1 Tesalonikɛ̀n anmàn-bɔ̀ 3
3
1Ɔtrɔmɛ̀n lɔ, bɔ́ sɩ́ cɔ̀ ecüì bɔ̀ dù ɛvrá ndɔ lɔ mɛ̀n. Zɛtɛn bɔ̀ wá le, bɔ́ zri bɔ́ lɛ yɛ́ Atɛnɛ̀n anmàn, 2kɩ bɔ́ yüre nyɛ̀n Timote bɔ́ muan-ẅì; nɛ̀n dú Ɔwɔ-kɔ̀hɔ̀n-hán-wrɔn, Zhezü Krisì Mɛẅi ankà Ankrankran lɔ n'ɛdɔ́mɛ̀n. Ke ji le nɛ̀n wá nyɛ̀n ecüì edomɛ̀n, ô nɛ̀n yɩ́ nyɛ̀n edù ny'ankaẅì-bùtan lɔ mɛ̀n, 3ô ny'ɛmɛ̀n lɔ ɔwrɔn zriɛmɛ́n ke bɩ́ teze n'edomɛ̀n kɛ tán owú-gbànkàn léyi bɔ̀ cɔ́ Ɔwɔ-kɔ̀hɔ̀n-hán mɛ̀n nɔn kɛ kɔ́nká nɛ̀n. Nyɛ́n dùkú mán nyɛ́n nyrì le, owú-gbànkàn ndɔ hɔ̀n lɔ dú Ɔwɔ ankɔnda ci-hán lɔ mɛ̀n, bɔ́ ɛkruhú. 4Annanwɔrɛ mɛ̀n lɔ, ɛnvra léyi bɔ̀ dú nyɛ̀n ɛtɛ̀sɛ̀n nɔn, bɔ́ gɔ̀ dɔ́ nyɛ̀n le, bɔ́ lɛ srɔ́n owú-gbànkàn ɛsù; hɩ vra lɔ de ncɔ̀ nɔn, nyɛ́n nyri anvrɛnvrɛn. 5Hɩ le kruhú de, ɔmuhi ɛvrá ndɔ lɔ, mɛ́n sɩ̀ vru cɔ́ n'ɛkɔrɛ̀-levriɛ nɔn, mɛ̀n wá Timote ɔkɔ̀hɔ̀n kɛ̀ hɔ̀n kɛ̀ nyán ny'ankaẅì-bùtan-ẅɛ̀n. Me ku ɛnkrɛ̀ta le Anwa-wrɔn kɛ lɛ hán nyɛ̀n nyɛ́n bru ɛgbàn mɛ̀n, kɛ̀ hán tán b'ɔkɔ̀hɔ̀n gbànkàn lɔ fɛn kɛ̀ srɔ eci woro.
6Tɛ́n zɛtɛ̀ lɔ, Timote dú ny'eyri vru vá bɔ̀ ɛmɛ̀n, kɩ tán bɔ̀ ɛmɛẅi ankà ankrankran ny'ankaẅì-bùtan-ẅɛ̀n mán ny'ɛcüɛ̀n wú. Nɛ̀n dɔ́ bɔ̀ le nye tro ɛnvra lɔ fɛn bɔ́ ɛcüɛn-ankà kɩ nye ji le nyɛ́n vru nyɛ́n kán bɔ̀, hán ɔmu le, bɔ́ mán bɔ́ ji bɔ̀ vru bɔ̀ kán nyɛ̀n nɔn. 7Ɔmu lɔ de, bɔ́ ɛgbànkàn mán b'obòtò hɔ̀n lɔ fɛn wanzi, bɔ́ cɔ́ ɛnbɔrɛ-bi-wá ny'ɛwú, anwrɔn-nɛ́n-muan-ẅì hɔ̀n, ny'ankaẅì-bùtan-ẅɛ̀n kruhú. 8Zɛtɛ̀ lɔ bɔ̀ dú ɛwúvà wrù mɛ̀n, ɔmuhi nyɛ́n ẅɛn nɛ̀n ɛshishiemɛ̀n nyɛ́n hɛ́n nyɛ́n mán Krisì mɛhi ny'ɔbɔ̀sɔ̀ lɔ mɛ̀n nɔn. 9Anwɔntan de bɔ́ lɛ hán bɔ̀ tán b'Ɔwɔ ɔkùɛn anvrɛnvrɛn ny'ɛwú, ɔmuhi nyɛ́n tán bɔ̀ pɔpüɛ̀-brà lɔ fɛn n'ezìwú nɛ́n? 10Ɛnnyran mán ɛcɛ̀n, bɔ́ sán nɛ̀n edùyiemɛ̀n, nɛ̀n tán bɔ̀ ɛkɔrɛ̀levri bɔ̀ vru bɔ̀ kán nyɛ̀n edùwrú-ẅia mɛ̀n, ô bɔ̀ trɔ ny'ankaẅì-bùtan-ẅɛ̀n kɔ̀hɔ̀n-hán.
11Ke ji le Ɔwɔ dùku, bɔ Zi, mán bɔ́ Ɛẅɛnwrɔn Zhezü kè srú bɔ̀ ɛnlevri léyi kɛ hɔ́n ny'anmàn nɔn esù! 12Ke ji le Ɛẅɛnwrɔn kɛ̀ hán tán ɛcüɛ̀n léyi nyɛ́n ẅɛn ny'edomɛ̀n mán anwrɔnẅì lɔ fɛn wú, kɛ̀ sàn sevri kè dù kɛ̀ cá ɛcüɛ̀n sɛnpò léyi bɔ̀ ẅɛn ny'ɛwú nɔn. 13Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
1 Tesalonikɛ̀n anmàn-bɔ̀ 3
3
1Ɔtrɔmɛ̀n lɔ, bɔ́ sɩ́ cɔ̀ ecüì bɔ̀ dù ɛvrá ndɔ lɔ mɛ̀n. Zɛtɛn bɔ̀ wá le, bɔ́ zri bɔ́ lɛ yɛ́ Atɛnɛ̀n anmàn, 2kɩ bɔ́ yüre nyɛ̀n Timote bɔ́ muan-ẅì; nɛ̀n dú Ɔwɔ-kɔ̀hɔ̀n-hán-wrɔn, Zhezü Krisì Mɛẅi ankà Ankrankran lɔ n'ɛdɔ́mɛ̀n. Ke ji le nɛ̀n wá nyɛ̀n ecüì edomɛ̀n, ô nɛ̀n yɩ́ nyɛ̀n edù ny'ankaẅì-bùtan lɔ mɛ̀n, 3ô ny'ɛmɛ̀n lɔ ɔwrɔn zriɛmɛ́n ke bɩ́ teze n'edomɛ̀n kɛ tán owú-gbànkàn léyi bɔ̀ cɔ́ Ɔwɔ-kɔ̀hɔ̀n-hán mɛ̀n nɔn kɛ kɔ́nká nɛ̀n. Nyɛ́n dùkú mán nyɛ́n nyrì le, owú-gbànkàn ndɔ hɔ̀n lɔ dú Ɔwɔ ankɔnda ci-hán lɔ mɛ̀n, bɔ́ ɛkruhú. 4Annanwɔrɛ mɛ̀n lɔ, ɛnvra léyi bɔ̀ dú nyɛ̀n ɛtɛ̀sɛ̀n nɔn, bɔ́ gɔ̀ dɔ́ nyɛ̀n le, bɔ́ lɛ srɔ́n owú-gbànkàn ɛsù; hɩ vra lɔ de ncɔ̀ nɔn, nyɛ́n nyri anvrɛnvrɛn. 5Hɩ le kruhú de, ɔmuhi ɛvrá ndɔ lɔ, mɛ́n sɩ̀ vru cɔ́ n'ɛkɔrɛ̀-levriɛ nɔn, mɛ̀n wá Timote ɔkɔ̀hɔ̀n kɛ̀ hɔ̀n kɛ̀ nyán ny'ankaẅì-bùtan-ẅɛ̀n. Me ku ɛnkrɛ̀ta le Anwa-wrɔn kɛ lɛ hán nyɛ̀n nyɛ́n bru ɛgbàn mɛ̀n, kɛ̀ hán tán b'ɔkɔ̀hɔ̀n gbànkàn lɔ fɛn kɛ̀ srɔ eci woro.
6Tɛ́n zɛtɛ̀ lɔ, Timote dú ny'eyri vru vá bɔ̀ ɛmɛ̀n, kɩ tán bɔ̀ ɛmɛẅi ankà ankrankran ny'ankaẅì-bùtan-ẅɛ̀n mán ny'ɛcüɛ̀n wú. Nɛ̀n dɔ́ bɔ̀ le nye tro ɛnvra lɔ fɛn bɔ́ ɛcüɛn-ankà kɩ nye ji le nyɛ́n vru nyɛ́n kán bɔ̀, hán ɔmu le, bɔ́ mán bɔ́ ji bɔ̀ vru bɔ̀ kán nyɛ̀n nɔn. 7Ɔmu lɔ de, bɔ́ ɛgbànkàn mán b'obòtò hɔ̀n lɔ fɛn wanzi, bɔ́ cɔ́ ɛnbɔrɛ-bi-wá ny'ɛwú, anwrɔn-nɛ́n-muan-ẅì hɔ̀n, ny'ankaẅì-bùtan-ẅɛ̀n kruhú. 8Zɛtɛ̀ lɔ bɔ̀ dú ɛwúvà wrù mɛ̀n, ɔmuhi nyɛ́n ẅɛn nɛ̀n ɛshishiemɛ̀n nyɛ́n hɛ́n nyɛ́n mán Krisì mɛhi ny'ɔbɔ̀sɔ̀ lɔ mɛ̀n nɔn. 9Anwɔntan de bɔ́ lɛ hán bɔ̀ tán b'Ɔwɔ ɔkùɛn anvrɛnvrɛn ny'ɛwú, ɔmuhi nyɛ́n tán bɔ̀ pɔpüɛ̀-brà lɔ fɛn n'ezìwú nɛ́n? 10Ɛnnyran mán ɛcɛ̀n, bɔ́ sán nɛ̀n edùyiemɛ̀n, nɛ̀n tán bɔ̀ ɛkɔrɛ̀levri bɔ̀ vru bɔ̀ kán nyɛ̀n edùwrú-ẅia mɛ̀n, ô bɔ̀ trɔ ny'ankaẅì-bùtan-ẅɛ̀n kɔ̀hɔ̀n-hán.
11Ke ji le Ɔwɔ dùku, bɔ Zi, mán bɔ́ Ɛẅɛnwrɔn Zhezü kè srú bɔ̀ ɛnlevri léyi kɛ hɔ́n ny'anmàn nɔn esù! 12Ke ji le Ɛẅɛnwrɔn kɛ̀ hán tán ɛcüɛ̀n léyi nyɛ́n ẅɛn ny'edomɛ̀n mán anwrɔnẅì lɔ fɛn wú, kɛ̀ sàn sevri kè dù kɛ̀ cá ɛcüɛ̀n sɛnpò léyi bɔ̀ ẅɛn ny'ɛwú nɔn. 13Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.