Dad Fngewe 31
31
I dad fngewe di Harì Lémwél
1Ani i dad gman Harì Lémwél mdà di banwe Masa, i tdò yéan,
na man yéan di kenen manan,
2“E tingàgu, linge Dwata i kdasalgu, taman blén ge di deg,
na ani fngewegu ge.
3Nangam sa falmo i kgalam na filakam di dad libun,
du én gafalmo ge, na balù dad harì tagafalmola.
4Fanlingem agu Lémwél,
là gablà di dad harì, ku demen dad dademe ulu
ku too ale mayè minum i dad gamlangal,
5du ken di kinumla glifetla i dad flalò,
na là ale kadang mimò i matlu nimò di dad to nun klidù.
6Kabay fakay finumam tukay di dad to tafan mati,
demen i dad to too msamuk i nawala di klidùla,
7du fye glifetla i klandèla na i klidùla.
8Nsenam i dad to landè kibò msen i ktola,
na tnabengam i dad to landè kibò tmabeng i ktola.
9Nsenam i dad to landè na tanlum i kukumam dale
na tnabengam i dad to landè na i dad to too nun klidù.”
Ani gman i yê Harì Lémwél di kenen.
I kafye ldam i libun nun yaan
10Malima mite libun nun yaan too fye ldam,
na bay ku nun teenam,
mabtas fa kenen di too mabtas kas.
11I yaanan too smalig di kenen,
na landè gukulangan.
12Klo i libun ani mnè di tah tanà,
too fye kiboan yaanan,
na landè sasè nimoan di kenen.
13Too malgad kenen mimò klaweh
mdà di bul bilibili.
14Gal matun kakaanan di gumawag banwe,
na neben di gumnean,
salngad nimò i kafal
gal mebe kakaan mdà di gumawag banwe.
15Di là fa mwal mték kenen
du nimoan knaan i malayan,
na dekan dad saligan libun mimò dademe nimò.
16Salu kenen di satu tanà du neyen, na bnayadan,
na fagu di filak gwean mdà di nimoan, bayadan bnê du fanlan i tanà én.
17Too mayè kenen mimò na too malgad,
na nun kgalan di dad nimoan.
18Gadean i kabtas kdee nimoan,
na balù kifu mimò kenen.
19Mimò kenen sinulib na mabal klawehla.
20Too kenen mayè mlé di dad to landè
na di dad to nun klidù.
21Kel i bang katno, landè klikoan,
du tanun klawehla fatlagadan.
22Nimoan dad kayabla,
na too fye bung klawehan
na too fye baweh i batakan. 23I yaanan too mdengeg,
du kenen satu ulu di banwela.
24I fye libun ani, gal mimò i klaweh na fablin,
na mimò dad galing, du fablin di dad to gal fabli.
25Too kenen mgal, na too mgafè,
na landè klikoan balù tan kel di dale.
26Ku talù kenen dileam i kfulungan,
na too glut i katdoan.
27Too kenen mimò,
na toon nifat malayan di dad klidùla.
28Too mabtas kenen di dad ngaan,
na dnayen kenen i yaanan,
29manan, “Nun dee dad libun fye,
bay ge too mdatah di kdee.”
30I fye kalyak i libun slaan là glut, na i kafye bawehan mlal lana,
bay i libun too nun klikò di Dwata too magdayen.
31Blé di libun ani i untung di kdee fye nimoan,
na mdà di fye nimoan, dnayen kenen kdee dad to.
© 2014, Wycliffe Bible Translators, Inc. All rights reserved.
Dad Fngewe 31
31
I dad fngewe di Harì Lémwél
1Ani i dad gman Harì Lémwél mdà di banwe Masa, i tdò yéan,
na man yéan di kenen manan,
2“E tingàgu, linge Dwata i kdasalgu, taman blén ge di deg,
na ani fngewegu ge.
3Nangam sa falmo i kgalam na filakam di dad libun,
du én gafalmo ge, na balù dad harì tagafalmola.
4Fanlingem agu Lémwél,
là gablà di dad harì, ku demen dad dademe ulu
ku too ale mayè minum i dad gamlangal,
5du ken di kinumla glifetla i dad flalò,
na là ale kadang mimò i matlu nimò di dad to nun klidù.
6Kabay fakay finumam tukay di dad to tafan mati,
demen i dad to too msamuk i nawala di klidùla,
7du fye glifetla i klandèla na i klidùla.
8Nsenam i dad to landè kibò msen i ktola,
na tnabengam i dad to landè kibò tmabeng i ktola.
9Nsenam i dad to landè na tanlum i kukumam dale
na tnabengam i dad to landè na i dad to too nun klidù.”
Ani gman i yê Harì Lémwél di kenen.
I kafye ldam i libun nun yaan
10Malima mite libun nun yaan too fye ldam,
na bay ku nun teenam,
mabtas fa kenen di too mabtas kas.
11I yaanan too smalig di kenen,
na landè gukulangan.
12Klo i libun ani mnè di tah tanà,
too fye kiboan yaanan,
na landè sasè nimoan di kenen.
13Too malgad kenen mimò klaweh
mdà di bul bilibili.
14Gal matun kakaanan di gumawag banwe,
na neben di gumnean,
salngad nimò i kafal
gal mebe kakaan mdà di gumawag banwe.
15Di là fa mwal mték kenen
du nimoan knaan i malayan,
na dekan dad saligan libun mimò dademe nimò.
16Salu kenen di satu tanà du neyen, na bnayadan,
na fagu di filak gwean mdà di nimoan, bayadan bnê du fanlan i tanà én.
17Too mayè kenen mimò na too malgad,
na nun kgalan di dad nimoan.
18Gadean i kabtas kdee nimoan,
na balù kifu mimò kenen.
19Mimò kenen sinulib na mabal klawehla.
20Too kenen mayè mlé di dad to landè
na di dad to nun klidù.
21Kel i bang katno, landè klikoan,
du tanun klawehla fatlagadan.
22Nimoan dad kayabla,
na too fye bung klawehan
na too fye baweh i batakan. 23I yaanan too mdengeg,
du kenen satu ulu di banwela.
24I fye libun ani, gal mimò i klaweh na fablin,
na mimò dad galing, du fablin di dad to gal fabli.
25Too kenen mgal, na too mgafè,
na landè klikoan balù tan kel di dale.
26Ku talù kenen dileam i kfulungan,
na too glut i katdoan.
27Too kenen mimò,
na toon nifat malayan di dad klidùla.
28Too mabtas kenen di dad ngaan,
na dnayen kenen i yaanan,
29manan, “Nun dee dad libun fye,
bay ge too mdatah di kdee.”
30I fye kalyak i libun slaan là glut, na i kafye bawehan mlal lana,
bay i libun too nun klikò di Dwata too magdayen.
31Blé di libun ani i untung di kdee fye nimoan,
na mdà di fye nimoan, dnayen kenen kdee dad to.
© 2014, Wycliffe Bible Translators, Inc. All rights reserved.