Jǎan 17 的热门经文

分享

Blǒ bónú yě ní nyí towe gbɔn xó towe e nyí nǔgbó ɔ́ gbla mɛ.

Gbɛ mavɔ mavɔ ɔ́ wɛ nyí ɖɔ yě ní tunwun we, bó tunwun ɖɔ hwi wɛ nyí Mawu nǔgbó ɖokpó e tíin é, bó lɛ́ tunwun Jezu Klísu e a sɛ́ dó gbɛ ɔ́ mɛ é.

“Yě kɛ́ɖɛ́ sín tamɛ sa vo dó wɛ un ɖe ǎ; lo ɔ́, mɛ e ná se xó ce lɛ́ɛ ɖo nu yětɔn, bó ná ɖi nǔ nú mì lɛ́ɛ bǐ sín tamɛ sa vo nú we dó wɛ un ɖe; bónú yě bǐ ní nyí ɖokpó, lě e nyɛ kpódó hwi kpó nyí ɖokpó gbɔn é. Daá, a ɖo nyɛ mɛ, bɔ nyí lɔ ɖo hwi lɔ mɛ; yě ní nɔ bǔ ɖo mǐ mɛ, bónú gbɛtɔ́ lɛ́ɛ ná dó tunwun ɖɔ hwi wɛ sɛ́ mì dó nǔgbó.

Un byɔ́ we ɖɔ hwi ní ɖe yě sín gbɛ ɔ́ mɛ ǎ; lo ɔ́, hwlɛ̌n yě ɖo awǒvi sí.

Susu e a ná mì ɔ́, un ná yě lɔmɔ̌, bónú yě ní nyí ɖokpó, lě e hwi kpódó nyɛ kpó nyí ɖokpó gbɔn é. Nyɛ ɖo yě mɛ, bɔ hwɛ ɖo nyɛ mɛ, nú yě ní nɔ bǔ nǔgbó, bónú gbɛtɔ́ lɛ́ɛ ná dó tunwun ɖɔ a sɛ́ mì dó, bó yí wǎn nú yě, lě e a yí wǎn nú mì gbɔn é.