ရှာန်လုကာ 8 的热门经文

分享

အန်နိမ်စါန်းငှေါဒီ အော်ငှါဘန်း ကာမဲဘင်းနေရာဘေ အက်နာန်ဘင်းသတူအဓိပ္ပာယ်ကား ဘုရားရှာန်ဘင်း နှုတ်ကပါတ်တော်တေဒေ သက်လူစီးမှါခ့်ခါ အန်တာတ်ပင်း ဖြောင့်မတ်သဘင်း အဆေင်နောင်းဘေ မလဲကလဲပဲကြီးဘန်း ဘုရားရှာန်ဘင်းအလိုအတိုင်း နင်းကြီးဘင်းဆိတ်တာတ်တေ ငှေါလားထှာမှာ” ညယ်မိန့်တော်မူသမှာ။

စောဟားကလွုန်ကြားဘေ အက်နာန်ဘင်း သတူအဓိပ္ပာယ်ကား ဘုရားရှာန်ဘင်း နှုတ်ကပါတ်တော်တေဒေ သက်ပူလူဒီဒါး အဆေင်ကားထှာဘင်းတေ၊ ဆွာမ်းဘင်းနာတေယောက် လောကီစည်းစိမ်ခံစားသဘင်းတေကား ကာသပဲဘင်းအတွာတ် ဘုရားရှာန်ဘင်း နှုတ်ကပတ်တော်အတိုင်း အနင်းကြီးရန်ဘင်း သမီဆာတာတ်တေ ငှေါလားထှာမှာ။

လုံးကရှီခံသဘင်းကာစောက်ပေအက်ပင်း သတူအဓိပ္ပာယ်ကား ဘုရားရှာန်ဘင်း နှုတ်ကပါတ်တော်တေဒေ သက်ပူလူမှါခ့်ခါ မွန်းဘန်း လက်ခံသဘင်းဆိတ်တာတ်တေ ငှေါမှာ။ အန်နိမ်စါန်းငှေါဒီ အန်တာတ်ကား တကလပ်အဆပ်ခါဘင်း ကလွုန်တေနိမ် ခဏဆာယုံကြည်သကြီးဘန်း အန်တာတ်ကား ဒုက္ခတေယောက် ကတုံန်ကြီးမှါခ့်ခါ အန်တာတ် ယုံကြည်သပဲဘင်းနာတေဒေ ရပ်သကြီးရာန်ဘင်းဆိတ်တာတ်တေ ငှေါလားထှာမှာ။

စီးမှါခ့်ခါ ကိုယ်တော်ကား တပယ့်‌တော်တာတ်တေ “ဟနိမ်ယုံကြည်သဘင်းနာကား ဟာပေကား” ညယ် စိန်ယူရာန်မှာ။ အန်နိမ်စါန်းငှေါဒီ အန်တာတ်ကား အကြီးကျယ်အံ့ဩသဘန်း စာတ်ပန်းနာ “အဘင်းဆိတ်ကား ဟာဟမဲကား။ လှိုင်းတေယောက် လေတေစဲ ဟိန်အမိန့်တေ သက်ကြီးထှာမှာ” ညယ် အချန်းချန်း ငှေါနင်းကြီးမှာ။

လမ်းစောက်ပေအက်ပင်းသတူအဓိပ္ပာယ်ကား အာနိမ်သမီဆာအမျိုးတေငှေါလား ထှာမှာ။ အန်တာတ်ကား ဘုရားရှာန်ဘင်း နှုတ်ကပါတ်တော်တေဒေ သက်လူဒီဒါး အယုံကြည်သစိန်းကွန်းယောက် ကယ်တာန်သလား အခံသလူစိန်းဒင် မာရ်နတ်ကားထုတ်အီဘန်း အဆေင်နောင်းဟက် ဘုရားရှာန်ဘင်း နှုတ်ကပါတ်တော်တေဒေ လာလာန်ဘဲလား ခံသထှာဘင်း ဆိတ်တာတ်တေ ငှေါလားထှာမှာ။

ဟမာန်တွာတ်ငှေါဘန်းတာတ်ငှေါ သန်လားအကတုံန်ဟာကွန်း ကဆွန်းပဲလားလူဘင်းနာညယ် အဘိုဝါး။ ဟာဟမဲစဲအမိန်းရှာတ်ခါကွန်း ကဆွန်းပဲလားလူဘင်းနာညယ်ရီး အဘိုဝါး။

အီးရှီကား အန်ဘင်းဒေ ကတုံန်မှါခ့်ခါ အအွတ်ပဲရန်ဘန်းနာ စါတ်ကားဆန်သဘန်း ကိုယ်တော်မန်းဘေ တထူထောက်တာန်ဘန်း ဆာန်ဆုန်တေ ထိတာန်ဘင်းယောက် ဟိန်ရောဂါချတ်ချန်း ဟာနိမ်ကယာရာန်ဘင်းတေ သမီဆတာတ်မန်းဘေ ငှေါကာမှာ။ အန်၌မှါခ့်ခါ ကိုယ်တော်ကား အန်ဘင်းအီးရှီဒေ “ဆအိတ်၊ နာန်ယုံကြည်သဘင်းနာကား နာန်ရောဂါဒေ မဲဟာန်းစိန်းလားထှာမှာ။ ငြိမ်းငြိမ်းချမ်းချမ်း လာန်ဟာန်းစိတ်” ညယ် မိန့်သမှာ။

အန်၌မှါခ့်ခါ တပယ့်တော်တာတ်ကား ကိုယ်တော်ပါလာန်ဘန်း ကိုယ်တော်ဒေဆော်ပန်း “အိုးဆကြီး၊ အိုးဆကြီး အလေကား ရှီးထှာကဘန်း” ညယ် လျှောက်တာန်သဘင်းအတွာတ် ကိုယ်တော်ကား ရဲဘန်း ဝဲလှိုင်းတုံန်းတေယောက် မုန်တိုင်းတုံန်းတေ ရပ်သစိန်းဒင် အမိန့်အီရာန်မှါခ့်ခါ ချတ်ချန်း ဝဲလှိုင်းတုံန်းတေယောက် မုန်တိုင်းတုံန်းကား ငြိမ်သအက်လာန်ဘဲမှာ။