Anhyrɛmɛ̀n timote 1
1
Ebinyan
1Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Zhezü Krisì kɔhɔ̀n-wá-wrɔn Ɔwɔ kɔrɛ̀levriemɛ̀n, kɩ yɛ tán nɛ̀n nɛ̀n dɔ́ ɛwúvà-kɔrɛ̀ léyi yɛ wá bɔ̀ ɔmùan Zhezü Krisì bɩmɛ̀n nɔn yi ankà.
2Timote, m'ɛnẅì anvrɛn: Ɔwɔ léyi dú bo Zi mán Zhezü Krisì bɔ́ Ɛẅɛnwrɔn kɛ̀ tán mɛ́n nboafɔ̀n, ɛgbàn-bɩce mán anwɔwɔ.
Enyri-cüɛ̀n-tán mán edùyì ɔmùan-zri-dì ci-hán mɛ̀n
3Mɛ tán Ɔwɔ ɔkùɛn, nɛ́n léyi mɛ̀n dú n'eci-bɩ̀tan-wrɔn wàwúyɛ fifiemɛ̀n, hán ɔmu le annancüì hɔ̀n hán nɔn. Mɛ tán nɛ̀n ɔkùɛn ɛnvra lɔ fɛn léyi, ɛnnyran mán ɛcɛ̀n, me tro v'ankà m'ɔwɔ-sɛ̀n hɔ̀n lɔ mɛ̀n nɔn. 4V'anvɛshi ankà ke bru mɛ̀n kɩ mɛ ẅɛn esɛ́ bobrebe le, mɛ̀n vru mɛ̀n kán mɛ́n, ô pɔpüɛ̀ kɛ̀ yɩ́ mɛ̀n edomɛ̀n. 5Mɛ̀n ẅɛn v'ankaẅìbùtan annanwɔrɛ ankàtro, ankaẅìbùtan ndɔ léyi tán enyi Lohisɛ̀n mán ɔmùan Enisɛ̀n ecüì yakɛ cɔ́ mɛ́n nɔn. Mɛ̀n ẅɛn esɛ́ le, ankaẅìbùtan lɔ vɛ́n mán, dú mɛ́n ɛmɛ̀n. 6Hɩ le kruhú de me kro mɛ́n n'ankà: ɛ̀ hán ecice léyi Ɔwɔ tán mɛ́n ɛnvra léyi mɛ̀n di mɛ́n ankɔrɛ̀ ɛwú nɔn, kè dú v'ɛwúvà mɛ̀n. 7Ɔmuhi Ɛnhɛ́n léyi Ɔwɔ tán bɔ̀ nɔn ke sɩ́ tán bɔ̀ ɛjɛ̀; tɛ́n Ɛnhɛ́n ndɔ lɔ ke yɩ́ bɔ̀ ecüì edomɛ̀n, nɛ tán ɛcüɛ̀n mán bɔ́ edòmɛ̀n nyrì ẅɛ̀n.
8Anvɛvrà ke bɩ́ ẅɛn mɛ́n bɔ́ Ɛẅɛnwrɔn dalɛfue-diemɛ̀n; m'ɛkruhú mán, anvɛvrà ke bɩ́ ẅɛn mɛ́n, mɛ̀n dú anwɔn-mɛ̀n-wa-wɔn mɛ̀n n'ɛkruhú. Tɛ́n, è shri ɛgbànkàn è bɩ vɛ́n mán mɛ̀n mɛhi Ɛmɛẅi ankà Ankrankran kruhú, ô ɛ̀ ẅɛn esɛ́ ecüì léyi Ɔwɔ kɛ tán nɔn hɩ wú. 9Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n, 10tɛ́n nɛ̀n yé bɔ̀ nboafɔ̀n ndɔ lɔ zɛtɛ̀ lɔ ɛnvra léyi bɔ́ Ebɩdiewrɔn Zhezü Krisì nvà nɔn. Nɛ́n de nɛ̀n trɔ owù kɔrɛ̀srɔn lɔ kɩ, Ɛmɛẅi ankà Ankrankran bɩmɛ̀n lɔ, nɛ̀n yé ɛwúvà léyi ke sɩ́ trɔa nɔn.
11Ɔwɔ wá tán mɛ̀n, mɛ̀n dɔ́ Ɛmɛẅi ankà Ankrankran ndɔ lɔ, ɔmuhi mɛ̀n dú n'ɔkɔhɔ̀n-wá-wrɔn mán n'eci-yé-wrɔn, 12kɩ ndɔ lɔ kruhú de mɛ kán ɛgbàn ndɔ hɔ̀n lɔ nɔn. Tɛ́n ɛnjansù ke sɩ́ ẅɛn mɛ̀n, ɔmuhi mɛ̀n nyri ɔwrɔn léyi mɛ̀n ẅɛn esɛ́ n'ɛwú kɩ mɛ̀n nyri ɔmu le nɛ̀n ẅɛn ɛkɔrɛ̀srɔn nɛ lɛ hɛ́n eci léyi nɛ̀n wá mɛ̀n antamɛ̀n, hàn kɩ kɛ lɛ cɔ́ ɛmrɛ̀nci bì lɔ nɔn.
13È bɩ kè dú vɛ́n sɛnpò annànwɔrɛ ankà-dɔ̀ léyi mɛ̀n tán mɛ́n nɔn, ɛ̀ nyɔn ɛshishiemɛ̀n ankaẅìbùtan mɛ̀n mán ɛcüɛ̀n léyi bɔ̀ cɔ́ Zhezü Krisì mɛhi b'ɔbɔ̀sɔ̀ lɔ mɛ̀n nɔn. 14Ankà-yé anvrɛnvrɛn hɔ̀n léyi yɛ tán mɛ́n nɔn, ɛ̀ ẅɛn yɔ ɛ̀ hɛ́n Ɛnhɛ́n Prɔnprɔn léyi dú bɔ̀ ɛmɛ̀n nɔn, n'ɛkɔrɛwá mɛ̀n.
15Hán ɔmu le e nyrì nɔn, yɔ lɛ fɛn léyi yɔ dú Azi kpɔsɔ wú nɔn, yɔ teze mɛ̀n, y'ɛmɛ̀n lɔ, mɛ krɛ́ Fizhɛlɛ̀n mán Ɛrmozhɛnɛ̀n. 16Ɛẅɛnwrɔn yɔ̀bɔ̀-nyrì lɔ, kɛ̀ wá Onesifɔrɛ̀n mɛ̀n mɛ̀n-bɔ̀ ɛkɔrɛ̀, ɔmuhi ne bi ɛnbɔrɛ nɛ wá mɛ̀n frɛfrɛ nɔn. Anvɛvrà kè sɩ̀ ẅɛn nɛ̀n m'ɛkruhú, mɛ̀n léyi mɛ̀n dú anwɔn-mɛ̀n-wá-wɔn mɛ̀n nɔn; 17tɛ́n, ɛnvra lɔ tɛ̀ léyi nɛ̀n bru Rɔmɛ̀n anmàn nɔn, nɛ̀n ji mɛ̀n edùyiemɛ̀n hàn kɩ cɔ́ ɛnvra léyi nɛ̀n cɔ́ mɛ̀n nɔn. 18Ɛẅɛnwrɔn kɛ̀ hán tán nɛ̀n cɔ́ Ɔwɔ yɔ̀bɔ̀-nyrì lɔ ɛmrɛ̀nci bì lɔ. È nyri anwrɛnvrɛn mɛ̀n anvrɛn hɔ̀n lɔ fɛn léyi nɛ̀n hán mɛ̀n Efɛzɛ̀n anmàn nɔn.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Anhyrɛmɛ̀n timote 1
1
Ebinyan
1Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Zhezü Krisì kɔhɔ̀n-wá-wrɔn Ɔwɔ kɔrɛ̀levriemɛ̀n, kɩ yɛ tán nɛ̀n nɛ̀n dɔ́ ɛwúvà-kɔrɛ̀ léyi yɛ wá bɔ̀ ɔmùan Zhezü Krisì bɩmɛ̀n nɔn yi ankà.
2Timote, m'ɛnẅì anvrɛn: Ɔwɔ léyi dú bo Zi mán Zhezü Krisì bɔ́ Ɛẅɛnwrɔn kɛ̀ tán mɛ́n nboafɔ̀n, ɛgbàn-bɩce mán anwɔwɔ.
Enyri-cüɛ̀n-tán mán edùyì ɔmùan-zri-dì ci-hán mɛ̀n
3Mɛ tán Ɔwɔ ɔkùɛn, nɛ́n léyi mɛ̀n dú n'eci-bɩ̀tan-wrɔn wàwúyɛ fifiemɛ̀n, hán ɔmu le annancüì hɔ̀n hán nɔn. Mɛ tán nɛ̀n ɔkùɛn ɛnvra lɔ fɛn léyi, ɛnnyran mán ɛcɛ̀n, me tro v'ankà m'ɔwɔ-sɛ̀n hɔ̀n lɔ mɛ̀n nɔn. 4V'anvɛshi ankà ke bru mɛ̀n kɩ mɛ ẅɛn esɛ́ bobrebe le, mɛ̀n vru mɛ̀n kán mɛ́n, ô pɔpüɛ̀ kɛ̀ yɩ́ mɛ̀n edomɛ̀n. 5Mɛ̀n ẅɛn v'ankaẅìbùtan annanwɔrɛ ankàtro, ankaẅìbùtan ndɔ léyi tán enyi Lohisɛ̀n mán ɔmùan Enisɛ̀n ecüì yakɛ cɔ́ mɛ́n nɔn. Mɛ̀n ẅɛn esɛ́ le, ankaẅìbùtan lɔ vɛ́n mán, dú mɛ́n ɛmɛ̀n. 6Hɩ le kruhú de me kro mɛ́n n'ankà: ɛ̀ hán ecice léyi Ɔwɔ tán mɛ́n ɛnvra léyi mɛ̀n di mɛ́n ankɔrɛ̀ ɛwú nɔn, kè dú v'ɛwúvà mɛ̀n. 7Ɔmuhi Ɛnhɛ́n léyi Ɔwɔ tán bɔ̀ nɔn ke sɩ́ tán bɔ̀ ɛjɛ̀; tɛ́n Ɛnhɛ́n ndɔ lɔ ke yɩ́ bɔ̀ ecüì edomɛ̀n, nɛ tán ɛcüɛ̀n mán bɔ́ edòmɛ̀n nyrì ẅɛ̀n.
8Anvɛvrà ke bɩ́ ẅɛn mɛ́n bɔ́ Ɛẅɛnwrɔn dalɛfue-diemɛ̀n; m'ɛkruhú mán, anvɛvrà ke bɩ́ ẅɛn mɛ́n, mɛ̀n dú anwɔn-mɛ̀n-wa-wɔn mɛ̀n n'ɛkruhú. Tɛ́n, è shri ɛgbànkàn è bɩ vɛ́n mán mɛ̀n mɛhi Ɛmɛẅi ankà Ankrankran kruhú, ô ɛ̀ ẅɛn esɛ́ ecüì léyi Ɔwɔ kɛ tán nɔn hɩ wú. 9Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n, 10tɛ́n nɛ̀n yé bɔ̀ nboafɔ̀n ndɔ lɔ zɛtɛ̀ lɔ ɛnvra léyi bɔ́ Ebɩdiewrɔn Zhezü Krisì nvà nɔn. Nɛ́n de nɛ̀n trɔ owù kɔrɛ̀srɔn lɔ kɩ, Ɛmɛẅi ankà Ankrankran bɩmɛ̀n lɔ, nɛ̀n yé ɛwúvà léyi ke sɩ́ trɔa nɔn.
11Ɔwɔ wá tán mɛ̀n, mɛ̀n dɔ́ Ɛmɛẅi ankà Ankrankran ndɔ lɔ, ɔmuhi mɛ̀n dú n'ɔkɔhɔ̀n-wá-wrɔn mán n'eci-yé-wrɔn, 12kɩ ndɔ lɔ kruhú de mɛ kán ɛgbàn ndɔ hɔ̀n lɔ nɔn. Tɛ́n ɛnjansù ke sɩ́ ẅɛn mɛ̀n, ɔmuhi mɛ̀n nyri ɔwrɔn léyi mɛ̀n ẅɛn esɛ́ n'ɛwú kɩ mɛ̀n nyri ɔmu le nɛ̀n ẅɛn ɛkɔrɛ̀srɔn nɛ lɛ hɛ́n eci léyi nɛ̀n wá mɛ̀n antamɛ̀n, hàn kɩ kɛ lɛ cɔ́ ɛmrɛ̀nci bì lɔ nɔn.
13È bɩ kè dú vɛ́n sɛnpò annànwɔrɛ ankà-dɔ̀ léyi mɛ̀n tán mɛ́n nɔn, ɛ̀ nyɔn ɛshishiemɛ̀n ankaẅìbùtan mɛ̀n mán ɛcüɛ̀n léyi bɔ̀ cɔ́ Zhezü Krisì mɛhi b'ɔbɔ̀sɔ̀ lɔ mɛ̀n nɔn. 14Ankà-yé anvrɛnvrɛn hɔ̀n léyi yɛ tán mɛ́n nɔn, ɛ̀ ẅɛn yɔ ɛ̀ hɛ́n Ɛnhɛ́n Prɔnprɔn léyi dú bɔ̀ ɛmɛ̀n nɔn, n'ɛkɔrɛwá mɛ̀n.
15Hán ɔmu le e nyrì nɔn, yɔ lɛ fɛn léyi yɔ dú Azi kpɔsɔ wú nɔn, yɔ teze mɛ̀n, y'ɛmɛ̀n lɔ, mɛ krɛ́ Fizhɛlɛ̀n mán Ɛrmozhɛnɛ̀n. 16Ɛẅɛnwrɔn yɔ̀bɔ̀-nyrì lɔ, kɛ̀ wá Onesifɔrɛ̀n mɛ̀n mɛ̀n-bɔ̀ ɛkɔrɛ̀, ɔmuhi ne bi ɛnbɔrɛ nɛ wá mɛ̀n frɛfrɛ nɔn. Anvɛvrà kè sɩ̀ ẅɛn nɛ̀n m'ɛkruhú, mɛ̀n léyi mɛ̀n dú anwɔn-mɛ̀n-wá-wɔn mɛ̀n nɔn; 17tɛ́n, ɛnvra lɔ tɛ̀ léyi nɛ̀n bru Rɔmɛ̀n anmàn nɔn, nɛ̀n ji mɛ̀n edùyiemɛ̀n hàn kɩ cɔ́ ɛnvra léyi nɛ̀n cɔ́ mɛ̀n nɔn. 18Ɛẅɛnwrɔn kɛ̀ hán tán nɛ̀n cɔ́ Ɔwɔ yɔ̀bɔ̀-nyrì lɔ ɛmrɛ̀nci bì lɔ. È nyri anwrɛnvrɛn mɛ̀n anvrɛn hɔ̀n lɔ fɛn léyi nɛ̀n hán mɛ̀n Efɛzɛ̀n anmàn nɔn.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.