သျှင်လုကာ 12 的热门经文

分享

ယင်းနည်းတူ လူ့သားတော်ကလည်း သင်ရို့ ထင်မထားရေအချိန်မာ ပြန်လို့ကြွလာဖို့ဖြစ်ရေတွက်နန့် သင်ရို့ အချိန်တိုင်း အဆင်သင့် ဟိနီကတ်ရမေ” လို့ မိန့်တော်မူလီရေ။

ယေတွက်နန့် သင်ရို့လုပ်သင့်ရေအရာက ဘုရားသျှင်၏သာသနာတော် အတွက်ရာ အာရုံစိုက်ရဖို့ဖြစ်တေ။ ယင်းပိုင်လုပ်ကေ ဘုရားသျှင်က သင်ရို့ လိုအပ်တေအရာတိကို ပီးပါလိမ့်မေ” လို့ မိန့်တော်မူလီရေ။

ယေပြီးကေ ကိုယ်တော်က လူထုပရိတ်သတ်ကို “သင်ရို့ ကိုယ့်ကိုယ်ကို လောဘကြီးမှုအမျိုးမျိုးက သတိထားဗျာလ် ရှောင်ကတ်ပါ။ ဇာတွက်နန့်ဆိုကေ သင်ရို့၏တန်ဖို့ဟိရေဘဝကို သင်ရို့ပိုင်ဆိုင်ရေ ပစ္စည်းဥစ္စာတိထဲမာ ရှာလို့မရရေအတွက်နန့်ဖြစ်တေ” လို့ မိန့်တော်မူပါရေ။

ဇာတွက်နန့်ဆိုကေ သင်ရို့၏စိတ်က သင်ရို့၏ဥစ္စာရတနာဟိရေနီရာမာရာ ရောက်နီတတ်လို့ ဖြစ်ပါရေ” လို့ မိန့်တော်မူလီရေ။

သင်ရို့ထဲမာ ဇာသူက စိတ်ပူပင်နီရေအတွက်နန့် အသက်ကို တစ်နာရီ ပိုလို့ ရှည်စီနိုင်လို့လား။

ယေပြီးကေ ကိုယ်တော်ယေရှုက တပည့်တော်ရို့ကို “ယေတွက်နန့် သင်ရို့ကို ငါ ပြောချင်စွာက၊ သင်ရို့၏ဘဝမာ ဇာကိုစားရဖို့၊ သင့်ခန္ဓာကိုယ်အတွက် ဇာကိုဝတ်ရဖို့ဆိုစွာကို ပူပင်မနီကတ်ပါကေ့။

သင်၏ဂေါင်းထက်က ဆံပင်အရွီအတွက်ကိုတောင် ဘုရားသျှင်က သိတော်မူပါရေ။ ယေတွက်နန့် မကြောင်းကြပါကေ့။ သင်ရို့က ဘုရားသျှင်အတွက် စာသျှေတိထက်ပိုလို့ တန်ဖိုးဟိပါရေ” လို့ မိန့်တော်မူပါရေ။

ကိုယ်တော်က ဆက်ပြီးကေ “သိုးအုပ်စုသျှေ၊ မကြောက်ကတ်ပါကေ့။ ဇာတွက်နန့်ဆိုကေ ရွှီမြို့တော်မာဟိရေ သင်ရို့၏အဖဘုရားသျှင်က သူ့၏သာသနာတော်ကို သင်ရို့အား ဝမ်းပန်းတသာနန့် ပီးဖို့အလိုဟိရေအတွက်နန့် ဖြစ်တေ။

ကျီးကန်းတိကို ကြည့်လိုက်ပါ။ ယင်းငှက်တိက အပင်လည်းမစိုက်၊ အသီးဖနှံတိလည်းရိတ်သိမ်းဖို့မလိုကတ်ပါ။ သူရို့မာ အသီးဖနှံတိကို လှောင်ထားဖို့အခန်းလည်းမဟိ။ ရိုင်တိလည်းမဟိ။ ယေကေလည်း ဘုရားသျှင်က ယင်းငှက်တိကို ကျွေးမွေးတော်မူပါရေ။ သင်ရို့က ယင်းငှက်တိထက် ပိုလို့တန်ဖိုးကြီးပါရေ။

ယေတွက်နန့် သင်ရို့က ဇာကိုစားရဖို့၊ ဇာကိုသောက်ဖို့ ဆိုပြီးကေ အမြဲတန်း မစဉ်းစားကတ်ကေ့။ ယင်းအကြောင်းနန့်ပတ်သတ်ပနာ စိုးရိမ်ကြောင်းကြမနီပါကေ့။

ယုံကြည်မှုနည်းသူတိ၊ ဒေနိန့် ပွင့်နီပနာ အရာတစ်ရက်မာ မီးထဲကိုအပစ်ခံရဖို့ လယ်ကွင်းမာဟိရေ တောရိုင်းပန်းတိကိုတောင် ဘုရားသျှင်က လှပစီကေ သင်ရို့ကို ဘုရားသျှင်က ဇာလောက်တောင် ပိုလို့လှအောင် ဆင်ပီးဖို့လဲ။

ရှာလို့မရအောင် ဝှက်ထားလို့ရရေအရာဆိုစွာ မဟိပါ။ ဝှက်ထားစွာအရာ အားလုံးလည်း နောက်ဆုံးမာ ပေါ်လာဖို့ ဖြစ်တေ။