1 Korinito 1 的热门经文

分享

‘Ae peita‘i ‘ua filifilia e le Atua mea vālea a le lalolagi, ‘ina ‘ia fa‘amāina ē popoto, ma mea vaivai a le lalolagi ‘ua filifilia ia e le Atua e fa‘amāina ai mea malolosi.

Auā o le matā‘upu i le satauro, o le valea lea i ē o malaia, a o le mana o le Atua ‘iā te i tatou ‘ua fa‘aolaina.

Auā o le valea o le Atua e sili lona poto i tagata; o le vaivai fo‘i o le Atua e sili lona malosi i tagata.

E fa‘amaoni le Atua, o lē ‘ua vala‘auina ‘outou ‘ina ‘ia mafuta fa‘atasi ma lona Alo o Iesu Keriso lo tatou Ali‘i.

Le au uso e, ‘ou te ‘ai‘oi atu ‘iā te ‘outou i le suafa o lo tatou Ali‘i o Iesu Keriso, ‘ina ‘ia tasi la ‘outou ‘upu uma lava, ‘ina ne‘i i ai ni māseiga ‘iā te ‘outou; a ‘ia maopoopo lava i le loto e tasi ma le manatu e tasi.

Po o ifea le tagata poto? Po o ifea le tusi‘upu? Po o ifea le filifiliga o lenei lalolagi? E lē ‘ua ‘avea ‘ea e le Atua le poto o lenei lalolagi ma valea?