Dad Fngewe 29
29
1Ku tadee dulê nngak i satu to, bay knean mgal fa i ulun,
én sa gamgebe kenen di kalmo i landè gugalwaan.
2Ku matlu i to mebe i banwe, too lehew i dad to,
bay ku sasè i to mebe i banwe, landè klehew i dad to,
du too ale maflayam.
3I to kmabas i kfulung, flehewan i maan,
bay i to samnagin i libun mkat lagi, falmon i filakan.
4Ku too fkah i harì di nawan i matlu kukum, too nun ktanak di banwen,
bay ku alò én fandaman i filak, toon falmo i banwen.
5Ku simto dmayen i demen sgalak, bay kadì ise mdà di nawan,
tatian falmo i kton.
6I to sasè, én kamfè kenen i salaan,
bay i to matlu fakay mlingag na flehew.
7I dad to matlu too gmadè kamdo na tmabeng i dad to landè di gususay,
bay i dad to sasè là mabtas di dale i dad to landè.
8I dad to gal madoy fakay ale finit nawa i dad to di satu syudad,
bay i dad to fulung faldam fakay fatlag klabè i dad to.
9Landè kibò musay i to fulung faldam na i to là fulung faldam,
du ku ditù di gususay i to là fulung faldam là manak,
alò kenen madoy na flabè.
10I dad to gal manò, knangla i matlu to,
bay i dad to fye, toola nifat i to matlu.
11I to là fulung faldam, toon falwà i kaflabean,
bay i to fulung faldam, gadnanan i kton.
12Ku i satu ulu flinge i dad kakakéng na fnaglutan,
mbaling sasè i kdee dad to tmabeng kenen.
13I to landè na i to mkut i to landè, nun gusalngadla,
du nun blé Dwata dale mata du fye mite ale.
14Ku glut kukum i harì i dad to landè,
too mlawil i kagotan.
15Nun gufye i dad ngà ku tdò na fanlayam ale di gugsalàla,
bay i dad ngà tatì fbayà di gugsalàla fyàla kadang i yêla.
16Ku sasè i dad ulu, too matnù i sasè,
bay i kalmola teen i dad to matlu.
17Fanlayamam i tingaam di gugsalaan, na nun ktanak i nawam,
na flehewan i nawam.
18I dad to là flinge Tnalù Dwata sasè, du tatìla nimò i knayèla du landè malak dale,
bay i dad to mimen i tdò Dwata nun kafyela.
19Dademe salig là fakay ku tdoam ale fagu di taluam,
du balù glabatla i manam dale, là ale flinge.
20Fye fa i to là fulung faldam,
di to i là funa faldam klon fa talù.
21Ku mdà di ktukay i saligam na faknalamam mlé i kdee knayean,
là mlo i kdee nfunam nwean na mlé ge klidù nawam.
22I to labè gal smamuk,
na i to mlal malbut gal gamsalà.
23I to fdatah i kton mdanà sa kadang di satu duh,
bay i to fdanà i kton, mdatah sa kadang di satu duh.
24I to samnagin i to gal tmaku toon fanlayam i kton,
du ditù di gumusay,
ku tulenan i kaglut fanlayam kenen,
na ku laan tulen i kaglut fanlayam kenen Dwata.
25Sasè ku fsamukam i nawam gablà di fandam i dad to sasè
bay ku baling ge smalig di Dwata, kanlungan ge.
26Dee dad to mayè ku i ulula mimò fye di dale,
bay i matlu nimò alò mdà sa di Dwata.
27I to matlu knangan i to sasè,
na i to sasè knangan i to matlu.
© 2014, Wycliffe Bible Translators, Inc. All rights reserved.
Dad Fngewe 29
29
1Ku tadee dulê nngak i satu to, bay knean mgal fa i ulun,
én sa gamgebe kenen di kalmo i landè gugalwaan.
2Ku matlu i to mebe i banwe, too lehew i dad to,
bay ku sasè i to mebe i banwe, landè klehew i dad to,
du too ale maflayam.
3I to kmabas i kfulung, flehewan i maan,
bay i to samnagin i libun mkat lagi, falmon i filakan.
4Ku too fkah i harì di nawan i matlu kukum, too nun ktanak di banwen,
bay ku alò én fandaman i filak, toon falmo i banwen.
5Ku simto dmayen i demen sgalak, bay kadì ise mdà di nawan,
tatian falmo i kton.
6I to sasè, én kamfè kenen i salaan,
bay i to matlu fakay mlingag na flehew.
7I dad to matlu too gmadè kamdo na tmabeng i dad to landè di gususay,
bay i dad to sasè là mabtas di dale i dad to landè.
8I dad to gal madoy fakay ale finit nawa i dad to di satu syudad,
bay i dad to fulung faldam fakay fatlag klabè i dad to.
9Landè kibò musay i to fulung faldam na i to là fulung faldam,
du ku ditù di gususay i to là fulung faldam là manak,
alò kenen madoy na flabè.
10I dad to gal manò, knangla i matlu to,
bay i dad to fye, toola nifat i to matlu.
11I to là fulung faldam, toon falwà i kaflabean,
bay i to fulung faldam, gadnanan i kton.
12Ku i satu ulu flinge i dad kakakéng na fnaglutan,
mbaling sasè i kdee dad to tmabeng kenen.
13I to landè na i to mkut i to landè, nun gusalngadla,
du nun blé Dwata dale mata du fye mite ale.
14Ku glut kukum i harì i dad to landè,
too mlawil i kagotan.
15Nun gufye i dad ngà ku tdò na fanlayam ale di gugsalàla,
bay i dad ngà tatì fbayà di gugsalàla fyàla kadang i yêla.
16Ku sasè i dad ulu, too matnù i sasè,
bay i kalmola teen i dad to matlu.
17Fanlayamam i tingaam di gugsalaan, na nun ktanak i nawam,
na flehewan i nawam.
18I dad to là flinge Tnalù Dwata sasè, du tatìla nimò i knayèla du landè malak dale,
bay i dad to mimen i tdò Dwata nun kafyela.
19Dademe salig là fakay ku tdoam ale fagu di taluam,
du balù glabatla i manam dale, là ale flinge.
20Fye fa i to là fulung faldam,
di to i là funa faldam klon fa talù.
21Ku mdà di ktukay i saligam na faknalamam mlé i kdee knayean,
là mlo i kdee nfunam nwean na mlé ge klidù nawam.
22I to labè gal smamuk,
na i to mlal malbut gal gamsalà.
23I to fdatah i kton mdanà sa kadang di satu duh,
bay i to fdanà i kton, mdatah sa kadang di satu duh.
24I to samnagin i to gal tmaku toon fanlayam i kton,
du ditù di gumusay,
ku tulenan i kaglut fanlayam kenen,
na ku laan tulen i kaglut fanlayam kenen Dwata.
25Sasè ku fsamukam i nawam gablà di fandam i dad to sasè
bay ku baling ge smalig di Dwata, kanlungan ge.
26Dee dad to mayè ku i ulula mimò fye di dale,
bay i matlu nimò alò mdà sa di Dwata.
27I to matlu knangan i to sasè,
na i to sasè knangan i to matlu.
© 2014, Wycliffe Bible Translators, Inc. All rights reserved.