Romans 7 的热门经文

分享

Nu iunaṅṅaqw God eṅem tumalay’taniqey nāwakna, nīk̇aṅw nu itokoy akw qaanhtiput eṅem tumalay’ta. Is ohi, okiw himu nūu! Ya sen hak itokoy tuṅlayiyat mokiwuy aw nuy wīki’maqat aṅqw nuy ayo távini? Pas nu God aw hahlayhti, Jesus Christ nuy ayo táviq’ö.

Pi nu navoti’taqe kurs hin pas nāp hihta lolmat hintsakni. Pay nu as hihta lolmat tumaltaniqey tunatyaltiṅwu; nīk̇aṅw hin nu put lolmat hinhtiniqey qa túwaṅwu.

Pi nu as lolmat hinhtiniqey nāwaknak̇aṅw put qa panhtiṅwu; pu nu hihta qalolmat as qa hinhtinik̇aṅw tuwat soq put panhtiṅwu.

Noqw ōviy hapi nu hihta as qa nāwaknak̇aṅw put panhte’ qa nahpiy put panhtiṅwu; pi qaanhtipu inuhpe pakiwtaqw ōviy nu pantsakma.

Noqw nu navoti’taqw kurs panta: Kurs nu as hihta lolmat hinhtiniqey nāwaknaqw pay kurs qalolma piw inumum yanta. Pi nu as pas iunaṅwpeq God tutavoyat aṅ nāhahlayna.

Noqw ōviy nu as hihta qa nāwaknak̇aṅw soq putwat hinhte’ pahsat pay God tutavoyat lolmanihqat nu paṅqawṅwu.