Matyu 11 的热门经文

分享

“Aal a unu we taiyad an bordn dong unu kom tu mi an mi wi mek unu get fi res.

Jos laka ou di kou tek di wudn yuok pan dem shuolda, a so unu fi tek op di sitn dem we mi tel unu fi du, an tek iin wa mi a tiich, kaa mi wi tek taim wid unu, an mi riili ombl, an unu wi get fi res unu suol.

Kaaz di sitn dem we mi a tel unu fi du, dem iizi an di luod we mi de gi unu — lait.”

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Jiizas ansa dem se, “Go tel Jan wa unu ier an wa unu si: Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Enibadi we av iez — beta lisn gud!