Ro 9 的热门经文

分享

Wach'xam tzqui nib'j tzon̈ colchjec, wach'xam caw tzca'c 'ip, man̈ yujoc cha, tzon̈ colchjec. Palta yujto tz'o'ch sc'ojl Dios 'ayn̈ec.

Yujto yaljnac can 'ixtc 'a Moisés: 'Oj wac' in wach'c'ojlal 'a eb' 'aj tzyal in c'ojl tzwac'a, an̈jtona', 'oj 'o'ch pax in c'ojl 'a eb' 'aj tzyaln̈j in c'ojol, xchi Dios.

Palta caw matz tac' calnec 'ixta'. May junc mach tztac' sten sb'a yet' Dios. A junc lum chen, ¿tom tztac' yaln lum 'ixtc 'a jun tz'acm cha: ¿Tas yuj 'ixtc in otej? tom 'oj schic lu'um?

Yuj cha, a eb' tznib'j Dios 'aj tz'o'ch sc'ojol, atn eb' chi 'aj tz'o'ch sc'ojol. Yet' pax eb' tznib'j Dios tzpitb'i, atn eb' chi tzyac' pitb'oc.

Yujto a jun tz'acum, a 'ay yaln yic stz'acn lum 'icha tznib'ej. Wach'xam junn̈j slumal tzc'ana, palta 'ay yaln yic sb'on jun chen caw jay, tzb'on pax junc pim tzyutej.