लूका 17 的热门经文

分享

यीसु उणनै कयौ, “ऊभौ हो अर चालयौ जा, थारै विसवास थनै सावळ करयौ है।”

“जे दिनभर मे वो थारै विरोध सात बार पाप करै अर सातों बार पाछौ आयनै थारै ऊं कैवै की ‘म्हनै पछतावो है’ तो थूं उणनै माफ कर दे।”

तद उण मे ऊं एक ओ देख्यौ की म्हैं सावळ हो गियो हूं, तो वो पाछौ आयौ अर ऊंची आवाज मे परमेसर री सौभा करणै लागौ। अर वो यीसु रै पगां पड़नै उणरौ धन्यवाद करणै लागौ। अर सुणौ, वो एक सामरी हो।

सावचेत रैवौ, जे थारौ भाई गुनाह करै तो उणनै समझा, अर जे वो अपणै कियै माथै पछतावै तो उणनै माफ कर दो।

यीसु उण ऊं पूछयौ, “कांई सगळा दस रा दस कोढ़ ऊं सावळ नीं हो गिया? पछै वे नौ जणा कठै है?

परभु कयौ, “जे थांनै राई रै दाणे रै बराबर भी विसवास होतो, तो थै इण सहतूत रै रूंखड़ै ऊं कैवता, ‘जड़ ऊं उखड़नै समंदर मे लाग जा।’ तो वो थौरी मांन लेतो।

जिकौ कोई आपरौ जीवन बचानै री कोसीस करैला, वो उणनै खो दैला। अर जिकौ आपरौ जीवन खोवैला, वो उणनै बचा दैला।

यीसु आपरै चेलौ ऊं कयौ, “जिण ऊं लोग भटके है, ऐड़ी बातां तो होवैला ही, बल्कि धिकार है उण मिनख नै जिणरै जरियै वे बातां होवै है। जिकौ इण छोटौ मे ऊं किणी एक नै भटकावै, उणरै लियै ओ भलौ होवतो, की चक्‍की रौ पाट उणरै गळे मे लटकायनै उणनै समंदर मे धकेल दियौ जाये।

“ज्यौ नूह रै दिनां मे होयौ हो, व्यौंही मिनख रै बेटे रै दिनां मे भी होवैला। जिण दिन तांई नूह जहाज माथै नीं चढ़यौ, उण दिन तांई लोग खाता-पिता हा, अर उणमे ब्याव रस्मे होती ही। तद जळ प्रलय आयनै उणै सगळौ नास कर दियौ।