Nnwẹr s'Osenga 32 的热门经文

分享

Masẹ anạng p'Israel ase bẹ́, Mosẹs k'okponga oseng eden k'okpecho, abẹ ata akhạbha Aarọn age k'ngekha aben bẹ́, “Khiri kha, kwu asi akha nạng mạna p'm'atima mạna eden. De n'ode oyoyaanẹ nwọ Mosẹs kw'utim mạna ubina k'Ijip, s'kk'ittia ikhebh-ẹ kha kánsong e.”

Ma wọ, Ọvaar Ubinọkpaabyi obeni Mosẹs bẹ́, “Sạkha, khiri anạng pọ p'atim abina k'Ijip kk'akhibha. Abẹ kk'idwudwukha atima akpa nnạm avạra ntọhna s'nnạng bẹ, abẹ kk'ọkpata-nwa abạra adwukha kw'ode masẹ ọbhaam-nwa. Abẹ kk'ncho atwunga anạng-ẹ, abẹ kk'ẹja abạra afọhna anạng-ẹ, abẹ aben bẹ́, ‘Israẹl o, akkeri ọkha fabạnga ma f'utim bạnga ubina k'Ijip e.’

Masẹ Aarọn ose udik ngwa, usi ijabyi ma ititikha s'ọbhaam-nwa nwọ, owon ẹmạng bẹ́, “Uphyini m'ansi erobha annạng Ọvaar Ubinọkpaabyi-e.” Ma wọ iwu echobh ma, anạng mbọ agim-ugim aphyạbha, ata afọhnọ ẹja ch'nnạnga ikkạmasẹ, abẹ abạra atima nnạnga s'ẹgbạkha akwu. Abẹ abina ma, abẹ ata aninga ẹyạr achi, abạra agwo, bạra abẹ n'abin atạma isaasadik sisi.

Masẹ iwu echobh, Mosẹs oben anạng mbọ bẹ́, “Abạnga kk'ipyibha chididen asia. Okhenka, amma m'nta k'Ọvaar Ubinọkpaabyi, nudusi m'nsi efokhu ch'm'ekpobhu mpyibha sabạnga.”