Ab'e Roma 15
15
Okuyamba abanafu
1Ife ab'amaani mu kwikiriza tugwaine okuyambanga abo abanafu mu kwikiriza, aye ti kwefaaku twenka. 2Kiisi muntu afubenga okukola ekisanhusa mwine olw'okumuzimba mu kwikiriza 3kuba ni Kurisito tiyefaaku yenka, era kyaghandiikibwa kiti: “Ebivumo by'abo abakuvuma, byaira ku nze.”#Zab 69:9 4Byonabyona Ebyaghandiikibwa eira, byaghandiikibwa olw'okutwegeresa tusobole okubanga n'eisuubi olw'okuguminkiriza n'olw'amaani, ebiva mu Byaghandiikibwa. 5Era Katonda ensimuko y'okuguminkiriza era atwizaamu amaani, abaghe okwisania nga Kurisito Yesu bw'asiima. 6Musaake Katonda Lata wa Musengwa waife Yesu Kurisito nga mwogera n'omwoyo mulala.
Amawulire Amalungi ag'abamaghanga agandi
7Buli muntu asangaazenga mwine nga Kurisito bwe yabasangaaza, olwo Katonda agheebwe ekitiisa. 8Ka mbakobere, Kurisito yafuuka omugheereza w'abayudaaya, ayoleke nga Katonda bw'ali omwesigwa, era atuukirize ebisuubizo Katonda bye yasuubiza badhaadha baife, 9era abamaghanga agandi basobole okusaaka Katonda olw'okusaasira kwe. Nga bwe kyaghandiikibwa kiti:#2 Sam 22:50; Zab 18:49
“Kale ni nnaakwebazanga mu bamaghanga agandi;
nnaayemba nga nsaaka eriina lyo.”
10Ate kabiri ekyaghandiikibwa kikoba kiti:#Ma 32:43
“Imwe abamaghanga agandi,
musagambire ghalala n'abantu be.”
11Era kabiri kiti:#Zab 117:1
“Mwenamwena abamaghanga agandi musaake Musengwa.
Era abantu boonaboona bamusaake.”
12Era ni Isaia akoba ati:#Isa 11:10
“Mwidhukulu wa Yesse aliidha,
baamutaagho okufuga abamaghanga agandi.
Era mu oyo eisuubi lyaibwe mwe liriba.”
13Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.
Ensonga lwaki Paulo aghandiika n'obugumu
14Zeena mwene, aboluganda, nkakasa nga mwidhwire empisa enkalamu era n'okumanha okwidhuvu, era nga musobola okulambagana. 15Aye mu mbaluwa eno, aghandi mpandiise n'obugumu nga ndiku ni bye mbaidhukiza. Kino nkikoze kuba Katonda yansaasira 16okuba omugheereza we mu bamaghanga agandi. Nkola omulimo ogw'obwakabona nga nkobera abantu Amawulire Amalungi agava ewa Katonda, abamaghanga agandi babe ng'ekirabo ky'asiima nga kitukuziibwa Mwoyo Mutukuvu. 17Kale ni mu Kurisito Yesu mpanga okwesuuta olw'omulimo gwe nkoleire Katonda. 18Ndidha kuguma ndhogere ku ebyo byonka Kurisito bye yankolera okusobozesa abamaghanga agandi okugondera Katonda. Yakozesa ebibono byange n'ebikolwa byange 19mu maani ag'obumanhiso n'ebyewuunhio, ni mu maani aga Mwoyo Mutukuvu. Kale ntyo okuviira irala e Yerusalemu okutuukira irala mu Iluriko, nkobera abantu Amawulire Amalungi aga Kurisito. 20Kye nuyirira buliidho n'okukobera abantu Amawulire Amalungi mu bifo ebyo Kurisito y'atawulirwangaku, ndobe kuzimba ku musingi gwa muntu wundi. 21Aye nga bwe kyaghandiikibwa kiti:
“Abo abatakoberwanga bimugemaku balimubona,
era n'abatamubonangaku balimutegeera.”
Entegeka ya Paulo okukyalira ab'e Roma
22Eno n'ensonga eyandobera emikuzi kamaala okwidha okubakyalira.#Rom 1:13 23Aye, mperaano nga bwe nfundikiire emirimo gyange mu biketezo bino, nga mmaze emyaka kamaala nga neegomba okwidha okubabonaku, 24bwe ndiba nga nja mu Supania, nsuubira okubitiraku ewaimwe eyo mbaboneku enaku edhigheraku. Bwe ndiba mmaze okusanhukiraku aghalala n'imwe, nhenda munhambe okuntuusa mu Supania. 25Aye mperaano nja Yerusalemu okutwalira abantu ba Katonda obuyambi,#1 Kor 16:1-4 26kuba ab'omu Bikunsu by'Abaikiriza mu Kurisito eby'e Makedonia n'eby'omu Akaia, baasiima ku bwaibwe okuyamba abantu ba Katonda abaavu abali mu Yerusalemu. 27Ekyo beene n'abaasalagho okukikola, aye era baali n'eibandha okuyamba abaavu abo kuba Abayudaaya baagabiraku amaghanga agandi ku birungi byaibwe eby'omwoyo. Kale abamaghanga agandi boona bateekwa okuyamba Abayudaaya mu by'omubiri.#1 Kor 9:11 28Kale bwe ndimala okukola omulimo ogwo era nga mmaze okubagemya byonabyona ebyabagheerezebwa, ndivaayo, naabitira e waimwe nga nja e Supania. 29Bwe ndiidha, ndidhi nga ndiidha n'emikisa gya Kurisito gyonagyona.
30Aboluganda, mbeeghemba ku bwa Musengwa waife Yesu Kurisito era n'olw'okugonza kwa Mwoyo Mutukuvu mweyimbe ghalala ninze mu kunsabira. 31Munsabire mpone abataikiriza abali mu Buyudaaya, era n'abantu ba Katonda abali mu Yerusalemu basiime bye mbatwalira. 32Olwo ni Katonda bw'aliba nga asiimye ndiidha okubakyalira nga ndi n'eisanhu lingi, mpuumulireku e waimwe. 33Katonda mwene kugaba miraala, abe n'imwe mwenamwena. Amiina.
Baibuli Ekibono kya Katonda © The Bible Society of Uganda, 2014
Ab'e Roma 15
15
Okuyamba abanafu
1Ife ab'amaani mu kwikiriza tugwaine okuyambanga abo abanafu mu kwikiriza, aye ti kwefaaku twenka. 2Kiisi muntu afubenga okukola ekisanhusa mwine olw'okumuzimba mu kwikiriza 3kuba ni Kurisito tiyefaaku yenka, era kyaghandiikibwa kiti: “Ebivumo by'abo abakuvuma, byaira ku nze.”#Zab 69:9 4Byonabyona Ebyaghandiikibwa eira, byaghandiikibwa olw'okutwegeresa tusobole okubanga n'eisuubi olw'okuguminkiriza n'olw'amaani, ebiva mu Byaghandiikibwa. 5Era Katonda ensimuko y'okuguminkiriza era atwizaamu amaani, abaghe okwisania nga Kurisito Yesu bw'asiima. 6Musaake Katonda Lata wa Musengwa waife Yesu Kurisito nga mwogera n'omwoyo mulala.
Amawulire Amalungi ag'abamaghanga agandi
7Buli muntu asangaazenga mwine nga Kurisito bwe yabasangaaza, olwo Katonda agheebwe ekitiisa. 8Ka mbakobere, Kurisito yafuuka omugheereza w'abayudaaya, ayoleke nga Katonda bw'ali omwesigwa, era atuukirize ebisuubizo Katonda bye yasuubiza badhaadha baife, 9era abamaghanga agandi basobole okusaaka Katonda olw'okusaasira kwe. Nga bwe kyaghandiikibwa kiti:#2 Sam 22:50; Zab 18:49
“Kale ni nnaakwebazanga mu bamaghanga agandi;
nnaayemba nga nsaaka eriina lyo.”
10Ate kabiri ekyaghandiikibwa kikoba kiti:#Ma 32:43
“Imwe abamaghanga agandi,
musagambire ghalala n'abantu be.”
11Era kabiri kiti:#Zab 117:1
“Mwenamwena abamaghanga agandi musaake Musengwa.
Era abantu boonaboona bamusaake.”
12Era ni Isaia akoba ati:#Isa 11:10
“Mwidhukulu wa Yesse aliidha,
baamutaagho okufuga abamaghanga agandi.
Era mu oyo eisuubi lyaibwe mwe liriba.”
13Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.
Ensonga lwaki Paulo aghandiika n'obugumu
14Zeena mwene, aboluganda, nkakasa nga mwidhwire empisa enkalamu era n'okumanha okwidhuvu, era nga musobola okulambagana. 15Aye mu mbaluwa eno, aghandi mpandiise n'obugumu nga ndiku ni bye mbaidhukiza. Kino nkikoze kuba Katonda yansaasira 16okuba omugheereza we mu bamaghanga agandi. Nkola omulimo ogw'obwakabona nga nkobera abantu Amawulire Amalungi agava ewa Katonda, abamaghanga agandi babe ng'ekirabo ky'asiima nga kitukuziibwa Mwoyo Mutukuvu. 17Kale ni mu Kurisito Yesu mpanga okwesuuta olw'omulimo gwe nkoleire Katonda. 18Ndidha kuguma ndhogere ku ebyo byonka Kurisito bye yankolera okusobozesa abamaghanga agandi okugondera Katonda. Yakozesa ebibono byange n'ebikolwa byange 19mu maani ag'obumanhiso n'ebyewuunhio, ni mu maani aga Mwoyo Mutukuvu. Kale ntyo okuviira irala e Yerusalemu okutuukira irala mu Iluriko, nkobera abantu Amawulire Amalungi aga Kurisito. 20Kye nuyirira buliidho n'okukobera abantu Amawulire Amalungi mu bifo ebyo Kurisito y'atawulirwangaku, ndobe kuzimba ku musingi gwa muntu wundi. 21Aye nga bwe kyaghandiikibwa kiti:
“Abo abatakoberwanga bimugemaku balimubona,
era n'abatamubonangaku balimutegeera.”
Entegeka ya Paulo okukyalira ab'e Roma
22Eno n'ensonga eyandobera emikuzi kamaala okwidha okubakyalira.#Rom 1:13 23Aye, mperaano nga bwe nfundikiire emirimo gyange mu biketezo bino, nga mmaze emyaka kamaala nga neegomba okwidha okubabonaku, 24bwe ndiba nga nja mu Supania, nsuubira okubitiraku ewaimwe eyo mbaboneku enaku edhigheraku. Bwe ndiba mmaze okusanhukiraku aghalala n'imwe, nhenda munhambe okuntuusa mu Supania. 25Aye mperaano nja Yerusalemu okutwalira abantu ba Katonda obuyambi,#1 Kor 16:1-4 26kuba ab'omu Bikunsu by'Abaikiriza mu Kurisito eby'e Makedonia n'eby'omu Akaia, baasiima ku bwaibwe okuyamba abantu ba Katonda abaavu abali mu Yerusalemu. 27Ekyo beene n'abaasalagho okukikola, aye era baali n'eibandha okuyamba abaavu abo kuba Abayudaaya baagabiraku amaghanga agandi ku birungi byaibwe eby'omwoyo. Kale abamaghanga agandi boona bateekwa okuyamba Abayudaaya mu by'omubiri.#1 Kor 9:11 28Kale bwe ndimala okukola omulimo ogwo era nga mmaze okubagemya byonabyona ebyabagheerezebwa, ndivaayo, naabitira e waimwe nga nja e Supania. 29Bwe ndiidha, ndidhi nga ndiidha n'emikisa gya Kurisito gyonagyona.
30Aboluganda, mbeeghemba ku bwa Musengwa waife Yesu Kurisito era n'olw'okugonza kwa Mwoyo Mutukuvu mweyimbe ghalala ninze mu kunsabira. 31Munsabire mpone abataikiriza abali mu Buyudaaya, era n'abantu ba Katonda abali mu Yerusalemu basiime bye mbatwalira. 32Olwo ni Katonda bw'aliba nga asiimye ndiidha okubakyalira nga ndi n'eisanhu lingi, mpuumulireku e waimwe. 33Katonda mwene kugaba miraala, abe n'imwe mwenamwena. Amiina.
Baibuli Ekibono kya Katonda © The Bible Society of Uganda, 2014