2 Korinito 1 的热门经文

分享

‘Ia fa‘amanūina le Atua, o le Tamā o lo tatou Ali‘i o Iesu Keriso, o le Tamā e ona le alofa mutimutivale, o le Atua fo‘i e ana le fa‘amafanafanaga uma. O lē na te fa‘amafanafanaina mai ‘iā te i matou i le matou puapuagā uma lava, ‘ina ‘ia matou mafaia ‘ona fa‘amafanafana atu ‘iā te i latou ‘ua maua i se tasi lava puapuagā, i le fa‘amafanafanaga ‘ua fa‘amafanafanaina ai i matou e le Atua.

Auā pei ‘ona tele ‘iā i matou o tigā ‘ona o Keriso ‘ua fa‘apea fo‘i ‘ona tele o le fa‘amafanafanaina o i matou e Keriso.

A o i matou, sa i o matou loto le manatu o le a oti, ‘ina ne‘i matou fa‘atuatua ‘iā te i matou, a ‘ia fa‘atuatua i le Atua na te toe fa‘atūina ē ‘ua oti.

O lē fa‘atumauina fo‘i i matou fa‘atasi ma ‘outou ‘iā Keriso, ma na fa‘au‘uina i tatou, o le Atua lea; o lē ‘ua fa‘amaufa‘ailogaina mai i tatou, ma ‘ua foa‘iina mai le fa‘amaoni o le Agaga i o tatou loto.

Pe ‘āfai ‘ua puapuagātia i matou, ‘ua fa‘apeaina ‘ona o le fa‘amafanafanaina ma fa‘aolaina o ‘outou, o lo‘o matuā galue ma le ‘onosa‘i i ia lava tigā ‘ua matou tigā ai; pe ‘āfai fo‘i ‘ua fa‘amafanafanaina i matou, ‘ua fa‘apeaina ‘ona o le fa‘amafanafanaina ma le fa‘aolaina o ‘outou.