Mɛsɛ́dó 3 的热门经文

分享

Hǔn mi bo lɛ́ kɔ sín hwɛ mitɔn lɛ́ɛ gúdo, bó wá Mawu gɔ́n, bónú é ná súnsún hwɛ mitɔn lɛ́ɛ.

Piyɛ́ɛ ka ɖɔ n'i ɖɔ jí: “Un ɖó akwɛ́ ǎ, un ka ɖó siká ǎ, lo ɔ́, nǔ e un ɖó ɔ́, un ná ná we; ɖo Jezu Klísu Nazalɛ́tinu ɔ́ sín nyǐkɔ mɛ ɔ́: ɖi zɔnlin.”

Piyɛ́ɛ ɖɔ mɔ̌ bó hɛn alɔ tɔn ɖisí ɔ́, bó sɔ́ ɛ sí te, bɔ azɔn ɖokpó ɔ́, sékúnɔ ɔ́ sín afɔ lɛ́ɛ kpódó afɔgómɛ tɔn lɛ́ɛ kpó syɛ́n, bɔ é lɔ́n xwete, bó jɛ zɔnlin ɖi jí, bó xwedó yě byɔ́ sinsɛnxɔ ɔ́ mɛ, bó ɖo zɔnlin ɖi wɛ, bó ɖo jǐ lɔ́n yi wɛ, bó ɖo susu kpa nú Mawu wɛ.

Nǔɖiɖi ɖó nú hlɔ̌nhlɔ́n e Jezu sín nyǐkɔ ɖó ɔ́ zɔ́n, bɔ nyǐkɔ énɛ́ ná hlɔ̌nhlɔ́n nya e mi ko tunwun, bó ka ɖo mimɔ wɛ din é; nǔɖiɖi ɖó n'i wɛ zɔ́n, bɔ nya élɔ́ sín azɔn gbɔ bǐ sésé lě e mi ɖésúnɔ ɖo mimɔ gbɔn wɛ din é.