2 Korɛntɛ̀n anmàn-bɔ̀ 9
9
Ɔkɔrɛ̀-wá léyi dú anwrɔn-nɛ́n-muan-ẅì hɔ̀n tɛn nɔn
1Annanwɔrɛ mɛ̀n lɔ, ndɔ lɔ dú eci kora hán, ke dú kɛ me merɛ́n owrú mɛ dɔ́ ɛkɔrɛ̀-wá léyi hɔ́n cɔ́ ankaẅì-bùtan-bɔ̀ léyi dú Zhüde kpɔsɔ wú nɔn, yi ankà. 2Annanwɔrɛ mɛ̀n lɔ, mɛ̀n nyri ny'ɛnbɔrɛ anvrɛnvrɛn ci-hán kɩ mɛ̀n dɔ́ m'ɔmùan-gbú ankà ny'ɛwú Maseduhanɛ̀n kpɔsɔ wú bɔ̀ tɛ̀sɛ̀n le: “Anwrɔn-nɛ́n-muan-ẅì hɔ̀n léyi dú Akàhi kpɔsɔ wú nɔn, krɔn kpehɛ́n kɛ̀ tán eci ɛmɛẅi nànwàn hɛ́n.” Ny'edùyì ci-hán wá y'ɛmɛ̀n lɔ, bobrebe ɛkɔrɛ̀ y'eci-hán mɛ̀n. 3Tɛ́n, me yüre nyɛ̀n anwrɔn-nɛ́n-muan-ẅì hɔ̀n jan, ô ɛmrɛ́n léyi bɔ̀ tán nyɛ̀n eci-hán ndɔ lɔ wú nɔn, ke bɩ́ srɔ eci kora: mɛ cüɛn ɔmu le nyɛ́n krɔn kpehɛ́n annanwɔrɛ mɛ̀n, hán ɔmu le mɛ́n dɔ̀ nɔn hɔ́. 4Ɔtrɔ mɛ̀n lɔ, ke dú kɛ Maseduhanɛ̀n kpɔsɔ wú bɔ̀ mɛhi bɔ́ và kɩ kè sɩ̀ cɔ́ nyɛ̀n, nyɛ́n krɔ̀n kpehɛ́n, bɔ́ le dú anvɛvrà mɛ̀n ɔmuhi bɔ̀ ẅɛn esɛ́ ny'ɛwú, kɩ bɔ́ sɩ̀ dɔ́ ankà zriɛmɛ́n rɔ́ anvɛvrà ndɔ léyi ke le dú nyɛ tɛn nɔn kruhú! 5Mɛ̀n tro le zrɔ tán le, mɛ̀n sɛ́n anwrɔn-nɛ́n-muan-ẅì hɔ̀n ndɔ hɔ̀n lɔ, kɛ̀ hɛ́ mɛ̀n ezì ny'edúyri, ô kɛ̀ wá ɛkɔrɛ̀-wá-ci léyi nyɛ́n wá ɔmùan nɔn, n'ankà esùva. Ɔmu lɔ, n'ɔkɔrɛ̀-wá lɔ, kɛ lɛ krɔn kpehɛ́n ɛnvra léyi me le bru, kɩ ke le yé tán le nyɛ tán ɛnbɔrɛ anvrɛnvrɛn mɛ̀n, kɩ edòmɛ̀n-bru bàdà nɛ̀n ɛmɛ̀n.
6Ankà-dɔ̀ ndɔ lɔ kè bru nyɛ̀n: ɔwrɔn léyi kɛ tɛ́ ɛci ẅiɛ nɔn, nɛ lɛ küɛ ɛci ẅiɛ; ɔwrɔn léyi kɛ tɛ́ bobrebe nɔn, nɛ lɛ küɛ bobrebe. 7Ke ji le ɔwrɔnwrɔn kɛ̀ tán, hán ɔmu le nɛ̀n wá nɔn, edomɛ̀n-bru ke bɩ́ dú ɛmɛ̀n, kɩ kè sɩ̀ dù kèkrèmɛ̀n. Ɔmuhi Ɔwɔ kɛ cüɛn ɔwrɔn léyi kɛ tán eci pɔpüɛ̀ mɛ̀n nɔn. 8Kɩ Ɔwɔ ẅɛn ɛkɔrɛ̀-levri kɛ lɛ tán nyɛ̀n anvrɛn mɛ̀ntɛ mɛ̀ntɛ, ô nyɛ́n ẅɛn ɛnvra lɔ fɛn eci léyi nye ji nɔn, kɩ nye le vru nyɛ́n cɔ́ eci nyɛ́n hán ɛkɔrɛ̀-wá kɔ̀hɔ̀n anvrɛnvrɛn hɔ̀n lɔ fɛn. 9Hán ɔmu le Owrú Prɔnprɔn kɛ dɔ̀ nɔn hɔ́:
“Nɛ tán ɛmian-bɔ̀ ɛci ɛkɔrɛ̀ wole mɛ̀n,
n'ɛkɔrɛ̀-wá ci-hán dú ɛnvra lɔ fɛn.”
10Ɔwɔ léyi kɛ tán ɛcitɛ́-wrɔn ɛtɛ̀-ẅì mán n'ɛci-zî nɔn, kɛ lɛ tán nyɛ̀n ɛtɛ̀-ẅì lɔ fɛn léyi nye ji nɔn, kɩ nɛ lɛ hán yi kɛ̀ sɔ́, ô ny'ɛkɔrɛ̀-wá ci-hán lɔ kè shi ɛẅì bobrebe.
11Nɛ lɛ srɔ nyɛ̀n ɛnnɛ̀ncüì hɔ̀n anvrɛnvrɛn ɛnvra lɔ fɛn mɛ̀n, ô nyɛ́n cɔ́ ɛnvra lɔ fɛn ny'ɛkɔrɛ̀-wá ci-hán yri; ɔmu lɔ bobrebe kɛ lɛ tán Ɔwɔ ɔkùɛn ecice léyi bɔ́ lɛ hɔ̀n sɩ́ yɔ ny'ebɩmɛ̀n nɔn. 12Ɔmuhi eci-bɩtan kɔ̀hɔ̀n léyi nyɛ hán nɔn, ke sɩ́ wá ankaẅì-bùtan-ẅɛn-bɔ̀ ɛkɔrɛ̀ tɛ̀kɩ, tɛ́n ne vru nɛ wá ɛnyrì-kùɛn-tán wɔ-sɛ̀n bobrebe sɩ́ Ɔwɔ tɛ̀sɛ̀n. 13Vɔ̀nshɛ́ ci-bɩ̀tan kɔ̀hɔ̀n ndɔ lɔ, kɛ lɛ tán anwrɔn bobrebe Ɔwɔ ci-zrɔ kè dú ɔwá léyi nye di nɛ́n dalɛfuɛ ny'ɔmùan-zri-diemɛ̀n Krisì Mɛẅi ankà Ankrankran lɔ wú; yɔ lɛ vru yɔ zrɔ nɛ̀n eci kè dú ny'ɛkɔrɛ̀-wá léyi kɛ tán nyɛ̀n ny'anvrɛn-ci dɛ̀, nyɛ́n mán anwrɔn ndɔ hɔ̀n mɛhi. 14Yɔ lɛ sɛ̀n yɔ tán nyɛ̀n kɩ yɔ lɛ yé nyɛ̀n y'ɛcüɛn-bɔrɛ, nboafɔ̀n vri léyi Ɔwɔ tán nyɛ̀n nɔn, hɩ kruhú. 15Ɛmrɛ́n kè dú Ɔwɔ tɛn n'ecice léyi ye sɩ̀ wɔ̀ɛn nɔn hɩ kruhú!
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
2 Korɛntɛ̀n anmàn-bɔ̀ 9
9
Ɔkɔrɛ̀-wá léyi dú anwrɔn-nɛ́n-muan-ẅì hɔ̀n tɛn nɔn
1Annanwɔrɛ mɛ̀n lɔ, ndɔ lɔ dú eci kora hán, ke dú kɛ me merɛ́n owrú mɛ dɔ́ ɛkɔrɛ̀-wá léyi hɔ́n cɔ́ ankaẅì-bùtan-bɔ̀ léyi dú Zhüde kpɔsɔ wú nɔn, yi ankà. 2Annanwɔrɛ mɛ̀n lɔ, mɛ̀n nyri ny'ɛnbɔrɛ anvrɛnvrɛn ci-hán kɩ mɛ̀n dɔ́ m'ɔmùan-gbú ankà ny'ɛwú Maseduhanɛ̀n kpɔsɔ wú bɔ̀ tɛ̀sɛ̀n le: “Anwrɔn-nɛ́n-muan-ẅì hɔ̀n léyi dú Akàhi kpɔsɔ wú nɔn, krɔn kpehɛ́n kɛ̀ tán eci ɛmɛẅi nànwàn hɛ́n.” Ny'edùyì ci-hán wá y'ɛmɛ̀n lɔ, bobrebe ɛkɔrɛ̀ y'eci-hán mɛ̀n. 3Tɛ́n, me yüre nyɛ̀n anwrɔn-nɛ́n-muan-ẅì hɔ̀n jan, ô ɛmrɛ́n léyi bɔ̀ tán nyɛ̀n eci-hán ndɔ lɔ wú nɔn, ke bɩ́ srɔ eci kora: mɛ cüɛn ɔmu le nyɛ́n krɔn kpehɛ́n annanwɔrɛ mɛ̀n, hán ɔmu le mɛ́n dɔ̀ nɔn hɔ́. 4Ɔtrɔ mɛ̀n lɔ, ke dú kɛ Maseduhanɛ̀n kpɔsɔ wú bɔ̀ mɛhi bɔ́ và kɩ kè sɩ̀ cɔ́ nyɛ̀n, nyɛ́n krɔ̀n kpehɛ́n, bɔ́ le dú anvɛvrà mɛ̀n ɔmuhi bɔ̀ ẅɛn esɛ́ ny'ɛwú, kɩ bɔ́ sɩ̀ dɔ́ ankà zriɛmɛ́n rɔ́ anvɛvrà ndɔ léyi ke le dú nyɛ tɛn nɔn kruhú! 5Mɛ̀n tro le zrɔ tán le, mɛ̀n sɛ́n anwrɔn-nɛ́n-muan-ẅì hɔ̀n ndɔ hɔ̀n lɔ, kɛ̀ hɛ́ mɛ̀n ezì ny'edúyri, ô kɛ̀ wá ɛkɔrɛ̀-wá-ci léyi nyɛ́n wá ɔmùan nɔn, n'ankà esùva. Ɔmu lɔ, n'ɔkɔrɛ̀-wá lɔ, kɛ lɛ krɔn kpehɛ́n ɛnvra léyi me le bru, kɩ ke le yé tán le nyɛ tán ɛnbɔrɛ anvrɛnvrɛn mɛ̀n, kɩ edòmɛ̀n-bru bàdà nɛ̀n ɛmɛ̀n.
6Ankà-dɔ̀ ndɔ lɔ kè bru nyɛ̀n: ɔwrɔn léyi kɛ tɛ́ ɛci ẅiɛ nɔn, nɛ lɛ küɛ ɛci ẅiɛ; ɔwrɔn léyi kɛ tɛ́ bobrebe nɔn, nɛ lɛ küɛ bobrebe. 7Ke ji le ɔwrɔnwrɔn kɛ̀ tán, hán ɔmu le nɛ̀n wá nɔn, edomɛ̀n-bru ke bɩ́ dú ɛmɛ̀n, kɩ kè sɩ̀ dù kèkrèmɛ̀n. Ɔmuhi Ɔwɔ kɛ cüɛn ɔwrɔn léyi kɛ tán eci pɔpüɛ̀ mɛ̀n nɔn. 8Kɩ Ɔwɔ ẅɛn ɛkɔrɛ̀-levri kɛ lɛ tán nyɛ̀n anvrɛn mɛ̀ntɛ mɛ̀ntɛ, ô nyɛ́n ẅɛn ɛnvra lɔ fɛn eci léyi nye ji nɔn, kɩ nye le vru nyɛ́n cɔ́ eci nyɛ́n hán ɛkɔrɛ̀-wá kɔ̀hɔ̀n anvrɛnvrɛn hɔ̀n lɔ fɛn. 9Hán ɔmu le Owrú Prɔnprɔn kɛ dɔ̀ nɔn hɔ́:
“Nɛ tán ɛmian-bɔ̀ ɛci ɛkɔrɛ̀ wole mɛ̀n,
n'ɛkɔrɛ̀-wá ci-hán dú ɛnvra lɔ fɛn.”
10Ɔwɔ léyi kɛ tán ɛcitɛ́-wrɔn ɛtɛ̀-ẅì mán n'ɛci-zî nɔn, kɛ lɛ tán nyɛ̀n ɛtɛ̀-ẅì lɔ fɛn léyi nye ji nɔn, kɩ nɛ lɛ hán yi kɛ̀ sɔ́, ô ny'ɛkɔrɛ̀-wá ci-hán lɔ kè shi ɛẅì bobrebe.
11Nɛ lɛ srɔ nyɛ̀n ɛnnɛ̀ncüì hɔ̀n anvrɛnvrɛn ɛnvra lɔ fɛn mɛ̀n, ô nyɛ́n cɔ́ ɛnvra lɔ fɛn ny'ɛkɔrɛ̀-wá ci-hán yri; ɔmu lɔ bobrebe kɛ lɛ tán Ɔwɔ ɔkùɛn ecice léyi bɔ́ lɛ hɔ̀n sɩ́ yɔ ny'ebɩmɛ̀n nɔn. 12Ɔmuhi eci-bɩtan kɔ̀hɔ̀n léyi nyɛ hán nɔn, ke sɩ́ wá ankaẅì-bùtan-ẅɛn-bɔ̀ ɛkɔrɛ̀ tɛ̀kɩ, tɛ́n ne vru nɛ wá ɛnyrì-kùɛn-tán wɔ-sɛ̀n bobrebe sɩ́ Ɔwɔ tɛ̀sɛ̀n. 13Vɔ̀nshɛ́ ci-bɩ̀tan kɔ̀hɔ̀n ndɔ lɔ, kɛ lɛ tán anwrɔn bobrebe Ɔwɔ ci-zrɔ kè dú ɔwá léyi nye di nɛ́n dalɛfuɛ ny'ɔmùan-zri-diemɛ̀n Krisì Mɛẅi ankà Ankrankran lɔ wú; yɔ lɛ vru yɔ zrɔ nɛ̀n eci kè dú ny'ɛkɔrɛ̀-wá léyi kɛ tán nyɛ̀n ny'anvrɛn-ci dɛ̀, nyɛ́n mán anwrɔn ndɔ hɔ̀n mɛhi. 14Yɔ lɛ sɛ̀n yɔ tán nyɛ̀n kɩ yɔ lɛ yé nyɛ̀n y'ɛcüɛn-bɔrɛ, nboafɔ̀n vri léyi Ɔwɔ tán nyɛ̀n nɔn, hɩ kruhú. 15Ɛmrɛ́n kè dú Ɔwɔ tɛn n'ecice léyi ye sɩ̀ wɔ̀ɛn nɔn hɩ kruhú!
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.