Ea' waf anama ina nepoma ipe', hapainai. Emi aman nope dembinai ma ipe', anan ata' nili' nope si'i nanda' maol etina ipe' hipei. Ea' emi aman ni'i notaga dembeni ma ipe', anan ata' nopan si'i agel a'anai nanda' maol etin nape owina hiesi. Ae' ataga epen endilisiwei, ae' wapoti' na'ama etin. Ina afi'i ma esis sonda'me maola siegiambame, owa'. Ae' afi'i enda' maola igiambama ipe' hipei. Afi'i ma sehe ega' etala ipe' peloma epes hiesi etagahipama waf aonai ipe' panda'anai.”