ယောဟန် 16 的热门经文

分享

ဖေႏ​နေး​သီ​က​အဝ်ႏ တ​လွောင်ႏ​တ​ဗူႏ​ချင်ႏ တွမ်ႏ​ခွေ​တွော့ꩻ ဖေႏ​က​လꩻ ထာꩻ​ငိမ်ꩻ​ချမ်ꩻ​သာႏ​နဝ်ꩻ ခွေ​ဒေါ့ꩻ​ဖေႏ​ဗာႏ​သီ နုဲင်း​ယို​သွူ။ က​မ္ဘာႏ​လော​က​ကို​နဝ်ꩻ သီ​အီႏ​ခံ​ဗာႏ ထာꩻ​ဒု​က္ခ​သွူ။ ကွဲႏ​တွော့ꩻ အွဉ်ႏ​ရုဲင်း​ရုဲင်း​သွော့ သꩻ​ဟုဲင်း။ ခွေ​နဝ်ꩻ အောင်ႏ​နွောင်ꩻ​လဲဉ်း​သွူ က​မ္ဘာႏ​လော​က” နုဲင်း​နဝ်ꩻ​သွူ။

ကွဲႏ​တွော့ꩻ ဝိ​ညာဉ်ႏ​တောႏ ထွိုင်ႏ​ကျွꩻ​လွဉ်​ချိန်ႏ​နဝ်ꩻ အ​အီႏ​ဖေါႏနယ်​ဖေႏ ဗွေႏ​ဘု​ရာꩻ သ​မ္မာႏ​တ​ရာꩻ ခ​ရာႏ​နဝ်ꩻ​သွူ။ ဝွေꩻ​ဗွေႏ​နဝ်ꩻ အီႏ​အွဉ်​လွေꩻ​သော့ꩻ​သီ သ​မ္မာႏ​တ​ရာꩻ ကား​က​အဝ်ႏ​ကို​နဝ်ꩻ​သွူ။ ဝွေꩻ​ဗွေႏ အီႏ​ဒေါ့ꩻ​အီ​တဝ်း​စွ​ဥ်ႏ ဝွေꩻ​ဗွေႏ အာႏ​ဏာႏ​နဝ်ꩻ​သွူ။ ကွဲႏ​တွော့ꩻ ဝွေꩻ​ဗွေႏ အီႏ​ဒေါ့ꩻ​ဒျာႏ နုဲင်း​ဝွေꩻ​ဗွေႏ က​ဟွိုန်​ဗာႏ​လဲဉ်း​ဖုံႏ​တွော့ꩻ အီႏ​ဒေါ့ꩻ​နယ်​ဒျာႏ​သီ ထာꩻ​က​အီႏ​ထွာ​လွဉ်​ဒါႏ ခ​ရာႏ​ဖုံႏ​နဝ်ꩻ​သွူ။

ဗꩻ​တွိုႏ​စွဉ်ႏ ဟန်ႏ​နီꩻ စွဉ်ႏ​ခွေ​အ​မဉ်ꩻ​တောႏ နာႏ​မ​တွော့ꩻ သီ​ကွီ​တဝ်း​ဆု တ​စွိုး​တ​မျိုꩻ​နဝ်ꩻ​သွူ။ နဝ်ꩻ​မꩻ ဖေႏ​နေး သီ​ထာꩻ​ပျောႏ က​ဗွေ​စွုံႏ​လင်ႏ​နဝ်ꩻ ဆု​တောင်ꩻ​သွော့၊ နဝ်ꩻ​မꩻ သီ​အီႏ​လꩻ​သွူ။

ကွဲႏ​တွော့ꩻ ခွေ​ဒေါ့ꩻ​ဖေႏ​သီ အ​မွေး​အ​မဲဉ်ႏ၊ သီ​တာႏ ခွေ​မဉ်ႏ​လွေꩻ​ညာꩻ​ထိုꩻ​နဝ်ꩻ က​ယိန်း​ဟဝ်​ထဲင်း၊ ပွိုး​တွော့ꩻ ခွေ​မဉ်ႏ​တ​လွေꩻ​တဝ်း​နဝ်ꩻ ကော​စွဲ​ကို​သား အီႏ​တ​လွဉ်​ထေ့​တဝ်း သီ​ထျꩻ​နဝ်ꩻ​သွူ။ ကွဲႏ​တွော့ꩻ ခွေ​မဉ်ႏ လွေꩻ​ညာꩻ​ထိုꩻ​ထွူ ဝွေꩻ​ဗွေႏ​နဝ်ꩻ ခွေ​အီႏ​အွဉ်ႏ​စွꩻ​လွဉ် သီ​ထျꩻ​သွူ။ ဝွေꩻ​ဗွေႏ ထွိုင်ႏ​ကျွꩻ​လွဉ်​ချိန်ႏ​နဝ်ꩻ ဝွေꩻ​သီး က​အဝ်ႏ​မာꩻ​မာႏ​ဒါႏ အ​ပဲစ်​ခ​ရာႏ​စွဉ်ႏ နုဲင်း​ထာꩻ​အ​မဲဉ်ႏ​တ​ရာꩻ ခ​ရာႏ​တွမ်ႏ ဗွေႏ​ဘု​ရာꩻ ထာꩻ​စီႏ​ရင်ႏ​ခ​ရာႏ​နဝ်ꩻ ဝွေꩻ​ဗွေႏ​အီႏ​ခံႏ​ဖေႏ လိုꩻ​က​မ္ဘာႏ လော​က​သား​ဖုံႏ သက်​သေႏ​နဝ်ꩻ​သွူ။

နဝ်ꩻ​မꩻ သီ​နဝ်ꩻ​တဲ့ ယို​ခါ သီ​သꩻ​အဝ်ႏ​ပေႏ​ဗာႏ၊ ကွဲႏ​တွော့ꩻ ခွေ​အီႏ​ထီႏ​ဖျင်​သီ တ​လဲင်ႏ​တဲင် သီ​သꩻ​အီႏ​အဝ်ႏ​ဗွေ​စွဉ်ႏ ထာꩻ​သꩻ​ဟဝ်​သꩻ​ရေꩻ၊ ထာꩻ​သꩻ​ဟဝ်​သꩻ​ရေꩻ အ​စား​နဝ်ꩻ​နဝ်ꩻ အဝ်ႏ​သီ​ထျꩻ ပါꩻ​မုဲင်ꩻ​တ​ဖြာꩻ ထူႏ​ညာꩻ​ထိုꩻ တ​လꩻ​နွောင်ꩻ​တဝ်း​သွူ။ “​အ​နီꩻ​နဝ်ꩻ ထွိုင်ႏ​ဖျော်​လွဉ်​ချိန်ႏ ထာꩻ​ကား​က​အဝ်ႏ ခ​ရာႏ​နဝ်ꩻ သီ​အီႏ​တ​ရီ​ထဲင်း​တဝ်း ခွေ​တ​စွိုး​စွိုး နဝ်ꩻ​သွူ။ ခွေ​ဒေါ့ꩻ​ဖေႏ​သီ အ​မွေး​အ​မဲဉ်ႏ၊ စွဉ်ႏ​ခွေ​အ​မဉ်ꩻ​တောႏ နာႏ​မ​တွော့ꩻ သီ​က​ကွီ​ဒါႏ ဖါ​တောႏ ဆု​အ​မျိုꩻ​မုဲင်ꩻ​တဲ့ ဖါ​တောႏ အီႏ​ဖေႏ​သီ​နဝ်ꩻ​သွူ။

ခွေ​ဒေါ့ꩻ​ဖေႏ​သီ အ​မွေး​အ​မဲဉ်ႏ။ သီ​အီႏ​ငွိုး​ခြောဝ်​တဲင် ငွိုး​ကော့ꩻ​ဗာႏ၊ ကွဲႏ​တွော့ꩻ က​မ္ဘာႏ​လော​က​သား သꩻ​အီႏ​ရေꩻ​နဝ်ꩻ​သွူ။ သီ​သꩻ​အီႏ​ပေႏ​စွဉ်ႏ​တဲ့ သီ​ထာꩻ​သꩻ​ပေႏ​နဝ်ꩻ အီႏ​ထွာ​ခွိုန်ꩻ​ထိုꩻ ထာꩻ​သꩻ​ဟဝ်​သꩻ​ရေꩻ​နဝ်ꩻ​သွူ။