IBRI 2
2
Akhümkhit Ato
1Jumonü isanü asokhi kheak mulong jihbeah, jude yungsho ju chingnü bede tsoabahbah. 2Tümüde yunirübonü akhipkhitkhi yusheak ju thiyuro tüsho athsümünim le mihyumanikhi aban thsümüchi leangkhikheasho, 3isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih, 4Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.
Akhümkhit lim Isa Bebuh
5Tümüde Thrünpuhnü, isanü athakhi arüpü lakhi alomi ju yunirübo bukkhüp mükamshih. 6Tüshe amüsühyu khürü ching thaa lah,
“Mihtsürü ju nünü alümrhihpü thsüde,
mihtsürü tsührü nünü akümpü thsüde tümü a?
7Nünü api yunirübo kheaknü anükhüh abobe thsüde thrün;
nünü api müretah tüsho wüntre thranjih,
8lüpdükhi api jing khüp yüzahshih.”
Kheakü apinü tümü she maningshihde lüpdükhi api bukkhüp kamshih. Tütüshe kheakü lüpdükhi api bukkhüp lakhi isanü müngüchoh. 9Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh. 10Tsührübo ahihdo kilim müretah handarüpü thsüde, shepü thsungkheak tüsho shepü hode lüpdükhi lakhea, thsünükhi hode arü akhümkhit putungrü khiukdahshihkhi api athülün lah. 11Tümüde shepünü tsangkhitcho tüsho sherü tsangkhita lanü alala Abuh rukhüh lah. Jumonü apinü arü ki keoniorü de ajipü machihde 12apinü thachoh,
“Inü I keoniorübo ki nü mung zhiyukbah,
amukhungrü bolung inü nü shijihbah.”
13Tüsho kheaküshe, “Inü api kheak I mulonglam zobah.” Tüsho kheaküshe, “Ha ching I, tüsho Thrünpuhnü I kilim jihkhi tsührübo lah.” 14Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu, 15tüsho ashepü trekhinü arü rhangdung amuyung azhorü chingnü zuzu kamshihpü lakheah. 16Tümüde atsütsü apinü alümkhi ju yunirübo kheak yung tüshe Abraham tsühsoniusobo kheak ah. 17Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam. 18Tümütüsho api thsünü tüsho rükakikhi hode sherü rükakia lanü apinü arungpü kuklah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
IBRI 2
2
Akhümkhit Ato
1Jumonü isanü asokhi kheak mulong jihbeah, jude yungsho ju chingnü bede tsoabahbah. 2Tümüde yunirübonü akhipkhitkhi yusheak ju thiyuro tüsho athsümünim le mihyumanikhi aban thsümüchi leangkhikheasho, 3isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih, 4Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.
Akhümkhit lim Isa Bebuh
5Tümüde Thrünpuhnü, isanü athakhi arüpü lakhi alomi ju yunirübo bukkhüp mükamshih. 6Tüshe amüsühyu khürü ching thaa lah,
“Mihtsürü ju nünü alümrhihpü thsüde,
mihtsürü tsührü nünü akümpü thsüde tümü a?
7Nünü api yunirübo kheaknü anükhüh abobe thsüde thrün;
nünü api müretah tüsho wüntre thranjih,
8lüpdükhi api jing khüp yüzahshih.”
Kheakü apinü tümü she maningshihde lüpdükhi api bukkhüp kamshih. Tütüshe kheakü lüpdükhi api bukkhüp lakhi isanü müngüchoh. 9Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh. 10Tsührübo ahihdo kilim müretah handarüpü thsüde, shepü thsungkheak tüsho shepü hode lüpdükhi lakhea, thsünükhi hode arü akhümkhit putungrü khiukdahshihkhi api athülün lah. 11Tümüde shepünü tsangkhitcho tüsho sherü tsangkhita lanü alala Abuh rukhüh lah. Jumonü apinü arü ki keoniorü de ajipü machihde 12apinü thachoh,
“Inü I keoniorübo ki nü mung zhiyukbah,
amukhungrü bolung inü nü shijihbah.”
13Tüsho kheaküshe, “Inü api kheak I mulonglam zobah.” Tüsho kheaküshe, “Ha ching I, tüsho Thrünpuhnü I kilim jihkhi tsührübo lah.” 14Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu, 15tüsho ashepü trekhinü arü rhangdung amuyung azhorü chingnü zuzu kamshihpü lakheah. 16Tümüde atsütsü apinü alümkhi ju yunirübo kheak yung tüshe Abraham tsühsoniusobo kheak ah. 17Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam. 18Tümütüsho api thsünü tüsho rükakikhi hode sherü rükakia lanü apinü arungpü kuklah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.