1 Aj Corint 8 的热门经文

分享

Me metzin qetz, ntiꞌ juntl dios, qa nya oꞌkxjo Dios, a qMan, a ttxuyil tkyaqil, ex noq te, ok qo ajbꞌila. Ex junchꞌinx qAjaw, a Jesucrist, a kubꞌ bꞌinchinte tkyaqil, ex noq tuꞌn, nqo anqꞌine.

Atzin jaꞌlin, tzaj kytzꞌibꞌiꞌn weꞌy tiꞌj qa wen tuꞌn kychyoꞌn tchibꞌjil aluꞌmj, a kubꞌ bꞌyoꞌn toj kybꞌi kywutzbꞌiyil dios. Kxel nqꞌmaꞌn jun tumil te nukꞌbꞌil kyeꞌy. Twutzx kye kyuꞌn qa qkyaqilx at qnabꞌl tibꞌajjo luꞌn. Me a kynabꞌla lo, a nchi nimsin kyibꞌa tukꞌa; nya toj tumil taꞌye. Me metzin tetz tumil, tuꞌn tten jun qkꞌuꞌjbꞌil qibꞌ qxolile, tuꞌn qchꞌiy, tzeꞌnku taj Dios. A qꞌuqlek tkꞌuꞌj tiꞌjjo a n-el tnikyꞌ te, nya tumil taꞌye tnabꞌl twutz Dios.

Tuꞌnpetziꞌn, qa noq tuꞌn tpajjo nnikyꞌbꞌila, aku kubꞌ tzꞌaq juntl nimil, bꞌaꞌntz tuꞌn mi t-xi nnikyꞌbꞌinjiꞌy chibꞌj ikyjo, tuꞌntzin mina chin okiꞌy tzeꞌnku jun tze, ja tuꞌn tja tolpaje jun wermana toj tchwinqil.

Twutzx tetz qa tzaqpiꞌnqo tuꞌn t-xi qchyoꞌn chibꞌj anetziꞌn. Me kykaꞌyinktzin kyibꞌa, tuꞌn mi jaw tzꞌaq jun nimil, a naꞌm tweꞌ wen toj tnimbꞌil noq tuꞌn kypaja, aj t-xi kychyoꞌn.