Hechos 19 的热门经文

分享

Y conda e Pablo uc'atb'u uc'ab' tama ujorob', yopa Unawalir e Dios tamarob', y cay ojronob' tama inte' inte' ojroner xe' majax tuob'ach. Y de allí cay uch'amiob' cora ojroner tua' e Dios xe' sutpa uchecsuob' tut e inmojr era.

Y e Dios cay uc'ampes e Pablo tua' uche e sian milagro tujam e gente era. Y ayan meyra sian milagro xe' war achena umen e Pablo que jay ajrer taca aq'uejcha axin inte' ub'ujc e Pablo o inte' payuj tua' xe' pijchb'ir umener entonces uche atz'acpa tin e ajmuacob'. Y tunor tin e ayan e mab'amb'an mein tama uyalma ac'apa aloq'uesna conda jajya e b'ujc o e payuj cocha era tama ujorob' umen e gente.

Y b'an cay uchiob' jaxirob', war uc'ampes uc'ab'a e Jesús tua' uyajnesob' e mab'amb'an meinob'. Entonces conda cay ojronob' cocha era tut inte' mab'amb'an mein, sutpa ojron e mab'amb'an mein era tutob' y che: —Pues e Jesús war innata, y war innata chi e Pablo. Pero nox, ¿chiox nox? che e mab'amb'an mein uyare e siete uyunenob' e Esceva era.