ᐃᔑᒋᑫᐎᓇᓐ 24
24
ᑳᑮᐃᔑᐊᓈᒥᒥᓐᒡ ᑆᓬ
1ᓈᓄᑮᔑᒃ ᑕᔥ ᐁᐊᓂ ᐃᔑᓭᓂᒃ ᑭᒋᐊᓇᒥᐁᐎᑭᒫ ᐋᓇᓈᔭᔅ Ananias ᐁᔑᓂᑳᓱᒡ ᑮᐲᔖ ᐁᐐᒌᐎᑯᒡ ᐋᓂᑕ ᑳᓃᑳᓀᑖᑯᓯᓂᒡ ᒎᐗᐞ, ᐃᓂ ᑲᔦ ᐯᔑᒃ ᐅᓈᑖᒫᑫᓐ ᑕᕒᑕᓬᐊᔅ Tertullus ᐁᐃᔑᓂᑳᓱᓂᒡ᙮ ᒦᑕᔥ ᑳᑮ ᑕᔑᑕᒪᐙᐙᒡ ᐲᓬᐃᑭᓴᓐ ᑳᑎᐯᑕᒥᓂᒡ ᐊᑭ, ᐋᓃᓐ ᐁᔑ ᐊᓈᒥᒫᐙᒡ ᑆᓬᐊᓐ᙮ 2ᒦᑕᔥ ᑆᓬ ᑳᔑ ᐊᑐᒥᓐᒡ᙮ ᑕᕒᑕᓬᐊᓴᓐ ᑮᒫᒌ ᑲᑭᑐᐗᓐ ᐁᒪᒥᔑᒥᑯᒡ ᐁᐃᑭᑐᓂᒡ:
ᑮᓐ ᑫᒋ ᐃᓀᑖᑯᓯᔭᓐ ᐲᓬᐃᑭᔅ Felix! ᑮᓐ ᓴ ᐁᑲᑮᑖᐎ ᐅᑭᒫᑲᑖᑫᔭᓐ ᐋᔕ ᑭᓉᔥ ᑳᐅᒋ ᐱᓵᓇᑲᒥᑲᒃ ᓂᑕᑮᓈᓂᕽ, ᒦᔥ ᑲᔦ ᑳᓂᐅᒋ ᒥᓄᓭᒋᑳᑌᑭᓐ ᑫᑰᓇᓐ ᑳᒫᔑᓭᐃᑯᔮᕽ ᐊᐗᔑᒣ ᒋᒥᓄᓭᔮᕽ ᐅᐅᒫ ᓂᑕᑮᓈᓂᕽ᙮ 3ᒥᓯᐌ ᑕᔥ ᓂᒥᓉᑖᒥᓐ ᐅᓄ ᒨᔕᒃ; ᑭᒋ ᒦᑴᒡ ᑕᔥ ᑭᑎᑰ᙮ 4ᑳᐐᓐ ᑕᔥ ᐊᐗᔑᒣ ᓂᑎᓀᑕᓰ ᒋᐅᑕᒥᓇᒪᐎᓈᓐ ᑭᑎᐸᐃᑲᓐ, ᒦᔥ ᐁᔑ ᐸᑯᓭᓂᒥᓈᓐ ᑳᔑ ᓂᑖ ᒥᓄᒋᑫᔭᓐ ᐊᒋᓇ ᒋᐱᓯᑕᐎᔮᕽ ᑳᐐᐃᑰᔭᓐ᙮ 5ᓂᑮᒥᑲᐙᓈᓐ ᓴ ᐗᐊ ᐃᓂᓂ ᐁᓂᔑᐗᓈᑕᑲᒥᑭᓯᒡ, ᒦ ᐄᑐᒃ ᐗᐊ ᑳᐸᐹ ᐅᒻᐺᑲᒥᑭᓯᒡ ᒥᓯᐌ ᐊᑮᕽ ᐁᔑ ᐊᔮᓂᒡ ᒎᐗᐞ᙮ ᐅᓃᑳᓂᔥᑲᐙᐞ ᑲᔦ ᐌᑸᓄᓂᒡ ᓈᓴᕒᐄᐎᓂᓂᐗᐞ#24.5 ᓈᓴᕒᐄᐎᓂᓂ: ᓈᓴᕒᐄᐎᓂᓂᐗᒃ ᑮᐃᔑᓂᑳᒋᑲᓂᐎᐗᒃ ᑳᑮ ᑌᐺᐗᑫᓂᒫᓂᒡ ᒋᓴᓲᓐ, ᐋᓃᔥ ᒋᓴᔅ ᓈᓴᕒᐃᑎᕽ ᑮᐅᒌ᙮ Nazarene᙮ 6ᐗᐊ ᑕᔥ ᑲᔦ ᐃᓂᓂ ᐅᑮᑲᑴ ᐐᓀᑖᑯᑑᓐ ᑭᒋᐊᓇᒥᐁᐎᑲᒥᒃ, ᐃᑕᐙ ᑕᔥ ᓂᑮᐅᑎᑎᓈᓈᓐ᙮ [ᓃᓇᐎᓐᑦ ᓴ ᑯ ᓂᐐ ᑎᐹᑯᓈᓈᐸᓐ ᐁᔑᓯᓂᓂᒃ ᓂᑑᓇᔓᐌᐎᓂᓈᓐ᙮ 7ᑭᒋ ᔑᒫᑲᓂᔒᐎᑭᒫ ᑕᔥ ᓬᐃᓯᔭᔅ Lysias ᓂᑮᒨᑮᑖᑯᓈᓐ ᐁᑮ ᒪᓈᒋᒋᑫᓯᒃ ᐁᒪᑲᒥᔭᒥᓐᒡ ᑆᓬᐊᓐ, 8ᐁᑮᐃᓈᑯᓂᑫᒡ ᐃᐃ ᑳᒪᒥᔑᒥᐌᓂᒡ ᐅᐅᒫ ᒋᐲᔖᓂᒡ ᐁᔑ ᐊᔮᐗᒡ᙮]#24.6-8 ᐅᐅᐌ ᑳᐃᔑ ᑭᑭᓇᐙᒋᐲᐃᑳᑌᒃ [ ] 6,7,8 ᐅᔑᐲᐃᑲᓀᓴᓐ, ᑳᐐᓐ ᑮᐊᔑᒋᐲᐃᑳᑌᓯᓄᐗᓐ ᐋᓂᑕ ᑫᑌᐅᔑᐲᐃᑫᐎᓂᕽ᙮ ᐊᑕ ᑭᑫᓂᒪᒡ ᑕᔥ ᑮᓐ ᐃᑯ ᑭᑲ ᑭᑫᑖᓐ ᐁᑌᐱᒪᑭᒡ ᑲᑭᓇ ᐅᓄ ᑳᔑ ᐊᓈᒥᒪᑭᒡ, ᑮᐃᑭᑐ ᐊᐊ ᐅᓈᑕᒫᑫ᙮ 9ᒎᐗᒃ ᑕᔥ ᑫᐐᓇᐙ ᐅᑮ ᐐᒋᑑᓈᐙ ᐃᐃᐌᓂ ᑳᑮᐃᔑ ᐊᓈᒥᒥᒥᓐᒡ, ᐁᑮᐃᑭᑐᐙᒡ ᑲᑭᓇ ᐃᓂ ᐁᑌᐺᐗᓂᓂᑭᓐ᙮
ᑆᓬ ᑮᑳᑮᑭᑐᐎᓈᑕᒫᓱᒡ ᐁᔑᐊᔮᓂᒡ ᐲᓬᐃᑭᓴᓐ
10ᐊᐲ ᑕᔥ ᑳᑎᐯᑕᒥᓂᒡ ᐃᐃ ᐊᑭ ᑳᐙᑕᐊᒫᑯᒡ ᒋᑮᑭᑐᒡ, ᑆᓬ Paul ᑮᐃᔑ ᓇᑴᑕᒻ: ᓂᑭᑫᑖᓐ ᐋᔕ ᑭᓉᔥ ᑕᓱᐱᐴᓐ ᐁᐱ ᐅᓈᑯᓇᑣ ᐅᐅᒫ ᐊᑮᕽ ᐌᒋ ᑎᐯᑖᑯᓯᐙᒡ᙮ ᐐᑫ ᑕᔥ ᓂᒥᓉᑕᒻ ᒋᑮᑭᑑᑕᒫᓱᔮᓐ᙮ 11ᑮᓐ ᓴᑯ ᑭᑲᐌᒋᒥᑳᓐ ᑳᐐᓐ ᐊᐗᔑᒣ ᒥᑖᔑᓃᔓ ᑮᔑᒃ 12 ᑮᐃᔑᓭᓯᓅᓐ ᑳᑮᐃᔖᔮᓐ ᒉᕒᐆᓴᓬᐊᒥᕽ Jerusalem ᐁᑮᐊᐎ ᐊᓇᒥᐋᔮᓐ᙮ 12ᑳᐐᓐ ᓂᑮᒥᑳᑯᓰᒃ ᒎᐗᒃ ᒋᑲᑴ ᔖᑰᓱᒥᒪᒃ ᐊᐎᔭᐞ ᐲᒋ ᑭᒋᐊᓇᒥᐁᐎᑲᒥᑯᕽ, ᒋᐅᒻᐺᑲᒥᑭᓯᐗᒃ ᑲᔦ ᐁᔑ ᒫᒫᐎᐊᔮᓂᐗᓂᓂᒃ᙮ ᑳᐐᓐ ᑲᔦ ᐊᓇᒥᐁᐎᑲᒥᑯᑳᕽ, ᑳᐐᓐ ᑲᔦ ᐱᑯ ᐋᑎ ᐆᑌᓈᕽ᙮ 13ᑳᐐᓐ ᑲᔦ ᐅᑲ ᑲᔥᑭᑑᓰᓈᐙ ᒋᐙᐸᑕᐃᒀ ᐁᑌᐱᒥᐙᒡ ᐃᐃ ᓅᑯᒻ ᑳᔑ ᒪᒥᔑᒥᐙᒡ᙮ 14ᐅᐅᐌ ᑕᔥ ᐐᓐ ᑭᐐᑕᒪᐎᓐ, ᓃᓐ ᐁᐊᓇᒥᐁᑕᐎᒪᒃ ᑳᐅᑭᔐᒪᓂᑑᒥᐙᒡ ᓂᑫᑌᔭᐋᒥᓈᐸᓃᒃ ᐁᐱᒥᓂᔕᐊᒫᓐ ᐃᐃ ᐃᔖᐎᓐ, ᒎᐗᒃ ᑳᐃᑕᒧᐙᒡ ᐁᑌᐺᐗᓯᓂᓂᒃ᙮ ᓂᑌᐺᑖᓐ ᑕᔥ ᑲᔦ ᑲᑭᓇ ᑫᑰᓐ ᐁᓇᑌᓂᒃ ᒨᓯᔅ ᐅᑑᓇᔓᐌᐎᓐ, ᐃᐃ ᑲᔦ ᒪᓯᓇᐃᑲᓐ ᑳᔑ ᐅᔑᐲᐃᑳᑌᓂᑭᓐ ᐅᑎᑭᑐᐎᓂᐙᓐ ᑳᑮ ᑲᓅᑕᒪᐙᐙᒡ ᑭᔐᒪᓂᑑᓐ᙮ 15ᒦᑕᔥ ᑫᓃᓐ ᐯᔥᑾᓐ ᐁᔑ ᑌᐺᔦᓂᒪᒃ ᑭᔐᒪᓂᑑ ᑖᐱᔥᑰ ᐅᑯᐌᓂᐗᒃ ᑳᔑ ᑌᐺᔦᑕᒧᐙᒡ: ᒋᑮᐌ ᐱᒫᑎᓯᐙᒡ ᐅᑾᔭᒀᑎᓰᒃ, ᐃᑭ ᑲᔦ ᐅᒪᒋ ᐃᔑᐌᐱᓰᒃ ᑳᓂᐳᐙᒡ᙮ 16ᒦᑕᔥ ᒨᔕᒃ ᑳᐅᒋ ᐃᔑᒋᑫᔮᓐ, ᐁᑲᑴ ᑲᓇᐌᓂᑎᓱᔮᓐ ᑾᔭᒃ ᒋᐃᔑᓈᑾᒃ ᑳᔑ ᓈᓈᑲᑕᐌᑕᒫᓐ ᐁᓈᓴᒦᒡ ᑭᔐᒪᓂᑑ, ᐃᑭ ᑲᔦ ᐯᒫᑎᓯᐙᒡ᙮
17 # Acts 21.17-28. ᑭᓉᔥ ᑕᔥ ᑕᓱᐱᐴᓐ ᐁᑮᐅᑌᑎᔮᓐ, ᒉᕒᐆᓴᓬᐊᒥᕽ Jerusalem ᓂᑮᐱᔑ ᑮᐌ ᐁᑮ ᐲᑕᒪᐗᒀ ᑳᑭᑎᒫᑭᓯᐙᒡ ᒦᑭᐙᓇᓐ, ᑲᔦ ᑕᔥ ᒋᐸᑭᑎᓈᓱᔮᓐ᙮ 18ᒣᒀ ᑕᔥ ᐅᐅ ᐁᐃᔑᒋᑫᐗᒃ, ᒦ ᐃ ᑳᑮ ᒥᑲᐎᐙᒡ ᑭᒋᐊᓇᒥᐁᐎᑲᒥᑯᕽ ᐋᔕ ᐁᑮᑮᔑ ᐃᔑᒋᑫᐗᒃ ᐃᐃ ᐃᔑᒋᑫᐎᓐ ᑳᓂᑖ ᐃᔑᒋᑫᕽ ᑫᐅᒋ ᐯᑫᑖᑯᓯᓈᓂᐗᕽ ᐁᓈᓴᒦᒡ ᑭᔐᒪᓂᑑ᙮ ᑳᐐᓐ ᓂᑮᐐᒌᐎᑯᓰᒃ ᐊᐎᔭᒃ ᒋᐹᑏᓄᐙᒡ, ᑳᐐᓐ ᑲᔦ ᓂᑮᐅᒻᐺᑲᒥᑭᓯᓰ᙮ 19ᐊᔮᐗᒃ ᑕᔥ ᐋᓂᑕ ᒎᐗᒃ ᐁᔑᔭ Asia ᐊᑮᕽ ᐌᒋᐙᒡ ᐅᐅᒫ ᑫᐐᓇᐙ ᑫᑮᐊᔮᐙᐸᓐ ᐁᔑ ᐊᔮᐗᒡ ᒋᑮᐐᑕᒪᐎᒀᐸᓐ ᑮᔥᐱᓐ ᑫᑰᓐ ᐊᔮᓂᑴᓐ ᐁᔑ ᒪᒥᔑᒥᐙᒡ᙮ 20ᑯᒫᔥ ᑲᔦ ᐅᑯᐌᓂᐗᒃ ᐃᓂᓂᐗᒃ ᐅᐅᒫ ᑳᐊᔮᐙᒡ ᐅᑖ ᐐᑖᓈᐙ ᐌᑯᓀᓐ ᑎᓄ ᒪᒫᔑᐎᓐ ᑳᐃᔑᒋᑫᐗᒃ ᐊᐲ ᑮᐃᓈᓴᒥᑳᐸᐎᑕᐎᒪᒃ ᐅᑑᓇᔓᐌᐞ᙮ 21#Acts 23.6. ᑯᒫ ᑕᔥ ᑲᔦ ᐅᐅ ᓂᑮᐃᔑ ᒪᒫᔑᓈᑐᒃ ᐯᔑᒃ ᐃᑭᑐᐎᓐ ᑳᑮᐃᔑ ᔖᑯᐌᔮᓐ ᒣᒀ ᐌᑎ ᐁᓃᐸᐎᔮᓐ: ᐁᑌᐺᑕᒫᓐ ᓂᐳᐎᓂᕽ ᒋᐅᒋ ᑮᐌ ᐱᒫᑎᓯᓈᓂᐗᕽ, ᒦ ᐃ ᑳᐅᒋ ᑎᐹᑯᓂᔦᒃ ᓅᑯᒻ ᑳᑮᔑᑲᒃ ᐅᐅ ᐁᐃᓈᓴᒥᑳᐸᐎᑕᐎᓇᑰᒃ, ᑆᓬ ᑮᐃᑭᑐ᙮
22ᐊᐊ ᑕᔥ ᐲᓬᐃᑭᔅ Felix ᐁᔑᓂᑳᓱᒡ, ᑳᓇᑲᒋᑭᑫᑕᕽ ᐃᔖᐎᓐ ᑮᐃᑭᑐ ᒋᐴᓂᒋᑳᑌᓂᒃ ᐃᐃ ᒫᐗᒋᐃᑎᐎᓐ᙮ ᒦᑕᔥ ᑳᐃᑭᑐᒡ: ᐊᐲ ᓬᐃᓯᔭᔅ Lysias ᑭᒋ ᔑᒫᑲᓂᔒᐎᑭᒫ ᑕᑯᔑᕽ ᓂᑲ ᐅᓀᑖᓐ ᐋᓃᓐ ᑫᐃᓈᑯᓂᑰᔭᓐ, ᑮᐃᑭᑐ᙮ 23ᐅᑮᐊᓅᓈᓐ ᑕᔥ ᔑᒫᑲᓂᔒᐎᑭᒫᓐ ᑾᔭᒃ ᒋᑲᓇᐌᓂᒫᓂᒡ ᑆᓬᐊᓐ, ᐱᓵᓐ ᑲᔦ ᐗᐃᔑᒋᑫᓂᒡ ᒋᐃᔑᒋᑫᓂᒡ, ᐱᓵᓐ ᑲᔦ ᒋᐸᑭᑎᓈᓂᒡ ᐃᐃ ᑳᓵᑭ ᐐᒌᐎᑯᓂᒡ ᒋᐸᒥᐃᑯᓂᒡ᙮
24ᓈᓈᑫ ᑕᔥ ᐁᐊᓂ ᐃᔑᓭᓂᒃ, ᐲᓬᐃᑭᔅ ᑮᐲᔖ ᐁᐐᒌᐙᒡ ᐐᐗᓐ ᒐᕒᐅᓯᓬᐊ Drusilla ᑳᐃᔑᓂᑳᓱᓂᒡ, ᐁᒎᐎᑴᐎᓂᒡ᙮ ᒦᑕᔥ ᑳᑮᐊᑐᒫᒡ ᑆᓬᐊᓐ ᒋᓈᓯᑲᐎᒥᓐᒡ᙮ ᐅᑮ ᐱᓯᑕᐙᓐ ᑕᔥ ᐁᑕᔑᑕᒥᓂᒡ ᐁᔑ ᑌᐺᔦᓂᒥᒥᓐᒡ X ᒋᓴᓲᓐ᙮ 25ᐅᑮ ᑕᔑᑕᒥᓂ ᑾᔭᒀᑎᓯᐎᓐ, ᑾᔭᑯ ᑎᐯᓂᒥᑎᓱᐎᓐ, ᐃᐃ ᑲᔦ ᐱᒌᓇᒃ ᑳᐐ ᑎᐹᑯᓂᑫᐎ ᑮᔑᑲᓂᓂᒃ᙮ ᐲᓬᐃᑭᔅ ᑕᔥ ᑮᓭᑭᓯ ᐁᑮᐃᑭᑐᒡ: ᒦ ᐃ ᑌᒥᓂᒃ! ᐊᓂᒫᒑᓐ᙮ ᐊᐲ ᓇᐃᓭᔮᓐ ᒦᓇᐙ ᑭᑲᐊᑐᒥᓐ, ᐅᑮᐃᓈᓐ᙮ 26ᑮᑕᑯ ᐸᑯᓭᓂᒧ ᔔᓂᔮᓐ ᒋᑮᒨᒋ ᒦᓂᑯᒡ#24.26 ᔔᓂᔮᓐ ᒋᑮᒨᒋ ᒦᓂᑯᒡ: ᐋᓂᑕ ᑳᑮᐅᑭᒪᐎᐙᒡ ᐅᑮ ᑮᒨᒋᐅᑖᐱᓈᐙᓐ ᑕᑯᓂᑲᓇᓐ ᐅᔔᓂᔮᒥᓂ ᑫᐅᒋ ᐸᑭᑎᓈᐙᒡ᙮ ᑳᐐᓐ ᑕᔥ ᐃᐃ ᒋᑮᐃᔑᒋᑫᐙᐸᓐ᙮ ᑆᓬᐊᓐ᙮ ᒦᑕᔥ ᐃᐃ ᐗᐐᐸ ᑳᑮᐅᒋ ᓂᑖ ᓈᒋᓂᔕᐙᒡ, ᐁᑮᓂᑖ ᑲᑲᓅᓈᒡ ᑲᔦ᙮
27ᐊᐲ ᑕᔥ ᓃᔓ ᐱᐴᓐ ᐁᐃᔑᓭᓂᒃ ᐲᓬᐃᑭᔅ ᐅᑮᓈᐱᔥᑳᑰᓐ ᐃᓂ ᑆᕒᔑᔭᔅ ᐯᔅᑕᔅ Porcius Festus ᐁᔑᓂᑳᓱᓂᒡ᙮ ᒋᒥᓍᐸᒥᑯᒡ ᑕᔥ ᒎᐗᐞ ᐲᓬᐃᑭᔅ ᑳᐐᓐ ᐅᑮ ᐸᐹᒣᓂᒫᓰᓐ ᑆᓬᐊᓐ ᐁᑕᑯᓂᒥᓐᒡ᙮
Ojibwe Shorter Bible (Syllabic Script) © 2008 Canadian Bible Society
ᐃᔑᒋᑫᐎᓇᓐ 24
24
ᑳᑮᐃᔑᐊᓈᒥᒥᓐᒡ ᑆᓬ
1ᓈᓄᑮᔑᒃ ᑕᔥ ᐁᐊᓂ ᐃᔑᓭᓂᒃ ᑭᒋᐊᓇᒥᐁᐎᑭᒫ ᐋᓇᓈᔭᔅ Ananias ᐁᔑᓂᑳᓱᒡ ᑮᐲᔖ ᐁᐐᒌᐎᑯᒡ ᐋᓂᑕ ᑳᓃᑳᓀᑖᑯᓯᓂᒡ ᒎᐗᐞ, ᐃᓂ ᑲᔦ ᐯᔑᒃ ᐅᓈᑖᒫᑫᓐ ᑕᕒᑕᓬᐊᔅ Tertullus ᐁᐃᔑᓂᑳᓱᓂᒡ᙮ ᒦᑕᔥ ᑳᑮ ᑕᔑᑕᒪᐙᐙᒡ ᐲᓬᐃᑭᓴᓐ ᑳᑎᐯᑕᒥᓂᒡ ᐊᑭ, ᐋᓃᓐ ᐁᔑ ᐊᓈᒥᒫᐙᒡ ᑆᓬᐊᓐ᙮ 2ᒦᑕᔥ ᑆᓬ ᑳᔑ ᐊᑐᒥᓐᒡ᙮ ᑕᕒᑕᓬᐊᓴᓐ ᑮᒫᒌ ᑲᑭᑐᐗᓐ ᐁᒪᒥᔑᒥᑯᒡ ᐁᐃᑭᑐᓂᒡ:
ᑮᓐ ᑫᒋ ᐃᓀᑖᑯᓯᔭᓐ ᐲᓬᐃᑭᔅ Felix! ᑮᓐ ᓴ ᐁᑲᑮᑖᐎ ᐅᑭᒫᑲᑖᑫᔭᓐ ᐋᔕ ᑭᓉᔥ ᑳᐅᒋ ᐱᓵᓇᑲᒥᑲᒃ ᓂᑕᑮᓈᓂᕽ, ᒦᔥ ᑲᔦ ᑳᓂᐅᒋ ᒥᓄᓭᒋᑳᑌᑭᓐ ᑫᑰᓇᓐ ᑳᒫᔑᓭᐃᑯᔮᕽ ᐊᐗᔑᒣ ᒋᒥᓄᓭᔮᕽ ᐅᐅᒫ ᓂᑕᑮᓈᓂᕽ᙮ 3ᒥᓯᐌ ᑕᔥ ᓂᒥᓉᑖᒥᓐ ᐅᓄ ᒨᔕᒃ; ᑭᒋ ᒦᑴᒡ ᑕᔥ ᑭᑎᑰ᙮ 4ᑳᐐᓐ ᑕᔥ ᐊᐗᔑᒣ ᓂᑎᓀᑕᓰ ᒋᐅᑕᒥᓇᒪᐎᓈᓐ ᑭᑎᐸᐃᑲᓐ, ᒦᔥ ᐁᔑ ᐸᑯᓭᓂᒥᓈᓐ ᑳᔑ ᓂᑖ ᒥᓄᒋᑫᔭᓐ ᐊᒋᓇ ᒋᐱᓯᑕᐎᔮᕽ ᑳᐐᐃᑰᔭᓐ᙮ 5ᓂᑮᒥᑲᐙᓈᓐ ᓴ ᐗᐊ ᐃᓂᓂ ᐁᓂᔑᐗᓈᑕᑲᒥᑭᓯᒡ, ᒦ ᐄᑐᒃ ᐗᐊ ᑳᐸᐹ ᐅᒻᐺᑲᒥᑭᓯᒡ ᒥᓯᐌ ᐊᑮᕽ ᐁᔑ ᐊᔮᓂᒡ ᒎᐗᐞ᙮ ᐅᓃᑳᓂᔥᑲᐙᐞ ᑲᔦ ᐌᑸᓄᓂᒡ ᓈᓴᕒᐄᐎᓂᓂᐗᐞ#24.5 ᓈᓴᕒᐄᐎᓂᓂ: ᓈᓴᕒᐄᐎᓂᓂᐗᒃ ᑮᐃᔑᓂᑳᒋᑲᓂᐎᐗᒃ ᑳᑮ ᑌᐺᐗᑫᓂᒫᓂᒡ ᒋᓴᓲᓐ, ᐋᓃᔥ ᒋᓴᔅ ᓈᓴᕒᐃᑎᕽ ᑮᐅᒌ᙮ Nazarene᙮ 6ᐗᐊ ᑕᔥ ᑲᔦ ᐃᓂᓂ ᐅᑮᑲᑴ ᐐᓀᑖᑯᑑᓐ ᑭᒋᐊᓇᒥᐁᐎᑲᒥᒃ, ᐃᑕᐙ ᑕᔥ ᓂᑮᐅᑎᑎᓈᓈᓐ᙮ [ᓃᓇᐎᓐᑦ ᓴ ᑯ ᓂᐐ ᑎᐹᑯᓈᓈᐸᓐ ᐁᔑᓯᓂᓂᒃ ᓂᑑᓇᔓᐌᐎᓂᓈᓐ᙮ 7ᑭᒋ ᔑᒫᑲᓂᔒᐎᑭᒫ ᑕᔥ ᓬᐃᓯᔭᔅ Lysias ᓂᑮᒨᑮᑖᑯᓈᓐ ᐁᑮ ᒪᓈᒋᒋᑫᓯᒃ ᐁᒪᑲᒥᔭᒥᓐᒡ ᑆᓬᐊᓐ, 8ᐁᑮᐃᓈᑯᓂᑫᒡ ᐃᐃ ᑳᒪᒥᔑᒥᐌᓂᒡ ᐅᐅᒫ ᒋᐲᔖᓂᒡ ᐁᔑ ᐊᔮᐗᒡ᙮]#24.6-8 ᐅᐅᐌ ᑳᐃᔑ ᑭᑭᓇᐙᒋᐲᐃᑳᑌᒃ [ ] 6,7,8 ᐅᔑᐲᐃᑲᓀᓴᓐ, ᑳᐐᓐ ᑮᐊᔑᒋᐲᐃᑳᑌᓯᓄᐗᓐ ᐋᓂᑕ ᑫᑌᐅᔑᐲᐃᑫᐎᓂᕽ᙮ ᐊᑕ ᑭᑫᓂᒪᒡ ᑕᔥ ᑮᓐ ᐃᑯ ᑭᑲ ᑭᑫᑖᓐ ᐁᑌᐱᒪᑭᒡ ᑲᑭᓇ ᐅᓄ ᑳᔑ ᐊᓈᒥᒪᑭᒡ, ᑮᐃᑭᑐ ᐊᐊ ᐅᓈᑕᒫᑫ᙮ 9ᒎᐗᒃ ᑕᔥ ᑫᐐᓇᐙ ᐅᑮ ᐐᒋᑑᓈᐙ ᐃᐃᐌᓂ ᑳᑮᐃᔑ ᐊᓈᒥᒥᒥᓐᒡ, ᐁᑮᐃᑭᑐᐙᒡ ᑲᑭᓇ ᐃᓂ ᐁᑌᐺᐗᓂᓂᑭᓐ᙮
ᑆᓬ ᑮᑳᑮᑭᑐᐎᓈᑕᒫᓱᒡ ᐁᔑᐊᔮᓂᒡ ᐲᓬᐃᑭᓴᓐ
10ᐊᐲ ᑕᔥ ᑳᑎᐯᑕᒥᓂᒡ ᐃᐃ ᐊᑭ ᑳᐙᑕᐊᒫᑯᒡ ᒋᑮᑭᑐᒡ, ᑆᓬ Paul ᑮᐃᔑ ᓇᑴᑕᒻ: ᓂᑭᑫᑖᓐ ᐋᔕ ᑭᓉᔥ ᑕᓱᐱᐴᓐ ᐁᐱ ᐅᓈᑯᓇᑣ ᐅᐅᒫ ᐊᑮᕽ ᐌᒋ ᑎᐯᑖᑯᓯᐙᒡ᙮ ᐐᑫ ᑕᔥ ᓂᒥᓉᑕᒻ ᒋᑮᑭᑑᑕᒫᓱᔮᓐ᙮ 11ᑮᓐ ᓴᑯ ᑭᑲᐌᒋᒥᑳᓐ ᑳᐐᓐ ᐊᐗᔑᒣ ᒥᑖᔑᓃᔓ ᑮᔑᒃ 12 ᑮᐃᔑᓭᓯᓅᓐ ᑳᑮᐃᔖᔮᓐ ᒉᕒᐆᓴᓬᐊᒥᕽ Jerusalem ᐁᑮᐊᐎ ᐊᓇᒥᐋᔮᓐ᙮ 12ᑳᐐᓐ ᓂᑮᒥᑳᑯᓰᒃ ᒎᐗᒃ ᒋᑲᑴ ᔖᑰᓱᒥᒪᒃ ᐊᐎᔭᐞ ᐲᒋ ᑭᒋᐊᓇᒥᐁᐎᑲᒥᑯᕽ, ᒋᐅᒻᐺᑲᒥᑭᓯᐗᒃ ᑲᔦ ᐁᔑ ᒫᒫᐎᐊᔮᓂᐗᓂᓂᒃ᙮ ᑳᐐᓐ ᑲᔦ ᐊᓇᒥᐁᐎᑲᒥᑯᑳᕽ, ᑳᐐᓐ ᑲᔦ ᐱᑯ ᐋᑎ ᐆᑌᓈᕽ᙮ 13ᑳᐐᓐ ᑲᔦ ᐅᑲ ᑲᔥᑭᑑᓰᓈᐙ ᒋᐙᐸᑕᐃᒀ ᐁᑌᐱᒥᐙᒡ ᐃᐃ ᓅᑯᒻ ᑳᔑ ᒪᒥᔑᒥᐙᒡ᙮ 14ᐅᐅᐌ ᑕᔥ ᐐᓐ ᑭᐐᑕᒪᐎᓐ, ᓃᓐ ᐁᐊᓇᒥᐁᑕᐎᒪᒃ ᑳᐅᑭᔐᒪᓂᑑᒥᐙᒡ ᓂᑫᑌᔭᐋᒥᓈᐸᓃᒃ ᐁᐱᒥᓂᔕᐊᒫᓐ ᐃᐃ ᐃᔖᐎᓐ, ᒎᐗᒃ ᑳᐃᑕᒧᐙᒡ ᐁᑌᐺᐗᓯᓂᓂᒃ᙮ ᓂᑌᐺᑖᓐ ᑕᔥ ᑲᔦ ᑲᑭᓇ ᑫᑰᓐ ᐁᓇᑌᓂᒃ ᒨᓯᔅ ᐅᑑᓇᔓᐌᐎᓐ, ᐃᐃ ᑲᔦ ᒪᓯᓇᐃᑲᓐ ᑳᔑ ᐅᔑᐲᐃᑳᑌᓂᑭᓐ ᐅᑎᑭᑐᐎᓂᐙᓐ ᑳᑮ ᑲᓅᑕᒪᐙᐙᒡ ᑭᔐᒪᓂᑑᓐ᙮ 15ᒦᑕᔥ ᑫᓃᓐ ᐯᔥᑾᓐ ᐁᔑ ᑌᐺᔦᓂᒪᒃ ᑭᔐᒪᓂᑑ ᑖᐱᔥᑰ ᐅᑯᐌᓂᐗᒃ ᑳᔑ ᑌᐺᔦᑕᒧᐙᒡ: ᒋᑮᐌ ᐱᒫᑎᓯᐙᒡ ᐅᑾᔭᒀᑎᓰᒃ, ᐃᑭ ᑲᔦ ᐅᒪᒋ ᐃᔑᐌᐱᓰᒃ ᑳᓂᐳᐙᒡ᙮ 16ᒦᑕᔥ ᒨᔕᒃ ᑳᐅᒋ ᐃᔑᒋᑫᔮᓐ, ᐁᑲᑴ ᑲᓇᐌᓂᑎᓱᔮᓐ ᑾᔭᒃ ᒋᐃᔑᓈᑾᒃ ᑳᔑ ᓈᓈᑲᑕᐌᑕᒫᓐ ᐁᓈᓴᒦᒡ ᑭᔐᒪᓂᑑ, ᐃᑭ ᑲᔦ ᐯᒫᑎᓯᐙᒡ᙮
17 # Acts 21.17-28. ᑭᓉᔥ ᑕᔥ ᑕᓱᐱᐴᓐ ᐁᑮᐅᑌᑎᔮᓐ, ᒉᕒᐆᓴᓬᐊᒥᕽ Jerusalem ᓂᑮᐱᔑ ᑮᐌ ᐁᑮ ᐲᑕᒪᐗᒀ ᑳᑭᑎᒫᑭᓯᐙᒡ ᒦᑭᐙᓇᓐ, ᑲᔦ ᑕᔥ ᒋᐸᑭᑎᓈᓱᔮᓐ᙮ 18ᒣᒀ ᑕᔥ ᐅᐅ ᐁᐃᔑᒋᑫᐗᒃ, ᒦ ᐃ ᑳᑮ ᒥᑲᐎᐙᒡ ᑭᒋᐊᓇᒥᐁᐎᑲᒥᑯᕽ ᐋᔕ ᐁᑮᑮᔑ ᐃᔑᒋᑫᐗᒃ ᐃᐃ ᐃᔑᒋᑫᐎᓐ ᑳᓂᑖ ᐃᔑᒋᑫᕽ ᑫᐅᒋ ᐯᑫᑖᑯᓯᓈᓂᐗᕽ ᐁᓈᓴᒦᒡ ᑭᔐᒪᓂᑑ᙮ ᑳᐐᓐ ᓂᑮᐐᒌᐎᑯᓰᒃ ᐊᐎᔭᒃ ᒋᐹᑏᓄᐙᒡ, ᑳᐐᓐ ᑲᔦ ᓂᑮᐅᒻᐺᑲᒥᑭᓯᓰ᙮ 19ᐊᔮᐗᒃ ᑕᔥ ᐋᓂᑕ ᒎᐗᒃ ᐁᔑᔭ Asia ᐊᑮᕽ ᐌᒋᐙᒡ ᐅᐅᒫ ᑫᐐᓇᐙ ᑫᑮᐊᔮᐙᐸᓐ ᐁᔑ ᐊᔮᐗᒡ ᒋᑮᐐᑕᒪᐎᒀᐸᓐ ᑮᔥᐱᓐ ᑫᑰᓐ ᐊᔮᓂᑴᓐ ᐁᔑ ᒪᒥᔑᒥᐙᒡ᙮ 20ᑯᒫᔥ ᑲᔦ ᐅᑯᐌᓂᐗᒃ ᐃᓂᓂᐗᒃ ᐅᐅᒫ ᑳᐊᔮᐙᒡ ᐅᑖ ᐐᑖᓈᐙ ᐌᑯᓀᓐ ᑎᓄ ᒪᒫᔑᐎᓐ ᑳᐃᔑᒋᑫᐗᒃ ᐊᐲ ᑮᐃᓈᓴᒥᑳᐸᐎᑕᐎᒪᒃ ᐅᑑᓇᔓᐌᐞ᙮ 21#Acts 23.6. ᑯᒫ ᑕᔥ ᑲᔦ ᐅᐅ ᓂᑮᐃᔑ ᒪᒫᔑᓈᑐᒃ ᐯᔑᒃ ᐃᑭᑐᐎᓐ ᑳᑮᐃᔑ ᔖᑯᐌᔮᓐ ᒣᒀ ᐌᑎ ᐁᓃᐸᐎᔮᓐ: ᐁᑌᐺᑕᒫᓐ ᓂᐳᐎᓂᕽ ᒋᐅᒋ ᑮᐌ ᐱᒫᑎᓯᓈᓂᐗᕽ, ᒦ ᐃ ᑳᐅᒋ ᑎᐹᑯᓂᔦᒃ ᓅᑯᒻ ᑳᑮᔑᑲᒃ ᐅᐅ ᐁᐃᓈᓴᒥᑳᐸᐎᑕᐎᓇᑰᒃ, ᑆᓬ ᑮᐃᑭᑐ᙮
22ᐊᐊ ᑕᔥ ᐲᓬᐃᑭᔅ Felix ᐁᔑᓂᑳᓱᒡ, ᑳᓇᑲᒋᑭᑫᑕᕽ ᐃᔖᐎᓐ ᑮᐃᑭᑐ ᒋᐴᓂᒋᑳᑌᓂᒃ ᐃᐃ ᒫᐗᒋᐃᑎᐎᓐ᙮ ᒦᑕᔥ ᑳᐃᑭᑐᒡ: ᐊᐲ ᓬᐃᓯᔭᔅ Lysias ᑭᒋ ᔑᒫᑲᓂᔒᐎᑭᒫ ᑕᑯᔑᕽ ᓂᑲ ᐅᓀᑖᓐ ᐋᓃᓐ ᑫᐃᓈᑯᓂᑰᔭᓐ, ᑮᐃᑭᑐ᙮ 23ᐅᑮᐊᓅᓈᓐ ᑕᔥ ᔑᒫᑲᓂᔒᐎᑭᒫᓐ ᑾᔭᒃ ᒋᑲᓇᐌᓂᒫᓂᒡ ᑆᓬᐊᓐ, ᐱᓵᓐ ᑲᔦ ᐗᐃᔑᒋᑫᓂᒡ ᒋᐃᔑᒋᑫᓂᒡ, ᐱᓵᓐ ᑲᔦ ᒋᐸᑭᑎᓈᓂᒡ ᐃᐃ ᑳᓵᑭ ᐐᒌᐎᑯᓂᒡ ᒋᐸᒥᐃᑯᓂᒡ᙮
24ᓈᓈᑫ ᑕᔥ ᐁᐊᓂ ᐃᔑᓭᓂᒃ, ᐲᓬᐃᑭᔅ ᑮᐲᔖ ᐁᐐᒌᐙᒡ ᐐᐗᓐ ᒐᕒᐅᓯᓬᐊ Drusilla ᑳᐃᔑᓂᑳᓱᓂᒡ, ᐁᒎᐎᑴᐎᓂᒡ᙮ ᒦᑕᔥ ᑳᑮᐊᑐᒫᒡ ᑆᓬᐊᓐ ᒋᓈᓯᑲᐎᒥᓐᒡ᙮ ᐅᑮ ᐱᓯᑕᐙᓐ ᑕᔥ ᐁᑕᔑᑕᒥᓂᒡ ᐁᔑ ᑌᐺᔦᓂᒥᒥᓐᒡ X ᒋᓴᓲᓐ᙮ 25ᐅᑮ ᑕᔑᑕᒥᓂ ᑾᔭᒀᑎᓯᐎᓐ, ᑾᔭᑯ ᑎᐯᓂᒥᑎᓱᐎᓐ, ᐃᐃ ᑲᔦ ᐱᒌᓇᒃ ᑳᐐ ᑎᐹᑯᓂᑫᐎ ᑮᔑᑲᓂᓂᒃ᙮ ᐲᓬᐃᑭᔅ ᑕᔥ ᑮᓭᑭᓯ ᐁᑮᐃᑭᑐᒡ: ᒦ ᐃ ᑌᒥᓂᒃ! ᐊᓂᒫᒑᓐ᙮ ᐊᐲ ᓇᐃᓭᔮᓐ ᒦᓇᐙ ᑭᑲᐊᑐᒥᓐ, ᐅᑮᐃᓈᓐ᙮ 26ᑮᑕᑯ ᐸᑯᓭᓂᒧ ᔔᓂᔮᓐ ᒋᑮᒨᒋ ᒦᓂᑯᒡ#24.26 ᔔᓂᔮᓐ ᒋᑮᒨᒋ ᒦᓂᑯᒡ: ᐋᓂᑕ ᑳᑮᐅᑭᒪᐎᐙᒡ ᐅᑮ ᑮᒨᒋᐅᑖᐱᓈᐙᓐ ᑕᑯᓂᑲᓇᓐ ᐅᔔᓂᔮᒥᓂ ᑫᐅᒋ ᐸᑭᑎᓈᐙᒡ᙮ ᑳᐐᓐ ᑕᔥ ᐃᐃ ᒋᑮᐃᔑᒋᑫᐙᐸᓐ᙮ ᑆᓬᐊᓐ᙮ ᒦᑕᔥ ᐃᐃ ᐗᐐᐸ ᑳᑮᐅᒋ ᓂᑖ ᓈᒋᓂᔕᐙᒡ, ᐁᑮᓂᑖ ᑲᑲᓅᓈᒡ ᑲᔦ᙮
27ᐊᐲ ᑕᔥ ᓃᔓ ᐱᐴᓐ ᐁᐃᔑᓭᓂᒃ ᐲᓬᐃᑭᔅ ᐅᑮᓈᐱᔥᑳᑰᓐ ᐃᓂ ᑆᕒᔑᔭᔅ ᐯᔅᑕᔅ Porcius Festus ᐁᔑᓂᑳᓱᓂᒡ᙮ ᒋᒥᓍᐸᒥᑯᒡ ᑕᔥ ᒎᐗᐞ ᐲᓬᐃᑭᔅ ᑳᐐᓐ ᐅᑮ ᐸᐹᒣᓂᒫᓰᓐ ᑆᓬᐊᓐ ᐁᑕᑯᓂᒥᓐᒡ᙮
Ojibwe Shorter Bible (Syllabic Script) © 2008 Canadian Bible Society