1 Korɛntɛ̀n anmàn-bɔ̀ 8
8
Ɔnɔ̀n-ẅia léyi ye ce antɛ̀-buri-Wɔ nɔn
1Zɛtɛn bɔ̀ dɔ́ ɔnɔ̀n-ẅia léyi ye ce antɛ̀-buri-Wɔ hɔ̀n nɔn, yi ankà: Annanwɔrɛ mɛ̀n lɔ “Bɔ́ lɔ fɛn bɔ̀ ẅɛn eci-nyrì”, hán ɔmu le nyɛ dɔ̀ nɔn. Tɛ́n eci-nyrì ndɔ lɔ kɛ tán ɔwrɔn ɛgbúgbú-ci-hán, kɩ ɛcüɛ̀n kɛ tán fɛcüè-krubɔrɛ ecüì. 2Ɔwrɔn léyi ke tro le nɛ̀n nyri eci tɔ̀n nɔn, nɛ̀n sɩ̀ nyrì eci lɔ, hán ɔmu le ke ji le nɛ̀n nyrì nɔn. 3Tɛ́n Ɔwrɔn léyi ẅɛn Ɔwɔ cüɛ̀n nɔn, Ɔwɔ nyri nɛ̀n.
4Nyàn ankà-yrɛ lɔ: ɛkɔrɛ̀-levri ke le dù yɛ rá ɔnɔ̀n-ẅia léyi ye ce antɛ̀-buri-wɔ hɔ̀n nɛ́n? Bɔ́ nyri anvrɛnvrɛn mɛ̀n le antɛ̀-buri-Wɔ hɔ̀n kè sɩ̀ dù annanwɔrɛ ci zriɛmɛ́n ɛnhibù wú, kɩ Ɔwɔ zri kɩ dù. 5Kɩ ke dú kɛ ankà-tro-wɔ hɔ̀n dú anhobɩ́ mán ɛnhi (kɩ ke ji le bɔ́ nyri ɔmu le “anwɔ” mán “ɛẅɛn-bɔ̀” bobrebe ndù), 6annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.
7Tɛ́n yɔ lɔ fɛn yɔ sɩ̀ nyrì ankaẅì annanwɔrɛ ndɔ lɔ. Anwrɔn ndɔ hɔ̀n bɩ́ antɛ̀-buri-Wɔ ankà, hán tán kɩ zɛtɛ̀ lɔ yɔ dú ɛmɛ̀n yɔ rá ecice nɔ̀n-ẅia, hán le ɔnɔ̀n-ẅia lɔ dú antɛ̀-buri-Wɔ tɔ̀n tɛn; yɔ wàwúyɛ lɔ ẅɛn ɛjɛ̀ kɩ yɔ nyri ɔmu le ɔnɔ̀n-ẅia ndɔ lɔ wá yɔ ɛnbrá edomɛ̀n. 8Kɩ kè sɩ̀ dù ɛci-zî tɔ̀n léyi ke le sɩ́ bɔ̀ Ɔwɔ tɛ̀sɛ̀n nɔn: bɔ́ sɩ́ zrɛ́n eci zriɛmɛ́n ke dú kɛ bɔ̀ sɩ̀ rá nɛ̀n, kɩ bɔ́ sɩ̀ cɔ́ eci zriɛmɛ́n ke dú kɛ bɔ́ rá nɛ̀n.
9Tɛ́n, nyɛ́n wá esùva, ô ɛkɔrɛ̀-levri léyi nyɛ́n ẅɛ̀n nyɛ hán eci ɔmu lɔ nɔn, ke bɩ́ sɩ́ ɛzrɛ́n mɛ̀n, anwrɔn hɔ̀n léyi y'ankaẅì-bùtan ẅɛn ɛjɛ̀ nɔn. 10Annanwɔrɛ mɛ̀n lɔ, ke dú kɛ ankaẅì-bùtan-cɛ́-wrɔn kɛ kán mɛ́n, vɛ́n léyi ɛ̀ ẅɛn “eci-nyrì”, è dú antɛ̀-buri-Wɔ wɔn mɛ̀n e zî ɛci nɔn, nɛ́n wàwúyɛ lɔ ke sɩ̀ yɩ́ nɛ̀n èdù nɛ̀n rá ɔnɔ̀n-ẅia léyi ye ce antɛ̀-buri-wɔ nɛ́n? 11Kɩ ɔmu lɔ, ɛjɛ́ wrɔn ndɔ lɔ, ɔwrɔn-nɛ́n-muan-ẅì ndɔ léyi, Krisì wú n'ɛkruhú, kɛ lɛ zrɛ́n “v'eci-nyrì” lɔ kruhú! 12Ɛgbàn ɔmu lɔ nyɛ hán nyɛ́n muan-ẅì hɔ̀n tɛ̀sɛ̀n, kɩ nye wri y'ɛjɛ́ wàwúyɛ lɔ eci edù, nyɛ hán ɛgbàn Krisì dùku tɛ̀sɛ̀n. 13Hɩ le kruhú de, ke dú kɛ ɛci-zî tɔ̀n ke sɩ́ nmàn-ẅì ɛzrɛ́n mɛ̀n, mɛ́n sɩ̀ vru rá ɔnɔ̀n-ẅia mrìmrì, ô nmàn-ẅì ke bɩ́ dú ɛzrɛ́n mɛ̀n.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
1 Korɛntɛ̀n anmàn-bɔ̀ 8
8
Ɔnɔ̀n-ẅia léyi ye ce antɛ̀-buri-Wɔ nɔn
1Zɛtɛn bɔ̀ dɔ́ ɔnɔ̀n-ẅia léyi ye ce antɛ̀-buri-Wɔ hɔ̀n nɔn, yi ankà: Annanwɔrɛ mɛ̀n lɔ “Bɔ́ lɔ fɛn bɔ̀ ẅɛn eci-nyrì”, hán ɔmu le nyɛ dɔ̀ nɔn. Tɛ́n eci-nyrì ndɔ lɔ kɛ tán ɔwrɔn ɛgbúgbú-ci-hán, kɩ ɛcüɛ̀n kɛ tán fɛcüè-krubɔrɛ ecüì. 2Ɔwrɔn léyi ke tro le nɛ̀n nyri eci tɔ̀n nɔn, nɛ̀n sɩ̀ nyrì eci lɔ, hán ɔmu le ke ji le nɛ̀n nyrì nɔn. 3Tɛ́n Ɔwrɔn léyi ẅɛn Ɔwɔ cüɛ̀n nɔn, Ɔwɔ nyri nɛ̀n.
4Nyàn ankà-yrɛ lɔ: ɛkɔrɛ̀-levri ke le dù yɛ rá ɔnɔ̀n-ẅia léyi ye ce antɛ̀-buri-wɔ hɔ̀n nɛ́n? Bɔ́ nyri anvrɛnvrɛn mɛ̀n le antɛ̀-buri-Wɔ hɔ̀n kè sɩ̀ dù annanwɔrɛ ci zriɛmɛ́n ɛnhibù wú, kɩ Ɔwɔ zri kɩ dù. 5Kɩ ke dú kɛ ankà-tro-wɔ hɔ̀n dú anhobɩ́ mán ɛnhi (kɩ ke ji le bɔ́ nyri ɔmu le “anwɔ” mán “ɛẅɛn-bɔ̀” bobrebe ndù), 6annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.
7Tɛ́n yɔ lɔ fɛn yɔ sɩ̀ nyrì ankaẅì annanwɔrɛ ndɔ lɔ. Anwrɔn ndɔ hɔ̀n bɩ́ antɛ̀-buri-Wɔ ankà, hán tán kɩ zɛtɛ̀ lɔ yɔ dú ɛmɛ̀n yɔ rá ecice nɔ̀n-ẅia, hán le ɔnɔ̀n-ẅia lɔ dú antɛ̀-buri-Wɔ tɔ̀n tɛn; yɔ wàwúyɛ lɔ ẅɛn ɛjɛ̀ kɩ yɔ nyri ɔmu le ɔnɔ̀n-ẅia ndɔ lɔ wá yɔ ɛnbrá edomɛ̀n. 8Kɩ kè sɩ̀ dù ɛci-zî tɔ̀n léyi ke le sɩ́ bɔ̀ Ɔwɔ tɛ̀sɛ̀n nɔn: bɔ́ sɩ́ zrɛ́n eci zriɛmɛ́n ke dú kɛ bɔ̀ sɩ̀ rá nɛ̀n, kɩ bɔ́ sɩ̀ cɔ́ eci zriɛmɛ́n ke dú kɛ bɔ́ rá nɛ̀n.
9Tɛ́n, nyɛ́n wá esùva, ô ɛkɔrɛ̀-levri léyi nyɛ́n ẅɛ̀n nyɛ hán eci ɔmu lɔ nɔn, ke bɩ́ sɩ́ ɛzrɛ́n mɛ̀n, anwrɔn hɔ̀n léyi y'ankaẅì-bùtan ẅɛn ɛjɛ̀ nɔn. 10Annanwɔrɛ mɛ̀n lɔ, ke dú kɛ ankaẅì-bùtan-cɛ́-wrɔn kɛ kán mɛ́n, vɛ́n léyi ɛ̀ ẅɛn “eci-nyrì”, è dú antɛ̀-buri-Wɔ wɔn mɛ̀n e zî ɛci nɔn, nɛ́n wàwúyɛ lɔ ke sɩ̀ yɩ́ nɛ̀n èdù nɛ̀n rá ɔnɔ̀n-ẅia léyi ye ce antɛ̀-buri-wɔ nɛ́n? 11Kɩ ɔmu lɔ, ɛjɛ́ wrɔn ndɔ lɔ, ɔwrɔn-nɛ́n-muan-ẅì ndɔ léyi, Krisì wú n'ɛkruhú, kɛ lɛ zrɛ́n “v'eci-nyrì” lɔ kruhú! 12Ɛgbàn ɔmu lɔ nyɛ hán nyɛ́n muan-ẅì hɔ̀n tɛ̀sɛ̀n, kɩ nye wri y'ɛjɛ́ wàwúyɛ lɔ eci edù, nyɛ hán ɛgbàn Krisì dùku tɛ̀sɛ̀n. 13Hɩ le kruhú de, ke dú kɛ ɛci-zî tɔ̀n ke sɩ́ nmàn-ẅì ɛzrɛ́n mɛ̀n, mɛ́n sɩ̀ vru rá ɔnɔ̀n-ẅia mrìmrì, ô nmàn-ẅì ke bɩ́ dú ɛzrɛ́n mɛ̀n.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.