìcüì hɔ̀n janbɔ̀ léyi dú Azi kpɔsɔ wú, hɩ dú nɛ́n nyran anvrɛn hɔ̀n nɔn, yüre nɛ̀n owrú kɩ ke wore ankà yé nɛ̀n le, nɛ́n bɩ́ hɔ́n ɔkoran-wɔn lɔ mɛ̀n. 32Ɛnvra ndɔ lɔ mɛ̀n fɛcüè ke sɩ́ vru nyri n'edòmɛ̀n: anwrɔn janbɔ̀ ke di bobo, kɛ dɔ́ ankà zri, ndɔ hɔ̀n kɛ dɔ́ ankà nyàntɛn, kɩ ndɔ hɔ̀n dú ɛmɛ̀n ke sɩ́ nyri eci le kruhú yɛ borɛ ɛkru nɔn. 33Fɛcüè lɔ mɛ̀n, anwrɔn janbɔ̀ bɩ́ ankà lɔ kɛ dɔ́ Alɛksandrɛ̀n léyi Zhüifɛn-bɔ̀ kɛ kɛ́n sɩ́ ezì nɔn. Zɛtɛn Alɛksandrɛ̀n sɩ́ ɔkɔrɛ̀ ɛwú: ne ji nɛ̀n dɔ́ ankà fɛcüè zìwú. 34Tɛ́n ɛnvra léyi anwrɔn nyri ɔmu le nɛ̀n dú Zhüifɛ̀n-wrɔn nɔn, yɔ di bobo, yɔ dɔ́ ankà zri lɔ, hàn mán bɩ́ wacɛ̀n anhyrɛ̀, kɩ yɔ dɔ̀ le: “Efɛzɛ̀n anmàn-bɔ̀ Artemisɛ̀n de dú ny'Ɔwɔ cüìcüì nɔn.” 35Ɔtrɔ mɛ̀n lɔ, anmàn-nɛ́n-zi zìwú-wrɔn cɔ́ ɛyri sɩ́ fɛcüe ɛnhi kɩ nɛ dɔ̀ le: “Efɛzɛ̀n-anmàn-bɔ̀, anwrɔn lɔ fɛn nyri ɔmu le Efɛzɛ̀n de kɛ nán Artemisɛ̀n vri lɔ n'ecice-wɔn mán nɛ́n picɛ̀ léyi dú anhobɩ́ kakɛ ɛnhi nɔn. 36Ɔwrɔn zriɛmɛ́n ke sɩ̀ wrɔ́n n'anmanta rɔ́. Tɛ́n ke ji le nyɛ́n sɩ́ ny'edomɛ̀n ɛnhi, ô nyɛ́n bɩ́ hán ɔbrɔ̀sà-ci zriɛmɛ́n. 37Anwrɔn ndɔ hɔ̀n léyi nyɛ́n sɩ́ ɛnu lɔ nɔn, yɔ sɩ̀ yerɛ̀ ɛci ecice-wɔn lɔ mɛ̀n kɩ yɔ sɩ̀ dɔ̀ ankà gbangbàn yɔ kù bɔ́ antɛ̀buri-wɔ-hi lɔ ɛwú. 38Ke dú kɛ Demetrihüsɛ̀n mán n'ɔkɔ̀hɔ̀n-hán-bɔ̀ ke ji kɛ vrá anẅìɛ hô, ɛmrɛ̀nci-wɔn ndù kɩ ɛmrɛ̀nci-bɔ̀ mán ndù, nyàn ɛyri léyi ke ji le yɔ hɔ̀n yɔ vrá anẅìɛ nɔn. 39Kɩ ke dú kɛ ankà nyantɛn vru dú nyɛ̀n nye le sɩ́ hô, bɔ́ lɛ dɔ́ nɛ̀n fɛcüè nyanmàn wú. 40Bɔ̀ sɩ̀ wá esùva hô, yɛ lɛ krɛ́ bɔ̀ anmàn-fɛcüè-ɛwú-sɩ́-bɔ̀, dú eci léyi wɔɛn ɛnyɔncì lɔ nɔn. Eci-hán zriɛmɛ́n kè sɩ̀ wá tán ɛkrubɔrɛ ndɔ lɔ, kɩ bɔ́ sɩ̀ cɔ́ n'ankà ankrankran dɔ́ yri.” 41Ɛnvra léyi nɛ̀n dɔ́ ankà ndɔ lɔ nɔn, nɛ̀n hán fɛcüè bonyì.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.