1 Korɛntɛ̀n anmàn-bɔ̀ 1
1
Ebinyan
1Ebinyan ndɔ lɔ dú Pɔlɛ̀n yri kɛ và, nɛ́n Pɔlɛ̀n léyi Ɔwɔ kɔrɛ̀levriemɛ̀n ye bi nɛ̀n, nɛ̀n srɔ Zhezü Krisì kɔ̀hɔ̀n-wá-wrɔn mán Sostɛnɛ̀n, bɔ́ muan-ẅì.
2Ebinyan lɔ dú Ɔwɔ-fɛcüè léyi dú korɛntɛ̀n anmàn, mán yɔ hɔ̀n léyi yɔ dú nanvrɛn hɩ y'ɛwúvà lɔ fɛn dú Ɔwɔ mɛ̀n, kɩ yɔ dú Ɔwɔ tɛn Zhezü Krisì ankaẅì-bùtan-ẅɛn mɛ̀n, mán anwrɔn hɔ̀n léyi ɛyri lɔ fɛn, Zhezü Krisì bɔ́ Ɛẅɛnwrɔn bɩ́ lɔ dú anmùan mɛ̀n, nɛ́n léyi nɛ̀n dú yɔ mán bɔ́ mɛhi bɔ́ Ɛẅɛnwrɔn nɔn: 3Ɔwɔ léyi dú bɔ́ Zi mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.
Anvrɛn léyi bɔ́ cɔ́ Krisì mɛ̀n nɔn
4Mɛ tán m'Ɔwɔ ɔkùɛn ɛnvra lɔ fɛn ny'ɛkruhú, nboafɔ̀n léyi nɛ̀n tán nyɛ̀n Zhezü Krisì bɩmɛ̀n nɔn. 5Annanwɔrɛ mɛ̀n lɔ, nyɛ́n mán Krisì mɛhi ny'ɔbɔ̀sɔ̀ lɔ mɛ̀n nyɛ́n di ɛnnɛ̀ncüì, anvrɛn lɔ fɛn mɛ̀n, annànnàn le ankà-dɔ̀ mán eci-nyrì lɔ fɛn. 6Dalɛfuɛ léyi nyɛ́n di Krisì tɛ̀sɛ̀n nɔn wá nyɛ̀n ecüì edomɛ̀n, 7hán tán kɩ Ɔwɔ cüì zriɛmɛ́n kè sɩ̀ ẅɛn nyɛ̀n ɛmian, nyɛ́n léyi nyɛ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ srɔ nɔn. 8Nɛ́n de nɛ lɛ ẅɛn nyɛ̀n ɛshishiemɛ̀n hàn kɩ kɛ lɛ cɔ́ ɛnkrutrɔ, ô ye bɩ́ cɔ́ eci-gbàngbàn zriɛmɛ́n ny'ɛwú hàn kɩ kɛ̀ krɔn n'ɛvá vra. 9Ɔwɔ dùku bi nyɛ̀n nɛ́n ẅì Zhezü Krisì bɔ́ Ɛẅɛnwrɔn wúvà bɔ̀sɔ̀ lɔ mɛ̀n: ne di ɔmùan-zri n'ɔmùan-wá lɔ mɛ̀n.
Ɛsɔ̀nvoyan Ɔwɔ-fɛcüè-bɔ̀ mɛ̀n
10Anwrɔn-nɛ́n-muan-ẅì hɔ̀n, mɛ sɛ́n nyɛ̀n, bɔ́ Ɛẅɛnwrɔn Zhezü Krisì bɩmɛ̀n, ɔmùan kɛ̀ krɔn nyɛ̀n, ɛsɔ̀nvoyan ke bɩ́ dú nyɛ̀n ɛmɛ̀n; nyɛ́n dú ɔbɔ̀sɔ mɛ̀n anvrɛnvrɛn, ô nyɛ́n ẅɛn ɔmùan-krɔn zri mán ankà-tro zri. 11Annanwɔrɛ mɛ̀n lɔ, nmàn-ẅì hɔ̀n, anwrɔn hɔ̀n léyi dú Kloé mɛ̀n mɛ̀n-bɔ̀ nɔn, dɔ́ mɛ̀n le annankran dú nyɛ̀n ɛmɛ̀n. 12Nyàn ankà léyi me ji mɛ̀n dɔ̀ nɔn: ny'ɛmɛ̀n lɔ ɔwrɔn tɔ̀n kɛ dɔ̀ le: “Mɛ̀n, mɛ̀n dú Pɔlɛ̀n tɛn”; ɔwrɔn ndɔ lɔ: “Mɛ̀n dú Apolɔsɛ̀n tɛn”; ɔwrɔn nyantɛn: “Mɛ̀n, mɛ̀n dú Piɛrɛ̀n tɛn”; kɩ ɔwrɔn nyantɛn tɔ̀n: “Kɩ mɛ tɛn mɛ̀n dú Krisì tɛn.” 13Nye tro le yɛ lɛ sɔ̀nvɔyan Krisì tɛ̀a? Pɔlɛ̀n de wú ɛgbàn-hán-tɛ̀ wú ny'ɛkruhú nɛ́n? Pɔlɛ̀n bɩmɛ̀n de yɛ wá nyɛ̀n ɛnshi ɛnkru nɛ́n?
14Mɛ tán Ɔwɔ ɔkùɛn, ny'ɛmɛ̀n lɔ, mɛ̀n sɩ̀ wà ɔwrɔn zriɛmɛ́n ɛnshi ɛnkru, ke dú kɛ kè sɩ̀ dù Kripüsɛ̀n mán Gahiüsɛ̀n. 15Ɔmu lɔ de, ye sɩ̀ dɔ̀ le yɛ wá nyɛ̀n ɛnshi ɛnkru m'ebɩmɛ̀n. 16Ankaẅì tɛ̀, mɛ̀n vru mɛ́n wá Stefanasɛ̀n mɛ̀n mɛ̀n-bɔ̀ ɛnshi ɛnkru, tɛ́n mɛ́n sɩ́ bútan le mɛ̀n wá ɔwrɔn nyàntɛn tɔ̀n ɛnshi ɛnkru. 17Krisì kè sɩ̀ wá mɛ̀n ɔkɔ̀hɔ̀n mɛ̀n wá anwrɔn ɛnshi ɛnkru: nɛ̀n wá mɛ̀n ɔkɔ̀hɔ̀n mɛ̀n dɔ́ Ɛmɛẅi ankà Ankrankran lɔ, kɩ ndɔ lɔ, mɛ̀n sɩ̀ vrà anwrɔnẅì ankà-nyri-brɛ̀ lɔ, ô ɔmu lɔ, Krisì kɔrɛ̀srɔn-wù ɛgbàn-hán-tɛ̀ wú, ke bɩ́ srɔ eci kora.
Zhezü Krisì dú Ɔwɔ kɔrɛ̀srɔn mán Ɔwɔ ankà-nyrì
18Annanwɔrɛ mɛ̀n lɔ, anwrɔn hɔ̀n léyi dú ɛzrɛ́n mɛ̀n nɔn, ke tro le, yɛ dɔ́ Krisì wú ankà ɛgbàn-hán-tɛ̀ wú hô, ndɔ lɔ dú nmù ci-hán; tɛ́n bɔ́ léyi bɔ̀ dú ɛnkrukɔrɛ̀ levri wú nɔn, bɔ́ kán Ɔwɔ kɔrɛ̀srɔn owù ndɔ lɔ mɛ̀n. 19Nyàn ankà léyi Owrú Prɔnprɔn kɛ dɔ̀ nɔn:
“Mɛ lɛ jrɛ́ ankà-nyri-bɔ̀ ankà-nyrì lɔ,
mɛ lɛ kɔ́n ɛnkruemɛ̀n-ẅɛn-bɔ̀ ci-nyrì lɔ mɛ̀n cüe.”
20Zɛtɛn, ankà tán de ankà-nyri-bɔ̀ ke le vru kɛ̀ dɔ̀ nɛ́n? Kale ɛnkruemɛ̀n-ẅɛn-bɔ̀ lɔà? Kale ɛnvra ndɔ lɔ mɛ̀n ankà-bobrebe-dɔ́-bɔ̀ lɔa? Ɔwɔ yé tán le ɛnu ɛnhibù wú ankà-nyrì lɔ dú nmù ci-hán!
21Annanwɔrɛ mɛ̀n, anwrɔnẅì mán y'ankà-nyrì lɔ fɛn mɛhi kè sɩ̀ cɔ̀ nyrì ɛyri léyi Ɔwɔ ke yé tán n'ankà-nyrì lɔ nɔn. Hɩ le kruhú de anwrɔn hɔ̀n léyi ẅɛn ankàẅì-bùtan, nmù ankà-dɔ̀ ci-hán ndɔ lɔ wú nɔn, Ɔwɔ wá kè bɩ̀ yɔ kè die. 22Zhüifɛ̀n-bɔ̀ ke ji kɛ̀ kán anvɛmɛ̀n-frɛ́n-ci hɔ̀n léyi kɛ tán ankaẅì-bùtan ndɔ lɔ, kɩ Grɛkɛ̀n-bɔ̀ tɛn ke ji ankà-nyrì. 23Bɔ́ tɛn, bɔ́ dɔ́ Krisì léyi yɛ gɔ́n-brɛ́ ɛgbàn-hán-tɛ̀ wú nɔn n'ankà: ndɔ lɔ dú anvɛvrà-ankà tán Zhüifɛ̀n-bɔ̀ kɩ vru dú nmù ankà tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn; 24tɛ́n anwrɔn hɔ̀n léyi Ɔwɔ bi nɔn, Zhüifɛ̀n-bɔ̀ mán yɔ léyi yɔ sɩ̀ dù Zhüifɛ̀n-bɔ̀ nɔn, Krisì dú Ɔwɔ kɔrɛ̀-srɔn mán n'ankà-nyrì. 25Ɔmuhi Ɔwɔ mù-ci-hán ẅɛn ankà-nyrì vrán anwrɔnẅì ankà-nyrì, kɩ Ɔwɔ jɛ̀-ci-hán ẅɛn ecüì vrán anwrɔnẅì cüì-ẅɛ̀n.
26Nyɛ́n tro, anwrɔn-nɛ́n-muan-ẅì hɔ̀n, eci léyi dú nyɛ̀n nɔn, nyɛ́n léyi Ɔwɔ bi nyɛ̀n nɔn: anwrɔnẅìemɛ̀n lɔ, ny'ɛmɛ̀n lɔ, ankà-nyri-bɔ̀ ẅiɛ, ɛkɔrɛ̀-srɔn-bɔ̀ ẅiɛ, ɛmɛ̀n-anvrɛnvrɛn-bɔ̀ ẅiɛ kɩ dù. 27Tɛ́n, Ɔwɔ mrɛ́n eci léyi dú nmù-ci nɔn, bɩ́ ɛnhibù zìwú, ô kɛ̀ tán ankà-nyri-bɔ̀ anvɛvrà; nɛ̀n mrɛ́n eci léyi dú ɛjɛ-ci ɛnhibù zìwú nɛ́n bɩ, ô kɛ̀ tán ecüì-bɔ̀ anvɛvrà; 28nɛ̀n mrɛ́n eci léyi dú ɛnhi, dú egbri-ci, hɩ kè sɩ̀ ẅɛ̀n vɔ̀nshɛ́ ɛnhibù zìwú nɔn nɛ́n bɩ, ô kɛ̀ jrɛ́ eci léyi ẅɛn anhàn n'ezìwú nɔn. 29Ɔmu lɔ de ɔwrɔnẅì zriɛmɛ́n ke sɩ̀ mrɛ́n n'edomɛ̀n Ɔwɔ zìwú rɔ́. 30Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́. 31Zɛtɛn, hán ɔmu le Owrú Prɔnprɔn kɛ dɔ̀ nɔn: “Ke dú kɛ ɔwrɔn tɔ̀n ke ji kè gbú ɔmùan hô, nɛ̀n gbú ɔmùan Ɛẅɛnwrɔn kɔrɛ̀-ci-hán wú.”
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
1 Korɛntɛ̀n anmàn-bɔ̀ 1
1
Ebinyan
1Ebinyan ndɔ lɔ dú Pɔlɛ̀n yri kɛ và, nɛ́n Pɔlɛ̀n léyi Ɔwɔ kɔrɛ̀levriemɛ̀n ye bi nɛ̀n, nɛ̀n srɔ Zhezü Krisì kɔ̀hɔ̀n-wá-wrɔn mán Sostɛnɛ̀n, bɔ́ muan-ẅì.
2Ebinyan lɔ dú Ɔwɔ-fɛcüè léyi dú korɛntɛ̀n anmàn, mán yɔ hɔ̀n léyi yɔ dú nanvrɛn hɩ y'ɛwúvà lɔ fɛn dú Ɔwɔ mɛ̀n, kɩ yɔ dú Ɔwɔ tɛn Zhezü Krisì ankaẅì-bùtan-ẅɛn mɛ̀n, mán anwrɔn hɔ̀n léyi ɛyri lɔ fɛn, Zhezü Krisì bɔ́ Ɛẅɛnwrɔn bɩ́ lɔ dú anmùan mɛ̀n, nɛ́n léyi nɛ̀n dú yɔ mán bɔ́ mɛhi bɔ́ Ɛẅɛnwrɔn nɔn: 3Ɔwɔ léyi dú bɔ́ Zi mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.
Anvrɛn léyi bɔ́ cɔ́ Krisì mɛ̀n nɔn
4Mɛ tán m'Ɔwɔ ɔkùɛn ɛnvra lɔ fɛn ny'ɛkruhú, nboafɔ̀n léyi nɛ̀n tán nyɛ̀n Zhezü Krisì bɩmɛ̀n nɔn. 5Annanwɔrɛ mɛ̀n lɔ, nyɛ́n mán Krisì mɛhi ny'ɔbɔ̀sɔ̀ lɔ mɛ̀n nyɛ́n di ɛnnɛ̀ncüì, anvrɛn lɔ fɛn mɛ̀n, annànnàn le ankà-dɔ̀ mán eci-nyrì lɔ fɛn. 6Dalɛfuɛ léyi nyɛ́n di Krisì tɛ̀sɛ̀n nɔn wá nyɛ̀n ecüì edomɛ̀n, 7hán tán kɩ Ɔwɔ cüì zriɛmɛ́n kè sɩ̀ ẅɛn nyɛ̀n ɛmian, nyɛ́n léyi nyɛ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ srɔ nɔn. 8Nɛ́n de nɛ lɛ ẅɛn nyɛ̀n ɛshishiemɛ̀n hàn kɩ kɛ lɛ cɔ́ ɛnkrutrɔ, ô ye bɩ́ cɔ́ eci-gbàngbàn zriɛmɛ́n ny'ɛwú hàn kɩ kɛ̀ krɔn n'ɛvá vra. 9Ɔwɔ dùku bi nyɛ̀n nɛ́n ẅì Zhezü Krisì bɔ́ Ɛẅɛnwrɔn wúvà bɔ̀sɔ̀ lɔ mɛ̀n: ne di ɔmùan-zri n'ɔmùan-wá lɔ mɛ̀n.
Ɛsɔ̀nvoyan Ɔwɔ-fɛcüè-bɔ̀ mɛ̀n
10Anwrɔn-nɛ́n-muan-ẅì hɔ̀n, mɛ sɛ́n nyɛ̀n, bɔ́ Ɛẅɛnwrɔn Zhezü Krisì bɩmɛ̀n, ɔmùan kɛ̀ krɔn nyɛ̀n, ɛsɔ̀nvoyan ke bɩ́ dú nyɛ̀n ɛmɛ̀n; nyɛ́n dú ɔbɔ̀sɔ mɛ̀n anvrɛnvrɛn, ô nyɛ́n ẅɛn ɔmùan-krɔn zri mán ankà-tro zri. 11Annanwɔrɛ mɛ̀n lɔ, nmàn-ẅì hɔ̀n, anwrɔn hɔ̀n léyi dú Kloé mɛ̀n mɛ̀n-bɔ̀ nɔn, dɔ́ mɛ̀n le annankran dú nyɛ̀n ɛmɛ̀n. 12Nyàn ankà léyi me ji mɛ̀n dɔ̀ nɔn: ny'ɛmɛ̀n lɔ ɔwrɔn tɔ̀n kɛ dɔ̀ le: “Mɛ̀n, mɛ̀n dú Pɔlɛ̀n tɛn”; ɔwrɔn ndɔ lɔ: “Mɛ̀n dú Apolɔsɛ̀n tɛn”; ɔwrɔn nyantɛn: “Mɛ̀n, mɛ̀n dú Piɛrɛ̀n tɛn”; kɩ ɔwrɔn nyantɛn tɔ̀n: “Kɩ mɛ tɛn mɛ̀n dú Krisì tɛn.” 13Nye tro le yɛ lɛ sɔ̀nvɔyan Krisì tɛ̀a? Pɔlɛ̀n de wú ɛgbàn-hán-tɛ̀ wú ny'ɛkruhú nɛ́n? Pɔlɛ̀n bɩmɛ̀n de yɛ wá nyɛ̀n ɛnshi ɛnkru nɛ́n?
14Mɛ tán Ɔwɔ ɔkùɛn, ny'ɛmɛ̀n lɔ, mɛ̀n sɩ̀ wà ɔwrɔn zriɛmɛ́n ɛnshi ɛnkru, ke dú kɛ kè sɩ̀ dù Kripüsɛ̀n mán Gahiüsɛ̀n. 15Ɔmu lɔ de, ye sɩ̀ dɔ̀ le yɛ wá nyɛ̀n ɛnshi ɛnkru m'ebɩmɛ̀n. 16Ankaẅì tɛ̀, mɛ̀n vru mɛ́n wá Stefanasɛ̀n mɛ̀n mɛ̀n-bɔ̀ ɛnshi ɛnkru, tɛ́n mɛ́n sɩ́ bútan le mɛ̀n wá ɔwrɔn nyàntɛn tɔ̀n ɛnshi ɛnkru. 17Krisì kè sɩ̀ wá mɛ̀n ɔkɔ̀hɔ̀n mɛ̀n wá anwrɔn ɛnshi ɛnkru: nɛ̀n wá mɛ̀n ɔkɔ̀hɔ̀n mɛ̀n dɔ́ Ɛmɛẅi ankà Ankrankran lɔ, kɩ ndɔ lɔ, mɛ̀n sɩ̀ vrà anwrɔnẅì ankà-nyri-brɛ̀ lɔ, ô ɔmu lɔ, Krisì kɔrɛ̀srɔn-wù ɛgbàn-hán-tɛ̀ wú, ke bɩ́ srɔ eci kora.
Zhezü Krisì dú Ɔwɔ kɔrɛ̀srɔn mán Ɔwɔ ankà-nyrì
18Annanwɔrɛ mɛ̀n lɔ, anwrɔn hɔ̀n léyi dú ɛzrɛ́n mɛ̀n nɔn, ke tro le, yɛ dɔ́ Krisì wú ankà ɛgbàn-hán-tɛ̀ wú hô, ndɔ lɔ dú nmù ci-hán; tɛ́n bɔ́ léyi bɔ̀ dú ɛnkrukɔrɛ̀ levri wú nɔn, bɔ́ kán Ɔwɔ kɔrɛ̀srɔn owù ndɔ lɔ mɛ̀n. 19Nyàn ankà léyi Owrú Prɔnprɔn kɛ dɔ̀ nɔn:
“Mɛ lɛ jrɛ́ ankà-nyri-bɔ̀ ankà-nyrì lɔ,
mɛ lɛ kɔ́n ɛnkruemɛ̀n-ẅɛn-bɔ̀ ci-nyrì lɔ mɛ̀n cüe.”
20Zɛtɛn, ankà tán de ankà-nyri-bɔ̀ ke le vru kɛ̀ dɔ̀ nɛ́n? Kale ɛnkruemɛ̀n-ẅɛn-bɔ̀ lɔà? Kale ɛnvra ndɔ lɔ mɛ̀n ankà-bobrebe-dɔ́-bɔ̀ lɔa? Ɔwɔ yé tán le ɛnu ɛnhibù wú ankà-nyrì lɔ dú nmù ci-hán!
21Annanwɔrɛ mɛ̀n, anwrɔnẅì mán y'ankà-nyrì lɔ fɛn mɛhi kè sɩ̀ cɔ̀ nyrì ɛyri léyi Ɔwɔ ke yé tán n'ankà-nyrì lɔ nɔn. Hɩ le kruhú de anwrɔn hɔ̀n léyi ẅɛn ankàẅì-bùtan, nmù ankà-dɔ̀ ci-hán ndɔ lɔ wú nɔn, Ɔwɔ wá kè bɩ̀ yɔ kè die. 22Zhüifɛ̀n-bɔ̀ ke ji kɛ̀ kán anvɛmɛ̀n-frɛ́n-ci hɔ̀n léyi kɛ tán ankaẅì-bùtan ndɔ lɔ, kɩ Grɛkɛ̀n-bɔ̀ tɛn ke ji ankà-nyrì. 23Bɔ́ tɛn, bɔ́ dɔ́ Krisì léyi yɛ gɔ́n-brɛ́ ɛgbàn-hán-tɛ̀ wú nɔn n'ankà: ndɔ lɔ dú anvɛvrà-ankà tán Zhüifɛ̀n-bɔ̀ kɩ vru dú nmù ankà tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn; 24tɛ́n anwrɔn hɔ̀n léyi Ɔwɔ bi nɔn, Zhüifɛ̀n-bɔ̀ mán yɔ léyi yɔ sɩ̀ dù Zhüifɛ̀n-bɔ̀ nɔn, Krisì dú Ɔwɔ kɔrɛ̀-srɔn mán n'ankà-nyrì. 25Ɔmuhi Ɔwɔ mù-ci-hán ẅɛn ankà-nyrì vrán anwrɔnẅì ankà-nyrì, kɩ Ɔwɔ jɛ̀-ci-hán ẅɛn ecüì vrán anwrɔnẅì cüì-ẅɛ̀n.
26Nyɛ́n tro, anwrɔn-nɛ́n-muan-ẅì hɔ̀n, eci léyi dú nyɛ̀n nɔn, nyɛ́n léyi Ɔwɔ bi nyɛ̀n nɔn: anwrɔnẅìemɛ̀n lɔ, ny'ɛmɛ̀n lɔ, ankà-nyri-bɔ̀ ẅiɛ, ɛkɔrɛ̀-srɔn-bɔ̀ ẅiɛ, ɛmɛ̀n-anvrɛnvrɛn-bɔ̀ ẅiɛ kɩ dù. 27Tɛ́n, Ɔwɔ mrɛ́n eci léyi dú nmù-ci nɔn, bɩ́ ɛnhibù zìwú, ô kɛ̀ tán ankà-nyri-bɔ̀ anvɛvrà; nɛ̀n mrɛ́n eci léyi dú ɛjɛ-ci ɛnhibù zìwú nɛ́n bɩ, ô kɛ̀ tán ecüì-bɔ̀ anvɛvrà; 28nɛ̀n mrɛ́n eci léyi dú ɛnhi, dú egbri-ci, hɩ kè sɩ̀ ẅɛ̀n vɔ̀nshɛ́ ɛnhibù zìwú nɔn nɛ́n bɩ, ô kɛ̀ jrɛ́ eci léyi ẅɛn anhàn n'ezìwú nɔn. 29Ɔmu lɔ de ɔwrɔnẅì zriɛmɛ́n ke sɩ̀ mrɛ́n n'edomɛ̀n Ɔwɔ zìwú rɔ́. 30Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́. 31Zɛtɛn, hán ɔmu le Owrú Prɔnprɔn kɛ dɔ̀ nɔn: “Ke dú kɛ ɔwrɔn tɔ̀n ke ji kè gbú ɔmùan hô, nɛ̀n gbú ɔmùan Ɛẅɛnwrɔn kɔrɛ̀-ci-hán wú.”
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.