Dad Fngewe 25
25
Dademe dad mabtas fngewe Solomon
1Ani dademe dad mabtas fngewe Harì Solomon,
i sulat dad to Hésékaya harì di banwe Dyuda.
Na ani dunan:
2Nafeito Dwata, du mdà di laan fa fgadè di gito,
bay nafeito dad harì, du mdà di takafgadèla di gito.
3Là fakay gadè dad fandam i dad harì, du mdatah fa di gito fandam,
du i fandamla mdatah gambet kdatah i langit na mngalam gambet kngalam i mahin.
4Funa fwè i gbol di salafì, klon fa
mlé dun di to msel, du fye nun gimoan i fye baweh.
5Na salngad én, funa falwà di muna i harì i dad to sasè kafngewela,
du fye i kagotan mbaling matlu.
6Ku déén ge di muna i harì, nangam fdatah i ktom,
na nang ge sudeng di gusudeng i mdatah to,
7du fye fa ku manan di ge, “Dini ge di too fye gusudeng,”
di kafyaan ge fagu di kmanan, “Blém i gusudengam di mdatah to ani.”
8Nang ge flal tmulen di gususay, balù nun teenam, du ken là glut,
du ken nun dademe to tmulen na là salngad i ktulenyu,
du ku là salngad, landè kiboam ku fyàla ge.
9Ku nun demem to na nun là gusalngad i nawayu, stulen gamu alò gamu lwe,
na nangam tulen di dademe to i dad santulenyu i là fakay tulen di dale,
10du ku gmadè i dademe to, talandè ksaligla ge, na baling ge myà,
na sasè dengegam kel di atuan, du tmulen ge i là fakay moon gadè i dademe to.
11Too fye fanlinge i talù too mastadè,
salngad kafye i kafye falas di gumnè i harì.
12I fngewe i to fulung faldam di to too fulung flinge,
too mabtas fa di kas mgimò mdà di too glut blawen.
13I to dek tmulen too gsalig, gafye nawa i to mdek kenen,
salngad kafye nawa i to nun too tno yéél di kinit i duh di bang kaktu.
14I to makang nun blén, bay laan gafles blé dun
salngad too mlabun na too mnus, bay là gafles mulen.
15I to fganag i taluan na ftahaan i nawan,
gamguman nawa dad gumdatah i mgal ulu.
16Ku minum ge tnab, nang flukas, du ken utaam.
17Nang ge alì tlang di gumnè i demem to,
du ken glukas na knangan ge.
18I to tmulen kéng gablà di demen to di gususay gamfati
salngad i bunal, sundang, na i sait gamban du gamfati.
19Én ksasè i to smalig di to là gsalig di bang nun ksamuk,
salngad ksasè i kifan maglifò na i satu blì là gmagan du slame landè gukmamu.
20I to flehew mlingag di bang nun klidù nawa i demen to,
salngad ku maglus i klaweh di bang katno
demen ku nkah kahì i seey, du slame là fakay du mgutes i ksasean.
21Ku bitil i to dmuen gamu fankaanyu kenen,
ku malinum banléyu kenen ninum,
22du ku ani nimoam, mbaling kenen too myà mdà di kafsasean gamu,
na gdawatyu untung mdà di Dwata.
23Ku bang i balat too gafles mulen
salngad kagafles i kalbut ku nun malsalék.
24Fye fa ku i lagi nun yaan mnè di too tukay lawig
di satnù di gumnè i yaanan mayè mugak.
25I fye tulen mdà di gumawag banwe too fye di nawam
salngad i kafye nawa i to malinum di kinuman i yéél tno.
26Too makakdo i to matlu ku naginan i to sasè,
salngad i to gal magu ku kel di sfuten na di gal gusmulu na slame malbal.
27Ku minum ge tnab, sasè ku flukasam,
salngad i ksasè ku én fanngabalam i kdayen mdà di dad to.
28I to là gadnanan i kton laan gtabeng i kton,
salngad i syudad tamalbà i batu labatan, talandè kibò tmabeng i dad to déén.
© 2014, Wycliffe Bible Translators, Inc. All rights reserved.
Dad Fngewe 25
25
Dademe dad mabtas fngewe Solomon
1Ani dademe dad mabtas fngewe Harì Solomon,
i sulat dad to Hésékaya harì di banwe Dyuda.
Na ani dunan:
2Nafeito Dwata, du mdà di laan fa fgadè di gito,
bay nafeito dad harì, du mdà di takafgadèla di gito.
3Là fakay gadè dad fandam i dad harì, du mdatah fa di gito fandam,
du i fandamla mdatah gambet kdatah i langit na mngalam gambet kngalam i mahin.
4Funa fwè i gbol di salafì, klon fa
mlé dun di to msel, du fye nun gimoan i fye baweh.
5Na salngad én, funa falwà di muna i harì i dad to sasè kafngewela,
du fye i kagotan mbaling matlu.
6Ku déén ge di muna i harì, nangam fdatah i ktom,
na nang ge sudeng di gusudeng i mdatah to,
7du fye fa ku manan di ge, “Dini ge di too fye gusudeng,”
di kafyaan ge fagu di kmanan, “Blém i gusudengam di mdatah to ani.”
8Nang ge flal tmulen di gususay, balù nun teenam, du ken là glut,
du ken nun dademe to tmulen na là salngad i ktulenyu,
du ku là salngad, landè kiboam ku fyàla ge.
9Ku nun demem to na nun là gusalngad i nawayu, stulen gamu alò gamu lwe,
na nangam tulen di dademe to i dad santulenyu i là fakay tulen di dale,
10du ku gmadè i dademe to, talandè ksaligla ge, na baling ge myà,
na sasè dengegam kel di atuan, du tmulen ge i là fakay moon gadè i dademe to.
11Too fye fanlinge i talù too mastadè,
salngad kafye i kafye falas di gumnè i harì.
12I fngewe i to fulung faldam di to too fulung flinge,
too mabtas fa di kas mgimò mdà di too glut blawen.
13I to dek tmulen too gsalig, gafye nawa i to mdek kenen,
salngad kafye nawa i to nun too tno yéél di kinit i duh di bang kaktu.
14I to makang nun blén, bay laan gafles blé dun
salngad too mlabun na too mnus, bay là gafles mulen.
15I to fganag i taluan na ftahaan i nawan,
gamguman nawa dad gumdatah i mgal ulu.
16Ku minum ge tnab, nang flukas, du ken utaam.
17Nang ge alì tlang di gumnè i demem to,
du ken glukas na knangan ge.
18I to tmulen kéng gablà di demen to di gususay gamfati
salngad i bunal, sundang, na i sait gamban du gamfati.
19Én ksasè i to smalig di to là gsalig di bang nun ksamuk,
salngad ksasè i kifan maglifò na i satu blì là gmagan du slame landè gukmamu.
20I to flehew mlingag di bang nun klidù nawa i demen to,
salngad ku maglus i klaweh di bang katno
demen ku nkah kahì i seey, du slame là fakay du mgutes i ksasean.
21Ku bitil i to dmuen gamu fankaanyu kenen,
ku malinum banléyu kenen ninum,
22du ku ani nimoam, mbaling kenen too myà mdà di kafsasean gamu,
na gdawatyu untung mdà di Dwata.
23Ku bang i balat too gafles mulen
salngad kagafles i kalbut ku nun malsalék.
24Fye fa ku i lagi nun yaan mnè di too tukay lawig
di satnù di gumnè i yaanan mayè mugak.
25I fye tulen mdà di gumawag banwe too fye di nawam
salngad i kafye nawa i to malinum di kinuman i yéél tno.
26Too makakdo i to matlu ku naginan i to sasè,
salngad i to gal magu ku kel di sfuten na di gal gusmulu na slame malbal.
27Ku minum ge tnab, sasè ku flukasam,
salngad i ksasè ku én fanngabalam i kdayen mdà di dad to.
28I to là gadnanan i kton laan gtabeng i kton,
salngad i syudad tamalbà i batu labatan, talandè kibò tmabeng i dad to déén.
© 2014, Wycliffe Bible Translators, Inc. All rights reserved.