Aj Rom 14 的热门经文

分享

Quꞌn a Tkawbꞌil qMan Dios, nya noq tuꞌn qwaꞌn ex tuꞌn qkꞌwan; qalaꞌ tuꞌn tten jun qchwinqil tzꞌaqle, ex jun qmujbꞌil qibꞌ tukꞌa qtzaljbꞌil tuꞌn Xewbꞌaj Xjan. Qa ma qo ajbꞌin te Crist tojjo tumil lo, ktzalajil qMan Dios qiꞌj, ex wen qo elile kywutzxjal.

Quꞌn qa itzꞌqo, te nimsbꞌil tbꞌi qAjaw; ex aj qkyim, ex ikyxjo, te nimsbꞌil tbꞌi qAjaw. Ex qa itzꞌqo ex qa ma qo kyim, te qAjawqo.

Tuꞌnpetziꞌn, i tok tilil quꞌn tuꞌn qmujbꞌin te qibꞌ qxolx, ex tuꞌn qchꞌiy toj qnimbꞌil.

Tuꞌnpetziꞌn, nya wen tuꞌn qyolbꞌiꞌn kyiꞌj juntl. Qalaꞌ kyqꞌonka tilil tuꞌn kybꞌinchintejiꞌy tbꞌanil, ex tuꞌn mi chi jawe takpaje kyermana toj kynimbꞌil tuꞌn kypaja, tuꞌn mi chi kubꞌ tzꞌaqe toj il.

Quꞌn ikytziꞌn ntqꞌmaꞌn toj Tuꞌjil Tyol Dios: Twutzxix itzꞌqin weꞌ, chi qAjaw. Ex twutzxix qa tkyaqil xjal kꞌwel meje, ex kꞌwel tpaꞌn tbꞌinchbꞌin nwutza, qa wen ex qa minajch. Bꞌiꞌntl quꞌn, qa il tiꞌj tuꞌn qpon twutz Dios chikyꞌbꞌilte tkyaqiljo qxim ex qbꞌinchbꞌin.

Ayiꞌy, a ma chi tijiꞌn toj kynimbꞌila, kykꞌmoꞌmqejiꞌy ayeꞌ nya kuj iteꞌ toj kynimbꞌil. Quꞌn at ilaꞌ tumil, a at tajbꞌin te kꞌulbꞌil te qAjaw. Tuꞌnpetziꞌn, mi chi xoꞌn yola tiꞌj tiꞌ t-xilin kyxim, a nya junx taꞌ tzeꞌnku kyeꞌ.

¿Ma attzin tokliꞌn tuꞌn tkawiꞌn tiꞌj taqꞌnil juntl? ¡Mina! Quꞌn oꞌkx te tajaw aqꞌuntl at toklin tiꞌjjo luꞌn, qa wen toj twutz mo minaj. Me tiꞌjjo a tuꞌn t-xi qchyoꞌn mo minaj, ate qAjaw at tipin tuꞌn tel wen tkyaqil nimil tuꞌn.