2 Korɛntɛ̀n anmàn-bɔ̀ 3
3
Mìrɛ̀n wrù ci-bɩtan-bɔ̀
1Bɔ́ le vru bɔ̀ ji ɛyri bɔ̀ bɩ́ bɔ́ edomɛ̀n bɔ̀ wá bɔ́ dùku b'antamɛ̀n hàn? Kale bɔ́ ji, hán anwrɔn janbɔ̀ hɔ́, yɛ tán nyɛ̀n esùva-wá wrú, ɛnvra tɔ̀n hô, yɛ sán nyɛ̀n esùva-wá hà? 2Nyɛ́n dùku de nyɛ́n dú b'owrú léyi ye merén bɔ́ ɛnbɔrɛ hɔ̀n lɔ mɛ̀n hɩ anwrɔn lɔ fɛn ke le nyrì, ô kɛ̀ krɛ̀ nɔn. 3Hɛ̀ɛ̀, dú annanwɔrɛ le nyɛ́n dú owrú léyi Krisì merɛ́n hɩ bɔ̀ yüre nɔn. Ye sɩ̀ bɩ owrú shi ye merɛ́n nɛ̀n, tɛ́n Ɔwɔ Hɛ́n kɔrɛkɔrɛ mɛ̀n; ye sɩ̀ merɛ́n nɛ̀n obù wrú wú, tɛ́n anwrɔnẅì bɔrɛ mɛ̀n.
4Bɔ́ dɔ́ ɔmu lɔ, esɛ́ léyi bɔ̀ ẅɛn Ɔwɔ mɛ̀n Krisì bɩmɛ̀n nɔn hɩ wú. 5Annanwɔrɛ mɛ̀n lɔ, bɔ́ sɩ̀ ẅɛ̀n edù b'á hán ɔkɔ̀hɔ̀n ndɔ ɔmu lɔ bɔ́ dùku bɔ́ ecüì zriemɛ̀n. Eci léyi bɔ̀ ẅɛn n'ɛhán kɔrɛ̀-levri nɔn, dú Ɔwɔ yri và; 6nɛ́n de nɛ̀n tán bɔ̀ ecüì bɔ̀ srɔ mìrɛ̀n wrù ci-bɩ̀tan-bɔ̀ léyi kè sɩ̀ dù ɛnyànmàn léyi ye merɛ́n nɔn n'ɔkɔrɛ̀-levri wú, tɛ́n Ɛnhɛ́n Prɔnprɔn kɔrɛ̀levri wú. Ɛnyànmàn léyi ye merɛ́n nɔn, ke sɩ́ owúemɛ̀n, tɛ́n Ɛnhɛ́n Prɔnprɔn ke sɩ́ ɔkɔrɛ mɛ̀n.
7Ye merɛ́n ɛnyànmàn owrú-ẅì zrizri obù wrú wú kɩ Ɔwɔ ci-zrɔ gbrɛ́n ɛnvra ndɔ lɔ mɛ̀n. Mohizì zì lɔ dú ɛgbrɛ́n vriemɛ̀n, hán tán kɩ Izraɛlɛ̀n ẅì hɔ̀n ke sɩ́ nyan nɛ̀n rɔ́a, tɛ́n ɛgbrɛ́n ndɔ lɔ dú eburi-mán-eburi mɛ̀n. Ke dú kɛ ɛnyànmàn ci hán dú owúemɛ̀n sɩ́, kɩ nɛ̀n ẅɛn ɛgbrɛ́n-ci-zrɔ ɔmu lɔ n'ɛsrɔ mɛ̀n, 8andɛ̀n ɛbɛ de Ɛnhɛ́n Prɔnprɔn ci-hán ke sɩ̀ dú eci-zrɔ vriemɛ̀n! 9Eci-hán léyi ke sɩ́ anwrɔnẅì nwù-bɔ́ mɛ̀n dú eci-zrɔ mɛ̀n; andɛ̀n ɛbɛ de eci-hán léyi kɛ srɔ anwrɔnẅì ɛnnyrɔnnan-bɔ̀ Ɔwɔ zìwú ke sɩ̀ dú eci-zrɔ mɛ̀n! 10Bɔ́ lɛ dɔ́ tɛ̀ le eci-zrɔ léyi gbrɛ́n ɛnvra sheshe mɛ̀n nɔn, ke gbú n'edomɛ̀n sɔhɔ́ zɛtɛ̀ ci-zrɔ zìwú, kɩ eci-zrɔ lɔ sevri kà. 11Annanwɔrɛ mɛ̀n lɔ, ke dú kɛ eci léyi dú eburi mán eburiemɛ̀n, dú eci-zrɔ mɛ̀n, andɛ̀n ɛbɛ de eci léyi dú ɛnvra lɔ fɛn nɔn ke sɩ̀ dú eci-zrɔ mɛ̀n!
12Ɔmuhi bɔ̀ ẅɛn esɛ́ ɔmu lɔ de esɛ́ yɩ́ bɔ̀ ɛmɛ̀n nɔn. 13Bɔ́ sɩ́ hán eci kɛ hán Mohizì léyi vá eci ezì, ô Izraɛlɛ̀n ẅì hɔ̀n ke bɩ́ kán eci gbrɛ́n ci léyi kɛ lɛ zrɛ́n eburi mán eburiemɛ̀n nɔn. 14Tɛ́n y'ɛnkruemɛ̀n-ẅɛ̀n dú ɛyri yɔwɔ mɛ̀n; hàn kɩ cɔ́ zɛtɛ̀ léyi, eci vru vá nɛ̀n ezì ɛnvra léyi yɔ krɛ́ mìrɛ̀n gbànvri wrú hɔ̀n lɔ nɔn. Ezì-sɛ́n-ci ndɔ lɔ kɛ zrɛ́n Krisì yri-kàn zìwú kɩ. 15Ɛnyɔncì lɔ mán, ɛnvra totɔtɔ̀n léyi yɔ krɛ́ Mohizì wrú hɔ̀n lɔ nɔn, ezì-sɛ́n-ci tɔ̀n ke murɛ́n y'ɛnkruemɛ̀n-ẅɛn lɔ. 16Tɛ́n hán ɔmu le ye merɛ́n nɔn: “Ɛnvra léyi yɛ crɛnyan Ɛẅɛnwrɔn nɔn, ezì-sɛ́n-ci lɔ kɛ mrɛ́n sɔhɔ́.” 17Tɛ́n, ebɩ́ léyi dú “Ɛẅɛnwrɔn” nɔn, ɛnu lɔ n'ɛmɛ̀n kɛ dɔ̀ le Ɛnhɛ́n; kɩ ɛyri léyi Ɔwɔ Hɛ́n ndù nɔn, nanvrɛn lɔ ɔwrɔncüe ndù. 18Bɔ́ lɛ fɛn ezì woro, bɔ́ yé Ɛẅɛnwrɔn ci-zrɔ lɔ; ɔmu lɔ, yɛ crɔn bɔ̀, ô bɔ̀ cá Ɛẅɛnwrɔn, kɩ bɔ́ dú eci-zrɔ tɔ̀n mɛ̀n, kɩ bó vru bó ci eci-zrɔ vri tɔ̀n mɛ̀n. Annanwɔrɛ mɛ̀n lɔ, nyàn eci léyi Ɛẅɛnwrɔn kɛ hán, nɛ́n léyi nɛ̀n dú Ɛnhɛ́n nɔn.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
2 Korɛntɛ̀n anmàn-bɔ̀ 3
3
Mìrɛ̀n wrù ci-bɩtan-bɔ̀
1Bɔ́ le vru bɔ̀ ji ɛyri bɔ̀ bɩ́ bɔ́ edomɛ̀n bɔ̀ wá bɔ́ dùku b'antamɛ̀n hàn? Kale bɔ́ ji, hán anwrɔn janbɔ̀ hɔ́, yɛ tán nyɛ̀n esùva-wá wrú, ɛnvra tɔ̀n hô, yɛ sán nyɛ̀n esùva-wá hà? 2Nyɛ́n dùku de nyɛ́n dú b'owrú léyi ye merén bɔ́ ɛnbɔrɛ hɔ̀n lɔ mɛ̀n hɩ anwrɔn lɔ fɛn ke le nyrì, ô kɛ̀ krɛ̀ nɔn. 3Hɛ̀ɛ̀, dú annanwɔrɛ le nyɛ́n dú owrú léyi Krisì merɛ́n hɩ bɔ̀ yüre nɔn. Ye sɩ̀ bɩ owrú shi ye merɛ́n nɛ̀n, tɛ́n Ɔwɔ Hɛ́n kɔrɛkɔrɛ mɛ̀n; ye sɩ̀ merɛ́n nɛ̀n obù wrú wú, tɛ́n anwrɔnẅì bɔrɛ mɛ̀n.
4Bɔ́ dɔ́ ɔmu lɔ, esɛ́ léyi bɔ̀ ẅɛn Ɔwɔ mɛ̀n Krisì bɩmɛ̀n nɔn hɩ wú. 5Annanwɔrɛ mɛ̀n lɔ, bɔ́ sɩ̀ ẅɛ̀n edù b'á hán ɔkɔ̀hɔ̀n ndɔ ɔmu lɔ bɔ́ dùku bɔ́ ecüì zriemɛ̀n. Eci léyi bɔ̀ ẅɛn n'ɛhán kɔrɛ̀-levri nɔn, dú Ɔwɔ yri và; 6nɛ́n de nɛ̀n tán bɔ̀ ecüì bɔ̀ srɔ mìrɛ̀n wrù ci-bɩ̀tan-bɔ̀ léyi kè sɩ̀ dù ɛnyànmàn léyi ye merɛ́n nɔn n'ɔkɔrɛ̀-levri wú, tɛ́n Ɛnhɛ́n Prɔnprɔn kɔrɛ̀levri wú. Ɛnyànmàn léyi ye merɛ́n nɔn, ke sɩ́ owúemɛ̀n, tɛ́n Ɛnhɛ́n Prɔnprɔn ke sɩ́ ɔkɔrɛ mɛ̀n.
7Ye merɛ́n ɛnyànmàn owrú-ẅì zrizri obù wrú wú kɩ Ɔwɔ ci-zrɔ gbrɛ́n ɛnvra ndɔ lɔ mɛ̀n. Mohizì zì lɔ dú ɛgbrɛ́n vriemɛ̀n, hán tán kɩ Izraɛlɛ̀n ẅì hɔ̀n ke sɩ́ nyan nɛ̀n rɔ́a, tɛ́n ɛgbrɛ́n ndɔ lɔ dú eburi-mán-eburi mɛ̀n. Ke dú kɛ ɛnyànmàn ci hán dú owúemɛ̀n sɩ́, kɩ nɛ̀n ẅɛn ɛgbrɛ́n-ci-zrɔ ɔmu lɔ n'ɛsrɔ mɛ̀n, 8andɛ̀n ɛbɛ de Ɛnhɛ́n Prɔnprɔn ci-hán ke sɩ̀ dú eci-zrɔ vriemɛ̀n! 9Eci-hán léyi ke sɩ́ anwrɔnẅì nwù-bɔ́ mɛ̀n dú eci-zrɔ mɛ̀n; andɛ̀n ɛbɛ de eci-hán léyi kɛ srɔ anwrɔnẅì ɛnnyrɔnnan-bɔ̀ Ɔwɔ zìwú ke sɩ̀ dú eci-zrɔ mɛ̀n! 10Bɔ́ lɛ dɔ́ tɛ̀ le eci-zrɔ léyi gbrɛ́n ɛnvra sheshe mɛ̀n nɔn, ke gbú n'edomɛ̀n sɔhɔ́ zɛtɛ̀ ci-zrɔ zìwú, kɩ eci-zrɔ lɔ sevri kà. 11Annanwɔrɛ mɛ̀n lɔ, ke dú kɛ eci léyi dú eburi mán eburiemɛ̀n, dú eci-zrɔ mɛ̀n, andɛ̀n ɛbɛ de eci léyi dú ɛnvra lɔ fɛn nɔn ke sɩ̀ dú eci-zrɔ mɛ̀n!
12Ɔmuhi bɔ̀ ẅɛn esɛ́ ɔmu lɔ de esɛ́ yɩ́ bɔ̀ ɛmɛ̀n nɔn. 13Bɔ́ sɩ́ hán eci kɛ hán Mohizì léyi vá eci ezì, ô Izraɛlɛ̀n ẅì hɔ̀n ke bɩ́ kán eci gbrɛ́n ci léyi kɛ lɛ zrɛ́n eburi mán eburiemɛ̀n nɔn. 14Tɛ́n y'ɛnkruemɛ̀n-ẅɛ̀n dú ɛyri yɔwɔ mɛ̀n; hàn kɩ cɔ́ zɛtɛ̀ léyi, eci vru vá nɛ̀n ezì ɛnvra léyi yɔ krɛ́ mìrɛ̀n gbànvri wrú hɔ̀n lɔ nɔn. Ezì-sɛ́n-ci ndɔ lɔ kɛ zrɛ́n Krisì yri-kàn zìwú kɩ. 15Ɛnyɔncì lɔ mán, ɛnvra totɔtɔ̀n léyi yɔ krɛ́ Mohizì wrú hɔ̀n lɔ nɔn, ezì-sɛ́n-ci tɔ̀n ke murɛ́n y'ɛnkruemɛ̀n-ẅɛn lɔ. 16Tɛ́n hán ɔmu le ye merɛ́n nɔn: “Ɛnvra léyi yɛ crɛnyan Ɛẅɛnwrɔn nɔn, ezì-sɛ́n-ci lɔ kɛ mrɛ́n sɔhɔ́.” 17Tɛ́n, ebɩ́ léyi dú “Ɛẅɛnwrɔn” nɔn, ɛnu lɔ n'ɛmɛ̀n kɛ dɔ̀ le Ɛnhɛ́n; kɩ ɛyri léyi Ɔwɔ Hɛ́n ndù nɔn, nanvrɛn lɔ ɔwrɔncüe ndù. 18Bɔ́ lɛ fɛn ezì woro, bɔ́ yé Ɛẅɛnwrɔn ci-zrɔ lɔ; ɔmu lɔ, yɛ crɔn bɔ̀, ô bɔ̀ cá Ɛẅɛnwrɔn, kɩ bɔ́ dú eci-zrɔ tɔ̀n mɛ̀n, kɩ bó vru bó ci eci-zrɔ vri tɔ̀n mɛ̀n. Annanwɔrɛ mɛ̀n lɔ, nyàn eci léyi Ɛẅɛnwrɔn kɛ hán, nɛ́n léyi nɛ̀n dú Ɛnhɛ́n nɔn.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.