JAKOB 5
5
Alarü ki Atünadoyu
1Nüsa alarübo kheakü aniang, nüsa kheak thsümütsü arüpü lakhi dünkheak tripang tüsho tüzhoang. 2#Mt 6.19Nüsa lakhitbo shuhabahdo tüsho nüsa khimmihbo arinü tsühabahdo. 3Nüsa yo suna tüsho shotoyinchi thrungnü tsühabahdo, tüsho thrung ju nüsa azhihde thiyumütsan labah tüsho monü nangde nüsa shihtsü tsühabahbah. Nüsanü ahokhi nimungbo ching lakhitbo hanmukhungdo. 4Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo. 5Nüsanü alomi kheak müthangmüsünde tüsho asühakode lado; alaksahkhi nimung ching nüsa shihkih-a ludo. 6Nüsanü bahyukdo, nüsanü thiyuro-lungki mihtsürü laksahdo; nüsa ki marochih.
Arümkheam tüsho Tamkhüntamnü
7Jumonü keoniorübo, Atungpuh arüpü nimung khiungde arümkheamang. Kheahang, thulu-thsürünü alonü hi atsü akhiukshihpü mumükin tüsho mükheankim tsüng arümkheamde aleangchoh. 8Nüsa she arümkheamang, mulong ayihyih thsang, tümüde Atungpuh arüpü thüninde lah. 9Keoniorübo, nüsa thiyumükhappü thsüde khülangnü khülang azhihde datsangachih; kheahang, Thiyukhaprü khimdopü ki zhiplah. 10Keoniorübo, thsünü tüsho arümkheampü ching Atungpuh mung ching asukrü wukihrübo kheaknü amütsan luang. 11Kheahang, arümkheamrü isanü asühpü de jichoh. Jobnü arümkheamkhi nüsanü sodo, tüsho nüsanü Atungpuh lümkhi, Atungpuh amuzho tüsho mihmüthsüm ngüdo.
12 #
Mt 5.34-37
Tüshe keoniorübo, alala kheaknü alü thsüde, yinmi tamde yungsho alomi tamde yungsho püpü thiyuchihchim düthsü, tüshe nüsa Thrünpuh mahkhap khüp müyüzahpü thsüde, nüsanü am a-sho am dang yung a-sho yung dang.
13Nüsa bolung khürü küpkhukla shi? Apinü tamkhüntamnüang. Khürü asühde la shi? Apinü mungshi khün thsang. 14#Mk 6.13Nüsa bolung khürü tukthsüla shi? Apinü borü azothsürübo jiang, tüsho arünü Atungpuh mung chingnü api kheak müdangke mujujihde tamkhüntamnüshang; 15akin tamkhüntamnükhinü tukthsübuh ju athsüngubah, tüsho Atungpuhnü api asürüshihbah; tüsho anihbuhnü neak yihbeaka lasho apinü abahjihbah. 16Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah. 17Elija ju isa nangde mihtsürü lakheah tüsho tsüng marüshihpü apinü shuhmülanga jihde tamkhüntamnü, tüsho kam mahsam kheak khinu thuruk alomi ching tsüng marü. 18Jushu apinü tamkhüntamnülo tüsho thüningnü tsüng jih, tüsho alonü hibo mukhuhshih.
19I keoniorübo, nüsa bolung khürü thiyuro chingnü tsokhia labah püpürünü api belode arüsho, 20#1 Pet 4.8ha lümkhitang: shepünü aneakrü api amülim limro chingnü belode arübanü ashe chingnü api me khümkhitbah tüsho mükhebinkhi neakbo mujumüyita bahjihbah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
JAKOB 5
5
Alarü ki Atünadoyu
1Nüsa alarübo kheakü aniang, nüsa kheak thsümütsü arüpü lakhi dünkheak tripang tüsho tüzhoang. 2#Mt 6.19Nüsa lakhitbo shuhabahdo tüsho nüsa khimmihbo arinü tsühabahdo. 3Nüsa yo suna tüsho shotoyinchi thrungnü tsühabahdo, tüsho thrung ju nüsa azhihde thiyumütsan labah tüsho monü nangde nüsa shihtsü tsühabahbah. Nüsanü ahokhi nimungbo ching lakhitbo hanmukhungdo. 4Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo. 5Nüsanü alomi kheak müthangmüsünde tüsho asühakode lado; alaksahkhi nimung ching nüsa shihkih-a ludo. 6Nüsanü bahyukdo, nüsanü thiyuro-lungki mihtsürü laksahdo; nüsa ki marochih.
Arümkheam tüsho Tamkhüntamnü
7Jumonü keoniorübo, Atungpuh arüpü nimung khiungde arümkheamang. Kheahang, thulu-thsürünü alonü hi atsü akhiukshihpü mumükin tüsho mükheankim tsüng arümkheamde aleangchoh. 8Nüsa she arümkheamang, mulong ayihyih thsang, tümüde Atungpuh arüpü thüninde lah. 9Keoniorübo, nüsa thiyumükhappü thsüde khülangnü khülang azhihde datsangachih; kheahang, Thiyukhaprü khimdopü ki zhiplah. 10Keoniorübo, thsünü tüsho arümkheampü ching Atungpuh mung ching asukrü wukihrübo kheaknü amütsan luang. 11Kheahang, arümkheamrü isanü asühpü de jichoh. Jobnü arümkheamkhi nüsanü sodo, tüsho nüsanü Atungpuh lümkhi, Atungpuh amuzho tüsho mihmüthsüm ngüdo.
12 #
Mt 5.34-37
Tüshe keoniorübo, alala kheaknü alü thsüde, yinmi tamde yungsho alomi tamde yungsho püpü thiyuchihchim düthsü, tüshe nüsa Thrünpuh mahkhap khüp müyüzahpü thsüde, nüsanü am a-sho am dang yung a-sho yung dang.
13Nüsa bolung khürü küpkhukla shi? Apinü tamkhüntamnüang. Khürü asühde la shi? Apinü mungshi khün thsang. 14#Mk 6.13Nüsa bolung khürü tukthsüla shi? Apinü borü azothsürübo jiang, tüsho arünü Atungpuh mung chingnü api kheak müdangke mujujihde tamkhüntamnüshang; 15akin tamkhüntamnükhinü tukthsübuh ju athsüngubah, tüsho Atungpuhnü api asürüshihbah; tüsho anihbuhnü neak yihbeaka lasho apinü abahjihbah. 16Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah. 17Elija ju isa nangde mihtsürü lakheah tüsho tsüng marüshihpü apinü shuhmülanga jihde tamkhüntamnü, tüsho kam mahsam kheak khinu thuruk alomi ching tsüng marü. 18Jushu apinü tamkhüntamnülo tüsho thüningnü tsüng jih, tüsho alonü hibo mukhuhshih.
19I keoniorübo, nüsa bolung khürü thiyuro chingnü tsokhia labah püpürünü api belode arüsho, 20#1 Pet 4.8ha lümkhitang: shepünü aneakrü api amülim limro chingnü belode arübanü ashe chingnü api me khümkhitbah tüsho mükhebinkhi neakbo mujumüyita bahjihbah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.