Lucas 24 的热门经文

分享

Duré Ĩmama te te ãma iropisudu hã wa za we atẽme satõrĩ za'ra wa'wa. Tane nherẽ, ãme Zeruzalẽ 're, a'â sô asimipari za'ra wa'aba, hâiwa hawi 'Re ihâimana u'âsi mono waihu'u pe iwaibui wa'aba zéb u.

Ta hã ãme oto hâimana õ di. Apâ ma tô hâiwa'udu! Ma'ãpé ãma aipo're pu'u za'ra wa'aba, Galiléia ãma asiré hâimana za'ra wa'aba ré, te te sina aima iroti za'ra wa'aba zém na hã, ãne

Tawamhã 'Re ihâimana u'âsi mono, ma tô ito hã oto tãma 'ridawa zahuré. Tahawa ma tô oto waihu'u zahuré, Zezusi na. Tane nherẽ, ma tô tiwi aimani zahuré. Tawamhã ma tô sima nharĩ zahuré, ãne: — Õne wa, wapẽ'ẽ 'remhã rowẽ isa'ẽne hã, e uzâ iwa'ro uptabi ne te te wa'ahâri ã bâ bété, bâdâdi na Ibaihâ Iwazé pese na rob'ui'éré na te te wei wama rowasu'u mono ré hã.

Ãne ma tô tãma nharĩ za'ra: — Ibaihâ Iwazé pese na rob'ui'éré hã te daba'wara siro, Danho'reptui'wa da, 'Re ihâimana u'âsi mono te te ipisudu hã, za tô te te irobzépata na hã, duré taha pari za apâ ihâiwa'utu na hã si'ubdatõ bâtâ ãma. Duré isisi na, dawasété na 're idasi'ruiwapari za'ra mono zéb zarina, 're dasipizari za'ra mono wa, 'Re ihâimana u'âsi mono, dawasédé te te da'ãma 're i'ab'madâ'â mono õ zé hã, te za uburé dapoto mono bâ oto da te dasima 're wasu'u za'ra. Ta hã Zeruzalẽ ãma te za tinhana'rata.

Ab're u oto sihutu wamhã, ẽne ma tô siwi 'madâ, ab're nhitobzé ni'wa te te isa'ré na. Tawamhã sisisi wamhã, Wanhib'apito Zezusihi hâiba hã te te siwi sõpẽtẽ õ di.