Galuega 1 的热门经文

分享

‘Ae peita‘i o le a maua e ‘outou le mana, pe ā afio ifo le Agaga Pa‘ia i luga ‘iā te ‘outou; e fai fo‘i ‘outou ma molimau ‘iā te a‘u i Ierusalema ma Iutaia uma lava, ma Samaria, e o‘o lava i le tulu‘iga o le lalolagi.”

A ‘ua fetalai atu o ia ‘iā te i latou, “E lē tusa ‘ona ‘outou iloa o ona po ma ona tausaga ‘ua tu‘u ai e le Tamā i lana lava pule.

Sa fa‘apotopoto fo‘i o i latou ma ia, ‘ona fetalai atu lea o ia ‘iā te i latou, “‘Aua le tu‘ua Ierusalema, a ‘ia fa‘atali i le mea na folafolaina e le Tamā, ‘ua ‘outou fa‘alogo ai ‘iā te a‘u. Auā na papatiso lava Ioane i le vai; a o ‘outou, e papatisoina ‘outou i le Agaga Pa‘ia e lē tele ni aso e vā a‘i.”

‘Ua mavae lona tigā, ‘ona ia fa‘ailoa atu ai lea o ia e ia lava ‘iā te i latou, ‘ua toe soifua mai. ‘Ua fa‘amaonia i fa‘ailoga e tele; e fa sefulu po ‘ua iloa ai o ia e i latou, ma na fetalai atu i mea a le mālō o le Atua.

‘Ua fetalai atu o ia i ia mea, ‘ona si‘itia lea o ia, a o latou o va‘ava‘ai atu; ‘ua ‘avea fo‘i o ia i le ao nai o latou luma.

‘Ua latou tulimata‘i a‘e i le lagi, a o afio a‘e o ia, fa‘auta fo‘i, o tagata e to‘alua ‘ua tutū mai ‘iā te i latou ma ‘ofu sisina. ‘Ua la fai mai, “O ‘outou tagata Kalilaia e, se a le mea tou te tutū ai, ma va‘ava‘ai i le lagi? O Iesu lenā, ‘ua ‘aveina a‘e nai ‘iā te ‘outou i le lagi, e fa‘apea ‘ona toe afio mai o ia, e pei o lona afio atu i le lagi ‘ua ‘outou va‘ava‘ai i ai.”