DANGYASARAO 18
18
Korinth nogor ha
1Ebo ni yaohon ha Paul, Atheni ni phrang baigo hi, Korinth ha thang la kha. 2Oraha Juda jadi saosi, bumu Akuila khe bo goron ba. Bo Ponto raji ha hajaiyaba, jarni bihih Priskila jang Itali raji ni phrang phaiba gadain se. Raja Klaodia, khrip Judarao khe Rom ni phrang baigo mane hukhum ri bani, Paul bonsi khe nai mane thang ba. 3Paul de bonsi ni noh ha noh mathao hi, bonsi khusi dangba lai jasosi dang bani bonsi jang baosi dong hi dang ba; bonsi ni khusi de mihgur lahi noh slamyaba se. 4Bo nalai lenggo basain ha sunagog ha khah jang muh jang grao sainthi hi, ode Judarao ar Greekrao khe bo bujai re.
5Sila jang Timothe, Makedonia ni phrang phai ba ha, Paul grao thi mane se ning hajora smai hi Judarao khe Jisu de Krista se thihi bo thiphla ba. Thikhabo, bonsi jajaoya jahi bokhe se bonsi siji ba, 6Paul, jarni rih khe thisa hi bonsi khe thi ba, Nisi ni thijao nisi ning bubain ajao lah, ani gajai giri, duha ni phrang de ang Jentailrao ni bising ha thang lama ja kha, bo ode thiba. 7Odebani, bo oraha ni phrang thang hi, boni bumu Tita Jasta thiyaba, Madai ni subung saosi ni noh ha phai ba, ode boni nohbo bojom jayaba noh jang masi se. 8Boha bojom jayaba ni hoja Krispas, jarni khrip nokhorbo Gabra khe bonsi lon kha, ode Korinth nogor ha dongyarao gabang ning subung buthu bo khna hi lonma ha bonsi khe labu hi baptisma la kha.
9Horsi khali Gabra ning saomi lai Paul khe thi ba, Da khin, phirik phirik dongya hi grao thipha lang lah; 10ang ning jang dongpha du thi, ning khe dukhu ri mane saosi bo nini basao ha yao sugu nang niya. Bede thikhade, ebo nolei ha ani subung gabang dong. 11Paul oraha ning bonsi jang baosi Madai ni grao khe sling rihi nokha maithai si daindo bo dong ba.
12Gallio, Akaia raji ha Raja ni baslai ha bo dongba ha, Judarao graosi jahi Paul ni basao ha gajai rihi, bisar ni khamthan ni sagang ha bonsi lang ba. 13Ebo subung de Dara giri lai Madai khe bi mane khlai hi subung buthu khe phuslai du, thihi bonsi thi ba.
14Paul grao thima nangma baohi ning bo dongba ha, Gallio de Judarao niha, Ebo grao buthu gibi niya thikhade, asaba dara jang nisi ni grao khe ang khna nang mu, 15thikhabo, grao buthu, bumu buthu, nisi ni dara ni grao haglai se thikhade, nisi ning bisar khlai lah; ang de oleiyaba grao khe baoma nangjaoya dou, thihi bo thi ba. 16Ode, bisar ni khamthan ni phrang bonsi khe bo rik khla kha. 17Bonsi khrip jang bojom jayaba ni hoja Sosthen khe rem hi, bisar ni khamthan ni sagang ha su ba. Gallio de olei bonsi khusi dangba khe musibo baoya.
Antiokei ha Paul thangphin ba
18Boni yaohon ha, Paul de basain galao oraha dongthao ba; odehe daphlungrao khe hamba grao jang bo degao hi, oraha ni phrang Suria raji gede rung jang bo thangla kha. Bo jang baosi Priskilla jang Akuila bo thangpha ba. Paul grao hanggaiyaba dongba ni Kenkriai ha bo khnai lamtho tho sojao ba. 19Ephesi ha bonsi sohi dada oraha ni phrang de bonsi khe bo garlang kha; thikhabo, bo sunagog ha hap hi, Judarao niha khah jang muh jang grao thihi ning bo dong ba. 20Budu galao dongthao mani khlai hi subung buthu bokhe khainsu ba, thikhabo bo maniya. 21Madai ning bo nangjao kha de, nisi niha ang phaiphin nang, thihi hamba grao jang degao hi, Ephesi ni phrang rung jang bo thang la kha.
22Kaisari ha sohi ba ha, rung ni phrang akhai hi, Jerusalem ha thang hi, longjomrao jang bo khlimlai ba; ode, boni yaohon ha se Antiokei ha bo thang ba. 23Oraha bubli khaisa dong bani yaohon ha, bo thangphin hi, lonyarao khrip khe rao rihi, Galatia raji jang Phrugia raji ha bo daobai thar ba.
Ephesi ar Korinth ha Apollo grao sainthi ba
24Bo bubli ha, Juda saosi, boni bumu Apollo, Aleksandria nogor ha hajaiyaba, Ephesi ha phai ba. Bo grao thiba blaiyaba se. Bo Madai ni laisi ni grao buthu khe hamsi ning tharmaiyaba se. 25Bo Gabra ni lama ni slingrithai khe maiyaba se, khasuha khah muh rihi Jisu ni gibi gibi khna ri du, ode sling ri du; thikhabo, bo Johan ni baptisma ni grao khe se ning tharmai ba. 26Odehe, bo bojom jayaba noh ha khitha raoma jang grao thiba jen kha. Odebani, Priskilla jang Akuila de bo grao thiyaba khe bonsi khna hi, jarni noh ha bonsi lang hi, boni ha Madai ni lama ni grao khe ar gibi gibi thiphla ri dao kha. 27Apollo de Akaia raji ha gakhu lang ma bao ba jang, daphlungrao bonsi khe khuphai khao hi, bokhe bonsi khajama ni khlai hi lonyarao niha bo laijma reb hi haiha ba. Ode, bo sohi dada, Madai ni khasaoma jang lonyarao de bokhe hamsi ning juru kha. 28Bede thikhade, bo gathar laisi ni phrang phorman rihi Jisu ning Krista se thihi, hamsi ning bol jang Judarao khe khrip ni sagang ha bo niyathai kha.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
DANGYASARAO 18
18
Korinth nogor ha
1Ebo ni yaohon ha Paul, Atheni ni phrang baigo hi, Korinth ha thang la kha. 2Oraha Juda jadi saosi, bumu Akuila khe bo goron ba. Bo Ponto raji ha hajaiyaba, jarni bihih Priskila jang Itali raji ni phrang phaiba gadain se. Raja Klaodia, khrip Judarao khe Rom ni phrang baigo mane hukhum ri bani, Paul bonsi khe nai mane thang ba. 3Paul de bonsi ni noh ha noh mathao hi, bonsi khusi dangba lai jasosi dang bani bonsi jang baosi dong hi dang ba; bonsi ni khusi de mihgur lahi noh slamyaba se. 4Bo nalai lenggo basain ha sunagog ha khah jang muh jang grao sainthi hi, ode Judarao ar Greekrao khe bo bujai re.
5Sila jang Timothe, Makedonia ni phrang phai ba ha, Paul grao thi mane se ning hajora smai hi Judarao khe Jisu de Krista se thihi bo thiphla ba. Thikhabo, bonsi jajaoya jahi bokhe se bonsi siji ba, 6Paul, jarni rih khe thisa hi bonsi khe thi ba, Nisi ni thijao nisi ning bubain ajao lah, ani gajai giri, duha ni phrang de ang Jentailrao ni bising ha thang lama ja kha, bo ode thiba. 7Odebani, bo oraha ni phrang thang hi, boni bumu Tita Jasta thiyaba, Madai ni subung saosi ni noh ha phai ba, ode boni nohbo bojom jayaba noh jang masi se. 8Boha bojom jayaba ni hoja Krispas, jarni khrip nokhorbo Gabra khe bonsi lon kha, ode Korinth nogor ha dongyarao gabang ning subung buthu bo khna hi lonma ha bonsi khe labu hi baptisma la kha.
9Horsi khali Gabra ning saomi lai Paul khe thi ba, Da khin, phirik phirik dongya hi grao thipha lang lah; 10ang ning jang dongpha du thi, ning khe dukhu ri mane saosi bo nini basao ha yao sugu nang niya. Bede thikhade, ebo nolei ha ani subung gabang dong. 11Paul oraha ning bonsi jang baosi Madai ni grao khe sling rihi nokha maithai si daindo bo dong ba.
12Gallio, Akaia raji ha Raja ni baslai ha bo dongba ha, Judarao graosi jahi Paul ni basao ha gajai rihi, bisar ni khamthan ni sagang ha bonsi lang ba. 13Ebo subung de Dara giri lai Madai khe bi mane khlai hi subung buthu khe phuslai du, thihi bonsi thi ba.
14Paul grao thima nangma baohi ning bo dongba ha, Gallio de Judarao niha, Ebo grao buthu gibi niya thikhade, asaba dara jang nisi ni grao khe ang khna nang mu, 15thikhabo, grao buthu, bumu buthu, nisi ni dara ni grao haglai se thikhade, nisi ning bisar khlai lah; ang de oleiyaba grao khe baoma nangjaoya dou, thihi bo thi ba. 16Ode, bisar ni khamthan ni phrang bonsi khe bo rik khla kha. 17Bonsi khrip jang bojom jayaba ni hoja Sosthen khe rem hi, bisar ni khamthan ni sagang ha su ba. Gallio de olei bonsi khusi dangba khe musibo baoya.
Antiokei ha Paul thangphin ba
18Boni yaohon ha, Paul de basain galao oraha dongthao ba; odehe daphlungrao khe hamba grao jang bo degao hi, oraha ni phrang Suria raji gede rung jang bo thangla kha. Bo jang baosi Priskilla jang Akuila bo thangpha ba. Paul grao hanggaiyaba dongba ni Kenkriai ha bo khnai lamtho tho sojao ba. 19Ephesi ha bonsi sohi dada oraha ni phrang de bonsi khe bo garlang kha; thikhabo, bo sunagog ha hap hi, Judarao niha khah jang muh jang grao thihi ning bo dong ba. 20Budu galao dongthao mani khlai hi subung buthu bokhe khainsu ba, thikhabo bo maniya. 21Madai ning bo nangjao kha de, nisi niha ang phaiphin nang, thihi hamba grao jang degao hi, Ephesi ni phrang rung jang bo thang la kha.
22Kaisari ha sohi ba ha, rung ni phrang akhai hi, Jerusalem ha thang hi, longjomrao jang bo khlimlai ba; ode, boni yaohon ha se Antiokei ha bo thang ba. 23Oraha bubli khaisa dong bani yaohon ha, bo thangphin hi, lonyarao khrip khe rao rihi, Galatia raji jang Phrugia raji ha bo daobai thar ba.
Ephesi ar Korinth ha Apollo grao sainthi ba
24Bo bubli ha, Juda saosi, boni bumu Apollo, Aleksandria nogor ha hajaiyaba, Ephesi ha phai ba. Bo grao thiba blaiyaba se. Bo Madai ni laisi ni grao buthu khe hamsi ning tharmaiyaba se. 25Bo Gabra ni lama ni slingrithai khe maiyaba se, khasuha khah muh rihi Jisu ni gibi gibi khna ri du, ode sling ri du; thikhabo, bo Johan ni baptisma ni grao khe se ning tharmai ba. 26Odehe, bo bojom jayaba noh ha khitha raoma jang grao thiba jen kha. Odebani, Priskilla jang Akuila de bo grao thiyaba khe bonsi khna hi, jarni noh ha bonsi lang hi, boni ha Madai ni lama ni grao khe ar gibi gibi thiphla ri dao kha. 27Apollo de Akaia raji ha gakhu lang ma bao ba jang, daphlungrao bonsi khe khuphai khao hi, bokhe bonsi khajama ni khlai hi lonyarao niha bo laijma reb hi haiha ba. Ode, bo sohi dada, Madai ni khasaoma jang lonyarao de bokhe hamsi ning juru kha. 28Bede thikhade, bo gathar laisi ni phrang phorman rihi Jisu ning Krista se thihi, hamsi ning bol jang Judarao khe khrip ni sagang ha bo niyathai kha.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.