رَوْمَا 8 的热门经文

分享

وَ نَعَرْفُوا كَدَرْ فِي كُلَّ شَيّءْ، اللّٰهْ يِسَوِّي الْخَيْر لِلنَّاسْ الْيِحِبُّوهْ وَ هُمَّنْ النَّاسْ الْاللّٰهْ نَادَاهُمْ فِي دَرْبَهْ لِيِطَبُّقُوا خِطِّتَهْ.

وَ نُقُولْ لَيْكُو أَكِيدْ، مَا فِي شَيّءْ الْيَقْدَرْ يَفْرُقْنَا مِنْ مَحَبَّةْ اللّٰهْ لَيْنَا. وَ لَا الْمَوْت وَ لَا الْحَيَاةْ، وَ لَا الْمَلَائِكَةْ وَ لَا كُبَارَاتْ الشَّوَاطِينْ وَ لَا شَيّءْ هَنَا الزَّمَنْ الْحَاضِرْ وَ لَا شَيّءْ هَنَا الزَّمَنْ الْجَايِ وَ لَا الْقُوَّاتْ الْفَوْق وَ لَا الْقُوَّاتْ التِّحِتْ وَ لَا أَيِّ مَخْلُوقْ، أَبَداً مَا فِي شَيّءْ يَفْرُقْنَا مِنْ مَحَبَّةْ اللّٰهْ لَيْنَا الْقَاعِدَةْ فِي الْمَسِيحْ عِيسَى رَبِّنَا.

وَ مِثِلْ دَا، الرُّوحْ الْقُدُّوسْ كُلَ يِعَاوِنَّا أَشَانْ أَنِحْنَ ضَعِيفِينْ. مَا نَعَرْفُوا كِكَّيْف وَاجِبْ نِصَلُّوا لَاكِنْ الرُّوحْ الْقُدُّوسْ يِصَلِّي لَيْنَا بِقَنِتِينْ الْمَا بِنْقَالْ.

وَ خَلَاصْ بَعَدْ كُلَّ الْكَلَامْ دَا، نُقُولُوا شُنُو؟ كَنْ اللّٰهْ مَعَانَا، مَا فِي الْيُقُمّ ضِدِّنَا.

وَ هَسَّعْ خَلَاصْ، مَا فِي أَبَداً هَلَاكْ لِلنَّاسْ الْقَاعِدِينْ فِي عِيسَى الْمَسِيحْ.

النَّادُمْ الْعَقْلَهْ ثَابِتْ فِي فِكِرْ الْإِنْسَانْ، هُو يَلْقَى الْمَوْت. وَ لَاكِنْ النَّادُمْ الْعَقْلَهْ ثَابِتْ فِي فِكِرْ الرُّوحْ الْقُدُّوسْ، هُو يَلْقَى الْحَيَاةْ وَ السَّلَامْ.

وَ لَاكِنْ كُلَّ الصُّعُوبَاتْ دَوْل، أَنِحْنَ نِنَّصُرُوا فَوْقهُمْ نَصُرْ كَبِيرْ بِالْمَسِيحْ الْيِحِبِّنَا.

تَعَبْ هَنَا وَكِتْنَا دَا، نَحْسِبَهْ شِيَّةْ وَكِتْ نِفَكِّرْ فِي الْمَجْد الْاللّٰهْ يِبَيِّنَهْ لَيْنَا بَعَدَيْن.

شُنُو الْيَقْدَرْ يَفْرُقْنَا مِنْ مَحَبَّةْ الْمَسِيحْ لَيْنَا؟ مَا فِي! وَ لَا التَّعَبْ وَ لَا الضِّيقَةْ وَ لَا الْعَذَابْ وَ لَا الْجُوعْ وَ لَا الْعِرَيْ وَ لَا الْخُطُورَةْ وَ لَا الْمَوْت.

وَ اللّٰهْ الْيِشِيفْ قُلُوبْ النَّاسْ، يَعَرِفْ نِيَّةْ الرُّوحْ الْقُدُّوسْ أَشَانْ الرُّوحْ الْقُدُّوسْ يِلْوَسَّطْ لِلصَّالِحِينْ حَسَبْ الْيِدَوْرَهْ اللّٰهْ.

أَشَانْ النَّاسْ الْيُقُودْهُمْ رُوحْ اللّٰهْ، هُمَّنْ بَسْ أَوْلَادْ اللّٰهْ.

أَيْوَى، النَّاسْ الْعَايْشِينْ بِقُدْرَةْ الْإِنْسَانْ يُخُطُّوا فِكِرْهُمْ فِي الشَّيّءْ الْبُخُصّ الْإِنْسَانْ. لَاكِنْ الْعَايْشِينْ بِقُدْرَةْ الرُّوحْ الْقُدُّوسْ يُخُطُّوا فِكِرْهُمْ فِي الشَّيّءْ الْبُخُصّ الرُّوحْ الْقُدُّوسْ.

اللّٰهْ مَا أَبَى مَا يَنْطِينَا إِبْنَهْ الْوَاحِدْ، لَاكِنْ سَلَّمَهْ لِلْمَوْت فِي شَانَّا كُلِّنَا. وَ هُو الْأَنْطَانَا إِبْنَهْ مَا يَنْطِينَا كُلَّ شَيّءْ مَعَ إِبْنَهْ وَلَّا؟

الرُّوحْ الْقُدُّوسْ ذَاتَهْ يَشْهَدْ فِي نُفُوسْنَا كَدَرْ أَنِحْنَ عِيَالْ اللّٰهْ. وَ كَنْ أَنِحْنَ عِيَالَهْ، أَنِحْنَ كُلَ مِثِلْ وُرَّاثَهْ. أَنِحْنَ وُرَّاثْ اللّٰهْ، أَيْوَى، وُرَّاثَهْ مَعَ الْمَسِيحْ. أَشَانْ كَنْ نَتْعَبَوْا مَعَ الْمَسِيحْ، نَدْخُلُوا مَعَ الْمَسِيحْ فِي مَجْدَهْ كُلَ.

أَشَانْ النَّادُمْ الْعَقْلَهْ ثَابِتْ فِي الْفِكِرْ الْإِنْسَانْ، هُو دَا عَدُو اللّٰهْ وَ مَا يِطَبِّقْ وَصَايَا اللّٰهْ. أَيْوَى، هُو مَا يَقْدَرْ يِطَبِّقْهُمْ.

يَوْم وَاحِدْ، اللّٰهْ يِبَيِّنْ مَجْد أَوْلَادَهْ. وَ كُلَّ شَيّءْ الْاللّٰهْ خَلَقَهْ قَاعِدْ يِتْمَنَّى جَيَّةْ الْيَوْم دَا بِلْحَيْن.

نَعَرْفُوا كَدَرْ لَحَدِّي الْيَوْم الْخَلِيقَةْ كُلَّهَا قَاعِدَةْ تَتْعَبْ بِتَعَبْ مِثِلْ وَجَعْ الطَّلَقَةْ.